ಅಧಿಕ ರಕ್ತದ ಒತ್ತಡಕ್ಕೆ ಚಿಯಾ ಬೀಜಗಳು ಬೆಸ್ಟ್ ಮನೆ ಮದ್ದು

ಬ್ರೇಕಿಂಗ್ ನ್ಯೂಸ್

ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ | ನಕಲಿ ಷೇರು ಹೂಡಿಕೆ ಆ್ಯಪ್ ಹೆಸರಲ್ಲಿ ದುಪ್ಪಟ್ಟು ಲಾಭ ತೋರಿಸಿ 85ರ ವೃದ್ಧನಿಗೆ ಆಮಿಷ, 22 ಕೋಟಿ ಹೂಡಿಕೆ ಮಾಡಿಸಿ ವಂಚನೆ ; ಒಂದೇ ತಿಂಗಳಲ್ಲಿ ಎಂಟು ಆರೋಪಿಗಳನ್ನು ಬಂಧಿಸಿದ ಪುಣೆ ಪೊಲೀಸರು |

ಅಧಿಕ ರಕ್ತದ ಒತ್ತಡಕ್ಕೆ ಚಿಯಾ ಬೀಜಗಳು ಬೆಸ್ಟ್ ಮನೆ ಮದ್ದು

27-01-23 09:08 pm Source: Vijayakarnataka ಡಾಕ್ಟರ್ಸ್ ನೋಟ್

ಚಿಯಾ ಬೀಜಗಳು ನಿಮ್ಮ ರಕ್ತದ ಒತ್ತಡದ ನಿಯಂತ್ರಣದಲ್ಲಿ ಕೆಲಸ ಮಾಡುತ್ತವೆ. ಆದರೆ ನಿಮಗೆ ಲೋ ಬಿಪಿ ಇದ್ದರೆ ದಯವಿಟ್ಟು ಇವುಗಳನ್ನು ತಿನ್ನಬೇಡಿ

ರಕ್ತದ ಒತ್ತಡ ಎನ್ನುವುದು ಇಂದು ಮೂರಲ್ಲಿ ಇಬ್ಬರಿಗೆ ಇದ್ದೇ ಇರುತ್ತದೆ ಎಂದು ಅಧ್ಯಯನಗಳು ಹೇಳುತ್ತವೆ. ಹಾಗಾಗಿ ನಾವೆಲ್ಲರೂ ಬಹುತೇಕ ಈ ಸಮಸ್ಯೆಯಿಂದ ಬಳಲುತ್ತಿದ್ದೇವೆ ಅಥವಾ ಮುಂಬರುವ ದಿನಗಳಲ್ಲಿ ರಕ್ತದ ಒತ್ತಡವನ್ನು ಹೊಂದಬಹುದಾದ ಎಲ್ಲಾ ಸಾಧ್ಯತೆ ಇದೆ.

ಏಕೆಂದರೆ ನಮ್ಮ ದಿನನಿತ್ಯದ ಜೀವನ ಶೈಲಿ, ಕೆಲಸದ ಒತ್ತಡ, ತಿನ್ನುವ ಆಹಾರ ಪದಾರ್ಥಗಳು ಎಲ್ಲವೂ ನಮಗೆ ರಕ್ತದ ಒತ್ತಡ ಬರುವಂತೆ ಮಾಡಲು ಸಹಕಾರಿಯಾಗಿವೆ. ಆದರೆ ಅಧಿಕ ರಕ್ತದ ಒತ್ತಡವನ್ನು ನಿಯಂತ್ರಣ ಮಾಡುವಲ್ಲಿ ಚಿಯಾ ಬೀಜಗಳು ನೆರವಾಗುತ್ತವೆ ಎಂದು ಸಂಶೋಧನೆ ಹೇಳುತ್ತದೆ. ಈ ಬಗ್ಗೆ ಇಲ್ಲೊಂದು ವಿಸ್ತೃತ ವರದಿ ಇದೆ. ನೋಡೋಣ ಬನ್ನಿ.....

