ಭಾರತಕ್ಕೆ ರಷ್ಯಾ ತೈಲ ಪ್ರವಾಹ ; ಇರಾಕ್, ಸೌದಿ ಅರೇಬಿಯಾಗೆ ತೀವ್ರ ಹಿನ್ನಡೆ ! ಒಂದೇ ತಿಂಗಳಲ್ಲಿ ಮಾರುಕಟ್ಟೆ ಆಕ್ರಮಿಸಿದ ರಷ್ಯಾ!

ಬ್ರೇಕಿಂಗ್ ನ್ಯೂಸ್

Mangalore, DFYI protest, Anupam Agarwal: ಪೊಲೀಸ್ ಕಮಿಷನರ್ ವಿರುದ್ಧ ತಿರುಗಿದ ಆಕ್ರೋಶ ; ಡಿವೈಎಫ್ಐ ರಸ್ತೆ ತಡೆ, ಯುಟಿ ಖಾದರ್ ಗೆ ಧಿಕ್ಕಾರ, 30ಕ್ಕೂ ಹೆಚ್ಚು ಮಂದಿ ಪೊಲೀಸರ ವಶಕ್ಕೆ, ಎಎಸ್ಐಗೆ ಪೆಟ್ಟು ! | ಲಾಕಪ್ ಡೆತ್ ; ನಾಲ್ವರು ಪೊಲೀಸರಿಗೆ ಏಳು ವರ್ಷ ಜೈಲು ಶಿಕ್ಷೆ, ಠಾಣೆಯೊಳಗೆ ಥಳಿಸಿದ್ದರಿಂದ ಸಾವಾಗಿದ್ದಾಗಿ ತನಿಖಾ ವರದಿ ನೀಡಿದ್ದ ಸಿಐಡಿ | VHP, Mangalore, Bangladesh: ಬಾಂಗ್ಲಾದೇಶದಲ್ಲಿ ಹಿಂದೂಗಳ ಮೇಲೆ ದಬ್ಬಾಳಿಕೆ ; ದೇಶಾದ್ಯಂತ ಪ್ರತಿಭಟನೆಗೆ ವಿಶ್ವ ಹಿಂದೂ ಪರಿಷತ್ ಕರೆ, ಜಿಲ್ಲೆ, ತಾಲೂಕು, ಹೋಬಳಿ ಮಟ್ಟದಲ್ಲು ಧರಣಿ |

ಭಾರತಕ್ಕೆ ರಷ್ಯಾ ತೈಲ ಪ್ರವಾಹ ; ಇರಾಕ್, ಸೌದಿ ಅರೇಬಿಯಾಗೆ ತೀವ್ರ ಹಿನ್ನಡೆ ! ಒಂದೇ ತಿಂಗಳಲ್ಲಿ ಮಾರುಕಟ್ಟೆ ಆಕ್ರಮಿಸಿದ ರಷ್ಯಾ!

01-07-22 03:14 pm HK News Desk ದೇಶ - ವಿದೇಶ

ಭಾರತಕ್ಕೆ ರಷ್ಯಾದ ಕಚ್ಚಾ ತೈಲ ಪ್ರವಾಹದ ರೂಪದಲ್ಲಿ ನುಗ್ಗಲಾರಂಭಿಸಿದ್ದು, ಇದರಿಂದ ಇರಾಕ್, ಸೌದಿ ಅರೇಬಿಯಾ ಇನ್ನಿತರ ಸಾಂಪ್ರದಾಯಿಕ ತೈಲ ಪೂರೈಕೆದಾರ ಗಲ್ಫ್ ದೇಶಗಳು ತೀವ್ರ ಹಿನ್ನಡೆ ಅನುಭವಿಸಿವೆ. ಇದು ಜಗತ್ತಿನಲ್ಲೇ ಅತೀ ಹೆಚ್ಚು ತೈಲ ಖರೀದಿಸುತ್ತಿರುವ ಭಾರತದಲ್ಲಿ ಕಚ್ಚಾ ತೈಲದ ಲೆಕ್ಕಾಚಾರಗಳನ್ನೇ ಬುಡಮೇಲಾಗಿಸಿದೆ.

