ಪ್ಲೇಯಿಂಗ್ XI ಮತ್ತು ಪಿಚ್‌ ವರದಿ ಇಲ್ಲಿದೆ!

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಪ್ಲೇಯಿಂಗ್ XI ಮತ್ತು ಪಿಚ್‌ ವರದಿ ಇಲ್ಲಿದೆ!

08-09-22 01:00 pm Source: Vijayakarnataka ಕ್ರೀಡೆ

ಏಳು ಬಾರಿಯ ಚಾಂಪಿಯನ್ಸ್‌ ಟೀಮ್ ಇಂಡಿಯಾ, 2022ರ ಸಾಲಿನ ಏಷ್ಯಾ ಕಪ್‌ ಟೂರ್ನಿಯ ಪ್ರಶಸ್ತಿ.

ದುಬೈ: ಟೀಮ್ ಇಂಡಿಯಾ ತನ್ನದೇ ತಪ್ಪುಗಳಿಂದಾಗಿ ಏಷ್ಯಾ ಕಪ್‌ 2022 ಟೂರ್ನಿಯ ಪ್ರಶಸ್ತಿ ರೇಸ್‌ನಿಂದ ಹೊರ ಬೀಳುವ ಸ್ಥಿತಿಗೆ ತಲುಪಿದೆ. ಗ್ರೂಪ್‌ ಹಂತದಲ್ಲಿ ಅಧಿಕಾರಯುತ ಆಟವಾಡಿದ ಭಾರತ ತಂಡ, ಸೂಪರ್‌ ಫೋರ್‌ ಹಂತಕ್ಕೂ ಮುನ್ನ ಗಾಯದ ಸಮಸ್ಯೆಗಳಿಂದಾಗಿ ರವೀಂದ್ರ ಜಡೇಜಾ ಮತ್ತು ಅವೇಶ್‌ ಖಾನ್‌ ಅವರ ಸೇವೆ ಕಳೆದುಕೊಂಡಿತು. ಇದರಿಂದ ತಂಡದ ಸಮತೋಲನ ಕಾಯ್ದುಕೊಳ್ಳು ಪ್ರಯೋಗಕ್ಕೆ ಕೈಹಾಕಿದ ಭಾರತ ತಂಡ ಕೈಸುಟ್ಟಿಕೊಂಡಿದೆ. ಸೂಪರ್‌-4 ಹಂತದಲ್ಲಿ ಮೊದಲು ಪಾಕಿಸ್ತಾನ ಎದುರು 5 ವಿಕೆಟ್‌ಗಳಿಂದ ಸೋತರೆ, ಬಳಿಕ ಶ್ರೀಲಂಕಾ ಎದುರು 6 ವಿಕೆಟ್‌ಗಳ ಸೋಲಿನ ಆಘಾತಕ್ಕೊಳಗಾಯಿತು.

ಇದೀಗ ತನ್ನ ಕೊನೆಯ ಸೂಪರ್ ಪೋರ್‌ ಪಂದ್ಯದಲ್ಲಿ ಕ್ರಿಕೆಟ್‌ ಕೂಸು ಅಫಘಾನಿಸ್ತಾನ ಎದುರು ಭಾರತ ಪೈಪೋಟಿ ನಡೆಸುತ್ತಿದೆ. ಈ ಪಂದ್ಯದಲ್ಲಿ ಭರ್ಜರಿಯಾಗಿ ಗೆದ್ದರೂ ಭಾರತ ತಂಡಕ್ಕೆ ಫೈನಲ್‌ ಟಿಕೆಟ್‌ ಖಾತ್ರಿಯಿಲ್ಲ. ಏಕೆಂದರೆ ಅಫಘಾನಿಸ್ತಾನ ತಂಡ ಪಾಕಿಸ್ತಾನ ವಿರುದ್ಧ ಗೆದ್ದು, ಪಾಕ್‌ ತಂಡ ಶ್ರೀಲಂಕಾ ಎದುರು ಸೋತಾಗ ಮಾತ್ರವೇ ಟೀಮ್ ಇಂಡಿಯಾಗೆ ಫೈನಲ್ ತಲುಪುವ ಅವಕಾಶ ಸಿಗಲಿದೆ. ಇದು ಬಹುತೇಕ ಅಸಾಧ್ಯ ಎಂಬ ಸ್ಥಿತಿ ಸದ್ಯಕ್ಕಿದೆ. ಹೀಗಾಗಿ ಶ್ರೀಲಂಲಾ ವಿರುದ್ಧದ ಸೋಲಿನಲ್ಲೇ 7 ಬಾರಿಯ ಚಾಂಪಿಯನ್ಸ್‌ ಭಾರತ ತಂಡದ ಅಭಿಯಾನ ಅಂತ್ಯಗೊಂಡಿದ ಎಂಬುದು ಕ್ರಿಕೆಟ್‌ ಪಂಡಿತರ ಲೆಕ್ಕಾಚಾರ.

