KGF 2: 'ತಮಿಳಿನಲ್ಲಿ 100 ಕೋಟಿ, ಹಿಂದಿಯಲ್ಲಿ 370 ಕೋಟಿ': ಮುಂದುವರಿದ 'ರಾಕಿ ಭಾಯ್' ಅಬ್ಬರ!

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

KGF 2: 'ತಮಿಳಿನಲ್ಲಿ 100 ಕೋಟಿ, ಹಿಂದಿಯಲ್ಲಿ 370 ಕೋಟಿ': ಮುಂದುವರಿದ 'ರಾಕಿ ಭಾಯ್' ಅಬ್ಬರ!

02-05-22 01:35 pm Source: Vijayakarnataka ಸಿನಿಮಾ

ಗಲ್ಲಾ ಪೆಟ್ಟಿಗೆಯಲ್ಲಿ 'ರಾಕಿಂಗ್ ಸ್ಟಾರ್' ಯಶ್ ಅವರ 'ಕೆಜಿಎಫ್: ಚಾಪ್ಟರ್ 2' ಅಬ್ಬರ ಮುಂದುವರಿದಿದೆ. ದಿನೇ ದಿನೇ ಹೊಸ ದಾಖಲೆಗಳನ್ನು ಬರೆಯುತ್ತ, ಭರ್ಜರಿ ಕಲೆಕ್ಷನ್ ಮಾಡುತ್ತ...

'ರಾಕಿ ಭಾಯ್' ಯಶ್ ಅಭಿನಯದ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ತನ್ನ ದರ್ಬಾರ್ ಅನ್ನು ಮುಂದುವರಿಸಿದೆ. ಈಗಾಗಲೇ ಹಲವು ದಾಖಲೆಗಳನ್ನು ಸೃಷ್ಟಿಸಿರುವ ಈ ಸಿನಿಮಾ ತೆರೆಕಂಡು 18 ದಿನಗಳೇ ಕಳೆದಿವೆ. ಆದರೂ ಕೂಡ ಇದರ ಹವಾ ಮಾತ್ರ ಇನ್ನೂ ಕಮ್ಮಿ ಆಗಿಲ್ಲ. ಆಗುವ ಸಾಧ್ಯತೆಗಳೂ ಇಲ್ಲ! ಈಗಲೂ ಪ್ರತಿದಿನ ವಿಶ್ವಾದ್ಯಂತ 15-20 ಕೋಟಿ ರೂ. ಗಳಿಕೆ ಆಗುತ್ತಲೇ ಇದೆ. ವೀಕೆಂಡ್‌ನಲ್ಲಿ ಈ ಸಂಖ್ಯೆ ಇನ್ನೂ ಜಾಸ್ತಿ ಆಗುತ್ತಿದೆ. ಈ ಮಧ್ಯೆ ಕಾಲಿವುಡ್‌ ಬಾಕ್ಸ್ ಆಫೀಸ್‌ನಲ್ಲಿ ಮತ್ತೊಂದು ದಾಖಲೆ 'ಕೆಜಿಎಎಫ್‌: ಚಾಪ್ಟರ್ 2' ಕಡೆಯಿಂದ ಸೃಷ್ಠಿಯಾಗಿದೆ. ಹೌದು, ತಮಿಳುನಾಡಿನಲ್ಲಿ 100 ಕೋಟಿ ರೂ. ಗಳಿಕೆ ಮಾಡಿದ ಮೊದಲ ಕರ್ನಾಟಕದ ಸಿನಿಮಾ ಎಂಬ ಖ್ಯಾತಿಗೆ 'ಕೆಜಿಎಫ್: ಚಾಪ್ಟರ್ 2' ಪಾತ್ರವಾಗಿದೆ.

ಕಾಲಿವುಡ್‌ನಲ್ಲಿ ಹೊಸ ದಾಖಲೆ
ಸಾಮಾನ್ಯವಾಗಿ ತಮಿಳು ಸಿನಿಮಾಗಳೇ ತಮಿಳುನಾಡಿನಲ್ಲಿ 100 ಕೋಟಿ ರೂ. ಗಳಿಕೆ ಮಾಡಲು ಕಷ್ಟಪಡುತ್ತವೆ. ಅಲ್ಲಿನ ಸ್ಟಾರ್ ಸಿನಿಮಾಗಳು ಬಿಟ್ಟರೆ ಬೇರೆ ಸಿನಿಮಾಗಳಿಗೆ ಈ ದಾಖಲೆ ಮಾಡುವುದು ಕಷ್ಟವಿದೆ. ಆದರೆ ಕನ್ನಡದಿಂದ ತಮಿಳಿಗೆ ಡಬ್ ಆಗಿ, ಅಲ್ಲಿ 'ಬೀಸ್ಟ್'ನಂತಹ ಸ್ಟಾರ್ ನಟರ ಸಿನಿಮಾ ಇದ್ದಾಗಿಯೂ ಕೂಡ 'ಕೆಜಿಎಫ್ 2' ತನ್ನ ಹವಾ ತೋರಿಸಿದೆ. ಹದಿನೇಳು ದಿನಕ್ಕೆ ತಮಿಳುನಾಡು ಬಾಕ್ಸ್ ಆಫೀಸ್‌ನಲ್ಲಿ ಈ ಸಿನಿಮಾ 100 ಕೋಟಿ ರೂ. ಗಳಿಸಿ ಮುಂದೆ ಸಾಗಿದೆ.

