ಚೀನಾ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಗೃಹ ಬಂಧನ ವದಂತಿ ; ಹೊಸ ಅಧ್ಯಕ್ಷರು ಬರಲಿದ್ದಾರಂತೆ, ಜಾಲತಾಣದಲ್ಲಿ ಸದ್ದು

ಬ್ರೇಕಿಂಗ್ ನ್ಯೂಸ್

ಸುಂದರವಾಗಿದ್ದಕ್ಕೆ ತಲೆ ಬೋಳಿಸಿ ಮನೆಯಲ್ಲಿ ಕೂಡಿಹಾಕಿ ಹಲ್ಲೆ, ಅಪ್ಪನೊಂದಿಗೂ ಸಹಕರಿಸುವಂತೆ ಪತಿಯ ಕಿರುಕುಳ ; ಫೇಸ್ಬುಕ್ಕಲ್ಲೇ ಡೆತ್ ನೋಟ್ ಬರೆದು ಮಗುವಿನೊಂದಿಗೆ ಆತ್ಮಹತ್ಯೆ ಮಾಡಿಕೊಂಡ ಕೇರಳದ ಗೃಹಿಣಿ ! | Dharmasthala Missing case, Ananya Bhat, Complaint: 2003ರಲ್ಲಿ ಧರ್ಮಸ್ಥಳಕ್ಕೆ ಹೋಗಿದ್ದ ನನ್ನ ಮಗಳು ಕಾಣೆಯಾಗಿದ್ದಳು ; ಎರಡು ದಶಕದ ಬಳಿಕ ಅನನ್ಯಾ ಭಟ್ ತಾಯಿ ಎಸ್ಪಿಗೆ ದೂರು, ಧರ್ಮಸ್ಥಳ ಠಾಣೆಯಲ್ಲಿ ಎಫ್ಐಆರ್ | Udupi Rain, Fishermen Missing: ಉಡುಪಿ ; ಭಾರೀ ಗಾಳಿ-ಮಳೆ, ದೋಣಿ ಮುಳುಗಿ ಮೂವರು ಮೀನುಗಾರರು ನಾಪತ್ತೆ |

ಚೀನಾ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಗೃಹ ಬಂಧನ ವದಂತಿ ; ಹೊಸ ಅಧ್ಯಕ್ಷರು ಬರಲಿದ್ದಾರಂತೆ, ಜಾಲತಾಣದಲ್ಲಿ ಸದ್ದು

24-09-22 06:42 pm HK News Desk ದೇಶ - ವಿದೇಶ

ಚೀನಾ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಅವರನ್ನು ಗೃಹ ಬಂಧನದಲ್ಲಿ ಇರಿಸಲಾಗಿದೆ ಎನ್ನುವ ವದಂತಿ ಹಬ್ಬಿದೆ.

ನವದೆಹಲಿ, ಸೆ.24: ಚೀನಾ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಅವರನ್ನು ಗೃಹ ಬಂಧನದಲ್ಲಿ ಇರಿಸಲಾಗಿದೆ ಎನ್ನುವ ವದಂತಿ ಹಬ್ಬಿದೆ. ಚೀನಾದಲ್ಲಿ ಕಮ್ಯುನಿಸ್ಟ್ ಪಾರ್ಟಿ ಮತ್ತು ಪೀಪಲ್ಸ್ ಲಿಬರೇಶನ್ ಪಾರ್ಟಿ ಮುಖಂಡರು ಕ್ಸಿ ಜಿನ್ ಪಿಂಗ್ ಬಗ್ಗೆ ಅಸಮಾಧಾನ ಹೊಂದಿದ್ದು ಅವರನ್ನು ಬದಲಾಯಿಸಲಿದ್ದಾರೆ ಎಂಬ ಬಗ್ಗೆಯೂ ಸಾಮಾಜಿಕ ಜಾಲತಾಣದಲ್ಲಿ ವದಂತಿ ಹರಡುತ್ತಿದೆ.

ಆದರೆ ಈ ಬಗ್ಗೆ ಚೀನಾ ಕಮ್ಯುನಿಸ್ಟ್ ಪಾರ್ಟಿಯಿಂದ ಅಥವಾ ಅಲ್ಲಿನ ಮಾಧ್ಯಮಗಳಿಂದ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಈ ಬಗ್ಗೆ ಬಿಜೆಪಿ ಮುಖಂಡ ಸುಬ್ರಹ್ಮಣ್ಯನ್ ಸ್ವಾಮಿ ಟ್ವೀಟ್ ಮಾಡಿದ್ದು ಕ್ಸಿ ಜಿನ್ ಪಿಂಗ್ ಅವರನ್ನು ಬೀಜಿಂಗ್ ನಲ್ಲಿ ಗೃಹ ಬಂಧನದಲ್ಲಿ ಇರಿಸಲಾಗಿದೆಯೇ ಎಂದು ಪ್ರಶ್ನೆ ಮಾಡಿದ್ದಾರೆ. ಇತ್ತೀಚೆಗೆ ಸಮರಖಂಡ್ ನಲ್ಲಿ ನಡೆದ ಶಾಂಘೈ ಕೋಆಪರೇಶನ್ ಆರ್ಗನೈಸೇಶನ್ ಸಭೆಯ ವೇಳೆ ಅಧ್ಯಕ್ಷರನ್ನು ಸ್ಥಾನದಿಂದ ವಜಾ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ. ಹಾಗಾಗಿ ಅವರನ್ನು ಗೃಹ ಬಂಧನಕ್ಕೆ ಒಳಪಡಿಸಲಾಗಿದೆಯೆಂದು ವದಂತಿ ಹಬ್ಬಿದೆ ಎಂದು ಟ್ವೀಟ್ ನಲ್ಲಿ ಬರೆದುಕೊಂಡಿದ್ದಾರೆ.

