ಸಕ್ಕರೆ ಕಾಯಿಲೆ, ಬೊಜ್ಜು, ಕಿಡ್ನಿ ಸಮಸ್ಯೆ ಬರಬಾರದೆಂದರೆ ಈ ಡ್ರಿಂಕ್ಸ್‌ ಕುಡಿಯಬೇಡಿ!

ಬ್ರೇಕಿಂಗ್ ನ್ಯೂಸ್

Mangalore, Moodbidri college, Rape, Blackmail, Student: ನೋಟ್ಸ್ ನೆಪದಲ್ಲಿ ವಿದ್ಯಾರ್ಥಿನಿ ಜೊತೆಗೆ ಸಲುಗೆ ; ಮೂಡುಬಿದ್ರೆ ಕಾಲೇಜಿನ ಇಬ್ಬರು ಉಪನ್ಯಾಸಕರಿಂದ ರೇಪ್, ವಿಡಿಯೋ ಇದೆಯೆಂದು ಬ್ಲಾಕ್ಮೇಲ್, ಮೂವರನ್ನು ಬಂಧಿಸಿದ ಬೆಂಗಳೂರು ಪೊಲೀಸರು | ಹಿಂದು ಯುವತಿಯರನ್ನು ಮತಾಂತರ ಮಾಡುತ್ತಿದ್ದಾನೆಂದು ಸುಳ್ಳು ಸುದ್ದಿ ಪ್ರಚಾರ ; ಸುರತ್ಕಲ್ ವ್ಯಕ್ತಿಯ ಬಗ್ಗೆ ವಾಟ್ಸಪ್ ನಲ್ಲಿ ಕೋಮು ದ್ವೇಷ, ಕೋಡಿಕೆರೆ ಲೋಕಿ ಸೇರಿ ಇಬ್ಬರ ವಿರುದ್ಧ ಕೇಸು | Karkala Parashurama Theme Park: ಕಾರ್ಕಳ ಪರಶುರಾಮ ಥೀಮ್ ಪಾರ್ಕ್ ವಿವಾದ ; ಚಾರ್ಜ್ ಶೀಟ್ ಹಾಕಿ ಕೈತೊಳೆದುಕೊಂಡ ಪೊಲೀಸರು, ನಕಲಿ ಮೂರ್ತಿ ಇನ್ನೂ ನಾಪತ್ತೆ, ಅವ್ಯವಹಾರದ ಬಗ್ಗೆ ತನಿಖೆ ಇಲ್ಲ! ಹೊಣೆಯನ್ನು ಶಿಲ್ಪಿ ತಲೆಗೆ ಕಟ್ಟಿ ಚಾಪ್ಟರ್ ಕ್ಲೋಸ್ ? |

ಸಕ್ಕರೆ ಕಾಯಿಲೆ, ಬೊಜ್ಜು, ಕಿಡ್ನಿ ಸಮಸ್ಯೆ ಬರಬಾರದೆಂದರೆ ಈ ಡ್ರಿಂಕ್ಸ್‌ ಕುಡಿಯಬೇಡಿ!

01-03-22 08:53 pm Source: ManoharV Shetty, Vijayakarnataka ಡಾಕ್ಟರ್ಸ್ ನೋಟ್

ಬೇಸಿಗೆಗಾಲ ಶುರುವಾಗುವ ಸಮಯ ಬಂದಾಗಿದೆ, ಈ ಸಮಯದಲ್ಲಿ ಜನರು ಸಾಫ್ಟ್ ಡ್ರಿಂಕ್ಸ್ ಕಡೆ ಮನಸ್ಸು ಮಾಡುವುದು ಸಹಜ. ಆದರೆ ಆರೋಗ್ಯದ ಬಗ್ಗೆ ಹುಷಾರು!!

ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನವರ ಮನೆಯ ಫ್ರಿಡ್ಜ್‌ ನಲ್ಲಿ ಹಣ್ಣು-ತರಕಾರಿಗಳ ಸ್ಟಾಕ್ ಇರುತ್ತವೋ ಇಲ್ಲವೋ ಗೊತ್ತಿಲ್ಲ. ಆದರೆ ಒಂದೆರಡು ಬಾಟಲ್ ಕೂಲ್ ಡ್ರಿಂಕ್ಸ್ ಅಂತೂ ಇದ್ದೇ ಇರುತ್ತದೆ!! ಸುಮ್ಮನೆ ಹಾಗೆ ವಾಕ್ ಮಾಡಲು ಎಂದು ಹೊರಗಡೆ ಹೋದಾಗ, ಇಲ್ಲಾಂದರೆ ಬೇಕರಿ ಕಡೆ ಹೋದಾಗ, ಮಾರ್ಕೆಟ್‌ಗೆ ತರಕಾರಿಗಳನ್ನು ತರಲು ಹೋದಾಗಲೋ, ಅಥವಾ ಸೂಪರ್ ಮಾರ್ಕೆಟ್‌ಗೆ ಹೋದಾಗ ಕಣ್ಣಿಗೆ ಕಾಣುವ ವಿವಿಧ ಬಣ್ಣ ಬಣ್ಣಗಳ ಕೂಲ್ ಡ್ರಿಂಕ್ಸ್‌ ಬಾಟಲ್‌ಗಳನ್ನು ಮನೆಗೆ ತರುವುದು ವಾಡಿಕೆ ಆಗಿಬಿಟ್ಟಿದೆ.

ಇನ್ನು ಫ್ರೆಂಡ್ಸ್ ಜೊತೆಗೆ ಪಾರ್ಟಿ ಮಾಡುವಾಗ ಅಥವಾ ಮನೆಯಲ್ಲಿ ಏನಾದರೂ ಫಂಕ್ಷನ್ ಇದ್ದಾಗ ಈ ಕಾರ್ಬೊನೇಟೆಡ್ ಡ್ರಿಂಕ್ಸ್ ಅಂದರೆ ತಂಪು ಪಾನೀಯಗಳದ್ದೇ ಕಾರುಬಾರು! ಮನೆಯಲ್ಲಿ ಯಾವುದೇ ವಯಸ್ಸಿನ ಅಂತರವಿಲ್ಲದೆ ಪುಟ್ಟ ಮಕ್ಕಳು ದೊಡ್ಡವರು ಮತ್ತು ವಯಸ್ಸಾದವರು ಇವುಗಳ ಸೇವನೆ ಮಾಡುತ್ತಾರೆ.

ಆದರೆ ನೆನಪಿರಲಿ ಈ ಪಾನೀಯದಲ್ಲಿ ಕೃತಕ ಸಿಹಿ ಅಂಶದ ಪ್ರಮಾಣ ಅಧಿಕವಾಗಿರುತ್ತದೆ. ಇದರಿಂದಾಗಿ ಸಾಕಷ್ಟು ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ. ಈಗಾಗಲೇ ಆರೋಗ್ಯ ತಜ್ಞರು ಕೂಡ ಈ ಕಾರ್ಬೊನೇಟೆಡ್ ಪಾನೀಯಗಳ ಸೇವನೆ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎನ್ನುವ ಅಭಿಪ್ರಾಯವನ್ನೇ ನೀಡಿದ್ದಾರೆ. ಅಷ್ಟೇ ಅಲ್ಲದೇ ಇವುಗಳಲ್ಲಿ ಅಪಾರ ಪ್ರಮಾಣದ ಸಕ್ಕರೆ ಅಂಶ ಇರುವುದರಿಂದ ಮುಂದಿನ ದಿನಗಳಲ್ಲಿ ಸಕ್ಕರೆ ಕಾಯಿಲೆ ಬರುವ ಸಾಧ್ಯತೆಯನ್ನು ಕೂಡ ಅಲ್ಲಗಳೆಯುವ ಹಾಗಿಲ್ಲ!! ಬನ್ನಿ ಈ ಅತಿಯಾಗಿ ಈ ಪಾನೀಯ ಸೇವನೆಯಿಂದ ಮತ್ತೇನು ಆರೋಗ್ಯ ಸಮಸ್ಯೆಗಳು ಕಾಡಬಹುದು ಎಂಬುದನ್ನು ನೋಡೋಣ...

