ವೆಸ್ಟ್ ಇಂಡೀಸ್ ವಿರುದ್ಧ ನಡೆದ 5 ಟಿ20-ಐ ಪಂದ್ಯಗಳ ಸರಣಿಯ ನಿರ್ಣಾಯಕ ಪಂದ್ಯದಲ್ಲೂ ವಿಶ್ವದ ನಂಬರ್ 1 ಬ್ಯಾಟರ್ ಸೂರ್ಯಕುಮಾರ್ ಆಕರ್ಷಕ ಅರ್ಧಶತಕ ಸಿಡಿಸಿ ತಂಡದ ಮೊತ್ತ 160ರ ಗಡಿ ದಾಟಲು ಸಹಕರಿಸಿದ್ದರು. ಈ ಅರ್ಧಶತಕ ನೆರವಿನಿಂದ ಮುಂಬೈ ಆಟಗಾರ ಆಧುನಿಕ ಕ್ರಿಕೆಟ್ ದಿಗ್ಗಜರಾದ ವಿರಾಟ್ ಕೊಹ್ಲಿ ಹಾಗೂ ಬಾಬರ್ ಆಝಮ್ ಅವರ ಹೆಸರಿನಲ್ಲಿದ್ದ ದಾಖಲೆ ಅನ್ನು ಸರಿಗಟ್ಟಿದ್ದಾರೆ. ಆದರೆ ಸರಣಿಯನ್ನು ಭಾರತ 2-3 ಅಂತರದಲ್ಲಿ ಸೋತಿದೆ.

ವೆಸ್ಟ್ ಇಂಡೀಸ್ ವಿರುದ್ಧ ನಡೆದ 5 ಪಂದ್ಯಗಳ ಟಿ20-ಐ ಸರಣಿಯ ಅಂತಿಮ ಪಂದ್ಯದಲ್ಲಿ ಟೀಮ್ ಇಂಡಿಯಾ 8 ವಿಕೆಟ್ ಗಳಿಂದ ಸೋತು ಮರ್ಮಾಘಾತಕ್ಕೆ ಒಳಗಾದರೂ, ಬಿರುಸಿನ ಬ್ಯಾಟಿಂಗ್ ನಡೆಸಿ ಅರ್ಧಶತಕ (61 ರನ್) ಸಿಡಿಸಿದ ಟಿ20-ಐ ನಂಬರ್ 1 ಬ್ಯಾಟರ್ ಸೂರ್ಯಕುಮಾರ್ ಯಾದವ್ ಆಧುನಿಕ ಕ್ರಿಕೆಟ್ ದಿಗ್ಗಜರಾದ ವಿರಾಟ್ ಕೊಹ್ಲಿ ಮತ್ತು ಬಾಬರ್ ಆಝಮ್ ಅವರ ಹೆಸರಿನಲ್ಲಿದ್ದ ವಿಶ್ವದಾಖಲೆಯನ್ನು ಸರಿಗಟ್ಟಿದ್ದಾರೆ.

ಫ್ಲೋರಿಡಾದ ಲಾಡಾರ್ ಹಿಲ್ ಸೆಂಟ್ರಲ್ ಬ್ರೊವಾರ್ಡ್ ಕ್ರೀಡಾಂಗಣದಲ್ಲಿ ಭಾನುವಾರ (ಆಗಸ್ಟ್ 13) ರಂದು ನಡೆದ ಅಂತಿಮ ಹಾಗೂ ನಿರ್ಣಾಯಕ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಟೀಮ್ ಇಂಡಿಯಾ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದರೂ, ಸೂರ್ಯಕುಮಾರ್ ಯಾದವ್ ಅವರ ಆಕರ್ಷಕ ಅರ್ಧಶತಕ (61 ರನ್, 4X4,3X6) ಬಲದಿಂದ 20 ಓವರ್ ಗಳ ಅಂತ್ಯಕ್ಕೆ 9 ವಿಕೆಟ್ ನಷ್ಟಕ್ಕೆ 165 ರನ್ ಗಳಿಸಿತ್ತು. ವೆಸ್ಟ್ ಇಂಡೀಸ್ ಪರ ಮಾರಕ ಬೌಲಿಂಗ್ ಪ್ರದರ್ಶನ ತೋರಿದ ರೊಮರಿಯೊ ಶೆಫಾರ್ಡ್ (31 ಕ್ಕೆ 4) ಹಾರ್ದಿಕ್ ಪಾಂಡ್ಯ ಪಡೆಯ ಬ್ಯಾಟಿಂಗ್ ಶಕ್ತಿ ಕುಗ್ಗಿಸಿದ್ದರು.

