Mangalore New Year Celebration 2025, Rules, Police: ಮಂಗಳೂರಿನಲ್ಲಿ 49 ಕಡೆ ನ್ಯೂ ಇಯರ್ ಪಾರ್ಟಿ, ಕಡಲ ನಗರಿಯಲ್ಲಿ ಬಿಗಿ ಬಂದೋಬಸ್ತ್, ಡ್ರಗ್ಸ್- ಅಕ್ರಮ ಚಟುವಟಿಕೆ ಪತ್ತೆಗೆ 30 ಫ್ಲೈಯಿಂಗ್ ಸ್ಕ್ವಾಡ್ ರಚನೆ, ಕೆಎಸ್ ಆರ್ ಪಿ, ಸಿಎಆರ್ ಸೇರಿ ಫುಲ್ ಪೊಲೀಸ್ ಪವರ್ ಫೀಲ್ಡಿಗೆ

ಬ್ರೇಕಿಂಗ್ ನ್ಯೂಸ್

Gold smuggling case, Mangalore Court Verdict, Crime: ಗೋಲ್ಡ್ ಸ್ಮಗ್ಲಿಂಗ್ ಪ್ರಕರಣ ; ಕೇರಳದ ಇಬ್ಬರು ಸ್ನೇಹಿತರನ್ನು ಅಮಾನುಷ ಕೊಲೆಗೈದವರಿಗೆ ಜೀವಾವಧಿ ಶಿಕ್ಷೆ, ಮಂಗಳೂರಿನ ಕೋರ್ಟ್ ಘೋಷಣೆ | Ullal Gang Rape, Crime, Update, Mangalore: ಗ್ಯಾಂಗ್ ರೇಪ್ ಪ್ರಕರಣ ; ಮೂರನೇ ಆರೋಪಿಯನ್ನು ಫಿಕ್ಸ್ ಮಾಡಿದ್ರಾ ಉಳ್ಳಾಲ ಪೊಲೀಸರು? ಕ್ರಿಮಿನಲ್ ಹಿನ್ನೆಲೆ ಇಲ್ಲದ ಯುವಕನಿಗೆ ಕಪ್ಪುಚುಕ್ಕೆ..! | Mangalore Waqf protest, Traffic ACP Najma Farooqi: ವಕ್ಫ್ ಪ್ರತಿಭಟನೆ ; ಎಸಿಪಿ ನಜ್ಞಾ ಫಾರೂಕಿ ಕಾರು ದುರ್ಬಳಕೆ ಆಗಿಲ್ಲ, ಗಾಯಾಳು ಸಾಗಿಸಲು ನೆರವಾಗಿದ್ದಷ್ಟೇ, ವಿಡಿಯೋ ವೈರಲ್ ಬಗ್ಗೆ ಪೊಲೀಸ್ ಕಮಿಷನರ್ ಸ್ಪಷ್ಟನೆ |

Mangalore New Year Celebration 2025, Rules, Police: ಮಂಗಳೂರಿನಲ್ಲಿ 49 ಕಡೆ ನ್ಯೂ ಇಯರ್ ಪಾರ್ಟಿ, ಕಡಲ ನಗರಿಯಲ್ಲಿ ಬಿಗಿ ಬಂದೋಬಸ್ತ್, ಡ್ರಗ್ಸ್- ಅಕ್ರಮ ಚಟುವಟಿಕೆ ಪತ್ತೆಗೆ 30 ಫ್ಲೈಯಿಂಗ್ ಸ್ಕ್ವಾಡ್ ರಚನೆ, ಕೆಎಸ್ ಆರ್ ಪಿ, ಸಿಎಆರ್ ಸೇರಿ ಫುಲ್ ಪೊಲೀಸ್ ಪವರ್ ಫೀಲ್ಡಿಗೆ

30-12-24 08:19 pm Mangalore Correspondent ಕರಾವಳಿ

ಹೊಸ ವರ್ಷದ ಪಾರ್ಟಿ, ಅತಿ ಹೆಚ್ಚು ಪ್ರವಾಸಿಗರು ಕಡಲ ನಗರಿ ಮಂಗಳೂರಿಗೆ ಭೇಟಿ ನೀಡುತ್ತಿರುವ ಹಿನ್ನೆಲೆಯಲ್ಲಿ ಪೊಲೀಸರು ಬಿಗಿ ಬಂದೋಬಸ್ತ್ ಏರ್ಪಡಿಸಿದ್ದು, ಡಿ.31ರ ಇಡೀ ದಿನ ಟ್ರಾಫಿಕ್ ಸೇರಿದಂತೆ ಎಲ್ಲ ವಿಭಾಗದ ಪೊಲೀಸರು ಅಲರ್ಟ್ ಆಗಿರಲಿದ್ದಾರೆ. ಈ ಬಗ್ಗೆ ಪೊಲೀಸ್ ಕಮಿಷನರ್ ಅನುಪಮ್ ಅಗರ್ವಾಲ್ ಪ್ರತ್ಯೇಕ ಮಾರ್ಗಸೂಚಿ ಬಿಡುಗಡೆ ಮಾಡಿದ್ದಾರೆ.

