ಮಂಗಳೂರಿನ ಆಶ್ನಾ ರೈಗೆ ಎನ್ ಸಿಸಿ ಬೆಸ್ಟ್ ಕ್ಯಾಡೆಟ್ ಗೌರವ, ಪ್ರಧಾನಿ ಮೋದಿಯಿಂದ ಪದಕ

30-01-23 12:40 pm       Mangalore Correspondent   ಕರಾವಳಿ

ನಗರದ ಅಲೋಶಿಯಸ್ ಪಿಯು ಕಾಲೇಜಿನಲ್ಲಿ ಕಲಿಯುತ್ತಿರುವ ಆಶ್ನಾ ರೈ ದೆಹಲಿಯಲ್ಲಿ ನಡೆದ ಎನ್ ಸಿಸಿ ರ್ಯಾಲಿಯಲ್ಲಿ ಪಾಲ್ಗೊಂಡು ರಾಷ್ಟ್ರ ಮಟ್ಟದಲ್ಲಿ ಬೆಸ್ಟ್ ಕ್ಯಾಡೆಟ್ ಎಂಬ ಗೌರವ ಪಡೆದಿದ್ದು, ಪ್ರಧಾನಿ ಮೋದಿ ಅವರಿಂದ ಚಿನ್ನದ ಪದಕ ಸ್ವೀಕರಿಸಿದ್ದಾರೆ.

ಮಂಗಳೂರು, ಜ.30: ನಗರದ ಅಲೋಶಿಯಸ್ ಪಿಯು ಕಾಲೇಜಿನಲ್ಲಿ ಕಲಿಯುತ್ತಿರುವ ಆಶ್ನಾ ರೈ ದೆಹಲಿಯಲ್ಲಿ ನಡೆದ ಎನ್ ಸಿಸಿ ರ್ಯಾಲಿಯಲ್ಲಿ ಪಾಲ್ಗೊಂಡು ರಾಷ್ಟ್ರ ಮಟ್ಟದಲ್ಲಿ ಬೆಸ್ಟ್ ಕ್ಯಾಡೆಟ್ ಎಂಬ ಗೌರವ ಪಡೆದಿದ್ದು, ಪ್ರಧಾನಿ ಮೋದಿ ಅವರಿಂದ ಚಿನ್ನದ ಪದಕ ಸ್ವೀಕರಿಸಿದ್ದಾರೆ.

ಅಲೋಶಿಯಸ್ ಕಾಲೇಜಿನಲ್ಲಿ ಆಶ್ನಾ ರೈ ಎನ್ ಸಿಸಿ ನೇವಿ ವಿಭಾಗದಲ್ಲಿ ಕೆಡೆಟ್ ಆಗಿದ್ದಾರೆ. ಅಲ್ಲದೆ, ದ್ವಿತೀಯ ಪಿಯುಸಿ ವಿದ್ಯಾರ್ಥಿನಿಯಾಗಿದ್ದಾರೆ. ಕೆನರಾ ಪ್ರೌಢ ಶಾಲೆಯಲ್ಲಿ ಕಲಿಯುತ್ತಿದ್ದಾಗಲೇ ಎನ್ ಸಿಸಿ ಬಗ್ಗೆ ಆಸಕ್ತಿಯಿಂದ ಸೇರಿದ್ದರು. ಜ.28ರ ಶನಿವಾರ ದೆಹಲಿಯಲ್ಲಿ ಅಖಿಲ ಭಾರತ ಮಟ್ಟದ ರ್ಯಾಲಿ ನಡೆದಿದ್ದು, ಅದರಲ್ಲಿ ಬೆಸ್ಟ್ ಕ್ಯಾಡೆಟ್ ಎಂಬ ಗೌರವ ಪಡೆದಿದ್ದಾರೆ.

ಜಿಲ್ಲೆ ಮತ್ತು ರಾಜ್ಯ ಮಟ್ಟದಲ್ಲಿ ಪಾಲ್ಗೊಂಡು ಎನ್ ಸಿಸಿ ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗಿದ್ದರು. ವಿಂಗ್ ಕಮಾಂಡರ್ ಚಂದನ್ ಗರ್ಗ್ ಮತ್ತು ಆಲ್ವಿನ್ ಮಿಸ್ಕಿತ್ ಅವರು ಆಶ್ನಾ ರೈಗೆ ತರಬೇತಿ ನೀಡಿದ್ದರು. ಆಶ್ನಾ ನಗರದ ಕದ್ರಿ ಕಂಬಳದ ನಿವಾಸಿಯಾಗಿದ್ದು, ಉದ್ಯಮಿ ರಾಮಣ್ಣ ರೈ ಮತ್ತು ಶಿಕ್ಷಕಿ ಅಕ್ಷತಾ ರೈಯವರ ಪುತ್ರಿ.

Ashna Rai, a cadet of the NCC navy wing of St Aloysius PU College, who participated in the annual NCC rally that was held at New Delhi on Saturday, received All India best cadet award (gold medal) from Prime Minister (PM) Narendra Modi. Ashna Rai is pursuing her second PU. From childhood, she was interested in joining the NCC. When she was studying in eighth standard at Canara CBSE School, she joined the NCC. Later, she continued in the same field.