ಸುಶಾಂತ್ ಫ್ಲ್ಯಾಟ್ ಇಎಂಐ ಪಾವತಿಸಿಲ್ಲ: ಸ್ಟೇಟಮೆಂಟ್ ಫೋಟೋ ಹಂಚಿಕೊಂಡ ನಟಿ ಅಂಕಿತಾ

ಬ್ರೇಕಿಂಗ್ ನ್ಯೂಸ್

Mangalore accident in Bantwal: ಮಂಚಿ ಬಳಿ ಹಿಟ್ ಅಂಡ್ ರನ್ ; ಪುತ್ತೂರಿನ ನಿವೃತ್ತ ಸೈನಿಕ ಸಾವು, ಪಾಣೆರ್ ಬಳಿ ಆಟೋ ಪಲ್ಟಿಯಾಗಿ ಪ್ರಯಾಣಿಕ ದುರ್ಮರಣ | ಕುಡಿದ ಮತ್ತಿನಲ್ಲಿ ಪೋರ್ಶೆ ಕಾರು ಓಡಿಸಿದ್ದ ಸಿರಿವಂತನ ಅಪ್ರಾಪ್ತ ಮಗ ; ಇಬ್ಬರು ಟೆಕ್ಕಿಗಳ ಪ್ರಾಣ ಕಸಿದ ಆರೋಪಿಗೆ ನ್ಯಾಯಾಧೀಶರ ಔದಾರ್ಯ, 15 ದಿನ ಟ್ರಾಫಿಕ್ ಕೆಲಸ, ಅಪಘಾತ ಬಗ್ಗೆ ಪ್ರಬಂಧ ! ಸಿರಿವಂತರ ಶೋಕಿತನಕ್ಕೆ ಎಡಿಜಿಪಿ ಅಲೋಕ್ ಟೀಕೆ | H D Kumaraswamy, congress phone tapping, Prajwal: ಪ್ರಜ್ವಲ್ ರೇವಣ್ಣ ಘನಕಾರ್ಯಕ್ಕೆ ಕೈ ಮುಗಿದ ಕುಮಾರಸ್ವಾಮಿ ; ಎಲ್ಲಿದ್ರೂ 48 ಗಂಟೆಯಲ್ಲಿ ವಾಪಾಸ್ ಬಾ, ಇನ್ನು ಎಷ್ಟು ದಿನ ಈ ಕಳ್ಳ ಪೊಲೀಸ್ ಆಟ? ಕಾಂಗ್ರೆಸ್ ನಿಂದ ನಮ್ಗೆ ಫೋನ್ ಟ್ಯಾಪ್ ಕಾಟ |

