‘ಕೆಂಡಸಂಪಿಗೆ’ ಮೂಲಕ ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಸಂಚಲನ ಹುಟ್ಟು ಹಾಕಿದ ಬೆಡಗಿ ಮಾನ್ವಿತಾ ಹರೀಶ್ (ಮಾನ್ವಿತಾ ಕಾಮತ್). ‘ಕನಕ’, ‘ಟಗರು’, ‘ರಿಲ್ಯಾಕ್ಸ್ ಸತ್ಯ’, ‘ಶಿವ 143’ ಮುಂತಾದ ಸಿನಿಮಾಗಳಲ್ಲಿ ಮಿಂಚಿದ್ದ ಮಾನ್ವಿತಾ ಕಾಮತ್ ಕಳೆದ ಕೆಲವು ದಿನಗಳಿಂದ ಸಂಕಷ್ಟಕ್ಕೆ ಸಿಲುಕಿದ್ದರು. ಮಾನ್ವಿತಾ ಕಾಮತ್ ಅವರ ತಾಯಿ ಅನಾರೋಗ್ಯಕ್ಕೀಡಾಗಿದ್ದರು. ಮಾನ್ವಿತಾ ಕಾಮತ್ ಅವರ ತಾಯಿ ಸುಜಾತಾ ಕಾಮತ್ ಅವರಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸುವುದು ಅವಶ್ಯಕವಾಗಿತ್ತು.

ಇನ್ಶುರೆನ್ಸ್ ವಿಷಯವಾಗಿ ಸಂಕಷ್ಟಕ್ಕೆ ಸಿಲುಕಿದ್ದ ಮಾನ್ವಿತಾ ಕಾಮತ್ ಅವರಿಗೆ ಕನ್ನಡ ನಟ ಪ್ರೇಮ್, ನಿರ್ಮಾಪಕ ಕೆ.ಪಿ.ಶ್ರೀಕಾಂತ್ ಸಹಾಯ ಹಸ್ತ ಚಾಚಿದ್ದರು. ಮಾನ್ವಿತಾ ಕಾಮತ್ ಅವರ ತಾಯಿಗೆ ಬಾಲಿವುಡ್ ನಟ ಸೋನು ಸೂದ್ ಕೂಡ ಸಹಾಯ ಮಾಡಿದ್ದಾರೆ. ಈ ಬಗ್ಗೆ ಮಾನ್ವಿತಾ ಕಾಮತ್ ಟ್ವೀಟ್ ಮಾಡಿದ್ದಾರೆ.

ಮಾನ್ವಿತಾ ಕಾಮತ್ ಮಾಡಿರುವ ಸರಣಿ ಟ್ವೀಟ್‌ಗಳು
‘’ಇನ್ಶುರೆನ್ಸ್ ವಿಚಾರವಾಗಿ ನನಗೆ ಸಹಾಯ ಮಾಡಿದ ನಟ ಸ್ಟೈಲಿಶ್ ಸ್ಟಾರ್ ಪ್ರೇಮ್ ಅವರಿಗೆ ನನ್ನ ಧನ್ಯವಾದಗಳು. ಇದು ನನ್ನ ಕಠಿಣ ಹೋರಾಟ. ಆದರೆ, ಪ್ರೇಮ್ ಅವರು ನನಗಾಗಿ ಈ ಸಹಾಯ ಮಾಡುತ್ತಾರೆ ಎಂದು ನಾನು ನಿರೀಕ್ಷಿಸಿರಲಿಲ್ಲ. ಧನ್ಯವಾದಗಳು ಸರ್’’ ಎಂದು ಮಾನ್ವಿತಾ ಕಾಮತ್ ಟ್ವೀಟ್ ಮಾಡಿದ್ದಾರೆ.

I really can’t enough thank @StylishstarPrem sir for helping me out sorting the whole insurance thing that’s taking a toll in my life. Fighting hard!! But, never expected that he would go all way out to be there for me. Thank you sir 🙏🙏

— Manvita Kamath (@manvitakamath) August 20, 2022

‘’ದೇವರ ದಯೆಯಿಂದ 12 ದಿನಗಳ ಸುದೀರ್ಘ ಯುದ್ಧದ ಬಳಿಕ ನನ್ನ ತಾಯಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ನನ್ನ ಜೊತೆ ನಿಂತ ಎಲ್ಲರಿಗೂ ನಾನು ಧನ್ಯವಾದಗಳನ್ನು ಸಲ್ಲಿಸುತ್ತೇನೆ. ಕೆ.ಪಿ.ಶ್ರೀಕಾಂತ್ ಹಾಗೂ ನಾಗಿ ಸರ್ ಅವರಿಗೆ ನನ್ನ ವಂದನೆಗಳು’’

With God’s grace and 12 days of longg battle my mother is finally getting discharged from the hospital! I’ve so many people to thank for standing by me in a situation like this! For now wholeheartedly thanking @kp_sreekanth and Nagi sir for being there. 🙏