ದುಬೈನ ಪಿಚ್‌ ವರದಿ

India vs Afghanistan Asia Cup 2022, Super 4 Preview: Likely Playing XIs, Key Battles, Head to Head and Other Things You Need to Know About IND vs AFG Cricket Match in Dubai | 🏏 LatestLY
ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದ ಪಿಚ್‌ನಲ್ಲಿ ಬ್ಯಾಟ್ಸ್‌ಮನ್‌ ಮತ್ತು ಬೌಲರ್‌ಗಳಿಗೆ ಸಮನಾದ ಬೆಂಬಲ ಸಿಗುತ್ತಿದೆ. ಬಳಕೆಯಾದ ಪಿಚ್‌ಗಳಲ್ಲಿ ಹುಲ್ಲುಹಾಸು ಕಡಿಮೆ ಮಾಡಲಾಗಿದ್ದು, ಬ್ಯಾಟಿಂಗ್ ಸ್ವರ್ಗತಾಣವಾಗಿದೆ. ಹೀಗಾಗಿ ಗುರಿ ಮುಂದಿದ್ದರೆ ಅದನ್ನು ಬೆನ್ನತ್ತುವುದು ಸುಲಭ. ಇಲ್ಲಿ ರನ್‌ ಚೇಸ್‌ ಮಾಡಿದ ತಂಡಗಳೇ ಗೆದ್ದಿರುವುದು ಹೆಚ್ಚು. ಹೀಗಾಗಿ ಟಾಸ್‌ ಅತ್ಯಂತ ಮಹತ್ವದ ಪಾತ್ರ ನಿಭಾಯಿಸಲಿದೆ.

ಭಾರತದ ಸಂಭಾವ್ಯ ಪ್ಲೇಯಿಂಗ್‌ XI
1. ರೋಹಿತ್‌ ಶರ್ಮಾ (ನಾಯಕ/ ಓಪನರ್‌)

2. ಕೆ.ಎಲ್‌ ರಾಹುಲ್‌ (ಓಪನರ್‌)
3. ವಿರಾಟ್‌ ಕೊಹ್ಲಿ (ಬ್ಯಾಟ್ಸ್‌ಮನ್‌)
4. ಸೂರ್ಯಕುಮಾರ್‌ ಯಾದವ್‌ (ಬ್ಯಾಟ್ಸ್‌ಮನ್‌)
5. ಹಾರ್ದಿಕ್ ಪಾಂಡ್ಯ (ಆಲ್‌ರೌಂಡರ್‌)
6. ರಿಷಭ್ ಪಂತ್‌ (ವಿಕೆಟ್‌ಕೀಪರ್‌/ ಬ್ಯಾಟ್ಸ್‌ಮನ್‌)
7. ದಿನೇಶ್‌ ಕಾರ್ತಿಕ್‌ (ಬ್ಯಾಟ್ಸ್‌ಮನ್‌)
8. ಭುವನೇಶ್ವರ್‌ ಕುಮಾರ್‌ (ಬಲಗೈ ವೇಗಿ)
9. ದೀಪಕ್ ಚಹರ್‌ (ಬಲಗೈ ವೇಗಿ)
10. ರವಿ ಬಿಷ್ಣೋಯ್‌ (ಲೆಗ್‌ ಸ್ಪಿನ್ನರ್‌)
11. ಅರ್ಷದೀಪ್ ಸಿಂಗ್‌ (ಎಡಗೈ ವೇಗಿ)

