Mangalore Police Chief Sudheer Kumar Reddy, Vidoe: ಆರೋಪಿಗಳು, ಅವರಿಗೆ ಸಹಾಯ ಮಾಡಿದವರೆಲ್ಲ ಕೇಳಿಸಿಕೊಳ್ಳಿ.. ಬಿಎನ್ಎಸ್ ಕಾಯ್ದೆ ‘ದೊಡ್ಡವರನ್ನೂ’ ಹಿಡಿದು ಹಾಕುತ್ತದೆ ; ನೀವು ಏನೇ ಸಹಾಯ ಮಾಡಿದ್ರೂ ಆರೋಪಿಗಳೇ.. ಕಮಿಷನರ್ ಸುಧೀರ್ ರೆಡ್ಡಿ ವಾರ್ನಿಂಗ್

ಬ್ರೇಕಿಂಗ್ ನ್ಯೂಸ್

ಧರ್ಮಸ್ಥಳದಲ್ಲಿ 20 ವರ್ಷಗಳಲ್ಲಾದ ಯುವತಿಯರ ನಾಪತ್ತೆ- ಕೊಲೆ ಪ್ರಕರಣಗಳ ತನಿಖೆಗೆ ಎಸ್ಐಟಿ ರಚಿಸಲು ಮಹಿಳಾ ಆಯೋಗದಿಂದ ಮುಖ್ಯಮಂತ್ರಿಗೆ ಪತ್ರ | ಕಲ್ಲು ಮರಳಿನ ಸಮಸ್ಯೆಯಿಂದ ಜನರ ತಲೆಗೆ ಚಪ್ಪಡಿ ಕಲ್ಲು, ಜನರೊಂದಿಗೆ ಚೆಲ್ಲಾಟವಾಡಿದರೆ ಜಿಲ್ಲೆಗೆ ಕಾಲಿಡಲು ಬಿಡುವುದಿಲ್ಲ ; ಉಸ್ತುವಾರಿ ಸಚಿವರಿಗೆ ಬಿಜೆಪಿ ಶಾಸಕ ಭರತ್ ಶೆಟ್ಟಿ ಎಚ್ಚರಿಕೆ | Mrpl leakgae, Death, Fight: ಅನಿಲ ಸೋರಿಕೆಯಿಂದ ಇಬ್ಬರು ಕಾರ್ಮಿಕರು ಸಾವು ಪ್ರಕರಣ ; ಎಂಆರ್ ಪಿಎಲ್ ಅಧಿಕಾರಿಗಳ ವಿರುದ್ಧ ಸುರತ್ಕಲ್ ಠಾಣೆಯಲ್ಲಿ ಎಫ್ಐಆರ್, ಉತ್ತರ ಪ್ರದೇಶಕ್ಕೆ ಶವ ಒಯ್ದ ಸಹೋದ್ಯೋಗಿಗಳಿಗೆ ದಿಗ್ಬಂಧನ ! |

Mangalore Police Chief Sudheer Kumar Reddy, Vidoe: ಆರೋಪಿಗಳು, ಅವರಿಗೆ ಸಹಾಯ ಮಾಡಿದವರೆಲ್ಲ ಕೇಳಿಸಿಕೊಳ್ಳಿ.. ಬಿಎನ್ಎಸ್ ಕಾಯ್ದೆ ‘ದೊಡ್ಡವರನ್ನೂ’ ಹಿಡಿದು ಹಾಕುತ್ತದೆ ; ನೀವು ಏನೇ ಸಹಾಯ ಮಾಡಿದ್ರೂ ಆರೋಪಿಗಳೇ.. ಕಮಿಷನರ್ ಸುಧೀರ್ ರೆಡ್ಡಿ ವಾರ್ನಿಂಗ್

31-05-25 10:57 pm Mangalore Correspondent ಕರಾವಳಿ

ಮಂಗಳೂರು ಪೊಲೀಸ್ ಕಮಿಷನರ್ ಆಗಿ ಬಂದಿರುವ ಐಪಿಎಸ್ ಅಧಿಕಾರಿ ಸುಧೀರ್ ಕುಮಾರ್ ರೆಡ್ಡಿ ಮೊದಲ ದಿನವೇ ಅಪರಾಧಿಗಳ ಚಳಿ ಬಿಡಿಸುವ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.

ಮಂಗಳೂರು, ಮೇ 31 : ಮಂಗಳೂರು ಪೊಲೀಸ್ ಕಮಿಷನರ್ ಆಗಿ ಬಂದಿರುವ ಐಪಿಎಸ್ ಅಧಿಕಾರಿ ಸುಧೀರ್ ಕುಮಾರ್ ರೆಡ್ಡಿ ಮೊದಲ ದಿನವೇ ಅಪರಾಧಿಗಳ ಚಳಿ ಬಿಡಿಸುವ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.