ಮಂಗಳೂರು, ಡಿ.30: ಹೊಸ ವರ್ಷದ ಪಾರ್ಟಿ, ಅತಿ ಹೆಚ್ಚು ಪ್ರವಾಸಿಗರು ಕಡಲ ನಗರಿ ಮಂಗಳೂರಿಗೆ ಭೇಟಿ ನೀಡುತ್ತಿರುವ ಹಿನ್ನೆಲೆಯಲ್ಲಿ ಪೊಲೀಸರು ಬಿಗಿ ಬಂದೋಬಸ್ತ್ ಏರ್ಪಡಿಸಿದ್ದು, ಡಿ.31ರ ಇಡೀ ದಿನ ಟ್ರಾಫಿಕ್ ಸೇರಿದಂತೆ ಎಲ್ಲ ವಿಭಾಗದ ಪೊಲೀಸರು ಅಲರ್ಟ್ ಆಗಿರಲಿದ್ದಾರೆ. ಈ ಬಗ್ಗೆ ಪೊಲೀಸ್ ಕಮಿಷನರ್ ಅನುಪಮ್ ಅಗರ್ವಾಲ್ ಪ್ರತ್ಯೇಕ ಮಾರ್ಗಸೂಚಿ ಬಿಡುಗಡೆ ಮಾಡಿದ್ದಾರೆ.

15 ದಿನಗಳ ಮೊದಲೇ ಹೊಸ ವರ್ಷದ ಪಾರ್ಟಿ ಆಯೋಜಕರು ಪೊಲೀಸ್ ಅನುಮತಿ ಪಡೆಯಬೇಕೆಂದು ಸೂಚಿಸಲಾಗಿತ್ತು. ಅದರಂತೆ, ಪರವಾನಗಿ ಪಡೆದು ಮಂಗಳೂರು ನಗರ ವ್ಯಾಪ್ತಿಯ 49 ಕಡೆ ಪಾರ್ಟಿ ಆಯೋಜಿಸಿರುವುದನ್ನು ಪೊಲೀಸ್ ಕಮಿಷನರ್ ದೃಢಪಡಿಸಿದ್ದಾರೆ. ಅಲ್ಲದೆ, ವಾಹನ ದಟ್ಟಣೆ ನಿಯಂತ್ರಿಸಲು ಮತ್ತು ಕಾನೂನು ಬಾಹಿರ ಚಟುವಟಿಕೆ ಹತ್ತಿಕ್ಕುವ ಸಲುವಾಗಿ 103 ಕಡೆ ಪಿಕೆಟ್ ಪಾಯಿಂಟ್ಸ್ ಗುರುತಿಸಲಾಗಿದೆ. 19 ಕಡೆಗಳಲ್ಲಿ ಬ್ಯಾರಿಕೇಡ್ ಹಾಕಿ ತಪಾಸಣೆ ಕೈಗೊಳ್ಳಲಾಗುವುದು. ತುರ್ತು ಕ್ರಮ ಜರುಗಿಸುವ ನಿಟ್ಟಿನಲ್ಲಿ ಪಿಎಸ್ಐ ನೇತೃತ್ವದಲ್ಲಿ 60 ತಂಡಗಳನ್ನು ರಚಿಸಲಾಗಿದ್ದು, ಇಡೀ ದಿನ ಗಸ್ತು ನಡೆಸಲಿದ್ದಾರೆ.