ಬೊಜ್ಜಿನ ಸಮಸ್ಯೆ

5 Simple Ways to Naturally Lose Belly Fat, Ayurveda Expert Suggests

ಕಾರ್ಬೊನೇಟೆಡ್ ಪಾನೀಯಗಳು ಅಥವಾ ಸೋಡಾಯುಕ್ತ ಪಾನೀಯಗಳ ಅಧಿಕ ಪ್ರಮಾಣದಲ್ಲಿ ಕ್ಯಾಲೋರಿಗಳು ಇರುವುದರಿಂದ, ಸೊಂಟದ ಭಾಗದಲ್ಲಿ ಬೊಜ್ಜಿನ ಸಮಸ್ಯೆ ಉಂಟಾಗಬಹುದು. ಒಂದು ವೇಳೆ ಬೊಜ್ಜಿನ ಸಮಸ್ಯೆ ಜಾಸ್ತಿಯಾಗಿ ಬಿಟ್ಟರೆ, ಇದನ್ನು ನಿಯಂತ್ರಣಕ್ಕೆ ತರುವುದು ಅಷ್ಟು ಸುಲಭದ ಮಾತಲ್ಲ! ಅಲ್ಲದೇ ಮುಂದೆ ಹೃದಯಕ್ಕೂ ಅಪಾಯ ಬರುವ ಸಂಭವ ಇರುತ್ತದೆ. ಹೀಗಾಗಿ ಆದಷ್ಟು ನೈಸರ್ಗಿಕವಾಗಿ ಸಿಗುವ ಪಾನೀಯಗಳಿಗೆ ಹೆಚ್ಚಿನ ಪ್ರಾಶಸ್ತ್ಯ ನೀಡಿ.

ಮಧುಮೇಹ ಬರುವ ಅಪಾಯ ಇರುತ್ತದೆ

12 Ayurvedic Medicines For Diabetes That You Should Definitely Know!

ದೇಹದಲ್ಲಿ ನೀರಿನ ಪ್ರಮಾಣ ಕಡಿಮೆ ಆಗುತ್ತಾ ಹೋದಂತೆ ನಿರ್ಜಲೀಕರಣ ಸಮಸ್ಯೆ ಬರುವ ಸಂಭವ ಜಾಸ್ತಿ ಇರುತ್ತದೆ. ಹೀಗಾಗಿ ಈ ಸಮಸ್ಯೆ ಬರಬಾರದೆಂದರೆ ಚೆನ್ನಾಗಿ ನೀರು ಕುಡಿಯಬೇಕು, ಜೊತೆಗೆ ಆರೋಗ್ಯಕರವಾದ ಪಾನೀಯಗಳನ್ನು ಕೂಡ ದಿನಕ್ಕೊಮ್ಮೆ ಕುಡಿದು, ನಮ್ಮ ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು.
ಇನ್ನು ಬೇಸಿಗೆ ಕಾಲದಲ್ಲಿ ಹೆಚ್ಚು ಬಾಯಾರಿಕೆ ಆಗುವುದರಿಂದ, ದೇಹಕ್ಕೆ ನೀರಿನ ಅವಶ್ಯಕತೆ ಹೆಚ್ಚಿರುತ್ತದೆ. ಸಾಮಾನ್ಯವಾಗಿ ಈ ಸಮಯದಲ್ಲಿ ತಂಪಾದ ಪಾನೀಯಗಳನ್ನು ಕುಡಿಯುವ ಹಾಗೆ ಮನಸ್ಸು ಹಾತೊರೆಯುತ್ತದೆ.
ಈ ಸಮಯದಲ್ಲಿ ದೇಹಕ್ಕೆ ತಂಪು ನೀಡುವ ಸಲುವಾಗಿ ಈ ಸಕ್ಕರೆ ಅಂಶ ಒಳಗೊಂಡಿರುವ ತಂಪು ಪಾನೀಯಗಳನ್ನು ಅಥವಾ ಕಾರ್ಬೊನೇಟೆಡ್ ಪಾನೀಯಗಳನ್ನು ಜಾಸ್ತಿ ಸೇವನೆ ಮಾಡಿದರೆ, ಮಧುಮೇಹ ಸಮಸ್ಯೆ ಬರುವ ಸಂಭವ ಜಾಸ್ತಿ ಇರುತ್ತದೆ. ಈ ಪಾನೀಯಗಳಲ್ಲಿ ಕಂಡುಬರುವ ಸೋಡಾ ಅಂಶವು ರಕ್ತದಲ್ಲಿ ಸಕ್ಕರೆ ಅಂಶವನ್ನು ಹೆಚ್ಚು ಮಾಡುವ ಗುಣಲಕ್ಷಣಗಳನ್ನು ಹೊಂದಿದೆ.

ಬೇಗನೇ ವಯಸ್ಸಾದವರ ಹಾಗೆ ಕಾಣುವಿರಿ!!

