ಪ್ಯಾರಾಲಂಪಿಕ್ಸ್: ರಜತ ಗೆದ್ದ ಪ್ರವೀಣ್ ಕುಮಾರ್; 11ಕ್ಕೇರಿದ ಪದಕಗಳ ಸಂಖ್ಯೆ

ಬ್ರೇಕಿಂಗ್ ನ್ಯೂಸ್

Mangalore news, Student missing: ರೋಶನಿ ನಿಲಯದಲ್ಲಿ ಎಂಎಸ್ಸಿ ಓದುತ್ತಿದ್ದ ವಿದ್ಯಾರ್ಥಿನಿ ನಾಪತ್ತೆ ; ಪರೀಕ್ಷಾ ಹಾಲ್ ನಿಂದ ಹೊರ ತೆರಳಿದವಳು ಮರಳಿಲ್ಲ.. | Mangalore Vasantha Bangera death: ವಸಂತ ಬಂಗೇರ ನಿಧನ ; ಬೆಳ್ತಂಗಡಿಯಲ್ಲಿ ಮಡುಗಟ್ಟಿದ ಶೋಕ, ಚಾರ್ಮಾಡಿಯಿಂದಲೇ ಪಾರ್ಥಿವ ಶರೀರ ಮೆರವಣಿಗೆಯಲ್ಲಿ ತರಲು ಸಿದ್ಧತೆ, ಬೆಳ್ತಂಗಡಿ ಪೇಟೆಯಲ್ಲಿ ಅಂತಿಮ ದರ್ಶನ | Explosion at firecracker: ಕಾರ್ಕಳ ; ಸಿಡಿಮದ್ದು ತಯಾರಿ ಘಟಕದಲ್ಲಿ ಸ್ಫೋಟ, ಮೂವರಿಗೆ ಗಂಭೀರ |

ಪ್ಯಾರಾಲಂಪಿಕ್ಸ್: ರಜತ ಗೆದ್ದ ಪ್ರವೀಣ್ ಕುಮಾರ್; 11ಕ್ಕೇರಿದ ಪದಕಗಳ ಸಂಖ್ಯೆ

03-09-21 11:31 am Mykhel: Srinivas ಕ್ರೀಡೆ

ಟೋಕಿಯೊ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾರತ ಗೆದ್ದ ಪದಕಗಳ ಸಂಖ್ಯೆ 11ಕ್ಕೆ ಏರಿಕೆ ಕಂಡಿದೆ.

ಟೋಕಿಯೋ, ಸೆಪ್ಟೆಂಬರ್ 3: ಟೋಕಿಯೊ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾರತ ಗೆದ್ದ ಪದಕಗಳ ಸಂಖ್ಯೆ 11ಕ್ಕೆ ಏರಿಕೆ ಕಂಡಿದೆ. ಟೋಕಿಯೊ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಶುಕ್ರವಾರ ( ಸೆಪ್ಟೆಂಬರ್‌ 3 ) ಮುಂಜಾನೆ ನಡೆದ ಟಿ64 ಹೈಜಂಪ್ ಸ್ಪರ್ಧೆಯಲ್ಲಿ ಭಾರತದ ಕ್ರೀಡಾಪಟು ಪ್ರವೀಣ್ ಕುಮಾರ್ ಬೆಳ್ಳಿ ಪದಕವನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ವಿಶ್ವದ ಅತ್ಯುತ್ತಮ ಹೈಜಂಪ್ ಕ್ರೀಡಾಪಟುಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದುಕೊಂಡಿರುವ ಪ್ರವೀಣ್ ಕುಮಾರ್ 2.07 ಮೀಟರ್ ಹೈಜಂಪ್ ಮಾಡುವುದರ ಮೂಲಕ ಭಾರತಕ್ಕೆ ಹನ್ನೊಂದನೇ ಪದಕವನ್ನು ಪ್ರಸ್ತುತ ನಡೆಯುತ್ತಿರುವ ಟೋಕಿಯೋ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ತಂದುಕೊಟ್ಟಿದ್ದಾರೆ.

ಸದ್ಯ ಭಾರತಕ್ಕೆ ಪ್ರಸ್ತುತ ನಡೆಯುತ್ತಿರುವ ಟೋಕಿಯೊ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಮತ್ತೊಂದು ಪದಕವನ್ನು ತಂದು ಕೊಟ್ಟಿರುವ 18 ವರ್ಷದ ಕ್ರೀಡಾಪಟು ಪ್ರವೀಣ್ ಕುಮಾರ್ ಅವರಿಗೆ ಸಾಮಾಜಿಕ ಜಾಲತಾಣದ ತುಂಬಾ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ. ಪ್ರಧಾನಿ ಮೋದಿ ಸೇರಿದಂತೆ ಭಾರತದ ಹಲವಾರು ಮಾಜಿ ಕ್ರಿಕೆಟಿಗರು ಕ್ರೀಡಾಪಟುಗಳು ಹಾಗೂ ಸಾಮಾನ್ಯ ಜನರು ಕೂಡ ಪ್ರವೀಣ್ ಕುಮಾರ್ ಸಾಧನೆಗೆ ಟ್ವೀಟ್ ಮಾಡುವ ಮೂಲಕ ಮೆಚ್ಚುಗೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ.