ಜ.27ರಿಂದ ನಾಲ್ಕು ತಿಂಗಳು ಮಂಗಳೂರು ವಿಮಾನ ನಿಲ್ದಾಣ ಹಗಲಿನಲ್ಲಿ ಬಂದ್ ! ರನ್ ವೇ ಕಾಮಗಾರಿ ಹಿನ್ನೆಲೆ ತುರ್ತು ನಿರ್ಧಾರ

ಬ್ರೇಕಿಂಗ್ ನ್ಯೂಸ್

Kerala school teacher suicide, catholic Church: ಆರು ವರ್ಷಗಳಿಂದ ಸಂಬಳ ಇಲ್ಲದೆ ಪರದಾಟ ; ಅನುದಾನಿತ ಶಾಲೆಯ ಹುದ್ದೆಗಾಗಿ 13 ಲಕ್ಷ ಕೊಟ್ಟರೂ ಸಿಗದ ನೇಮಕಾತಿ, ಕೆಥೋಲಿಕ್ ಮ್ಯಾನೇಜ್ಮೆಂಟ್ ಸತಾಯಿಸಿದ್ದಕ್ಕೆ ಸಾವಿಗೆ ಶರಣಾದ ಕ್ರಿಸ್ತಿಯನ್ ಶಿಕ್ಷಕಿ | Kasargod News, Crime: ಉಕ್ಕಿನಡ್ಕ ; ಕೆರೆಗೆ ಬಿದ್ದು ತಾಯಿ- ಮಗು ಮೃತ್ಯು, ಬದಿಯಡ್ಕ ಠಾಣೆಯಲ್ಲಿ ಸಂಶಯಾಸ್ಪದ ಕೇಸು | Telangana Model, Pramod Muthalik, CM Siddaramaiah: ತೆಲಂಗಾಣ ಮಾದರಿ ಮುಸ್ಲಿಂ ಸರ್ಕಾರಿ ಉದ್ಯೋಗಿಗಳಿಗೆ ಎರಡು ಗಂಟೆ ಕೆಲಸ ಕಡಿತಕ್ಕೆ ಕೆಪಿಸಿಸಿ ಬೇಡಿಕೆ ; ಸಿದ್ದರಾಮಯ್ಯ ಸರ್ಕಾರಕ್ಕೆ ಮುಸ್ಲಿಂ ನಾಯಕರ ಅಡಕತ್ತರಿ, ರಜೆ ಕೊಡಬೇಡಿ, ಕೊಟ್ಟರೆ ಕಾನೂನಿಗೆ ವಿರುದ್ಧ ಎಂದ ಮುತಾಲಿಕ್ |

ಜ.27ರಿಂದ ನಾಲ್ಕು ತಿಂಗಳು ಮಂಗಳೂರು ವಿಮಾನ ನಿಲ್ದಾಣ ಹಗಲಿನಲ್ಲಿ ಬಂದ್ ! ರನ್ ವೇ ಕಾಮಗಾರಿ ಹಿನ್ನೆಲೆ ತುರ್ತು ನಿರ್ಧಾರ

