ಮಂಗಳೂರಿನಿಂದ ಗಲ್ಫ್ ರಾಷ್ಟ್ರಗಳಿಗೆ ವಿಮಾನ ಸಂಚಾರ ಹೆಚ್ಚಳ ; ಏರ್ ಇಂಡಿಯಾ, ಇಂಡಿಗೋ ಸಂಸ್ಥೆಯಿಂದ ಮತ್ತಷ್ಟು ವಿಮಾನ

ಬ್ರೇಕಿಂಗ್ ನ್ಯೂಸ್

Illegal Dream Deal Scheme, Promoted on KSRTC: ತಿಂಗಳಿಗೆ ಒಂದು ಸಾವಿರಕ್ಕೆ ದುಬಾರಿ ಗಿಫ್ಟ್ ; ಪ್ರತಿ ತಿಂಗಳು 50 ಲಕ್ಷ ಮೌಲ್ಯದ ಬಹುಮಾನ ! ಅಕ್ರಮ ಲಕ್ಕಿ ಸ್ಕೀಮ್ ಪರ ಕೆಎಸ್ಸಾರ್ಟಿಸಿ ಬಸ್ಗಳಲ್ಲಿ ಜಾಹೀರಾತು, ಡ್ರೀಮ್ ಡೀಲ್ ಸ್ಕೀಮಿಗೆ ಭರ್ಜರಿ ಪ್ರಚಾರ ! | ದೊಡ್ಡ ಮಟ್ಟದ ವಿಧ್ವಂಸಕ ಕೃತ್ಯಕ್ಕೆ ಸಂಚು ; ಮೂವರು ಶಂಕಿತ ಐಸಿಸ್ ಉಗ್ರರನ್ನು ಬಂಧಿಸಿದ ಗುಜರಾತ್ ಎಟಿಎಸ್, ಚೀನಾದಲ್ಲಿ ಎಂಬಿಬಿಎಸ್ ಕಲಿತು ಬಂದು ವಿಷಕಾರಿ ರಾಸಾಯನಿಕ ತಯಾರಿಸುತ್ತಿದ್ದ ಡಾಕ್ಟರ್ ಸೆರೆ | ಮುಸ್ಲಿಂ, ಕ್ರೈಸ್ತರು ಆರೆಸ್ಸೆಸ್ ಶಾಖೆಗೆ ಬರಬಹುದಾ? ಸಂಘವನ್ನು ಯಾಕೆ ನೋಂದಣಿ ಮಾಡಿರಲಿಲ್ಲ..? ಕಾಂಗ್ರೆಸ್ ಪ್ರಶ್ನೆಗಳಿಗೆ ಉತ್ತರಿಸಿದ ಮೋಹನ್ ಭಾಗವತ್ |

ಮಂಗಳೂರಿನಿಂದ ಗಲ್ಫ್ ರಾಷ್ಟ್ರಗಳಿಗೆ ವಿಮಾನ ಸಂಚಾರ ಹೆಚ್ಚಳ ; ಏರ್ ಇಂಡಿಯಾ, ಇಂಡಿಗೋ ಸಂಸ್ಥೆಯಿಂದ ಮತ್ತಷ್ಟು ವಿಮಾನ

17-07-24 09:58 am Mangalore Correspondent ಕರಾವಳಿ

ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಗಲ್ಫ್ ರಾಷ್ಟ್ರಗಳಿಗೆ ಮತ್ತು ಮುಂಬೈ, ಬೆಂಗಳೂರಿಗೆ ಪ್ರಯಾಣಿಸುವ ವಿಮಾನಗಳ ಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸಲಾಗಿದೆ.

ಮಂಗಳೂರು, ಜುಲೈ 17: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಗಲ್ಫ್ ರಾಷ್ಟ್ರಗಳಿಗೆ ಮತ್ತು ಮುಂಬೈ, ಬೆಂಗಳೂರಿಗೆ ಪ್ರಯಾಣಿಸುವ ವಿಮಾನಗಳ ಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸಲಾಗಿದೆ. ಏರ್ ಇಂಡಿಯಾ ಮತ್ತು ಇಂಡಿಗೋ ಸಂಸ್ಥೆಯಿಂದ ಪ್ರತಿದಿನದ ವಿಮಾನ ಸಂಚಾರ ವ್ಯವಸ್ಥೆಯನ್ನು ಮಾಡಲಾಗಿದೆ.

ಮಂಗಳೂರಿನಿಂದ ಜೆದ್ದಾಗೆ ಏರ್ ಇಂಡಿಯಾ ಎಕ್ಸ್ ಪ್ರೆಸ್ ವಿಮಾನ ಎಪ್ರಿಲ್ 3ರಿಂದ ವಾರಕ್ಕೊಮ್ಮೆ ಸಂಚರಿಸುತ್ತಿದೆ. ಇದೀಗ ಪ್ರಯಾಣಿಕರ ದಟ್ಟಣೆ ಹಿನ್ನೆಲೆಯಲ್ಲಿ ಅಬುಧಾಬಿಗೆ ಈಗ ಇರುವ ವಾರದ ನಾಲ್ಕು ದಿನಗಳ ಬದಲು ಏರ್ ಇಂಡಿಯಾದಿಂದ ಪ್ರತಿದಿನ ವಿಮಾನ ವ್ಯವಸ್ಥೆಗೆ ಮುಂದಾಗಿದೆ. ಜುಲೈ 22ರಂದು ರಾತ್ರಿ 8.15ಕ್ಕೆ ಅಬುಧಾಬಿಯಿಂದ ಐಎಕ್ಸ್ 819 ಹೆಸರಿನ ವಿಮಾನ ಸಂಚಾರ ಆರಂಭಿಸಲಿದೆ. ಈ ಹೊಸ ವಿಮಾನ ಸೋಮವಾರ, ಬುಧವಾರ, ಶುಕ್ರವಾರ ಮಂಗಳೂರಿಗೆ ಬರಲಿದೆ. ಏರ್ ಇಂಡಿಯಾ ಸಂಸ್ಥೆ ಮಂಗಳೂರಿನಿಂದ ಅಬುಧಾಬಿ, ಬೆಹ್ರೈನ್, ದುಬೈ, ದಮ್ಮಾಮ್, ದೋಹಾ, ಜೆದ್ದಾ, ಕುವೈ ಮತ್ತು ಮಸ್ಕತ್ ನಡುವೆ ನೇರ ವಿಮಾನ ವ್ಯವಸ್ಥೆ ಹೊಂದಿದೆ.