ಉತ್ತಮ ಲಯದಲ್ಲಿ ಅಫಘಾನಿಸ್ತಾನ
ಟೀಮ್ ಇಂಡಿಯಾ ಮಾದರಿ ಅಫಘಾನಿಸ್ತಾನ ಕೂಡ ಗ್ರೂಪ್‌ ಹಂತದಲ್ಲಿ ಅಧಿಕಾರಯುತ ಪ್ರದರ್ಶನ ನೀಡಿತು. ಆಡಿದ ಎರಡೂ ಪಂದ್ಯಗಳನ್ನು ಗೆದ್ದು 'ಬಿ' ಗುಂಪಿನ ಅಗ್ರಸ್ಥಾನಿಯಾಗಿ ಸೂಪರ್‌ ಫೋರ್‌ ಹಂತಕ್ಕೆ ಕಾಲಿಟ್ಟಿತ್ತು. ಆದರೆ, ಸೂಪರ್‌-4 ಹಂತದಲ್ಲಿ ಶ್ರೀಲಂಕಾ ಎದುರು ಮುಗ್ಗರಿಸಿ ಸಂಕಷ್ಟಕ್ಕೆ ಸಿಲುಕಿದೆ. ಇದರಿಂದಾಗಿ, ಭಾರತ ಮತ್ತು ಪಾಕಿಸ್ತಾನ ವಿರುದ್ಧ ಗೆದ್ದರೆ ಮಾತ್ರ ಫೈನಲ್‌ ತಲುಪುವ ಸ್ಥಿತಿಗೆ ತಲುಪಿದೆ. ಆದರೂ, ಗ್ರೂಪ್ ಹಂತದಲ್ಲಿ ಉತ್ತಮ ಪ್ರದರ್ಶನ ನೀಡಿ ತನ್ನ ಶ್ರೇಷ್ಠ ಲಯದಲ್ಲಿದೆ.

ಅಫಘಾನಿಸ್ತಾನದ ಸಂಭಾವ್ಯ ಪ್ಲೇಯಿಂಗ್‌ XI
ಹಝರತ್‌ಉಲ್ಲಾ ಝಜಾಯ್, ರೆಹಮಾನುಲ್ಲಾ ಗುರ್ಬಝ್ (ವಿಕೆಟ್‌ಕೀಪರ್‌), ಇಬ್ರಾಹಿಮ್‌ ಝದ್ರಾನ್, ನಜೀಬುಲ್ಲ ಝದ್ರಾನ್, ಮೊಹಮ್ಮದ್‌ ನಬಿ (ನಾಯಕ), ಕರೀಮ್ ಜನತ್, ರಶೀದ್‌ ಖಾನ್‌, ಅಝ್ಮತ್‌ಉಲ್ಲಾ ಒಮರ್ಝಾಯ್, ಮುಜೀಬ್ ಉರ್ ರೆಹಮಾನ್, ಪರೀದ್‌ ಅಹ್ಮದ್ ಮಲಿಕ್, ಫಝಲ್‌ಹಕ್ ಫಾರೂಕಿ.

ಮುಖಾಮುಖಿ ದಾಖಲೆ
ಒಟ್ಟು ಪಂದ್ಯ: 03
ಭಾರತಕ್ಕೆ ಜಯ: 03
ಆಫ್ಘನ್‌ಗೆ ಗೆಲುವು: 00

ಪಂದ್ಯದ ವಿವರ

ಭಾರತದ vs ಅಫಘಾನಿಸ್ತಾನ
ದಿನಾಂಕ: ಸೆಪ್ಟೆಂಬರ್‌ 08
ನೇರ ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್‌
ಲೈವ್‌ ಸ್ಟ್ರೀಮಿಂಗ್‌: ಡಿಸ್ನಿ ಪ್ಲಸ್‌ ಹಾಟ್‌ ಸ್ಟಾರ್‌