Prajwal New Movie: ವಿಭಿನ್ನ ಕಥಾಹಂದರವುಳ್ಳ ಸಿನಿಮಾವನ್ನು ಒಪ್ಪಿಕೊಂಡ ನಟ ಪ್ರಜ್ವಲ್‌ ದೇವರಾಜ್‌

ಬ್ರೇಕಿಂಗ್ ನ್ಯೂಸ್

Bangalore crime, Stabbing: ಬೈಕ್ ಪಾರ್ಕಿಂಗ್ ವಿಚಾರಕ್ಕೆ ವಿದ್ಯಾರ್ಥಿಗಳ ನಡುವಿನ ಗಲಾಟೆ, ಮೂವರಿಗೆ ಚಾಕುವಿನಿಂದ ಇರಿದು ಹಲ್ಲೆ | Kodava News, children : ಕೊಡವ ಜನಸಂಖ್ಯೆ ಹೆಚ್ಚಿಸಲು ಹೊಸ ಆಫರ್ ; ನಾಲ್ಕು ಮಕ್ಕಳು ಹೆತ್ತರೆ ಒಂದು ಲಕ್ಷ ಬಹುಮಾನ! ಕೊಡವ ಸಮಾಜದ ದಿಟ್ಟ ನಿರ್ಧಾರ | Belthangady, Mangalore, Crime : ಟೋರ್ನ್ ಜೀನ್ಸ್ ಪ್ಯಾಂಟ್ ಧರಿಸಿದ್ದ ಯುವಕನಿಗೆ ತಮಾಷೆ ; ಸಂತೆಯಲ್ಲೇ ಪ್ಯಾಂಟ್ ಹೊಲಿದು ವಿಡಿಯೋ ವೈರಲ್ ಮಾಡಿದ ಯುವಕರು, ನೊಂದ ಯುವಕ ಆತ್ಮಹತ್ಯೆಗೆ ಯತ್ನ |

Prajwal New Movie: ವಿಭಿನ್ನ ಕಥಾಹಂದರವುಳ್ಳ ಸಿನಿಮಾವನ್ನು ಒಪ್ಪಿಕೊಂಡ ನಟ ಪ್ರಜ್ವಲ್‌ ದೇವರಾಜ್‌

18-07-23 02:22 pm Source: Vijayakarnataka ಸಿನಿಮಾ

ಕನ್ನಡ ಚಿತ್ರರಂಗದಲ್ಲಿ ಸಖತ್ ಬ್ಯುಸಿ ಇರುವ ನಟರಲ್ಲಿ 'ಡೈನಾಮಿಕ್ ಪ್ರಿನ್ಸ್‌' ಪ್ರಜ್ವಲ್‌ ದೇವರಾಜ್‌ ಕೂಡ ಒಬ್ಬರು. ಅವರು ನಟಿಸಿರುವ 'ಗಣ', 'ಮಾಫಿಯಾ' ಸಿನಿಮಾಗಳು ತೆರೆಗೆ ಸಿದ್ಧವಾಗಿವೆ.

ಹರೀಶ್‌ ಬಸವರಾಜ್‌

ಪ್ರತಿವರ್ಷ ಪ್ರಜ್ವಲ್‌ ದೇವರಾಜ್‌ ಕೈಯಲ್ಲಿ ಮೂರ್ನಾಲ್ಕು ಸಿನಿಮಾಗಳಿರುತ್ತವೆ. ಹಲವು ನಿರ್ದೇಶಕರು ಮತ್ತು ನಿರ್ಮಾಪಕರಿಗೆ ಅವರು ಡಾರ್ಲಿಂಗ್‌ ಇದ್ದಂತೆ. ಇತ್ತೀಚೆಗೆ ನಡೆದ ಅವರ ಹುಟ್ಟುಹಬ್ಬದಂದು ಎರಡು ಸಿನಿಮಾ ಅನೌನ್ಸ್‌ಮೆಂಟ್‌ ಮತ್ತು ಎರಡು ಚಿತ್ರಗಳ ಫಸ್ಟ್‌ ಲುಕ್‌ ಬಿಡುಗಡೆಯಾಗಿದ್ದವು. ಈಗ ಪ್ರಜ್ವಲ್‌ ಮತ್ತೊಂದು ಸಿನಿಮಾ ಒಪ್ಪಿಕೊಂಡಿದ್ದು, ಅದನ್ನು ನೃತ್ಯ ನಿರ್ದೇಶಕ ಕಲೈ ಮಾಸ್ಟರ್‌ ನಿರ್ದೇಶನ ಮಾಡುತ್ತಿದ್ದಾರೆ.