ಇದೇ ವೇಳೆ, ಇಂಡಿಗೋ ಸಂಸ್ಥೆ ಕೂಡ ಮಂಗಳೂರಿನಿಂದ ಅಬುಧಾಬಿಗೆ ಪ್ರತಿದಿನದ ಸಂಚಾರಕ್ಕೆ ವ್ಯವಸ್ಥೆ ಮಾಡಿಕೊಂಡಿದೆ. ಆಗಸ್ಟ್ 9ರಿಂದ ಪ್ರತಿ ದಿನ ಸಂಚಾರ ಆರಂಭಿಸುವ ಬಗ್ಗೆ ಇಂಡಿಗೋ ಸುಳಿವು ನೀಡಿದೆ. ದುಬೈ- ಮಂಗಳೂರು ನಡುವೆ ವಾರದಲ್ಲಿ ನಾಲ್ಕು ದಿನ ಇಂಡಿಗೋ ವಿಮಾನ ಸಂಚಾರ ಇದೆ. ಹೊಸತಾಗಿ ಆಗಸ್ಟ್ 9ರಿಂದ ಅಬುಧಾಬಿಯಿಂದ ಸಂಜೆ 4 ಗಂಟೆಗೆ 6ಇ 1443 ವಿಮಾನ ಹೊರಡಲಿದ್ದು, ಮಂಗಳೂರಿನಿಂದ ಅದೇ ದಿನ ರಾತ್ರಿ 9.40ಕ್ಕೆ 6ಇ 1442 ಹೆಸರಿನ ವಿಮಾನ ಹೊರಡಲಿದೆ.

ಇದೇ ವೇಳೆ, ದೇಸೀಯವಾಗಿ ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಮಂಗಳೂರಿನಿಂದ ಬೆಂಗಳೂರಿಗೆ ಮತ್ತೊಂದು ಹೆಚ್ಚುವರಿ ವಿಮಾನವನ್ನು ಜುಲೈ 22ರಿಂದ ಆರಂಭಿಸಿದೆ. ಐಎಕ್ಸ್ 1789 ಹೆಸರಿನ ಏರ್ ಇಂಡಿಯಾ ವಿಮಾನ ಬೆಂಗಳೂರಿನಿಂದ ಮಂಗಳೂರಿಗೆ ಸಂಜೆ 6.45ಕ್ಕೆ ತಲುಪಲಿದ್ದು, ಇದು ಸೋಮವಾರ, ಬುಧವಾರ ಮತ್ತು ಶುಕ್ರವಾರ ಇದೇ ಸಮಯಕ್ಕೆ ಸಂಚಾರ ನಡೆಸಲಿದೆ. ಇದೇ ವೇಳೆ, ಐಎಕ್ಸ್ 1780 ಹೆಸರಿನ ವಿಮಾನ ಮಂಗಳವಾರ, ಗುರುವಾರ ಮತ್ತು ಶನಿವಾರ ಬೆಳಗ್ಗೆ 7.05ಕ್ಕೆ ಮಂಗಳೂರಿನಿಂದ ಬೆಂಗಳೂರು ಹೊರಡಲಿದೆ.

ಜುಲೈ 16ರಿಂದ ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಮುಂಬೈನಿಂದ ಮಂಗಳೂರಿಗೆ ಡೈಲಿ ಪ್ರಯಾಣ ನಡೆಸಲಿದೆ. ಐಎಕ್ಸ್ 1295 ಹೆಸರಿನ ವಿಮಾನವು ಮಧ್ಯಾಹ್ನ 12.30ಕ್ಕೆ ಮುಂಬೈನಿಂದ ಹೊರಡಲಿದ್ದು, 2.05ಕ್ಕೆ ಮಂಗಳೂರು ತಲುಪಲಿದೆ. ಐಎಕ್ಸ್ 1296 ಹೆಸರಿನ ಮತ್ತೊಂದು ವಿಮಾನವು ಮಂಗಳೂರಿನಿಂದ ಅಪರಾಹ್ನ 2.45ಕ್ಕೆ ಹೊರಡಲಿದ್ದು, ಸಂಜೆ 4.25ಕ್ಕೆ ಮುಂಬೈ ತಲುಪಲಿದೆ. ಇದರೊಂದಿಗೆ ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನಗಳ ಸಂಚಾರ 25 ಶೇಕಡಾ ಏರಿಕೆ ಆದಂತಾಗಲಿದೆ. ಸದ್ಯ ವಾರದಲ್ಲಿ 276 ವಿಮಾನಗಳ ಸಂಚಾರ ಇದ್ದರೆ, ಆಗಸ್ಟ್ 9ರ ವೇಳೆಗೆ ಇದರ ಸಂಖ್ಯೆ 344 ಆಗಲಿದೆ.

The mangaluru international airport has further increased the number of flights to gulf countries and to Mumbai and Bengaluru. Daily flight arrangements have been made by Air India and IndiGo.