ಇದಲ್ಲದೆ, ಪಿಎಸ್ಐ ನೇತೃತ್ವದಲ್ಲಿ 30 ಫ್ಲೈಯಿಂಗ್ ಸ್ಕ್ವಾಡ್ ರಚಿಸಲಾಗಿದ್ದು, ಪಾರ್ಟಿಗಳಲ್ಲಿ ಡ್ರಗ್ಸ್, ಇನ್ನಿತರ ಅಕ್ರಮ ಚಟುವಟಿಕೆ ಬಗ್ಗೆ ನಿಗಾ ಇಡಲಿದ್ದಾರೆ. ಮೂರು ಕೆಎಸ್ ಆರ್ ಪಿ ತುಕಡಿ, 10 ಸಿಎಆರ್ ತಂಡಗಳನ್ನು ಆಯಕಟ್ಟಿನ ಜಾಗಗಳಲ್ಲಿ ನಿಯೋಜಿಸಲಾಗುವುದು. ತಡರಾತ್ರಿ ವೇಳೆ ಬಂದೋಬಸ್ತ್ ಮೇಲೆ ಕಣ್ಣಿಡುವುದಕ್ಕಾಗಿ ಒಂದು ಎಸಿಪಿ ದರ್ಜೆಯ ಅಧಿಕಾರಿಯ ನೇತೃತ್ವದಲ್ಲಿ ಇಬ್ಬರು ಇನ್ಸ್ ಪೆಕ್ಟರ್ ಮತ್ತು ಆರು ಪಿಎಸ್ಐ ಒಳಗೊಂಡ ತಂಡಗಳು ಮಧ್ಯರಾತ್ರಿ 1 ಗಂಟೆಯಿಂದ ಬೆಳಗ್ಗೆ 6 ಗಂಟೆ ವರೆಗೆ ಪ್ರತ್ಯೇಕ ನಿಗಾ ಇಡಲಿವೆ. ಡಿಸಿಪಿ, ಎಸಿಪಿ ದರ್ಜೆಯ ಅಧಿಕಾರಿಗಳು ಒಟ್ಟು ಬಂದೋಬಸ್ತ್ ಮೇಲೆ ಮೇಲುಸ್ತುವಾರಿ ಹೊಂದಿರುತ್ತಾರೆ.

New Year Eve 2022: Why is New Year's Eve celebrated on 31 December and what does it mean?

ಮಧ್ಯಾಹ್ನದಿಂದಲೇ ಬಂದೋಬಸ್ತ್ ಶುರುವಾಗಲಿದ್ದು, ರಾತ್ರಿಯಿಡೀ ಮುಂದುವರಿಯಲಿದೆ. ಒಟ್ಟು ಬಂದೋಬಸ್ತ್ ನಲ್ಲಿ ಮೂರು ಡಿಸಿಪಿ, ಎಂಟು ಎಸಿಪಿಗಳು, 20 ಇನ್ಸ್ ಪೆಕ್ಟರ್ ಗಳು, 57 ಪಿಎಸ್ಐ, 76 ಎಎಸ್ಐ, 570 ಕಾನ್ಸ್ ಟೇಬಲ್ ಮತ್ತು 70 ಹೋಮ್ ಗಾರ್ಡ್ ಫೀಲ್ಡಿನಲ್ಲಿ ಇರಲಿದ್ದಾರೆ. ಉಳಿದಂತೆ, ನ್ಯೂ ಇಯರ್ ಪಾರ್ಟಿಗಳು ಮಧ್ಯರಾತ್ರಿ 12 ಗಂಟೆಗೆ ಕೊನೆಗೊಳ್ಳಬೇಕು. ಯಾವುದೇ ರೀತಿಯ ದುರ್ವರ್ತನೆ ಕಂಡುಬಂದಲ್ಲಿ ಪೊಲೀಸರು ಮುಲಾಜಿಲ್ಲದೆ ಕ್ರಮ ಕೈಗೊಳ್ಳಲಿದ್ದಾರೆ. ಕುಡಿದು ವಾಹನ ಚಾಲನೆ, ವೀಲಿಂಗ್, ಬಾಟಲಿಯನ್ನು ರಸ್ತೆಗೆಸೆಯುವುದು, ಅಸಭ್ಯ ವರ್ತನೆ ಪತ್ತೆಯಾದಲ್ಲಿ ಕಾನೂನು ಕ್ರಮ ಖಚಿತ. ಧ್ವನಿವರ್ಧಕ ಬಳಕೆಗೆ ಮೊದಲೇ ಅನುಮತಿ ಪಡೆದಿದ್ದಲ್ಲಿ ಮಾತ್ರ. ಯಾವುದೇ ಅಹಿತಕರ ಘಟನೆ ನಡೆದಲ್ಲಿ ಸಾರ್ವಜನಿಕರು 112 ಸಂಖ್ಯೆಗೆ ಕರೆ ಮಾಡಿ ದೂರು ಕೊಡಬಹುದು ಎಂದು ಪೊಲೀಸ್ ಕಮಿಷನರ್ ಅನುಪಮ್ ಅಗರ್ವಾಲ್ ತಿಳಿಸಿದ್ದಾರೆ.

49 new year 2025 events to take place in Mangalore, 30 flying squads places to track drug activities says police commissioner. Strictly enforcing a curfew on celebrations, the police have mandated that all events conclude by midnight. The use of sound systems, including loudspeakers, requires prior permission and sound levels must comply with the Noise Pollution (Regulation and Control) Rules, 2000, and directives from the Supreme Court. DJs are explicitly prohibited.