Subbanna Pandit, Folk Academy Award: 45 ವರ್ಷಗಳ ದೈವಸೇವೆಗೆ ರಾಜ್ಯಮಟ್ಟದ ಗೌರವ ; ದೈವ ನರ್ತಕ ಸುಬ್ಬಣ್ಣ ಪಂಡಿತರಿಗೆ ಜಾನಪದ ಅಕಾಡೆಮಿ ಪ್ರಶಸ್ತಿ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

Subbanna Pandit, Folk Academy Award: 45 ವರ್ಷಗಳ ದೈವಸೇವೆಗೆ ರಾಜ್ಯಮಟ್ಟದ ಗೌರವ ; ದೈವ ನರ್ತಕ ಸುಬ್ಬಣ್ಣ ಪಂಡಿತರಿಗೆ ಜಾನಪದ ಅಕಾಡೆಮಿ ಪ್ರಶಸ್ತಿ

24-10-26 12:19 pm HK News Staffer ಕರಾವಳಿ

ತುಳುನಾಡಿನ ದೈವಾರಾಧನೆ ಮತ್ತು ಪಾರಂಪರಿಕ ಜಾನಪದ ಕಲೆಗೆ ಮತ್ತೊಂದು ಗೌರವ ಲಭಿಸಿದೆ. ದಕ್ಷಿಣ ಕನ್ನಡ ಜಿಲ್ಲೆಯ ಬಜತ್ತೂರು ಗ್ರಾಮದ ಕಾಂಚನ ಕುಡ್ತಡ್ಕ ನಿವಾಸಿ, ಪ್ರಸಿದ್ಧ ದೈವನರ್ತಕ ಸುಬ್ಬಣ್ಣ ಪಂಡಿತರು ಕರ್ನಾಟಕ ಜಾನಪದ ಅಕಾಡೆಮಿಯ 2026-27ನೇ ಸಾಲಿನ ವಾರ್ಷಿಕ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಸುಮಾರು ನಾಲ್ಕೂವರೆ ದಶಕಗಳಿಂದ ದೈವಸೇವೆಯಲ್ಲಿ ತೊಡಗಿಸಿಕೊಂಡಿರುವ ಇವರ ಸಾಧನೆಗೆ ರಾಜ್ಯಮಟ್ಟದ ಮನ್ನಣೆ ದೊರೆತಿದೆ.

ಬಂಟ್ವಾಳ, ಅ.24 : ತುಳುನಾಡಿನ ದೈವಾರಾಧನೆ ಮತ್ತು ಪಾರಂಪರಿಕ ಜಾನಪದ ಕಲೆಗೆ ಮತ್ತೊಂದು ಗೌರವ ಲಭಿಸಿದೆ. ದಕ್ಷಿಣ ಕನ್ನಡ ಜಿಲ್ಲೆಯ ಬಜತ್ತೂರು ಗ್ರಾಮದ ಕಾಂಚನ ಕುಡ್ತಡ್ಕ ನಿವಾಸಿ, ಪ್ರಸಿದ್ಧ ದೈವನರ್ತಕ ಸುಬ್ಬಣ್ಣ ಪಂಡಿತರು ಕರ್ನಾಟಕ ಜಾನಪದ ಅಕಾಡೆಮಿಯ 2026-27ನೇ ಸಾಲಿನ ವಾರ್ಷಿಕ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಸುಮಾರು ನಾಲ್ಕೂವರೆ ದಶಕಗಳಿಂದ ದೈವಸೇವೆಯಲ್ಲಿ ತೊಡಗಿಸಿಕೊಂಡಿರುವ ಇವರ ಸಾಧನೆಗೆ ರಾಜ್ಯಮಟ್ಟದ ಮನ್ನಣೆ ದೊರೆತಿದೆ.