Prajwal Devaraj to headline Kalai Master's directorial debut- The New Indian Express

ಮೊದಲ ಬಾರಿಗೆ ನಿರ್ದೇಶಕರಾದ ಕಲೈ ಮಾಸ್ಟರ್‌

ಚಿತ್ರರಂಗದಲ್ಲಿ ಈಗಾಗಲೇ ಹಲವು ನೃತ್ಯ ನಿರ್ದೇಶಕರು ಸಿನಿಮಾಗೆ ಆ್ಯಕ್ಷನ್‌ ಕಟ್‌ ಹೇಳಿ ಸಕ್ಸಸ್‌ ಆಗಿದ್ದು, ಈ ಸಾಲಿಗೆ ಸೇರಲು ಈಗ ಕಲೈ ಮಾಸ್ಟರ್‌ ಸಹ ಸಿದ್ಧರಾಗಿದ್ದಾರೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ, ಮರಾಠಿ ಭಾಷೆಗಳಲ್ಲಿ ನೃತ್ಯ ನಿರ್ದೇಶಕರಾಗಿ ಕೆಲಸ ಮಾಡಿರುವ ಅವರಿಗೆ ಇದು ಮೊದಲ ಪ್ರಯತ್ನವಾಗಿದ್ದು, ಈಗಾಗಲೇ ಅವರು 300ಕ್ಕೂ ಹೆಚ್ಚಿನ ಹಾಡುಗಳಿಗೆ ಕೊರಿಯೋಗ್ರಫಿ ಮಾಡಿದ್ದಾರೆ. ಎಲ್ಲಾ ಸ್ಟಾರ್‌ಗಳನ್ನು ಕುಣಿಸಿದ ಖ್ಯಾತಿ ಇವರಿಗಿದೆ.

Mafia Kannada Movie (2022) Cast, Crew, Release Date & Posters - MixIndia

ಇದು ನಗರ ಪ್ರದೇಶದ ಜನರ ಮತ್ತು ರೈತರ ಕಥೆ

'ನನ್ನ ಮೊದಲ ನಿರ್ದೇಶನದ ಸಿನಿಮಾ ಅಕ್ಟೋಬರ್‌ನಿಂದ ಆರಂಭವಾಗಲಿದೆ. ಇದು ಪಕ್ಕಾ ಕಮರ್ಷಿಯಲ್‌ ಚಿತ್ರವಾಗಿದ್ದು, ಇದರಲ್ಲಿ ನಗರ ಪ್ರದೇಶದ ಜನರ ಮತ್ತು ರೈತರ ಕಥೆ ಹೇಳಲಿದ್ದೇನೆ. ಪ್ರಜ್ವಲ್‌ ಕಥೆ ಕೇಳಿ ಬಹಳ ಇಷ್ಟಪಟ್ಟು ಒಪ್ಪಿದ ಸಿನಿಮಾವಿದು. ಇದಕ್ಕೆ ತಕ್ಕಂತೆ ವರ್ಕ್‌ಶಾಪ್‌ ಮಾಡೋಣ ಎಂದೆಲ್ಲಾ ಹೇಳಿದ್ದಾರೆ’ ಎಂದು ಕಲೈ ಹೇಳಿದ್ದಾರೆ. ಪ್ರಜ್ವಲ್‌ ದೇವರಾಜ್‌ ನಟನೆಯ ‘ಗಣ’, ‘ಮಾಫಿಯಾ’ ಸಿನಿಮಾಗಳು ಬಿಡುಗಡೆಗೆ ಸಿದ್ಧವಾಗಿದ್ದು, ಆ ಎಲ್ಲಾ ಸಿನಿಮಾಗಳಿಗಿಂತಲೂ ಈ ಚಿತ್ರ ಭಿನ್ನ ಎಂದು ಕಲೈ ತಿಳಿಸಿದ್ದಾರೆ. ಇದರಲ್ಲಿ ಪ್ರಜ್ವಲ್‌ ಲುಕ್‌ ಕೂಡ ಬದಲಾಗಲಿದ್ದು, ಅದಕ್ಕೆ ಸಂಬಂಧಪಟ್ಟಂತೆ ಚಿತ್ರತಂಡ ಕೆಲಸ ಮಾಡುತ್ತಿದೆ ಎನ್ನಲಾಗಿದೆ.

ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ಪ್ರಜ್ವಲ್‌

ನಟ ಪ್ರಜ್ವಲ್ ದೇವರಾಜ್‌ ಕೂಡ ಈಗ ಪ್ಯಾನ್ ಇಂಡಿಯಾ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಅವರ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾಗೆ 'ಜಾತರ' ಎಂದು ಟೈಟಲ್ ಇಡಲಾಗಿದೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಸೇರಿದಂತೆ 5 ಭಾಷೆಗಳಲ್ಲಿ ಈ ಚಿತ್ರ ನಿರ್ಮಾಣವಾಗುತ್ತಿದೆ. ಲವ್ ಜೊತೆಗೆ ಫ್ಯಾಮಿಲಿ ಸೆಂಟಿಮೆಂಟ್ ಕಥೆ ಇರುವ ಇರುವ ಈ ಚಿತ್ರದಲ್ಲಿ ಪ್ರಜ್ವಲ್‌ಗೆ ವಿಭಿನ್ನ ಲುಕ್ ಇರಲಿದೆಯಂತೆ. ಹೈದರಾಬಾದ್‌ ಮೂಲದ ವರ್ಧಮಾನ್ ಫಿಲಂಸ್ ಹಾಗೂ ಲೋಟಸ್ ಎಂಟರ್‌ಟೇನ್‌ಮೆಂಟ್ಸ್ ಬ್ಯಾನರ್‌ ಅಡಿಯಲ್ಲಿ ಗೋವರ್ಧನ್ ರೆಡ್ಡಿ ಅವರು 'ಜಾತರೆ' ಚಿತ್ರವನ್ನು ಅದ್ದೂರಿ ವೆಚ್ಚದಲ್ಲಿ‌ ನಿರ್ಮಾಣ ಮಾಡುತ್ತಿದ್ದಾರೆ.

Prajwal Devaraj: ಪ್ರಜ್ವಲ್ ದೇವರಾಜ್ ನಟನೆಯ 'ಗಣ' ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ ಮಾಡಿದ 17ಕ್ಕೂ ಹೆಚ್ಚು ಸೆಲೆಬ್ರಿಟಿಗಳು - Kannada News | Dynamic Prince Prajwal Devaraj starrer ...

ರಿಲೀಸ್‌ಗೆ 'ಗಣ' & 'ಮಾಫಿಯಾ'

ನಟ ಪ್ರಜ್ವಲ್ ದೇವರಾಜ್‌ ಅವರು ಹರಿಪ್ರಸಾದ್ ಜಕ್ಕ ಅವರ 'ಗಣ' ಚಿತ್ರದಲ್ಲಿ ನಟಿಸಿದ್ದು, ಈಚೆಗೆ ಅದರ ಟೀಸರ್ ರಿಲೀಸ್ ಆಗಿತ್ತು. ಜೊತೆಗೆ ಅತೀ ಶೀಘ್ರದಲ್ಲೇ 'ಗಣ' ಚಿತ್ರವನ್ನು ತೆರೆಗೆ ತರಲು ಚಿತ್ರತಂಡ ಪ್ಲ್ಯಾನ್ ಮಾಡಿಕೊಂಡಿದೆ. ಹಾಗೆಯೇ 'ಮಮ್ಮಿ' ಲೋಹಿತ್ ನಿರ್ದೇಶನದ 'ಮಾಫಿಯಾ' ಚಿತ್ರದಲ್ಲೂ ಪ್ರಜ್ವಲ್ ದೇವರಾಜ್‌ ನಟಿಸಿದ್ದಾರೆ. ಅದು ಕೂಡ ರಿಲೀಸ್‌ಗೆ ಸಿದ್ಧವಾಗಿದೆ.

Prajwal Devaraj and dance master Kalai join hands for new project.