Hassan Alcohol challenge, man dies: ಮದ್ಯ ಸೇವನೆಯ ಸವಾಲು ; ಅರ್ಧ ಗಂಟೆಯಲ್ಲಿ ಹತ್ತು ಪ್ಯಾಕೆಟ್ ಎಂಎಲ್ ಕುಡಿದ ವ್ಯಕ್ತಿ ರಕ್ತ ಕಾರಿ ಸಾವು

ಬ್ರೇಕಿಂಗ್ ನ್ಯೂಸ್

Bommai, Ayanur Manjunath, Mangalore: ಕಾರ್ಮಿಕರ ಜೀವವನ್ನು ಕೀಳಾಗಿ ಕಂಡಿದ್ದ ಬೊಮ್ಮಾಯಿ ಸರ್ಕಾರ, ಅದಕ್ಕಾಗಿ ಬಿಜೆಪಿ ಬಿಟ್ಟು ಬಂದಿದ್ದೆ ; ಆಯನೂರು ಮಂಜುನಾಥ್ | ರಾಹುಲ್ ಗೆ ದೇಶದ ಜನರ ನಾಡಿಮಿಡಿತ ಗೊತ್ತಿದೆ, ಅತ್ಯುತ್ತಮ ಪ್ರಧಾನಿ ಆಗಲಿದ್ದಾರೆ ; ಪ್ರಿಯಾಂಕ ಗಾಂಧಿ | ಪ್ರಜ್ವಲ್‌ ರೇವಣ್ಣ ವಿರುದ್ಧ ಕ್ರಮಕ್ಕೆ ನಮ್ಮ ತಕರಾರಿಲ್ಲ, ರೇವಣ್ಣ ಮೇಲೆ ಕೇಸ್ ಸೃಷ್ಟಿಸಿರೋದು ಸರಿಯಲ್ಲ ; 92ನೇ ಜನ್ಮದಿನದಂದು ಎಚ್.ಡಿ ದೇವೇಗೌಡ ಪ್ರತಿಕ್ರಿಯೆ |

Hassan Alcohol challenge, man dies: ಮದ್ಯ ಸೇವನೆಯ ಸವಾಲು ; ಅರ್ಧ ಗಂಟೆಯಲ್ಲಿ ಹತ್ತು ಪ್ಯಾಕೆಟ್ ಎಂಎಲ್ ಕುಡಿದ ವ್ಯಕ್ತಿ ರಕ್ತ ಕಾರಿ ಸಾವು

20-09-23 11:32 am HK News Desk ಕರ್ನಾಟಕ

ಹೊಳನರಸೀಪುರ ತಾಲೂಕಿನ ಸಿಗರನಹಳ್ಳಿಯಲ್ಲಿ ಮದ್ಯ ಸೇವನೆ ವಿಚಾರದಲ್ಲಿ ನಡೆದ ಸವಾಲಿನ ಪಂದ್ಯದಲ್ಲಿ ತಿಮ್ಮೇಗೌಡ (60) ಎಂಬವರು ಹತ್ತು ಪ್ಯಾಕೆಟ್ ಮದ್ಯ ಸೇವಿಸಿ ಮೃತಪಟ್ಟ ಘಟನೆ ನಡೆದಿದೆ.

ಹಾಸನ, ಸೆ.20: ಹೊಳನರಸೀಪುರ ತಾಲೂಕಿನ ಸಿಗರನಹಳ್ಳಿಯಲ್ಲಿ ಮದ್ಯ ಸೇವನೆ ವಿಚಾರದಲ್ಲಿ ನಡೆದ ಸವಾಲಿನ ಪಂದ್ಯದಲ್ಲಿ ತಿಮ್ಮೇಗೌಡ (60) ಎಂಬವರು ಹತ್ತು ಪ್ಯಾಕೆಟ್ ಮದ್ಯ ಸೇವಿಸಿ ಮೃತಪಟ್ಟ ಘಟನೆ ನಡೆದಿದೆ.

ಸಿಗರನಹಳ್ಳಿ ಗ್ರಾಮದ ಬಸ್‌ ನಿಲ್ದಾಣದಲ್ಲಿ ಕೃಷ್ಣೇಗೌಡ ಎಂಬವರು ನೀಡಿದ ಮದ್ಯವನ್ನು ದೇವರಾಜು, ತಿಮ್ಮೇಗೌಡರ ಜತೆ ಅರ್ಧ ಗಂಟೆಯಲ್ಲಿ 90 ಎಂಎಲ್‌ನ 10 ಪ್ಯಾಕೆಟ್‌ ಮದ್ಯ ಸೇವನೆಗೆ ಚಾಲೆಂಜ್‌ ಮಾಡಿದ್ದ. ತಿಮ್ಮೇಗೌಡ 90 ಎಂಎಲ್‌ನ 10 ಪ್ಯಾಕೆಟ್‌ ಮದ್ಯವನ್ನು ಸೇವಿಸಿದ ಅರ್ಧ ಗಂಟೆ ನಂತರ ರಕ್ತವಾಂತಿ ಮಾಡಿಕೊಂಡು ಪ್ರಜ್ಞೆ ತಪ್ಪಿ ಬಿದ್ದಿದ್ದಾರೆ.

ಸ್ಥಳದಲ್ಲಿ ಕುಸಿದು ಬಿದ್ದ ತಿಮ್ಮೇಗೌಡರನ್ನು ಗ್ರಾಮದ ನಾಲ್ಕಾರು ಮಂದಿ ಎತ್ತಿಕೊಂಡು ಹೋಗಿ ಮನೆಯಲ್ಲಿ ಮಲಗಿಸಿದ್ದರು. ಮನೆಯಲ್ಲಿ ಯಾರೂ ಇಲ್ಲದ ಕಾರಣ ನಿತ್ರಾಣಗೊಂಡಿದ್ದ ತಿಮ್ಮೇಗೌಡ ಮಲಗಿದ್ದಲ್ಲೇ ಮೃತಪಟ್ಟಿದ್ದಾರೆ.

ಘಟನೆ ಸಂಬಂಧ ನಗರ ಪೊಲೀಸ್‌ ಠಾಣೆಯಲ್ಲಿ ಮೃತರ ಪುತ್ರಿ ದೂರು ದಾಖಲಿಸಿದ್ದು, ದೇವರಾಜ ಹಾಗೂ ಕೃಷ್ಣೇಗೌಡರ ವಿರುದ್ಧ ಎಫ್‌ಐಆರ್‌ ದಾಖಲಿಸಲಾಗಿದೆ. ತಿಮ್ಮೇಗೌಡರ ಮೃತದೇಹವನ್ನು ಹಾಸನದ ಹಿಮ್ಸ್‌ ಆಸ್ಪತ್ರೆಗೆ ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.

Hassan Alcohol challenge, man dies after drinking 10 packets of 90 ML.