20ನೇ ವಯಸ್ಸಿನಿಂದಲೇ ದೈವನರ್ತನ ಸೇವೆ

ಸುಬ್ಬಣ್ಣ ಪಂಡಿತರು ತಮ್ಮ 20ನೇ ವಯಸ್ಸಿನಿಂದ ಕಲ್ಲುರ್ಟಿ, ಗುಳಿಗ ಸೇರಿದಂತೆ ವಿವಿಧ ದೈವಗಳಿಗೆ ನರ್ತನ ಸೇವೆ ಸಲ್ಲಿಸಲು ಆರಂಭಿಸಿದರು. ತಂದೆ ದುಗ್ಗಣ್ಣ ಪಂಡಿತರ ನಿಧನದ ಬಳಿಕ ಶಿರಾಡಿ, ಬಸ್ತಿನಾಯ್ಕ, ರಕ್ತೇಶ್ವರಿ ಸೇರಿದಂತೆ ಹಲವು ಪ್ರಧಾನ ದೈವಗಳ ಕೋಲ ಸೇವೆಯನ್ನು ಮುಂದುವರಿಸಿಕೊಂಡು ಬಂದಿದ್ದಾರೆ.

ಪುತ್ತೂರು ಮತ್ತು ಕಡಬ ತಾಲೂಕಿನ ಗ್ರಾಮೀಣ ಭಾಗಗಳಲ್ಲಿ ಚಿರಪರಿಚಿತರಾಗಿರುವ ಇವರು, ಬೆಳ್ತಂಗಡಿಯ ಮುಗೇರಡ್ಕ, ಬಜತ್ತೂರಿನ ಪಡ್ಪು, ಮಣಿಕ್ಕಳ, ನಾಗೋಜಿ, ಕಣಿಯ ಹಾಗೂ ನೆಕ್ಕಿಲಾಡಿ ಸೇರಿದಂತೆ ವಿವಿಧ ಪ್ರದೇಶಗಳ ನೇಮೋತ್ಸವಗಳಲ್ಲಿ ನರ್ತನ ಸೇವೆ ಸಲ್ಲಿಸಿದ್ದಾರೆ.

ತುಳುನಾಡಿನ ಗಡಿ ದಾಟಿದ ದೈವಸೇವೆ

ಸುಬ್ಬಣ್ಣ ಪಂಡಿತರ ಸೇವೆ ಕರಾವಳಿಗೆ ಮಾತ್ರ ಸೀಮಿತವಾಗಿಲ್ಲ. ಹಾಸನ ಜಿಲ್ಲೆಯ ಶ್ರವಣಬೆಳಗೊಳದಲ್ಲಿ ನಡೆಯುವ ನೇಮೋತ್ಸವದಲ್ಲಿ ಕಲ್ಕುಡ ಮತ್ತು ಕಲ್ಲುರ್ಟಿ ದೈವಗಳಿಗೆ ಹಲವು ವರ್ಷಗಳಿಂದ ನರ್ತನ ಸೇವೆ ಸಲ್ಲಿಸುತ್ತಿದ್ದಾರೆ. ಸಕಲೇಶಪುರ ಭಾಗದಲ್ಲಿಯೂ ದೈವಸೇವೆ ನಡೆಸುವ ಮೂಲಕ ತುಳುನಾಡಿನ ಸಾಂಪ್ರದಾಯಿಕ ಜಾನಪದ ಕಲೆಯನ್ನು ಮಲೆನಾಡಿನ ಭಾಗಗಳಿಗೂ ಪರಿಚಯಿಸಿದ್ದಾರೆ.

ಕರ್ನಾಟಕ ಜಾನಪದ ಅಕಾಡೆಮಿಯ ಅಧ್ಯಕ್ಷ ಗೊಲ್ಲ ಪ್ರಸಾದ್ ಮತ್ತು ರಿಜಿಸ್ಟ್ರಾರ್ ಶೃತಿ ಎಂ. ಅವರು ಪ್ರಶಸ್ತಿ ವಿಜೇತರ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದಾರೆ. ಆಯ್ಕೆಯಾದ 30 ಮಂದಿ ವಾರ್ಷಿಕ ಪ್ರಶಸ್ತಿ ಪುರಸ್ಕೃತರಿಗೆ ತಲಾ ₹25,000 ನಗದು ಬಹುಮಾನ, ಫಲತಾಂಬೂಲ, ಸ್ಮರಣಿಕೆ ಹಾಗೂ ಶಾಲು ಹೊದಿಸಿ ಗೌರವಿಸಲಾಗುತ್ತದೆ.