Mangalore Kumpala Accident: ಕುಂಪಲ ; ರಸ್ತೆ ದಾಟುತ್ತಿದ್ದ ಪಾದಚಾರಿಗೆ ಎರಡು ಕಾರುಗಳು ಢಿಕ್ಕಿ! ಮಸೀದಿಗೆ ತೆರಳುತ್ತಿದ್ದ ವ್ಯಕ್ತಿ ಮಸಣಕ್ಕೆ, ಲೈಟ್ ಇಲ್ಲದ ಹೆದ್ದಾರಿ ದುರವಸ್ಥೆಗೆ ಮತ್ತೊಂದು ಬಲಿ!

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

Mangalore Kumpala Accident: ಕುಂಪಲ ; ರಸ್ತೆ ದಾಟುತ್ತಿದ್ದ ಪಾದಚಾರಿಗೆ ಎರಡು ಕಾರುಗಳು ಢಿಕ್ಕಿ! ಮಸೀದಿಗೆ ತೆರಳುತ್ತಿದ್ದ ವ್ಯಕ್ತಿ ಮಸಣಕ್ಕೆ, ಲೈಟ್ ಇಲ್ಲದ ಹೆದ್ದಾರಿ ದುರವಸ್ಥೆಗೆ ಮತ್ತೊಂದು ಬಲಿ!

30-09-26 03:37 pm Mangaluru Staffer ಕರಾವಳಿ

ಮಸೀದಿಗೆ ತೆರಳಲೆಂದು ಹೆದ್ದಾರಿ ದಾಟುತ್ತಿದ್ದ ವ್ಯಕ್ತಿಗೆ ಎರಡು ಕಾರುಗಳು ಢಿಕ್ಕಿ ಹೊಡೆದ ಪರಿಣಾಮ ಗಂಭೀರ ಗಾಯಗೊಂಡಿದ್ದ ಪಾದಚಾರಿ ಮೃತಪಟ್ಟ ಘಟನೆ ರಾ.ಹೆ 66ರ ಕುಂಪಲ ಬೈಪಾಸ್ ಎಂಬಲ್ಲಿ ನಿನ್ನೆ ರಾತ್ರಿ ನಡೆದಿದೆ.

ಉಳ್ಳಾಲ, ಸೆ.30: ಮಸೀದಿಗೆ ತೆರಳಲೆಂದು ಹೆದ್ದಾರಿ ದಾಟುತ್ತಿದ್ದ ವ್ಯಕ್ತಿಗೆ ಎರಡು ಕಾರುಗಳು ಢಿಕ್ಕಿ ಹೊಡೆದ ಪರಿಣಾಮ ಗಂಭೀರ ಗಾಯಗೊಂಡಿದ್ದ ಪಾದಚಾರಿ ಮೃತಪಟ್ಟ ಘಟನೆ ರಾ.ಹೆ 66ರ ಕುಂಪಲ ಬೈಪಾಸ್ ಎಂಬಲ್ಲಿ ನಿನ್ನೆ ರಾತ್ರಿ ನಡೆದಿದೆ.

ಅತ್ತಾವರ ಕಾಪ್ರಿಗುಡ್ಡೆ ನಿವಾಸಿ ಹನೀಫ್ ವಲಿ ಮಹಮ್ಮದ್(68) ಅಪಘಾತದಲ್ಲಿ ಮೃತಪಟ್ಟ ದುರ್ದೈವಿ. ಹನೀಫ್ ಅವರು ನಿನ್ನೆ(ಮಂಗಳವಾರ) ಸಂಜೆ 7 ಗಂಟೆ ಸುಮಾರಿಗೆ ಕುಂಪಲ ಬೈಪಾಸಿನ ಡಿ ಮಾರ್ಟ್ ಮಳಿಗೆಗೆ ಭೇಟಿ ನೀಡಿದ ಬಳಿಕ ಹೆದ್ದಾರಿ ಬದಿಯ ಮಸೀದಿಗೆ ತೆರಳಲೆಂದು ರಸ್ತೆ ದಾಟುತ್ತಿದ್ದ ವೇಳೆ ತಲಪಾಡಿಯಿಂದ ಮಂಗಳೂರಿಗೆ ಧಾವಿಸುತ್ತಿದ್ದ ಬಿಎಮ್‌ ಡಬ್ಲ್ಯು ಕಾರೊಂದು ಬಲವಾಗಿ ಢಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ರಸ್ತೆಗೆಸೆಯಲ್ಪಟ್ಟ ಹನೀಫ್ ಅವರಿಗೆ ಮಂಗಳೂರಿಗೆ ಧಾವಿಸುತ್ತಿದ್ದ ಮತ್ತೊಂದು ಕಾರು ಢಿಕ್ಕಿ ಹೊಡೆದಿದೆ.

