ಕಲ್ಲಾಪಿನಲ್ಲಿ ಮೂರು ಕಾರುಗಳ ಸರಣಿ ಅಪಘಾತ ; ತಪ್ಪಿಸಿಕೊಂಡ ಇನ್ನೋವಾ, ಇನ್ನೊಂದು ಕಾರಲ್ಲಿದ್ದ ಮಗು ಗಂಭೀರ

ಬ್ರೇಕಿಂಗ್ ನ್ಯೂಸ್

Honnavara Fire: ಹೊನ್ನಾವರದಲ್ಲಿ ಗುಜರಿ ಗೋಡೌನ್‌ಗೆ ತಗುಲಿದ ಬೆಂಕಿ ; ಲಾರಿಸಹಿತ ವಸ್ತುಗಳು ಅಗ್ನಿಗಾಹುತಿ | Forest Fire, Kanakapura, Bangalore: ಒಣಹುಲ್ಲು ಸುಟ್ಟರೆ ಹೊಸ ಚಿಗುರು ಬರುತ್ತದೆ, ತನ್ನ ಮೇಕೆಗಳಿಗೆ ಮೇವು ಸಿಗುತ್ತದೆ ; ವ್ಯಕ್ತಿಯ ದುರಾಲೋಚನೆಗೆ ಹತ್ತು ಎಕರೆ ಅರಣ್ಯ ಭಸ್ಮ ! | ಕುಂಭಮೇಳಕ್ಕೆ ಹೋಗಿರೋದು ತಪ್ಪಾದ್ರೆ ಡಿಕೆಶಿ ಅವರನ್ನು ಸಸ್ಪೆಂಡ್ ಮಾಡಿ, ಹಿಂದು ಸಂಸ್ಕೃತಿಯನ್ನು ಕೀಳಾಗಿ ಕಂಡಿದ್ದರಿಂದಲೇ ಕಾಂಗ್ರೆಸ್ ಉದ್ಧಾರ ಆಗಿಲ್ಲ ; ಜಗದೀಶ್ ಶೆಟ್ಟರ್ |

ಕಲ್ಲಾಪಿನಲ್ಲಿ ಮೂರು ಕಾರುಗಳ ಸರಣಿ ಅಪಘಾತ ; ತಪ್ಪಿಸಿಕೊಂಡ ಇನ್ನೋವಾ, ಇನ್ನೊಂದು ಕಾರಲ್ಲಿದ್ದ ಮಗು ಗಂಭೀರ

12-09-22 10:43 am Mangalore Correspondent ಕರಾವಳಿ

ಮೂರು ಕಾರು ಮತ್ತು ಸ್ಕೂಟರ್ ನಡುವೆ ನಡೆದ ಸರಣಿ ಅಪಘಾತಕ್ಕೊಳಗಾಗಿ ಕಾರಿನಲ್ಲಿದ್ದ ಮಗು ಗಂಭೀರ ಗಾಯಗೊಂಡಿದ್ದು, ಹಲವರು ಗಾಯಗೊಂಡ ಘಟನೆ ನಿನ್ನೆ ರಾತ್ರಿ ರಾ.ಹೆ 66 ರ ಕಲ್ಲಾಪಿನಲ್ಲಿ ನಡೆದಿದೆ.

ಉಳ್ಳಾಲ, ಸೆ.12 : ಮೂರು ಕಾರು ಮತ್ತು ಸ್ಕೂಟರ್ ನಡುವೆ ನಡೆದ ಸರಣಿ ಅಪಘಾತಕ್ಕೊಳಗಾಗಿ ಕಾರಿನಲ್ಲಿದ್ದ ಮಗು ಗಂಭೀರ ಗಾಯಗೊಂಡಿದ್ದು, ಹಲವರು ಗಾಯಗೊಂಡ ಘಟನೆ ನಿನ್ನೆ ರಾತ್ರಿ ರಾ.ಹೆ 66 ರ ಕಲ್ಲಾಪಿನಲ್ಲಿ ನಡೆದಿದೆ.

ರಾತ್ರಿ 10.30 ರ ವೇಳೆ ತೊಕ್ಕೊಟ್ಟಿನಿಂದ ಪಂಪ್ವೆಲ್ ತೆರಳುವ ಏಕಮುಖ ಹೆದ್ದಾರಿಯಲ್ಲಿ ಸರಣಿ ಅಪಘಾತ ನಡೆದಿದೆ. ಮಂಗಳೂರಿಗೆ ಧಾವಿಸುತ್ತಿದ್ದ ಇನ್ನೋವಾ ಕಾರೊಂದು ಹಠಾತ್ತಾಗಿ ಬ್ರೇಕ್ ಹಾಕಿದ ಪರಿಣಾಮ ಹಿಂದಿನಿಂದ ಅತೀ ವೇಗದಲ್ಲಿದ್ದ ಐ-20 ಕಾರು ಯೂಟರ್ನ್ ಹೊಡೆದು ನಿಂತಿದೆ. ಇದೇ ವೇಳೆ ಅದರ ಹಿಂದಿದ್ದ ಮತ್ತೊಂದು ಐ-10 ಕಾರು ಯೂಟರ್ನ್ ಆಗಿ ನಿಂತಿದ್ದ ಐ-20 ಕಾರಿಗೆ ಮುಖಾಮುಖಿ ಡಿಕ್ಕಿ ಹೊಡೆದಿದೆ. ಈ ವೇಳೆ ರಸ್ತೆಯಲ್ಲಿ ಹೋಗುತ್ತಿದ್ದ ಸ್ಕೂಟರ್ ಒಂದಕ್ಕೂ ಕಾರು ಡಿಕ್ಕಿ ಹೊಡೆದಿದೆ.

ಅಪಘಾತಕ್ಕೆ ಕಾರಣವಾದ ಇನ್ನೋವಾ ಕಾರು ಕೂಡಲೇ ಪರಾರಿಯಾಗಿದೆ. ಐ-10 ಕಾರಲ್ಲಿ ಕುಟುಂಬವೊಂದು ಪ್ರಯಾಣಿಸುತ್ತಿದ್ದು ಅಪಘಾತದ ರಭಸಕ್ಕೆ ಕಾರಿನೊಳಗಿದ್ದ ಮಗು ಗಂಭೀರ ಗಾಯಗೊಂಡಿದೆ. ಮಂಗಳೂರು ದಕ್ಷಿಣ ಸಂಚಾರಿ ಠಾಣೆ ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ.

Serial accident between two cars and a two wheeler on thokottu pumpwell road in Mangalore. The baby inside the car is said to be seriously injured after the accident.