KGF Chapter 2 Box Office Collection (Till Now) in India | Worldwide

'ಕೆಜಿಎಫ್: ಚಾಪ್ಟರ್ 2' ಸಿನಿಮಾವು ತಮಿಳುನಾಡು ಬಾಕ್ಸ್ ಆಫೀಸ್‌ನಲ್ಲಿ ಆರಂಭದಿಂದಲೂ ಉತ್ತಮವಾಗಿಯೇ ಗಳಿಕೆ ಮಾಡಿದೆ. ಮೊದಲ ವಾರ 59.84 ಕೋಟಿ ರೂ. ಗಳಿಸಿದರೆ, ಎರಡನೇ ವಾರ 32.65 ಕೋಟಿ ರೂ. ಗಳಿಸಿತ್ತು. ಇದೀಗ ಮೂರನೇ ವಾರಕ್ಕೆ ಒಟ್ಟಾರೆ ಗಳಿಕೆ 100 ಕೋಟಿ ರೂ. ದಾಟಿದೆ. ಕಳೆದ ಏಪ್ರಿಲ್ 30ರಂದು 'ಕೆಜಿಎಫ್ 2' ಸಿನಿಮಾ ಬರೋಬ್ಬರಿ 4.53 ಕೋಟಿ ರೂ. ಗಳಿಸಿದ್ದರೆ, 'ದಳಪತಿ' ವಿಜಯ್ ಅವರ 'ಬೀಸ್ಟ್‌' ಸಿನಿಮಾ ಗಳಿಸಿದ್ದು ಕೇವಲ 12 ಲಕ್ಷ ರೂ.! ವಿಜಯ್ ಅವರಂತಹ ಸ್ಟಾರ್ ನಟ ಇದ್ದರೂ ಕೂಡ 'ಬೀಸ್ಟ್' ತಮಿಳುನಾಡು ಬಾಕ್ಸ್ ಆಫೀಸ್‌ನಲ್ಲಿ ಈವರೆಗೂ ಗಳಿಸಿರುವುದು 64.97 ಕೋಟಿ ರೂ. ಮಾತ್ರ. ಈ ಸಿನಿಮಾ ಶತಕೋಟಿ ಕ್ಲಬ್‌ಗೆ ಸೇರುವ ಸಾಧ್ಯತೆಯೇ ಇಲ್ಲ. ಆದರೆ ಆ ಸಾಧನೆಯನ್ನು ಕರ್ನಾಟಕದ ಕೆಜಿಎಫ್ 2 ಮಾಡಿದೆ.

KGF Chapter 2 box office collection day 2: Yash's film makes history, earns Rs 300 crore

'ದಂಗಲ್' ದಾಖಲೆ ಮುರಿಯಲು ರಾಕಿ ಭಾಯ್ ರೆಡಿ
ಬಾಲಿವುಡ್‌ನಲ್ಲಿ ಅತ್ಯಧಿಕ ಗಳಿಕೆ ಮಾಡಿದ ಸಿನಿಮಾಗಳ ಪಟ್ಟಿಯಲ್ಲಿ ಮೊದಲ ಸ್ಥಾನ 'ಬಾಹುಬಲಿ 2'ಗೆ ಇದೆ. ಈ ಸಿನಿಮಾವು 510.99 ಕೋಟಿ ರೂ. ಗಳಿಸಿದೆ. ನಂತರದ ಸ್ಥಾನ ಆಮಿರ್ ಖಾನ್ ಅವರ 'ದಂಗಲ್‌'ಗೆ ಇದೆ. ಈ ಸಿನಿಮಾವು 387.38 ಕೋಟಿ ರೂ. ಗಳಿಸಿದೆ. ಇದೀಗ ಯಶ್ ಅವರ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾವು 369.58 ಕೋಟಿ ರೂ. ಗಳಿಸಿ ಮುನ್ನುಗ್ಗುತ್ತಿದೆ. ದಂಗಲ್‌ ದಾಖಲೆ ಬ್ರೇಕ್ ಮಾಡಲು ಇನ್ನೂ 17 ಕೋಟಿ ರೂ. ಗಳಿಕೆ ಆಗಬೇಕಿದೆ. ಈಗ ಈದ್ ಹಬ್ಬದ ರಜೆ ಸಿಗುವುದರಿಂದ ಇನ್ನೆರಡು ದಿನಗಳಲ್ಲಿ ದಂಗಲ್‌ ದಾಖಲೆಯನ್ನು ಕೆಜಿಎಫ್ 2 ಬ್ರೇಕ್ ಮಾಡಲಿದೆ.

Yash Sanjay Dutt Raveena Tandon Starrer Kgf Chapter 2 Movie Bollywood And Kollywood Box Office Collection Report.