ಹಣದ ಆಸೆಗೆ ಸ್ವಂತ ಮಗಳನ್ನೇ ಮಾರಿದ ಪಾಪಿ ತಾಯಿ ; ಮೊಮ್ಮಗಳ ರಕ್ಷಣೆಗೆ ಧಾವಿಸಿದ ಅಜ್ಜಿ

ಬ್ರೇಕಿಂಗ್ ನ್ಯೂಸ್

ಒಂದೇ ರೀತಿಯ ಹೆಸರಿನ ಅಭ್ಯರ್ಥಿಗಳ ಸ್ಪರ್ಧೆಗೆ ನಿಷೇಧ ಸಾಧ್ಯವಿಲ್ಲ ; ಸುಪ್ರೀಂ ಕೋರ್ಟ್ | Mangalore airport, Bomb threat mail: ಮಂಗಳೂರು ಏರ್ಪೋರ್ಟ್ ಸ್ಫೋಟಿಸುತ್ತೇವೆ, ಮೂರು ವಿಮಾನದಲ್ಲಿ ಬಾಂಬ್, ದೊಡ್ಡ ರಕ್ತಪಾತ ಆಗಲಿದೆ ; ಉಗ್ರರ ಹೆಸರಿನಲ್ಲಿ ಇಮೇಲ್ ಬೆದರಿಕೆ | ಹುಬ್ಬಳ್ಳಿ ; 17 ವರ್ಷದ ಯುವತಿ ಜೊತೆ ಪ್ರೀತಿ ಹೆಸ್ರಲ್ಲಿ ಸ್ನೇಹ-ಸಲುಗೆ ; ಬಾಲಕಿ ಆದ್ಲು ಗರ್ಭಿಣಿ, ಬೆಚ್ಚಿಬಿದ್ದ ತಂದೆ ತಾಯಿ, ಆರೋಪಿ ಕಾಲಿಗೆ ಗುಂಡು ಹೊಡೆದು ಹಿಡಿದ ಪೊಲೀಸರು |

ಹಣದ ಆಸೆಗೆ ಸ್ವಂತ ಮಗಳನ್ನೇ ಮಾರಿದ ಪಾಪಿ ತಾಯಿ ; ಮೊಮ್ಮಗಳ ರಕ್ಷಣೆಗೆ ಧಾವಿಸಿದ ಅಜ್ಜಿ

14-04-21 12:04 pm Headline Karnataka News Network ದೇಶ - ವಿದೇಶ

ತಾಯಿಯೊಬ್ಬಳು ತನ್ನ ಏಳು ವರ್ಷದ ಮಗಳನ್ನು ಉದ್ಯಮಿಯೊಬ್ಬರಿಗೆ ಮಾರಾಟ ಮಾಡಿದ ಘಟನೆ ಸೀಲಾನೈಕನ್‌ಪಟ್ಟಿಯಲ್ಲಿ ವರದಿಯಾಗಿದೆ.

ಸೇಲಂ, ಏ. 14: ತಾಯಿಯೊಬ್ಬಳು ತನ್ನ ಏಳು ವರ್ಷದ ಮಗಳನ್ನು ಉದ್ಯಮಿಯೊಬ್ಬರಿಗೆ ಮಾರಾಟ ಮಾಡಿದ ಘಟನೆ ಸೇಲಂ ಜಿಲ್ಲೆಯ ಸೀಲಾನೈಕನ್‌ಪಟ್ಟಿಯಲ್ಲಿ ವರದಿಯಾಗಿದೆ.

ಸತೀಶ್ ಮತ್ತು ಆತನ ಪತ್ನಿ ಸುಮತಿಗೆ ಮೂವರು ಮಕ್ಕಳಿದ್ದಾರೆ. 10 ಮತ್ತು 7 ವರ್ಷದ ಇಬ್ಬರು ಹೆಣ್ಣು ಮಕ್ಕಳು ಹಾಗು 6 ವರ್ಷದ ಒಬ್ಬ ಮಗನಿದ್ದಾನೆ. ಸತೀಶ್ ಕುಡಿತಕ್ಕೆ ದಾಸನೂ ಹೌದು.

ಕಳೆದ ಎರಡೂವರೆ ವರ್ಷಗಳಿಂದ ಕೃಷ್ಣನ್ (53) ಎಂಬ ಶ್ರೀಮಂತ ಉದ್ಯಮಿ ಮನೆಯಲ್ಲಿ ಸುಮತಿ ಕೆಲಸ ಮಾಡುತ್ತಿದ್ದಾಳೆ. ಕೆಲ ವರ್ಷಗಳಿಂದ ಪತಿಯಿಂದ ದೂರ ಉಳಿದ ಈಕೆ ಇದೀಗ ತನ್ನ ಎರಡನೇ ಮಗಳನ್ನು 10 ಲಕ್ಷಕ್ಕೆ ಮಾರಾಟ ಮಾಡಿದ್ದಾಳೆ.

ಈ ಸುದ್ದಿ ತಿಳಿದ ಸುಮತಿಯ ತಾಯಿ ಚಿನ್ನಾಪೊನ್ನು ಮಗಳ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ದೂರಿನನ್ವಯ ಪೊಲೀಸರು ಕೃಷ್ಣನ್ ಮನೆ ಪರಿಶೀಲಿಸಿದಾಗ ಬಾಲಕಿ ಆತನೊಂದಿಗೆ ವಾಸಿಸುತ್ತಿರುವುದು ಗೊತ್ತಾಗಿದೆ. ಬಾಲಕಿಯನ್ನು ರಕ್ಷಿಸಿದ ಪೊಲೀಸರು ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಅಧಿಕಾರಿಗಳ ವಶಕ್ಕೆ ನೀಡಿದರು. ಈ ವೇಳೆ ಮೊಮ್ಮಗಳನ್ನು ತನ್ನ ಕಸ್ಟಡಿಗೆ ನೀಡಬೇಕೆಂದು ಚಿನ್ನ ಪೊನ್ನು ಪೊಲೀಸರಿಗೆ ಮನವಿ ಮಾಡಿದ್ದಾರೆ. ಸುಮತಿಯನ್ನು ಬಂಧಿಸಲಾಗಿದ್ದು, ಕೃಷ್ಣನ್ ಬಗ್ಗೆ ಶೋಧ ನಡೆಯುತ್ತಿದೆ.

The mother sells off a daughter for Rs 10 lakhs arrested in Salem in Tamilnadu.