ಇವುಗಳಿಂದ ರಕ್ತದ ಒತ್ತಡ ನಿವಾರಣೆ

High Blood Pressure (Hypertension): Symptoms and More

ರಕ್ತದ ಒತ್ತಡದಿಂದ ಮುಕ್ತಿ ಪಡೆದುಕೊಳ್ಳಬೇಕು ಎಂದರೆ ನಾವು ತಿನ್ನುವ ಆಹಾರದಲ್ಲಿ ಉಪ್ಪಿನ ಅಂಶ, ಎಣ್ಣೆ ಜಿಡ್ಡಿನ ಅಂಶ ಕಡಿಮೆ ಇರಬೇಕು ಎಂದು ಹೇಳುತ್ತಾರೆ. ಇದರ ಜೊತೆಗೆ ನಾವು ಚಿಯಾ ಬೀಜಗಳನ್ನು ಟ್ರೈ ಮಾಡಬಹುದು. ಏಕೆಂದರೆ ಇವುಗಳಲ್ಲಿ ಹೆಚ್ಚಿದ ರಕ್ತದ ಒತ್ತಡವನ್ನು ಕಡಿಮೆ ಮಾಡುವ ಗುಣಗಳು ಸಾಕಷ್ಟು ಕಂಡುಬರುತ್ತವೆ.
ಇದನ್ನು ಮೆಕ್ಸಿಕೋ ದೇಶದವರು ಬಳಸುತ್ತಿದ್ದ ಟ್ರಿಕ್ ಎಂದು ಹೇಳಲಾಗುತ್ತದೆ. ಏಕೆಂದರೆ ಚಿಯಾ ಬೀಜಗಳ ಮೂಲ ಮೆಕ್ಸಿಕೋ ದೇಶವೇ ಆಗಿದೆ.
ಅನೇಕ ಬಗೆಯ ಆರೋಗ್ಯ ಪ್ರಯೋಜನಗಳನ್ನು ಕೊಡುವ ಚಿಯಾ ಬೀಜಗಳು ತಮ್ಮಲ್ಲಿ ಒಮೇಗಾ 3 ಮತ್ತು ಒಮೇಗಾ 6 ಫ್ಯಾಟಿ ಆಸಿಡ್ ಪ್ರಮಾಣ ಗಳನ್ನು ಹೊಂದಿವೆ.
ಇವುಗಳಲ್ಲಿ ವಿಟಮಿನ್ ಮತ್ತು ಖನಿಜಾಂಶಗಳ ಪ್ರಮಾಣ ಹೆಚ್ಚಾಗಿದ್ದು, ಕ್ಯಾಲ್ಸಿಯಂ, ಪಾಸ್ಫರಸ್ ಮತ್ತು ಜಿಂಕ್ ಕೂಡ ಹೇರಳವಾಗಿ ಕಂಡು ಬರುತ್ತದೆ.

ಅಧ್ಯಯನಗಳು ಹೇಳುವಂತೆ

How Long to Soak Chia Seeds? - Substitute Cooking

ಅಧ್ಯಯನಗಳು ಹೇಳುವಂತೆ ಒಮೇಗಾ 3 ಫ್ಯಾಟಿ ಆಸಿಡ್ ಹೆಚ್ಚಾಗಿ ರುವ ಚಿಯಾ ಬೀಜಗಳು ರಕ್ತದ ಒತ್ತಡವನ್ನು ಕಡಿಮೆ ಮಾಡುವ ಜೊತೆಗೆ ರಕ್ತವನ್ನು ತೆಳ್ಳಗೆ ಮಾಡಬಲ್ಲ ಶಕ್ತಿ ಪಡೆದಿವೆ.
ಇವುಗಳಲ್ಲಿ ಪೌಷ್ಟಿಕಾಂಶಗಳ ಪ್ರಮಾಣ ಹೆಚ್ಚಾಗಿರುವ ಕಾರಣ ಹೃದಯದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಹೇಳುತ್ತಾರೆ. ಪಾರ್ಶ್ವವಾಯು ಕೂಡ ದೂರವಾಗುತ್ತದೆ ಎಂದು ನಂಬಲಾಗಿದೆ.
ನಾರಿನ ಅಂಶ ಅಪಾರ ಪ್ರಮಾಣದಲ್ಲಿ ಕಂಡುಬರುವ ಚಿಯಾ ಬೀಜಗಳಲ್ಲಿ ಮನುಷ್ಯನ ದೇಹದ ಜೀರ್ಣಾಂಗ ವ್ಯವಸ್ಥೆ ಯನ್ನು ಉತ್ತಮಪಡಿಸಿ ರಕ್ತದ ಒತ್ತಡವನ್ನು ಅತ್ಯುತ್ತಮವಾಗಿ ನಿರ್ವಹಣೆ ಮಾಡಬಲ್ಲ ಶಕ್ತಿ ಇದೆ.

ಎಷ್ಟು ಪ್ರಮಾಣದಲ್ಲಿ ಸೇವಿಸಬೇಕು?

