ಆಗಾಗ ಎಳನೀರು ಕುಡಿಯುತ್ತಾ ಇದ್ದರೆ, ಇಂತಹ ಸಮಸ್ಯೆಗಳಿಂದ ಮುಕ್ತಿ ಸಿಗುತ್ತದೆ

ಬ್ರೇಕಿಂಗ್ ನ್ಯೂಸ್

Sofia Qureshi, BJP leader, FIR: ಸೋಫಿಯಾ ಭಯೋತ್ಪಾದಕರ ಸಹೋದರಿ ; ನಾಲಿಗೆ ಹರಿಬಿಟ್ಟ ಬಿಜೆಪಿ ನಾಯಕ, ಸಚಿವನ ವಿರುದ್ಧ FIR ಗೆ ಹೈಕೋರ್ಟ್ ಸೂಚನೆ, ಖುರೇಷಿ ಮನೆಗೆ ಬಿಗಿ ಪೊಲೀಸ್ ಭದ್ರತೆ | ಕೊಲ್ಕತ್ತಾದಲ್ಲಿ ಕಾರು ಅಡ್ಡಗಟ್ಟಿ 2.66 ಕೋಟಿ ದರೋಡೆ ; ಸಂಚು ರೂಪಿಸಿದ್ದೇ ಪೊಲೀಸ್ ಅಧಿಕಾರಿ, ಎಎಸ್ಐ ಅರೆಸ್ಟ್ | Manjunath Bhandary, Kukke Temple, Mangalore: ಮೇ 16ರಂದು ಸಿದ್ದರಾಮಯ್ಯ ಮಂಗಳೂರಿಗೆ, ನೂತನ ಜಿಲ್ಲಾಧಿಕಾರಿ ಕಚೇರಿ ಉದ್ಘಾಟನೆ, ಫಲಾನುಭವಿಗಳಿಗೆ ಸವಲತ್ತು ವಿತರಣೆ ; ಕುಕ್ಕೆ ಸುಬ್ರಹ್ಮಣ್ಯ ದೇಗುಲಕ್ಕೆ ಮಾಜಿ ರೌಡಿಶೀಟರ್ ನೇಮಕ ಬಗ್ಗೆ ಮಂಜುನಾಥ ಭಂಡಾರಿ ಸಮರ್ಥನೆ |

ಆಗಾಗ ಎಳನೀರು ಕುಡಿಯುತ್ತಾ ಇದ್ದರೆ, ಇಂತಹ ಸಮಸ್ಯೆಗಳಿಂದ ಮುಕ್ತಿ ಸಿಗುತ್ತದೆ

02-02-23 07:33 pm Source: Vijayakarnataka ಡಾಕ್ಟರ್ಸ್ ನೋಟ್

ಕುಡಿಯುವ ಪಾನೀಯಗಳಲ್ಲೆಲ್ಲ ಎಳನೀರು ಅತ್ಯಂತ ಶ್ರೇಷ್ಠ ಮತ್ತು ಆರೋಗ್ಯಕರ ಪಾನೀಯ. ಇದರಿಂದ ಶಕ್ತಿಯು ಸಿಗುತ್ತೆ, ಆರೋಗ್ಯವು ಸಿಗುತ್ತೆ!

ಎಳನೀರು ಸೇವನೆಯಿಂದ ಅನೇಕ ಕಾಯಿಲೆಗಳಿಂದ ಪಾರಾಗಬಹುದು ಎಂಬ ಮಾತಿದೆ. ಮಾತ್ರೆ ಇಂಜೆಕ್ಷನ್ ಬರೆದು ಕೊಡುವ ಡಾಕ್ಟರ್ ಕೂಡ ಇದನ್ನೇ ಹೇಳುತ್ತಾರೆ. ಹಾಗಾಗಿ ಎಳನೀರು ಅಂದಿನಿಂದ ಇಂದಿನವರೆಗೂ ಒಂದು ಆರೋಗ್ಯಕರ ಪಾನೀಯ ಎಂಬ ಹೆಸರು ಪಡೆದು ಕೊಂಡಿದೆ.