02-01-23 10:55 pm Mangalore Correspondent ಕರಾವಳಿ

ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ನಾಲ್ಕು ತಿಂಗಳ ಕಾಲ ಹಗಲಿನ ವೇಳೆಯಲ್ಲಿ ಮುಚ್ಚಲು ನಿರ್ಧರಿಸಲಾಗಿದೆ. ರನ್ ವೇಯಲ್ಲಿ ಕಾಂಕ್ರೀಟ್ ಜೊತೆಗೆ ಕಾರ್ಪೆಟ್ ಕಾಮಗಾರಿ ನಿರ್ವಹಿಸಲು ಜನವರಿ 27ರಿಂದ ಮೇ 1ರ ವರೆಗೆ ಬೆಳಗ್ಗೆ 9.30ರಿಂದ ಸಂಜೆ 6 ಗಂಟೆ ವರೆಗೆ ಮುಚ್ಚಲಾಗುವುದು ಎಂದು ಏರ್ಪೋರ್ಟ್ ಅಥಾರಿಟಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಮಂಗಳೂರು, ಜ.2: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ನಾಲ್ಕು ತಿಂಗಳ ಕಾಲ ಹಗಲಿನ ವೇಳೆಯಲ್ಲಿ ಮುಚ್ಚಲು ನಿರ್ಧರಿಸಲಾಗಿದೆ. ರನ್ ವೇಯಲ್ಲಿ ಕಾಂಕ್ರೀಟ್ ಜೊತೆಗೆ ಕಾರ್ಪೆಟ್ ಕಾಮಗಾರಿ ನಿರ್ವಹಿಸಲು ಜನವರಿ 27ರಿಂದ ಮೇ 1ರ ವರೆಗೆ ಬೆಳಗ್ಗೆ 9.30ರಿಂದ ಸಂಜೆ 6 ಗಂಟೆ ವರೆಗೆ ಮುಚ್ಚಲಾಗುವುದು ಎಂದು ಏರ್ಪೋರ್ಟ್ ಅಥಾರಿಟಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಆದರೆ ಯಾವುದೇ ನಿಗದಿತ ವಿಮಾನಗಳ ಸಂಚಾರವನ್ನು ಕಡಿತಗೊಳಿಸಲಾಗುವುದಿಲ್ಲ. ಎಲ್ಲ ವಿಮಾನಗಳ ಆಗಮನ ಮತ್ತು ನಿರ್ಗಮನ ಸಂಜೆಯಿಂದ ರಾತ್ರಿ ಮತ್ತು ಬೆಳಗ್ಗಿನ ಅವಧಿಯಲ್ಲಿ ಮಾತ್ರ ಇರುತ್ತದೆ. ನಾಲ್ಕು ತಿಂಗಳ ಅವಧಿಯಲ್ಲಿ ಭಾನುವಾರ ಮತ್ತು ರಾಷ್ಟ್ರೀಯ ರಜಾ ದಿನಗಳ ಹೊರತುಪಡಿಸಿ ಸೋಮವಾರದಿಂದ ಶನಿವಾರದ ವರೆಗೂ ರನ್ ವೇ ಹಗಲಿನಲ್ಲಿ ಬಂದ್ ಆಗಲಿದೆ. 2006ರಲ್ಲಿ ಮಂಗಳೂರಿನ ವಿಮಾನ ನಿಲ್ದಾಣದಲ್ಲಿ 2450 ಮೀಟರ್ ಉದ್ದ ಮತ್ತು 45 ಮೀಟರ್ ಅಗಲದ ಕಾಂಕ್ರೀಟ್ ರನ್ ವೇ ಮಾಡಲಾಗಿತ್ತು. ಆ ಸಂದರ್ಭದಲ್ಲಿ ಆಧುನಿಕ ರೀತಿಯ ಮತ್ತು ಎರಡು ವೇ ರನ್ ವೇ ಹೊಂದಿದ್ದ ರಾಜ್ಯದ ಏಕೈಕ ನಿಲ್ದಾಣ ಇದಾಗಿತ್ತು. ಇದೀಗ ಅಂತಾರಾಷ್ಟ್ರೀಯ ಸ್ಟಾಂಡರ್ಡ್ ಅನುಗುಣವಾಗಿ ರನ್ ವೇ ರಚಿಸಲು ಕಾಮಗಾರಿ ಕೈಗೆತ್ತಿಕೊಳ್ಳಲಾಗಿದೆ.

ಪ್ರಸಕ್ತ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಾಡಲಾಗುತ್ತಿರುವ ರನ್ ವೇಯಲ್ಲಿ ರಾತ್ರಿ ವೇಳೆ ಮಂಜು ಕವಿದ ವಾತಾವರಣದಲ್ಲಿಯೂ ವಿಮಾನ ಇಳಿಯುವಂತಾಗಲು ವ್ಯವಸ್ಥೆ ಇರಲಿದೆ. ಕಳೆದ ಬಾರಿ ಕೋಜಿಕ್ಕೋಡ್ ನಲ್ಲಿ ವಿಮಾನ ಪತನವಾದ ಬಳಿಕ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಹೊಂದಿರಬೇಕಾದ ಭದ್ರತಾ ವ್ಯವಸ್ಥೆ ಬಗ್ಗೆ ತನಿಖಾ ತಂಡ ನೀಡಿದ್ದ ವರದಿ ಆಧರಿಸಿ ಈ ಬದಲಾವಣೆ ಮಾಡಲಾಗುತ್ತಿದೆ. ಕಾರ್ಪೆಟ್ ಹಾಕುವ ಕಾಮಗಾರಿ ಹಿನ್ನೆಲೆಯಲ್ಲಿ ವಿಮಾನ ಏರ್ಲೈನ್ಸ್ ಕಂಪನಿಗಳ ಜೊತೆಗೆ ಮಂಗಳೂರು ವಿಮಾನ ನಿಲ್ದಾಣದ ಪ್ರಾಧಿಕಾರ ಚರ್ಚೆ ನಡೆಸಿದ್ದು, ನಾಲ್ಕು ತಿಂಗಳ ಅವಧಿಯಲ್ಲಿ ಸಮಯ ಬದಲಾವಣೆಗೆ ಸೂಚಿಸಿದೆ.

Mangaluru: Mangaluru International Airport will carry out major rehabilitation/recarpeting work on its runway 06/24 for a little over four-month period starting from January 27, 2023. The work will take place from 9.30am to 6pm from Monday to Saturday on all days except Sunday and national holidays until May 31, 2023. Airlines will be operating their schedules prior to 9.30am and after 6pm in the above-mentioned period.