ಮಿತಿಯಿಲ್ಲದೆ ಈ ತಂಪು ಪಾನೀಯ ಅಥವಾ ಕಾರ್ಬೊನೇಟೆಡ್ ಪಾನೀಯಗಳನ್ನು ಕುಡಿಯುವು ದರಿಂದ ಸಣ್ಣ ವಯಸ್ಸಿನಲ್ಲಿಯೇ, ವಯಸ್ಸಾದವರಂತೆ ಕಾಣುವಿರಿ. ಇದರಲ್ಲಿರುವ ಅತಿಯಾದ ಸಕ್ಕರೆ ಅಂಶ ಹಾಗೂ ಬರುಗು ಬರಿಸುವ ಸೋಡಾದ ಅಂಶ ದೇಹ ಸೇರಿ ವಯಸ್ಸಾಗುವಿಕೆ ಪ್ರಕ್ರಿಯೆಯನ್ನು ಹೆಚ್ಚು ಮಾಡುತ್ತದೆ ಎಂದು ಅಧ್ಯಾಯನ ವರದಿ ತಿಳಿಸಿದೆ. ಹಾಗಾಗಿ ಯೌವನವನ್ನು ಕಾಪಾಡಿಕೊಳ್ಳಬೇಕು ಎಂದರೆ ಈ ಪಾನೀಯಗಳ ಸೇವನೆಯನ್ನು ಮಿತಿಯಲ್ಲಿ ಇಟ್ಟುಕೊಳ್ಳಬೇಕು.

ಕಿಡ್ನಿಗೆ ಸಮಸ್ಯೆ ಬರಬಹುದು!

Adult kidneys constantly grow, remodel themselves, study finds | News Center | Stanford Medicine

ಮಿತಿಯಿಲ್ಲದೇ, ಸಾಫ್ಟ್ ಡ್ರಿಂಕ್ಸ್ ಕುಡಿದರೆ ಮೂತ್ರದಲ್ಲಿ ಪ್ರೊಟೀನ್ ಅಂಶ ಹೆಚ್ಚಾಗುತ್ತದೆ. ಇದರಿಂದ ಮೂತ್ರಪಿಂಡಗಳಿಗೆ ಹಾನಿ ಉಂಟಾಗುತ್ತದೆ. ಕೆಲವರು ಊಟ-ತಿಂಡಿ ಜೊತೆಗೆ ಕೂಡ ಸಾಫ್ಟ್ ಡ್ರಿಂಕ್ಸ್ ಕುಡಿಯುವ ಅಭ್ಯಾಸ ಇಟ್ಟುಕೊಂಡಿರುತ್ತಾರೆ, ಆದರೆ ಇಂತಹ ಅಭ್ಯಾಸವನ್ನು ಕೂಡಲೇ ನಿಲ್ಲಿಸಬೇಕು, ಇಲ್ಲಾಂದರೆ ಮುಂದಿನ ದಿನಗಳಲ್ಲಿ ಕಿಡ್ನಿಗಳಿಗೆ ಸಮಸ್ಯೆ ಬರುವ ಸಂಭವ ಜಾಸ್ತಿ ಇರುತ್ತದೆ.

ಹಲ್ಲುಗಳ ಮತ್ತು ವಸಡುಗಳ ಆರೋಗ್ಯಕ್ಕೆ ಒಳ್ಳೆಯದಲ್ಲ

8 Most Common Dental Problems And Treatments – The Second Angle

ನಿಮಗೆ ಗೊತ್ತಿರಲಿ, ಈ ಪಾನೀಯಗಳಲ್ಲಿ ಅತಿಯಾದ ಕಾರ್ಬೋನಿಕ್ ಆಮ್ಲ, ಫಾಸ್ಫಾರಿಕ್ ಆಮ್ಲ, ಸಿಟ್ರಿಕ್ ಆಮ್ಲ ಅಧಿಕವಾಗಿ ಕಂಡುಬರುವುದರಿಂದ ದೇಹದಲ್ಲಿ ಕ್ಯಾಲ್ಸಿಯಂ ಅಂಶದ ಪ್ರಮಾಣ ಕಡಿಮೆ ಆಗುತ್ತಾ ಹೋಗುತ್ತದೆ. ಕೊನೆಗೆ ಇದೆಲ್ಲಾ ಕಾರಣಗಳಿಂದಾಗಿ ಮುಂದಿನ ದಿನಗಳಲ್ಲಿ ಹಲ್ಲುಗಳ ಮತ್ತು ವಸಡುಗಳ ಆರೋಗ್ಯ ಕೂಡ ಹದಗೆಡುತ್ತವೆ.