ಮಕ್ಕಳಿಂದ ಹಿಡಿದು ವಯಸ್ಸಾದವರವರೆಗೆ ಯಾರು ಬೇಕಾದರೂ ಎಳನೀರು ಸೇವಿಸಬಹುದು. ಇದರ ಆರೋಗ್ಯ ಪ್ರಯೋಜನಗಳ ಕುರಿತಾದ ಒಂದು ಸಂಕ್ಷಿಪ್ತ ನೋಟ ಈ ಲೇಖನದಲ್ಲಿದೆ.

ನಿರ್ಜಲೀಕರಣ ಆಗುವುದಿಲ್ಲ

25 Amazing Benefits of Coconut Water for Your Overall Health

ಎಳನೀರಿನಲ್ಲಿ ಅಪಾರ ಪ್ರಮಾಣದ ನೈಸರ್ಗಿಕ ರೂಪದ ಎಲೆಕ್ಟ್ರೋಲೈಟ್ ಮತ್ತು ಖನಿಜಾಂಶಗಳ ಪ್ರಮಾಣ ಇರಲಿದ್ದು, ಇದು ನಮ್ಮ ದೇಹ ಸೇರಿದರೆ ದೇಹಕ್ಕೆ ಅಗತ್ಯ ವಾಗಿ ಬೇಕಾದ ನೀರಿನ ಅಂಶವನ್ನು ಸಮರ್ಪಕವಾಗಿ ಎಲ್ಲಾ ಸಮಯದಲ್ಲೂ ಕಾಪಾಡಿಕೊಳ್ಳುವಂತೆ ನೋಡಿ ಕೊಳ್ಳುತ್ತದೆ.
ಇದರಿಂದ ನಿರ್ಜಲೀಕರಣ ಆಗುವುದಿಲ್ಲ. ವಿಶೇಷವಾಗಿ ವಾಂತಿ ಭೇದಿ ಆದಂತಹ ಸಂದರ್ಭದಲ್ಲಿ ಎಳನೀರು ಕುಡಿಯುವುದರಿಂದ ದೇಹದಿಂದ ನಷ್ಟವಾದ ಪೌಷ್ಟಿಕ ಸತ್ವಗಳು ಮತ್ತೆ ಸಿಗುತ್ತವೆ.

ಇದೊಂದು ನೈಸರ್ಗಿಕ ಶಕ್ತಿ ವರ್ಧಕ

ವ್ಯಾಯಾಮಕ್ಕೆ ಹೋಗುವವರು ಮತ್ತು ವ್ಯಾಯಾಮ ಮಾಡಿ ಬಂದವರು ಒಂದು ಲೋಟ ಎಳನೀರು ಕುಡಿಯು ವುದರಿಂದ ಹೆಚ್ಚಿನ ಲಾಭವಿದೆ. ಇದು ನಿಮ್ಮ ದೇಹಕ್ಕೆ ತಕ್ಷಣವೇ ಶಕ್ತಿ ಮತ್ತು ಚೈತನ್ಯ ಕೊಟ್ಟು, ದೇಹದ ಆರೋ ಗ್ಯವನ್ನು ಕಾಪಾಡುತ್ತದೆ.
ಸುಸ್ತು ಮತ್ತು ನಿತ್ರಾಣತೆಯನ್ನು ಹೋಗಲಾಡಿಸುತ್ತದೆ. ಇದರಲ್ಲಿ ಕಡಿಮೆ ಕ್ಯಾಲೋರಿಗಳು, ಹೆಚ್ಚಿನ ಖನಿಜಾಂಶ ಗಳು ಇರಲಿದ್ದು, ಒಂದು ಅವಶ್ಯಕವಾದ ಪಾನೀಯವಾಗಿ ಕೆಲಸ ಮಾಡುತ್ತದೆ.