ಚೀನಾದ ಕೆಲವು ಪ್ರಜೆಗಳು ಕೂಡ ಇದೇ ರೀತಿಯ ಟ್ವೀಟ್ ಮಾಡಿದ್ದಾರೆ. ಪೀಪಲ್ಸ್ ಲಿಬರೇಶನ್ ಆರ್ಮಿಯವರು ಸೇನೆಯ ನಿಯಂತ್ರಣ ತೆಗೆದುಕೊಂಡಿದ್ದಾರೆ. ಅಲ್ಲದೆ, ಲೀ ಕಿಯಾಮಿಂಗ್ ಹೊಸ ಅಧ್ಯಕ್ಷನಾಗಲಿದ್ದಾರೆ ಎಂಬ ವದಂತಿ ಇರುವುದಾಗಿ ಟ್ವಿಟರ್ ನಲ್ಲಿ ಬರೆದಿದ್ದಾರೆ.

ಯಾಕಾಗಿ ಇಂಥ ವದಂತಿ ಹಬ್ಬಿದೆ ?

ಇತ್ತೀಚೆಗೆ ಚೀನಾದಲ್ಲಿ ಮಾಜಿ ಸಚಿವರಿಬ್ಬರನ್ನು ಗುರುತರ ಆರೋಪದಲ್ಲಿ ಮರಣ ದಂಡನೆಗೆ ಗುರಿಪಡಿಸಲಾಗಿದೆ. ಅಲ್ಲದೆ, ಇತರ ನಾಲ್ಕು ಮಂದಿಯನ್ನು ಜೀವಾವಧಿ ಶಿಕ್ಷೆಗೆ ಒಳಪಡಿಸಲಾಗಿದೆ. ರಾಜಕೀಯ ವಿರೋಧದ ಕಾರಣಕ್ಕೆ ಇಂಥ ಶಿಕ್ಷೆ ನೀಡಲಾಗಿದೆ ಎಂದು ಹೇಳಲಾಗುತ್ತಿದೆ. ಸದ್ಯಕ್ಕೆ ಕಮ್ಯುನಿಸ್ಟ್ ಪಾರ್ಟಿ ಚೀನಾ ದೇಶಾದ್ಯಂತ ಭ್ರಷ್ಟಾಚಾರ ವಿರೋಧಿ ಅಭಿಯಾನ ನಡೆಸುತ್ತಿದ್ದು, ಶಿಕ್ಷೆಗೆ ಗುರಿಯಾದವರು ಕ್ಸಿ ಜಿನ್ ಪಿಂಗ್ ವಿರೋಧಿಗಳಾಗಿದ್ದಾರೆ. ಆರು ಮಂದಿಯ ಪರವಾಗಿದ್ದವರೇ ಈಗ ಕ್ಸಿ ಜಿನ್ ಪಿಂಗ್ ಅವರನ್ನು ಪದಚ್ಯುತ ಮಾಡಲಾಗಿದೆ ಎಂದು ಸುದ್ದಿ ಹಬ್ಬಿಸುತ್ತಿದ್ದಾರೆ ಎನ್ನಲಾಗುತ್ತಿದೆ. ಜಿನ್ ಪಿಂಗ್ ವಿರೋಧಿಗಳು ವದಂತಿ ಹಬ್ಬಿಸುತ್ತಿದ್ದಾರಂತೆ.

ಉಜ್ಬೆಕಿಸ್ತಾನದ ಸಮರಖಂಡ್ ನಲ್ಲಿ ಇತ್ತೀಚೆಗೆ ನಡೆದ ಎಸ್ ಸಿಓ ಸಮಾವೇಶದಲ್ಲಿ ಚೀನಾ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್, ಭಾರತದ ಪ್ರಧಾನಿ ಮೋದಿ, ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್ ಸೇರಿದಂತೆ ಹಲವು ಏಷ್ಯನ್ ರಾಷ್ಟ್ರಗಳ ನಾಯಕರು ಪಾಲ್ಗೊಂಡಿದ್ದರು. ಈ ಒಕ್ಕೂಟದ ಮುಂದಿನ ಸಭೆ ಭಾರತದಲ್ಲಿ ಆಯೋಜನೆಗೊಳ್ಳಲಿದೆ.

As India fights the Chinese on the northern borders, speculation about Chinese President Xi Jinping being put under house arrest has taken over the social media. According to several posts on the Internet, Jinping, who was recently in Samarkand for the Shanghai Cooperation Organisation, or SCO, summit, was removed as the chief of China’s People’s Liberation Army, or the PLA.