Mangalore Rain, Compound collapsed, Bikarnakatte vehicles damaged: ಬಿಕರ್ನಕಟ್ಟೆ ; ಬಿರುಗಾಳಿಗೆ ಉರುಳಿ ಬಿದ್ದ ಬೃಹತ್ ಹೋರ್ಡಿಂಗ್ಸ್, ಹತ್ತಕ್ಕೂ ಹೆಚ್ಚು ದ್ವಿಚಕ್ರ ವಾಹನ ಜಖಂ, ತಪ್ಪಿದ ಅನಾಹುತ

05-07-23 03:46 pm Mangalore Correspondent ಕರಾವಳಿ

ನಗರದ ಬಿಕರ್ನಕಟ್ಟೆಯಲ್ಲಿ ಬೃಹತ್ ಹೋರ್ಡಿಂಗ್ಸ್ ಬೋರ್ಡ್ ಗಾಳಿ, ಮಳೆಗೆ ಉರುಳಿ ಬಿದ್ದಿದ್ದು ಸ್ಥಳದಲ್ಲಿ ನಿಲ್ಲಿಸಿದ್ದ ಹತ್ತಕ್ಕೂ ಹೆಚ್ಚು ದ್ವಿಚಕ್ರ ವಾಹನಗಳು ಜಖಂ ಆಗಿವೆ.

ಮಂಗಳೂರು, ಜುಲೈ 5: ನಗರದ ಬಿಕರ್ನಕಟ್ಟೆಯಲ್ಲಿ ಬೃಹತ್ ಹೋರ್ಡಿಂಗ್ಸ್ ಬೋರ್ಡ್ ಗಾಳಿ, ಮಳೆಗೆ ಉರುಳಿ ಬಿದ್ದಿದ್ದು ಸ್ಥಳದಲ್ಲಿ ನಿಲ್ಲಿಸಿದ್ದ ಹತ್ತಕ್ಕೂ ಹೆಚ್ಚು ದ್ವಿಚಕ್ರ ವಾಹನಗಳು ಜಖಂ ಆಗಿವೆ.

ರಸ್ತೆ ಬದಿ ಎರಡು ಕಟ್ಟಡಗಳ ಮಧ್ಯೆ ಹಾಕಲಾಗಿದ್ದ ಹೋರ್ಡಿಂಗ್ಸ್ ಗಾಳಿಯ ರಭಸಕ್ಕೆ ಬುಡ ಸಮೇತ ಉರುಳಿ ಬಿದ್ದಿದೆ. ಮಧ್ಯಾಹ್ನ 12 ಗಂಟೆ ಸುಮಾರಿಗೆ ಘಟನೆ ನಡೆದಿದ್ದು ಗ್ರಿಲ್ಸ್ ಕುಸಿದು ಬಿದ್ದು ಸ್ಥಳದಲ್ಲಿ ನಿಲ್ಲಿಸಿದ್ದ ದ್ವಿಚಕ್ರ ವಾಹನಗಳು ಜಖಂ ಆಗಿವೆ. ಅಲ್ಲಿಯೇ ಕೆಳಭಾಗದಲ್ಲಿ ಹತ್ತಕ್ಕೂ ಹೆಚ್ಚು ದ್ವಿಚಕ್ರ ವಾಹನಗಳನ್ನು ಪಾರ್ಕ್ ಮಾಡಲಾಗಿತ್ತು. ಇಲೆಕ್ಟ್ರಿಕಲ್ ಸ್ಕೂಟರ್ ರೀತಿಯ ಸಣ್ಣ ವಾಹನಗಳು ಪುಡಿ ಪುಡಿಯಾಗಿದ್ದು ಬಹುತೇಕ ವಾಹನಗಳಿಗೆ ತೀವ್ರ ಹಾನಿಯಾಗಿದೆ.

ರಸ್ತೆ ಬದಿಯೇ ಘಟನೆ ನಡೆದಿದ್ದರಿಂದ ಕೆಲಹೊತ್ತು ನಂತೂರು - ಪಡೀಲ್ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್ ಆಗಿತ್ತು. ಹೋರ್ಡಿಂಗ್ಸ್ ಉರುಳಿ ಬಿದ್ದಾಗ ಆ ಜಾಗದಲ್ಲಿ ಯಾರೂ ಇಲ್ಲದೇ ಇದ್ದುದರಿಂದ ಅಪಾಯ ಸಂಭವಿಸಿಲ್ಲ. ಬಳಿಕ ಪೊಲೀಸರು ಹೋರ್ಡಿಂಗ್ಸ್ ಬೋರ್ಡನ್ನು ತೆರವು ಮಾಡಿದ್ದಾರೆ.

#Mangalore Heavy #Rain, Hoarding, Compound wall, electric poll collapses, several vehicles, shops damaged near Bikarnakatte #mangalorerain #rain #BreakingNews pic.twitter.com/FZygnUtnBR
— Headline Karnataka (@hknewsonline) July 5, 2023

Mangalore heavy Rain, Compound, Hoarding collapsed, 10 vehicles damaged at Bikarnakatte. A huge hoarding that was put up on a building fell down following heavy rains and winds damaging several vehicles which were parked near it on Wednesday July 5. The incident took place at Bikarnakatte.