ನಿಮ್ಮ ಹೃದಯಕ್ಕೆ ತುಂಬಾ ಒಳ್ಳೆಯದು

ಒಂದು ಸಂಶೋಧನೆ ಹೇಳುವಂತೆ ಯಾರು ಎಳನೀರನ್ನು ನಿಯಮಿತವಾಗಿ ಕುಡಿಯುತ್ತಾರೆ ಅವರಿಗೆ ಹೃದಯಕ್ಕೆ ಸಂಬಂಧಪಟ್ಟಂತೆ ಯಾವುದೇ ಸಮಸ್ಯೆಗಳು ಬರುವು ದಿಲ್ಲ ಎಂದು ತಿಳಿದುಬಂದಿದೆ.
ಏಕೆಂದರೆ ಎಳನೀರು ತನ್ನಲ್ಲಿ ಪೊಟ್ಯಾಶಿಯಂ ಪ್ರಮಾಣ ವನ್ನು ಹೆಚ್ಚಾಗಿ ಹೊಂದಿದ್ದು, ಇದು ರಕ್ತದ ಒತ್ತಡವನ್ನು ಕಡಿಮೆ ಮಾಡುವುದು ಮಾತ್ರವಲ್ಲದೆ ಹೃದಯಘಾತ ಮತ್ತು ಹೃದಯ ರಕ್ತನಾಳದ ಕಾಯಿಲೆಗಳು ಬರದಂತೆ ತಡೆಯುತ್ತದೆ.

ಕಿಡ್ನಿ ಕಲ್ಲುಗಳಿಂದ ರಕ್ಷಿಸುತ್ತದೆ

What to Know About an Abdominal Pain Differential Diagnosis - GoodRx

ಇದಕ್ಕೆ ಕಾರಣ ಎಳನೀರಿನಲ್ಲಿ ಹೆಚ್ಚಾಗಿ ಕಂಡುಬರುವ ಮೆಗ್ನೀಷಿಯಂ ಮತ್ತು ಪೊಟ್ಯಾಶಿಯಂ ಪ್ರಮಾಣ.
ಇವೆರಡರ ಕಾಂಬಿನೇಷನ್ ನಿಂದ ಎಳನೀರನ್ನು ಮೂತ್ರ ವರ್ಧಕ ಎಂದು ಗುರುತಿಸ ಬಹುದು. ಹೀಗಾಗಿ ಇದುಕಿಡ್ನಿ ಕಲ್ಲುಗಳ ತೊಂದರೆಯಿಂದ ರಕ್ಷಿಸುವುದು ಮಾತ್ರ ವಲ್ಲದೆ ಸಣ್ಣ ಪುಟ್ಟ ಕಿಡ್ನಿ ಕಲ್ಲುಗಳನ್ನು ಮೂತ್ರದ ಮೂಲಕ ಹೊರಹಾಕುತ್ತದೆ.

ಮಹಿಳೆಯರಿಗೆ ಇದು ತುಂಬಾ ಒಳ್ಳೆಯದು

ಎಳನೀರು ಮಹಿಳೆಯರ ಫಲವತ್ತತೆಯನ್ನು ಹೆಚ್ಚಿಸುತ್ತದೆ ಎಂದು ತಿಳಿದು ಬಂದಿದೆ.
ಇದರ ಜೊತೆಗೆ ಬಾಯಾರಿಕೆಯನ್ನು ಹೋಗಲಾಡಿಸಲು ಇದೊಂದು ಅತ್ಯುತ್ತಮ ಪಾನೀಯವಾಗಿದ್ದು, ಗರ್ಭಾವ ಸ್ಥೆಯ ಸಮಯದಲ್ಲಿ ಎದುರಾಗುವ ಅಜೀರ್ಣತೆ, ಎದೆಯುರಿ ಮತ್ತು ಮಲಬದ್ಧತೆ ಸಮಸ್ಯೆಯನ್ನು ಸಹಹೋಗಲಾಡಿಸುತ್ತದೆ.