ರವೀನಾ ಹುಟ್ಟುಹಬ್ಬಕ್ಕೆ ಹೊಸ ಪೋಸ್ಟರ್ ರಿಲೀಸ್ ಮಾಡಿದ ಕೆಜಿಎಫ್-2 ತಂಡ !!

ಬ್ರೇಕಿಂಗ್ ನ್ಯೂಸ್

Banta Brigade, Mangalore, Brijesh Chowta: ಬಂಟ ಬ್ರಿಗೇಡ್ ಹೆಸರಲ್ಲಿ ಸಮುದಾಯಕ್ಕೆ ಅವಹೇಳನ ; ಬಂಟ ಸಮಾಜದ ಪ್ರಮುಖರಿಂದ ಪೊಳಲಿಯಲ್ಲಿ ಪ್ರಾರ್ಥನೆ, ಜಾತಿ ವಿಷ ಬೀಜ ಬಿತ್ತಿದ್ದಕ್ಕೆ ಖಂಡನೆ | CID team, Neha house Hubballi: ಹುಬ್ಬಳ್ಳಿ ನೇಹಾ ಮನೆಗೆ ಎಂಟ್ರಿ ಕೊಟ್ಟ ಸಿಐಡಿ ಟೀಮ್ ; ತಂದೆ - ತಾಯಿಯ ವಿಚಾರಣೆ, ಮನೆಯಲ್ಲಿ ಪರಿಶೀಲನೆ | Vishwa Hindu Parishad, Vhp, Mangalore: ರಾಜ್ಯದಲ್ಲಿ ಹಿಂದುಳಿದ ವರ್ಗಕ್ಕೆ ಮುಸ್ಲಿಮರ ಸೇರ್ಪಡೆ ; ಹಿಂದುಗಳಿಗೆ ಎಚ್ಚರಿಕೆಯ ಕರೆಗಂಟೆ, ಈ ಬಾರಿ ಯೋಚಿಸಿ ಮತ ಚಲಾಯಿಸಿ ; ವಿಶ್ವ ಹಿಂದು ಪರಿಷದ್ ಕರೆ |

ರವೀನಾ ಹುಟ್ಟುಹಬ್ಬಕ್ಕೆ ಹೊಸ ಪೋಸ್ಟರ್ ರಿಲೀಸ್ ಮಾಡಿದ ಕೆಜಿಎಫ್-2 ತಂಡ !!

26-10-20 12:45 pm Headline Karnataka News Network ಸಿನಿಮಾ

ರವೀನಾ ಟಂಡನ್ ಹುಟ್ಟುಹಬ್ಬಕ್ಕೆ ಕೆಜಿಎಫ್ 2 ಚಿತ್ರತಂಡ ಹೊಸ ಪೋಸ್ಟರ್ ರಿಲೀಸ್ ಮಾಡುವ ಮೂಲಕ ನಟಿಗೆ ಬರ್ತ್ ಡೆ ವಿಶ್ ಮಾಡಿದೆ.

ಬೆಂಗಳೂರು, ಅಕ್ಟೋಬರ್ .26 : ಕೆಜಿಎಫ್ 2 ನಲ್ಲಿ ರವೀನಾ ಟಂಡನ್ ನಟಿಸುತ್ತಿರುವುದು ಹಳೆ ವಿಷಯ. ಇಷ್ಟು ದಿನ ರವೀನಾ ಟಂಡನ್ ಪಾತ್ರದ ಬಗ್ಗೆ ಗುಟ್ಟು ಬಿಟ್ಟುಕೊಡದ ಕೆಜಿಎಫ್ 2 ತಂಡ, ಇಂದು ರವೀನಾ ಟಂಡನ್ ಪಾತ್ರದ ಪೋಸ್ಟರ್ ಅನ್ನು ಬಿಡುಗಡೆ ಮಾಡಿದೆ.

ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ರವೀನಾ ಟಂಡನ್ ಗೆ ಕೆಜಿಎಫ್-2 ಚಿತ್ರತಂಡ ಭರ್ಜರಿ ಗಿಫ್ಟ್ ನೀಡಿದೆ. ಕೆಜಿಎಫ್ 2 ಸಿನಿಮಾದಲ್ಲಿ ರಮಿಕಾ ಸೆನ್ ಪಾತ್ರವನ್ನು ರವೀನಾ ಟಂಡನ್ ನಿರ್ವಹಿಸುತ್ತಿದ್ದಾರೆ. ಕೆಜಿಎಫ್ ಮೊದಲ ಭಾಗದ ಅಂತ್ಯದಲ್ಲಿ ಮಹಿಳಾ ರಾಜಕಾರಣಿಯೊಬ್ಬರು ನರಾಚಿಗೆ ಮಿಲಿಟರಿ ನುಗ್ಗಿಸಲು ಆದೇಶ ಸಹಿ ಮಾಡುವ ದೃಶ್ಯವೊಂದಿದೆ. ಆದೇಶಕ್ಕೆ ಸಹಿ ಹಾಕುವ ಮಹಿಳೆ ರವೀನಾ ಟಂಡನ್ ಎಂದು ಸುಲಭವಾಗಿ ಈ ಪೋಸ್ಟರ್ ಮೂಲಕ ಊಹಿಸಬಹುದಾಗಿದೆ.

ರವೀನಾ ಟಂಡನ್ ಕೆಲ ದಿನಗಳ ಹಿಂದೆ ಸಂದರ್ಶವೊಂದರಲ್ಲಿ, ಕೆಜಿಎಫ್ 2 ನ ವಿಲನ್ ಹಾಗೂ ಹೀರೋ ಎರಡೂ ನಾನೇ ಎಂದು ಹೇಳಿರುವ ರವೀನಾ, ರಮಿಕಾ ಸೇನ್ ಪಾತ್ರ ಎರಡು ಭಿನ್ನ ಶೇಡ್‌ಗಳನ್ನು ಹೊಂದಿದೆ ಎಂಬುದು ಖಾತ್ರಿಯಾಗಿದೆ.

ಪೋಸ್ಟರ್ ನಲ್ಲಿ ರವೀನಾ ಪಾರ್ಲಿಮೆಂಟ್‌ನಲ್ಲಿ ಕುಳಿತಿರುವ ಚಿತ್ರವಿದ್ದು ಅತ್ಯಂತ ಗಂಭೀರವಾಗಿ ಕಾಣುತ್ತಿದ್ದಾರೆ. ಪೋಸ್ಟರ್ ಅನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಹಿಂಸಾಚಾರಕ್ಕೆ ಸುತ್ತಿಗೆ ಏಟು ಎಂದು ಬರೆದುಕೊಂಡಿದ್ದಾರೆ.