ನವದೆಹಲಿ, ಜುಲೈ 1: ಭಾರತಕ್ಕೆ ರಷ್ಯಾದ ಕಚ್ಚಾ ತೈಲ ಪ್ರವಾಹದ ರೂಪದಲ್ಲಿ ನುಗ್ಗಲಾರಂಭಿಸಿದ್ದು, ಇದರಿಂದ ಇರಾಕ್, ಸೌದಿ ಅರೇಬಿಯಾ ಇನ್ನಿತರ ಸಾಂಪ್ರದಾಯಿಕ ತೈಲ ಪೂರೈಕೆದಾರ ಗಲ್ಫ್ ದೇಶಗಳು ತೀವ್ರ ಹಿನ್ನಡೆ ಅನುಭವಿಸಿವೆ. ಇದು ಜಗತ್ತಿನಲ್ಲೇ ಅತೀ ಹೆಚ್ಚು ತೈಲ ಖರೀದಿಸುತ್ತಿರುವ ಭಾರತದಲ್ಲಿ ಕಚ್ಚಾ ತೈಲದ ಲೆಕ್ಕಾಚಾರಗಳನ್ನೇ ಬುಡಮೇಲಾಗಿಸಿದೆ.

ಬ್ಲೂಮ್‌ಬರ್ಗ್ ಮತ್ತು ಎರಡು ತೈಲ ವಿಶ್ಲೇಷಣಾ ಸಂಸ್ಥೆಗಳು ಸಂಗ್ರಹಿಸಿದ ಟ್ಯಾಂಕರ್ ಟ್ರ್ಯಾಕಿಂಗ್ ಅಂಕಿ-ಅಂಶಗಳ ಪ್ರಕಾರ, ಉಕ್ರೇನ್ ದಾಳಿಯ ಬಳಿಕ ರಷ್ಯಾ ತನ್ನ ಸಾಂಪ್ರದಾಯಿಕ ತೈಲ ಖರೀದಿದಾರರಾಗಿದ್ದ ಯುರೋಪ್ ದೇಶಗಳ ಮಾರುಕಟ್ಟೆಯನ್ನು ಕಳಕೊಂಡಿದೆ. ಆದರೆ ಇದೇ ವೇಳೆ, ವಿಶ್ವದ ಮೂರನೇ ಅತಿದೊಡ್ಡ ತೈಲ ಆಮದುದಾರ ದೇಶ ಭಾರತಕ್ಕೆ ದಿನಕ್ಕೆ 10 ರಿಂದ 12 ಲಕ್ಷ ಬ್ಯಾರೆಲ್‌ ತೈಲವನ್ನು ಪೂರೈಕೆ ಮಾಡಲಾರಂಭಿಸಿದೆ. ಜೂನ್ ತಿಂಗಳಲ್ಲಿ ಈ ಪೂರೈಕೆ ಗರಿಷ್ಠ ಮಟ್ಟಕ್ಕೆ ತಲುಪಿದೆ.

ಭಾರತಕ್ಕೆ ಕಚ್ಚಾ ತೈಲ ಪೂರೈಕೆ ವಿಚಾರದಲ್ಲಿ ಹಿಂದಿನಿಂದಲೂ ಇರಾಕ್, ಸೌದಿ ಅರೇಬಿಯಾ ಪ್ರಾಬಲ್ಯ ಹೊಂದಿತ್ತು. ಮೇ ತಿಂಗಳ ಅಂತ್ಯದಲ್ಲಿ ಕಡಿಮೆ ದರಕ್ಕೆ ರಷ್ಯಾ ಕಚ್ಚಾ ತೈಲ ನೀಡಲಾರಂಭಿಸಿದ್ದು ಸಹಜವಾಗಿಯೇ ಭಾರತದ ಮಾರುಕಟ್ಟೆಯನ್ನು ಆಕ್ರಮಿಸಿಕೊಂಡಿದೆ. ಸದ್ಯಕ್ಕೆ ರಷ್ಯಾ ಇರಾಕ್‌ ಜೊತೆಗೆ ಭಾರೀ ಪೈಪೋಟಿ ನಡೆಸುತ್ತಿದ್ದು, ಸೌದಿ ಅರೇಬಿಯಾಕ್ಕಿಂತ ಹೆಚ್ಚು ತೈಲ ನೀಡುವ ಮೂಲಕ ಮುನ್ನಡೆ ಸಾಧಿಸಿದೆ. ರಷ್ಯಾದ ಪೈಪೋಟಿ ಇರಾಕ್‌ ಪಾಲಿಗೆ ಆತಂಕ ಹುಟ್ಟಿಸಿದ್ದು, ಏಷ್ಯಾದ ಮಾರುಕಟ್ಟೆ ಪಾಲನ್ನು ಉಳಿಸಿಕೊಳ್ಳಲು ರಿಯಾಯಿತಿ ದರದಲ್ಲಿ ನೀಡಬೇಕಾಗಿದೆ.

