ಕಾಂತಾರ ಸಿನಿಮಾ ನೋಡಲು ಬಂದ ಮುಸ್ಲಿಂ ಜೋಡಿಗೆ ಗುಂಪಿನಿಂದ ಹಲ್ಲೆ ; ವಿಡಿಯೋ ವೈರಲ್ ! 

08-12-22 01:56 pm       Mangalore Correspondent   ಕರಾವಳಿ

ಕಾಂತಾರ ಸಿನಿಮಾ ವೀಕ್ಷಿಸಲು ಬಂದ ಮುಸ್ಲಿಂ ಜೋಡಿಗೆ ಮುಸ್ಲಿಮ್ ಸಂಘಟನೆಯ ಸದಸ್ಯರ ಗುಂಪು ಹಲ್ಲೆ ನಡೆಸಿದ ಘಟನೆ ಇಲ್ಲಿನ ಸಂತೋಷ್ ಚಿತ್ರಮಂದಿರದ ಆವರಣದಲ್ಲಿ ನಡೆದಿದೆ. 

ಸುಳ್ಯ, ಡಿ.8 : ಕಾಂತಾರ ಸಿನಿಮಾ ವೀಕ್ಷಿಸಲು ಬಂದ ಮುಸ್ಲಿಂ ಜೋಡಿಗೆ ಮುಸ್ಲಿಮ್ ಸಂಘಟನೆಯ ಸದಸ್ಯರ ಗುಂಪು ಹಲ್ಲೆ ನಡೆಸಿದ ಘಟನೆ ಇಲ್ಲಿನ ಸಂತೋಷ್ ಚಿತ್ರಮಂದಿರದ ಆವರಣದಲ್ಲಿ ನಡೆದಿದೆ. 

ಸುಳ್ಯದ ಸಂತೋಷ್ ಚಿತ್ರ ಮಂದಿರದ ಆವರಣದಲ್ಲಿ ಹಾಡಹಗಲೇ ಘಟನೆ ನಡೆದಿದ್ದು  ಯುವಕರ ಗುಂಪು ಹಲ್ಲೆ ನಡೆಸುವ ದೃಶ್ಯ ಮೊಬೈಲ್ ನಲ್ಲಿ ಸೆರೆಯಾಗಿದೆ. ಮುಸ್ಲಿಂ ಯುವತಿ ಮತ್ತು ಯುವಕ ಕಾಂತಾರ ಸಿನೆಮಾ ನೋಡಿ ಹೊರ ಹೋಗುತ್ತಿದ್ದ ವೇಳೆ, ಮುಸ್ಲಿಂ ಗುಂಪು ತರಾಟೆಗೆ ಎತ್ತಿಕೊಂಡಿದೆ ಎನ್ನಲಾಗಿದೆ. 

ಕಾಂತಾರ ಚಿತ್ರ ನೋಡದಂತೆ ಯುವಕರ ಗುಂಪು ತಾಕೀತು ಮಾಡಿದ್ದಲ್ಲದೆ, ಯುವತಿಯಲ್ಲಿ ನಿನ್ನ ಮನೆಯವರ ನಂಬರ್ ಕೊಡು ಎಂದು ದಬಾಯಿಸಿದ್ದಾರೆ. ಸೇರಿದ್ದ ಯುವಕರು ಅವಾಚ್ಯ ಶಬ್ದಗಳಿಂದ ಯುವಕ ಮತ್ತು ಯುವತಿಯನ್ನು ನಿಂದಿಸುವುದು ವಿಡಿಯೋದಲ್ಲಿ ದಾಖಲಾಗಿದೆ. ಸೇರಿದ್ದ ಗುಂಪು ಯುವಕನಿಗೆ ಹಲ್ಲೆ ನಡೆಸಿದ್ದಾರೆ. ಹಲ್ಲೆ ಪ್ರಕರಣಕ್ಕೆ‌ ಸಂಬಂಧಿಸಿ ಯುವಕರ ಗುಂಪಿನ ವಿರುದ್ಧ ಚಿತ್ರಮಂದಿರದ ಮಾಲಕರು ಸುಳ್ಯ ಪೊಲೀಸರಿಗೆ ದೂರು ನೀಡಿದ್ದಾರೆ.

Muslim couple assaulted by Muslim organization for watching Kantara movie at Sullia Theater in Mangalore. The video of this has gone viral on social media. A complaint has been lodged by the owner of the theater to Sullia Police Station.