ಸುಶಾಂತ್ ಫ್ಲ್ಯಾಟ್ ಇಎಂಐ ಪಾವತಿಸಿಲ್ಲ: ಸ್ಟೇಟಮೆಂಟ್ ಫೋಟೋ ಹಂಚಿಕೊಂಡ ನಟಿ ಅಂಕಿತಾ

15-08-20 06:13 pm Headline Karnataka News Network ದೇಶ - ವಿದೇಶ

ನಟ ಸುಶಾಂತ್ ಸಿಂಗ್ ರಜಪೂತ್ ನಾನು ಖರೀದಿಸಿದ ಫ್ಲ್ಯಾಟ್ ಇಎಂಐ ಪಾವತಿಸಿಲ್ಲ ಎಂದು ನಟಿ ಅಂಕಿತಾ ಲೋಖಂಡೆ ಹೇಳಿದ್ದು, ಬ್ಯಾಂಕ್ ಸ್ಟೇಟಮೆಂಟ್ ಫೋಟೋಗಳನ್ನು ಇನ್‍ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಮುಂಬೈ, ಆಗಸ್ಟ್‌ 15: ನಟ ಸುಶಾಂತ್ ಸಿಂಗ್ ರಜಪೂತ್ ನಾನು ಖರೀದಿಸಿದ ಫ್ಲ್ಯಾಟ್ ಇಎಂಐ ಪಾವತಿಸಿಲ್ಲ ಎಂದು ನಟಿ ಅಂಕಿತಾ ಲೋಖಂಡೆ ಹೇಳಿದ್ದು, ಬ್ಯಾಂಕ್ ಸ್ಟೇಟಮೆಂಟ್ ಫೋಟೋಗಳನ್ನು ಇನ್‍ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಸದ್ಯ ಅಂಕಿತಾ ವಾಸವಾಗಿರುವ ಫ್ಲ್ಯಾಟ್ ಇಎಂಐ ಸುಶಾಂತ್ ಖಾತೆಯಿಂದ ಪಾವತಿ ಆಗಿದೆ ಎಂದು ಸುದ್ದಿಗಳು ಬಿತ್ತರವಾದ ಹಿನ್ನೆಲೆಯಲ್ಲಿ ಅಂಕಿತಾ ತಮ್ಮ ಬ್ಯಾಂಕ್ ವ್ಯವಹಾರ ಹಾಗೂ ಫ್ಲ್ಯಾಟ್ ಖರೀದಿಯ ದಾಖಲೆಗಳನ್ನು ಬಿಡುಗಡೆ ಮಾಡಿದ್ದಾರೆ.

ನಾನು ಎಲ್ಲ ಗೊಂದಲಗಳಿಗೆ ತೆರೆ ಎಳೆಯಲು ಮತ್ತು ಪಾರದರ್ಶಕವಾಗಿರಲು ಇಚ್ಛಿಸುತ್ತೇನೆ. ನಾನು ವಾಸವಾಗಿರುವ ಫ್ಲ್ಯಾಟ್ ಇಎಂಐ ನನ್ನ ಬ್ಯಾಂಕ್ ಖಾತೆಯಿಂದಲೇ (01/01/2019 ರಿಂದ 01/03/2020) ಪಾವತಿಸಿದ್ದೇನೆ. ಸುಶಾಂತ್ ಸಾವಿಗೆ ನ್ಯಾಯ ಸಿಗಲಿ ಎಂಬದಕ್ಕೆ ನನ್ನ ಧ್ವನಿ ಎತ್ತಿದ್ದೇನೆ ಎಂದು ಅಂಕಿತಾ ಇನ್‍ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.

ಸುಶಾಂತ್ ಖಾತೆಯಿಂದಲೇ ಅಂಕಿತಾ ವಾಸವಾಗಿರುವ ಫ್ಲ್ಯಾಟ್ ಇಎಂಐ ಕಡಿತಗೊಂಡಿದೆ. ಆ ಫ್ಲ್ಯಾಟ್ ಸುಶಾಂತ್ ಹೆಸರಿನಲ್ಲಿ ರಿಜಿಸ್ಟರ್ ಆಗಿದೆ ಎಂದು ಸುದ್ದಿಸಂಸ್ಥೆ ವರದಿ ಮಾಡಿತ್ತು. ಸುಶಾಂತ್ ಜೊತೆ ಮೊದಲು ಕೆಲಸ ಮಾಡಿದ್ದ ರಜತ್ ಮೇವಾಟಿ, ಪಂಕಜ್ ದುಬೆ ಮತ್ತು ದೀಪೇಶ್ ಸಾವಂತ್ ಮೂವರನ್ನು ಇಡಿ ವಿಚಾರಣೆ ನಡೆಸಿದೆ. ಮುಂದಿನ ವಾರ ಸುಶಾಂತ್ ಕುಟುಂಸ್ಥರನ್ನ ಇಡಿ ವಿಚಾರಣೆ ನಡೆಸಲಿದೆ. ಈಗಾಗಲೇ ಸುಶಾಂತ್ ಗೆಳತಿ, ನಟಿ ರಿಯಾ ಚಕ್ರವರ್ತಿಯನ್ನು ಎರಡು ಬಾರಿ ಇಡಿ ವಿಚಾರಣೆ ನಡೆಸಿದೆ.