— Manvita Kamath (@manvitakamath) August 20, 2022

‘’ಮನುಷ್ಯತ್ವವನ್ನೇ ಮಾರಿಕೊಳ್ಳುತ್ತಿರುವ ಈ ಸಂದರ್ಭದಲ್ಲಿ ಡಾ.ಗುಕುಲ್‌ನಾಥ್ ರಂತಹ ವೈದ್ಯರಿರುವುದು ನಿಜಕ್ಕೂ ಅಚ್ಚರಿ. ಅಪೋಲೋ ಆಸ್ಪತ್ರೆಯಲ್ಲಿ ನನಗೆ ಸಹಾಯ ಮಾಡಿದ ಸೋನು ಸೂದ್ ಸರ್ ಹಾಗೂ ಅಭಿಷೇಕ್ ರಾವ್ ಅವರಿಗೆ ನನ್ನ ಧನ್ಯವಾದಗಳು’’

In a scenario where people sell humanity for survival, I’m glad we have doctors like Dr.Gukulnath. All thanks to @SonuSood sir and @AbyRao007 for helping me out with a lot of things at Apollo hospital. 😇🙏

— Manvita Kamath (@manvitakamath) August 20, 2022

‘’ಈಗಷ್ಟೇ ಸೋನು ಸೂದ್ ಅವರೊಂದಿಗೆ ಮಾತನಾಡಿ, ನನ್ನ ತಾಯಿಗೆ ಸಹಾಯ ಮಾಡಿದ್ದಕ್ಕೆ ಧನ್ಯವಾದಗಳನ್ನು ತಿಳಿಸಿದೆ. ನೀವು ನಿಜಕ್ಕೂ ಹೀರೋ ಸರ್. ಎಲ್ಲದಕ್ಕೂ ನಿಮಗೆ ಧನ್ಯವಾದಗಳು’’

Justttt spoke to @SonuSood sir and thanked him personally for alll that he did for my mother. You are truly a hero,sir. Thank you so much for everything! 🙏🙏

— Manvita Kamath (@manvitakamath) August 24, 2022

‘’ಸಂಕಷ್ಟದ ಸಮಯದಲ್ಲಿ ನನಗೆ ಸಹಾಯ ಮಾಡಿದ ಅಭಿಷೇಕ್ ರಾವ್‌ಗೆ ನನ್ನ ತುಂಬು ಹೃದಯದ ಧನ್ಯವಾದಗಳು. ಸಂಕಷ್ಟದಲ್ಲಿ ಸಮಯದಲ್ಲಿ ನಮ್ಮ ಜೀವನಕ್ಕೆ ಏಂಜೆಲ್ ಆಗಿ ಬಂದವರು ಸೋನು ಸೂದ್ ಸರ್. ನನ್ನ ತಾಯಿ ಇಂದು ಚೆನ್ನಾಗಿದ್ದಾರೆ ಅಂದ್ರೆ ಅದಕ್ಕೆ ಕಾರಣ ಅವರುಗಳೇ..’’ ಎಂದು ನಟಿ ಮಾನ್ವಿತಾ ಕಾಮತ್ ಸರಣಿ ಟ್ವೀಟ್ ಮಾಡಿದ್ದಾರೆ.

My heartfelt gratitude to @AbyRao007 for making my life better with all the help they did during my tough times. @SonuSood sir came into our lives truly like an angel during our crisis. My mother is doing better today only because of them.

— Manvita Kamath (@manvitakamath) August 24, 2022

ರಿಯಲ್ ಹೀರೋ ಸೋನು ಸೂದ್
ತೆರೆಮೇಲೆ ನೆಗೆಟಿವ್ ಪಾತ್ರಗಳನ್ನು ನಿಭಾಯಿಸುವ ಸೋನು ಸೂದ್ ನಿಜ ಜೀವನದಲ್ಲಿ ಅನೇಕರ ಪಾಲಿಗೆ ಹೀರೋ ಆಗಿದ್ದಾರೆ. ಕೋವಿಡ್ ಲಾಕ್‌ಡೌನ್ ಸಮಯದಲ್ಲಿ ವಲಸೆ ಕಾರ್ಮಿಕರ ಸಂಕಷ್ಟಕ್ಕೆ ಸೋನು ಸೂದ್ ಮರುಗಿದ್ದರು. ಆಕ್ಸಿಜನ್ ಇಲ್ಲದೆ, ಆಸ್ಪತ್ರೆಯಲ್ಲಿ ಬೆಡ್‌ ಇಲ್ಲದೆ ಕೋವಿಡ್ ಸೋಂಕಿತರು ನರಳುತ್ತಿದ್ದಾಗ ಅನೇಕರಿಗೆ ಸೋನು ಸೂದ್ ಸಹಾಯ ಹಸ್ತ ಚಾಚಿದ್ದರು.

• Join our WhatsApp group
• Follow us on Facebook 
• Follow us on Twitter

Kannada Actress Manvita Kamath Thanks Sonu Sood For Helping Her Mother.