ಕೆಪ್ಲರ್‌, ವೊರ್ಟೆಕ್ಸಾ ಮತ್ತು ಬ್ಲೂಂಬರ್ಗ್‌ ಅಂಕಿ-ಅಂಶಗಳು ಭಾರತದ ತೈಲ ಮಾರುಕಟ್ಟೆಯಲ್ಲಿ ರಷ್ಯಾ ಪಡೆದಿರುವ ಪಾರಮ್ಯವನ್ನು ಒತ್ತಿಹೇಳುತ್ತಿವೆ. ಕೆಪ್ಲರ್‌ ಪ್ರಕಾರ ಜೂನ್‌ ತಿಂಗಳಲ್ಲಿ ಭಾರತಕ್ಕೆ ದಿನಕ್ಕೆ ಸರಾಸರಿ 12 ಲಕ್ಷ ಬ್ಯಾರೆಲ್‌ಗಳಂತೆ ರಷ್ಯಾ ತೈಲ ಆಗಮಿಸಿದೆ. ಇದು ದೇಶಕ್ಕೆ ಬರುತ್ತಿರುವ ಕಚ್ಚಾ ತೈಲದ ಕಾಲು ಭಾಗ ಎಂಬುದು ಗಮನಾರ್ಹ. ಇದೇ ವೇಳೆ, ಇರಾಕ್‌ನ ದೈನಂದಿನ ಸರಬರಾಜು ಸುಮಾರು 10.1 ಲಕ್ಷ ಬ್ಯಾರೆಲ್‌ಗಳಷ್ಟಿದೆ. ಸೌದಿ ಅರೇಬಿಯಾವು ದಿನಕ್ಕೆ 6.62 ಲಕ್ಷ ಬ್ಯಾರೆಲ್‌ ಕಚ್ಚಾ ತೈಲ ಪೂರೈಕೆ ಮಾಡುತ್ತಿದೆ.

ವೋರ್ಟೆಕ್ಸಾ ಅಂಕಿ-ಅಂಶಗಳ ಪ್ರಕಾರ ಭಾರತಕ್ಕೆ ರಷ್ಯಾ ದಿನಕ್ಕೆ 11.6 ಲಕ್ಷ ಬ್ಯಾರೆಲ್‌ ಕಚ್ಚಾ ತೈಲ ಪೂರೈಸುತ್ತಿದೆ. ಇದೇ ವೇಳೆ ಇರಾಕ್‌ 11.3 ಲಕ್ಷ ಬ್ಯಾರೆಲ್‌ ಪೂರೈಕೆ ಮಾಡುತ್ತಿದ್ದು, ರಷ್ಯಾ ನಂತರದ ಸ್ಥಾನದಲ್ಲಿದೆ. ಬ್ಲೂಮ್‌ಬರ್ಗ್ ಮಾಹಿತಿ ಪ್ರಕಾರ ಈ ತಿಂಗಳು ರಷ್ಯಾದಿಂದ ದಿನಕ್ಕೆ 9.88 ಲಕ್ಷ ಬ್ಯಾರೆಲ್‌ಗಳು ಭಾರತಕ್ಕೆ ಬಂದಿದ್ದರೆ, ಇರಾಕ್‌ನಿಂದ ದಿನಕ್ಕೆ 10.03 ಲಕ್ಷ ತೈಲ ಬ್ಯಾರೆಲ್‌ಗಳು ಆಗಮಿಸಿವೆ. ಡೇಟಾ ಪ್ರಕಾರ, ಭಾರತ ಮತ್ತು ಚೀನಾದ ಮಾರುಕಟ್ಟೆಗಳಿಗೆ ರಷ್ಯಾದ ಪ್ರವೇಶದಿಂದಾಗಿ ಇರಾಕ್ ಮತ್ತು ಸೌದಿ ಅರೇಬಿಯಾ ದೇಶಗಳು ತೀವ್ರ ನಷ್ಟಕ್ಕೆ ಗುರಿಯಾಗಿವೆ.

Amid international sanctions imposed against Russia after its invasion of Ukraine in February, India’s imports from Russia have soared. India’s crude oil imports from Russia surged by 286% while coal imports (certain types) surged by over 345% in the January-April 2022 period. About 7.5% of India’s fuel needs (crude oil, coal, natural gas, etc.,) in April 2022 was sourced from Russia compared to 2% or less in many of the previous years. Russia was India’s sixth largest import partner in the April-May 2022 period. In several of the previous years, it had occupied the 20th position.