Lower Blood Pressure and Longer Life - Life Extension

ಚಿಯಾ ಬೀಜಗಳನ್ನು ನೀವು ನಿಮ್ಮ ಆಹಾರ ಪದ್ಧತಿಯಲ್ಲಿ ಹಲವು ರೀತಿಗಳಲ್ಲಿ ಸೇರಿಸಿಕೊಂಡು ಸೇವಿಸಬಹುದು.
ಉದಾಹರಣೆಗೆ ನಿಮ್ಮ ಉಪಹಾರದ ಸಮಯದಲ್ಲಿ ನೀವು ತಿನ್ನುವ ಆಹಾರದ ಮೇಲೆ ಇವುಗಳನ್ನು ಸಿಂಪಡಿಸಿ ಒಟ್ಟಿಗೆ ತಿನ್ನಬಹುದು. ಇನ್ನೂ ಮೊಸರು, ಓಟ್ ಮೀಲ್, ಸಲಾಡ್ ಡ್ರೆಸ್ಸಿಂಗ್, ಫುಡ್ಡಿಂಗ್, ಸ್ಮೂಥಿ ಇವುಗಳ ಜೊತೆಗೂ ಕೂಡ ಸೇವನೆ ಮಾಡಬಹುದು.
ಡಾ. ಶೀತಲ್ ಹೇಳುವ ಹಾಗೆ ಚಿಯಾ ಬೀಜಗಳನ್ನು ಒಂದು ಟೀ ಚಮಚ ತೆಗೆದುಕೊಂಡು 5 ರಿಂದ 10 ನಿಮಿಷಗಳ ಕಾಲ ನೀರಿ ನಲ್ಲಿ ನೆನೆಹಾಕಿ ಸೇವಿಸುವುದರಿಂದ ರಕ್ತದ ಒತ್ತಡ ಮತ್ತು ರಕ್ತದಲ್ಲಿನ ಸಕ್ಕರೆ ಪ್ರಮಾಣ ನಿಯಂತ್ರಣಕ್ಕೆ ಬರುತ್ತದೆ ಎಂದು ತಿಳಿಯಲಾಗಿದೆ.
ಸುಲಭವಾಗಿ ಇದು ನೀರಿನ ಜೊತೆ ಮಿಕ್ಸ್ ಆಗುವ ಗುಣವನ್ನು ಸಹ ಪಡೆದಿರುವುದರಿಂದ ಮಲಬದ್ಧತೆ ಸಮಸ್ಯೆ ನಿವಾರಣೆ ಯಾಗುತ್ತದೆ.

ಬಿಪಿ ಸಮಸ್ಯೆ ಔಷಧಿಗಳನ್ನು ತೆಗೆದುಕೊಳ್ಳುವವರು

ಅಧಿಕ ರಕ್ತದ ಒತ್ತಡಕ್ಕೆ ಔಷಧಿ ತೆಗೆದುಕೊಳ್ಳುತ್ತಿರುವವರು ಚಿಯಾ ಬೀಜಗಳನ್ನು ನಿಯಮಿತ ಪ್ರಮಾಣದಲ್ಲಿ ಸೇವಿಸಬೇಕು.
ಉದಾಹರಣೆಗೆ ಗರಿಷ್ಠ ಎಂದರೆ 1 ರಿಂದ 2 ಟೀ ಚಮಚ ಚಿಯಾ ಬೀಜ ಗಳನ್ನು ದಿನಕ್ಕೆ ಸೇವಿಸಬಹುದು.
ಪೌಷ್ಟಿಕ ಸತ್ವಗಳ ಆಗರವಾಗಿರುವ ಚಿಯಾ ಬೀಜಗಳು ನಿಮ್ಮ ಆಹಾರ ಪದ್ಧತಿಯಲ್ಲಿ ಆರೋಗ್ಯಕರ ವಾದ ರೀತಿಯಲ್ಲಿ ಸೇರಿಸಿ ಕೊಳ್ಳಬಹುದಾದ ಆಹಾರ ಪದಾರ್ಥ ಎಂದು ಹೇಳಬಹುದು.

ದಯವಿಟ್ಟು ಗಮನಿಸಿ

ಒಂದು ವೇಳೆ ಚಿಯಾ ಬೀಜಗಳನ್ನು ಸೇವನೆ ಮಾಡಿದ ನಂತರದಲ್ಲಿ ನಿಮ್ಮ ಆರೋಗ್ಯದ ಮೇಲೆ ಯಾವುದೇ ರೀತಿಯ ಪ್ರತಿಕೂಲ ಪರಿಣಾಮಗಳು ಉಂಟಾದರೆ ತಕ್ಷಣ ಸೇವನೆಯನ್ನು ನಿಲ್ಲಿಸಿಬಿಡಿ.
ಅಷ್ಟೇ ಅಲ್ಲದೆ ಲೋ ಬಿಪಿ ಇರುವವರು ಕೂಡ ಚಿಯಾ ಬೀಜಗಳನ್ನು ತಿನ್ನಬಾರದು. ಒಮ್ಮೆ ನಿಮ್ಮ ಡಾಕ್ಟರ್ ಕೇಳಿ ಆನಂತರ ಮುಂದುವರೆಯಿರಿ.

Know The Benefits Of Chia Seeds To Control Your High Blood Pressure Naturally.