ರಕ್ತದ ಮಡುವಿನಲ್ಲಿ ಚಿಂತಾಜನಕ ಸ್ಥಿತಿಯಲ್ಲಿ ಬಿದ್ದಿದ್ದ ಹನೀಫ್ ಅವರನ್ನ ಸ್ಥಳೀಯರು ಅಪಘಾತ ನಡೆಸಿದ್ದ ಕಾರಿನಲ್ಲೇ ಹಾಕಿ ದೇರಳಕಟ್ಟೆಯ ಖಾಸಗಿ ಆಸ್ಪತ್ರೆಗೆ ಕರೆದೊಯ್ದರೂ ಅವರು ದಾರಿ ಮಧ್ಯದಲ್ಲೇ ಮೃತಪಟ್ಟಿದ್ದಾರೆ. ಹನೀಫ್ ಅವರಿಗೆ ಢಿಕ್ಕಿ‌ ಹೊಡೆದ ಎರಡೂ ಕಾರುಗಳ ಚಾಲಕರು ವೈದ್ಯರೆಂದು ತಿಳಿದು ಬಂದಿದೆ. ಮೃತರು ಪತ್ನಿ, ಓರ್ವ ಹೆಣ್ಣು, ಇಬ್ಬರು ಗಂಡು ಮಕ್ಕಳನ್ನ ಅಗಲಿದ್ದಾರೆ. ಮಂಗಳೂರು ದಕ್ಷಿಣ ಸಂಚಾರಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

ಹೆದ್ದಾರಿ ದುರವಸ್ಥೆಗೆ ಇನ್ನೆಷ್ಟು ಬಲಿ..?

ಕಳೆದ ಜುಲೈ 28 ರ ರಾತ್ರಿ ಕುಂಪಲ ಬೈಪಾಸ್ ಸಮೀಪದ ಅಂಬಿಕಾರೋಡ್ ಎಂಬಲ್ಲಿ ಹೆದ್ದಾರಿ ಬದಿಯ ಕೊರಗಜ್ಜನ ಕಟ್ಟೆಗೆ ದೀಪ ಬೆಳಗಿಸಿ ಮನೆಗೆ ಹಿಂತಿರುಗಲೆಂದು ಹೆದ್ದಾರಿ ದಾಟುತ್ತಿದ್ದ 72ರ ವೃದ್ಧ ದಾಮೋದರ ಪೂಜಾರಿ ಎಂಬವರಿಗೆ ಅಪರಿಚಿತ ಕಾರು ಢಿಕ್ಕಿ ಹೊಡೆದು ಪರಾರಿಯಾದ ಪರಿಣಾಮ ಎರಡೂ ಕಾಲುಗಳನ್ನ ಮುರಿದುಕೊಂಡಿದ್ದ ದಾಮೋದರ್ ಅವರು ಸಾವನ್ನಪ್ಪಿದ್ದರು. ಅವೈಜ್ಞಾನಿಕ ಹೆದ್ದಾರಿಯ ವಿಭಜಕದಲ್ಲಿ ದಾರಿ ದೀಪಗಳಿಲ್ಲದೆ ವಾಹನ ಸವಾರರಿಗೆ ರಾತ್ರಿ ವೇಳೆ ಹೆದ್ದಾರಿ ರಸ್ತೆ ದಾಟುವ ಪಾದಚಾರಿಗಳು ಗೋಚರಿಸದೆ ನಿರಂತರ ಅಪಘಾತಗಳು ನಡೆಯುತ್ತಲೇ ಇರುತ್ತವೆ. ವಿಭಜಕಗಳಿಗೆ ತಡೆಬೇಲಿ ಅಳವಡಿಸದಿರುವುದು, ಹೆದ್ದಾರಿ ಬದಿಗಳಲ್ಲಿ ಸರ್ವಿಸ್ ರಸ್ತೆಗಳ ನಿರ್ಮಾಣವಾಗದ ಪರಿಣಾಮ‌ ಎಲ್ಲೆಂದರಲ್ಲಿ ಪಾದಚಾರಿಗಳು ರಸ್ತೆ ದಾಟುತ್ತಿದ್ದು ಅಪಘಾತಗಳು ಜಾಸ್ತಿಯಾಗುತ್ತಲೇ ಇವೆ.

A 68-year-old pedestrian died after being hit by two cars while crossing National Highway 66 near Kumpala Bypass on Tuesday night. The accident occurred when the man was reportedly crossing the highway to reach a mosque.