166 ರನ್‌ಗಳ ಗುರಿ ಬೆನ್ನತ್ತಿದ ವೆಸ್ಟ್ ಇಂಡೀಸ್, ಆರಂಭದಲ್ಲೇ ಕೇಲ್ ಮೇಯರ್ಸ್ (10 ರನ್, 1X4,1X6) ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದರೂ, ಬ್ರ್ಯಾಂಡನ್ ಕಿಂಗ್ (85* ರನ್, 5X4,6X6) ಹಾಗೂ ನಿಕೋಲಸ್ ಪೂರನ್ (47 ರನ್, 1X4,4X6) ಟೀಮ್ ಇಂಡಿಯಾ ಬೌಲರ್‌ಗಳ ಮೇಲೆ ಸವಾರಿ ಮಾಡಿ ಜೋಡಿಸಿದ ಶತಕ (107 ರನ್)ದ ಜೊತೆಯಾಟದಿಂದ 18 ಓವರ್ ಗಳಲ್ಲೇ 171 ರನ್ ಗಳಿಸಿ ಪಂದ್ಯವನ್ನು 8 ವಿಕೆಟ್ ಗಳಿಂದ ಜಯಿಸಿದರೆ, ಸರಣಿಯನ್ನು 3-2 ರಿಂದ ಗೆದ್ದುಕೊಂಡಿತು.

ಕೊಹ್ಲಿ- ಬಾಬರ್ ದಾಖಲೆ ಉಡೀಸ್

ಟೀಮ್ ಇಂಡಿಯಾ ಸೋತರೂ ವೆಸ್ಟ್ ಇಂಡೀಸ್ ಬೌಲರ್ ಗಳನ್ನು ಬಲವಾಗಿ ದಂಡಿಸಿದ್ದ ಸೂರ್ಯಕುಮಾರ್ ಯಾದವ್, ಟಿ20-ಐ ಸ್ವರೂಪದಲ್ಲಿ ತಮ್ಮ 53 ಪಂದ್ಯಗಳ 50 ಇನಿಂಗ್ಸ್ ನಲ್ಲಿ 18ನೇ ಅರ್ಧಶತಕ ಸಿಡಿಸಿ ವಿರಾಟ್ ಕೊಹ್ಲಿ ಹಾಗೂ ಬಾಬರ್ ಆಝಮ್ ಅವರ ಹೆಸರಿನಲ್ಲಿದ್ದ ದಾಖಲೆ ಸರಿಗಟ್ಟಿದ್ದಾರೆ. ಬಲಗೈ ಆಟಗಾರ ಚುಟುಕು ಸ್ವರೂಪದಲ್ಲಿ 3 ಸ್ಫೋಟಕ ಶತಕ ಸಿಡಿಸಿದ್ದಾರೆ.

2021 ರಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಟಿ20-ಐ ಪದಾರ್ಪಣೆ

ಮಾಡಿದ ಪಂದ್ಯದಲ್ಲೇ ಚೊಚ್ಚಲ ಅರ್ಧಶತಕ ಸಿಡಿಸಿ ತಮ್ಮ ಆಕ್ರಮಣಕಾರಿ ಆಟದ ಝಲಕ್ ಪ್ರದರ್ಶಿಸಿದ್ದ ಸೂರ್ಯಕುಮಾರ್ ಯಾದವ್, ಟೀಮ್ ಇಂಡಿಯಾ ಪರ ವಿರಾಟ್ ಕೊಹ್ಲಿ ನಂತರ 50 ಚುಟುಕು ಇನಿಂಗ್ಸ್ ಗಳಲ್ಲಿ ಅತಿ ಹೆಚ್ಚು ರನ್ ಗಳಿಸಿದ 2ನೇ ಆಟಗಾರ ಎಂಬ ದಾಖಲೆಯನ್ನು ನಿರ್ಮಿಸಿದ್ದಾರೆ. ಪಾಕಿಸ್ತಾನದ ಬಾಬರ್ ಆಝಮ್ ಹಾಗೂ ಮೊಹಮ್ಮದ್ ರಿಜ್ವಾನ್ ಮಾತ್ರ ಬಲಗೈ ಆಟಗಾರನಿಗಿಂತ ಮುಂದಿದ್ದಾರೆ.

50 ಇನಿಂಗ್ಸ್ ಗಳಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರು

•  1943 ರನ್ - ವಿರಾಟ್ ಕೊಹ್ಲಿ- ಭಾರತ
•  1942 ರನ್ - ಬಾಬರ್ ಆಝಮ್ - ಪಾಕಿಸ್ತಾನ
•  1888 ರನ್ - ಮೊಹಮ್ಮದ್ ರಿಜ್ವಾನ್ - ಪಾಕಿಸ್ತಾನ
•  1841 ರನ್ - ಸೂರ್ಯಕುಮಾರ್ ಯಾದವ್ - ಭಾರತ
•  1751 ರನ್ - ಕೆ.ಎಲ್.ರಾಹುಲ್ - ಭಾರತ
•  1692 ರನ್ - ಡಾವಿಡ್ ಮಲಾನ್ - ಇಂಗ್ಲೆಂಡ್

• Join our WhatsApp group
• Follow us on Facebook 
• Follow us on Twitter

Ind Vs Wi, Suryakumar Yadav Equals Virat Kohli and Babar Azams World Record In 5th T20i Against West Indies.