ಯಾವುದೇ ಅಪರಾಧ ಪ್ರಕರಣದಲ್ಲಿ ಆರೋಪಿಗಳಿಗೆ ಸಹಾಯ ಮಾಡೋರು ಚೆನ್ನಾಗಿ ನೆನಪಿಟ್ಟುಕೊಳ್ಳಿ. ಸಮಾಜದಲ್ಲಿ ಚೆನ್ನಾಗಿದ್ದು ಆರೋಪಿಗಳಿಗೆ ಸಹಾಯ ಮಾಡುವ ದೊಡ್ಡವರು ಅನಿಸಿಕೊಂಡವರೆಲ್ಲ ಕೇಳಿಸಿಕೊಳ್ಳಿ. ತಮ್ಮ ಪರವಾಗಿ ಕೆಲಸ ಮಾಡಿದ್ದಾನೆ ಅಂತ ಅವರಿಗೆ ಸಹಾಯ ಮಾಡೋದು, ಹಣದ ಸಹಾಯ ನೀಡುವುದು, ಕಾರು ಕೊಡುವುದು, ಮೊಬೈಲ್ ಕೊಡುವುದು ಇತ್ಯಾದಿ ಏನೇ ಸಹಾಯ ಮಾಡಿದರೂ ನಮಗೆ ತಿಳಿಯುತ್ತದೆ.

ಕೊಲೆ ಅಥವಾ ಯಾವುದೇ ಕೃತ್ಯ ಮಾಡಿಸಿದ ಮೇಲೆ ಮನೆಯಲ್ಲಿ ಇಟ್ಟುಕೊಳ್ಳುವುದು, ಕಾರು, ಬೈಕ್ ಕೊಡಿಸುವುದು ಇತ್ಯಾದಿ ಎಲ್ಲವೂ ಅಪರಾಧವೇ. ಯಾವುದೇ ಅಪರಾಧದಲ್ಲಿ ಸಹಾಯ ಮಾಡಿದರೂ ಅದೂ ಅಪರಾಧವೇ. ಬಿಎನ್ಎಸ್ ಕಾಯ್ದೆ ಅದನ್ನು ಸ್ಪಷ್ಟವಾಗಿ ಹೇಳುತ್ತದೆ. ಹಾಗಾಗಿ, ಅಂಥವರನ್ನೆಲ್ಲ ಕಾನೂನು ಮುಂದೆ ತರಲೇಬೇಕಾಗುತ್ತದೆ. ಯಾರು ಇದರ ಬಗ್ಗೆ ಏನು ಮಾತಾಡಿಕೊಳ್ತಾರೋ ಗೊತ್ತಿಲ್ಲ. ನಾವಂತೂ ಅವರನ್ನು ಆರೋಪಿಗಳು ಅಂತಲೇ ಹೇಳುತ್ತೇವೆ. ಸುತ್ತಮುತ್ತ ಅಂಥವರಿದ್ದರೆ ಹೇಳಿ, ಅವರನ್ನು ಹಿಡಿದಿಲ್ಲ ಅಂದ್ರೆ ನಾವು ಹಿಡಿಯುತ್ತೇವೆ ಎಂದು ಹೇಳಿದರು.

ಕೊಲೆ ಪ್ರಕರಣದಲ್ಲಿ ಸುಖಾಸುಮ್ಮನೆ ಬಂಧನ ಮಾಡಲಾಗುತ್ತಿದೆ ಎಂದು ಆರೋಪ ಮಾಡುತ್ತಿರುವುದರಿಂದ ಈ ಹೇಳಿಕೆಯನ್ನು ನೀಡುತ್ತಿದ್ದೇನೆ. ಆರೋಪಿಗಳ ಗೆಳೆಯರು ಇರಬಹುದು, ಇನ್ಯಾರೋ ಇರಬಹುದು ಅಂಥವರನ್ನು ಜೊತೆಗೆ ಇಟ್ಟುಕೊಂಡರೂ ಅವರೆಲ್ಲ ಆರೋಪಿಗಳೇ. ಯಾಕಂದ್ರೆ, ಬಿಎನ್ಎಸ್ ಕಾಯ್ದೆಯದಲ್ಲಿ ಅದಕ್ಕಂತಲೇ ಪ್ರತ್ಯೇಕ ವ್ಯಾಖ್ಯಾನ ಇದೆ ಎಂದು ಸುಧೀರ್ ರೆಡ್ಡಿ ಸ್ಪಷ್ಟನೆ ನೀಡಿದ್ದಾರೆ.

#Mangalore Police Commissioner Sudheer Kumar Reddy issues strong warning to criminals and those aiding them with shelter, phones, vehicles, or food. Cites BNS law—says no one will be spared. #Mangalore #Police #sudheerkumarreddy #BreakingNews @compolmlr pic.twitter.com/ubss5Bo5tP
— Headline Karnataka (@hknewsonline) May 31, 2025

Mangalore Police Commissioner Sudheer Kumar Reddy has issued a strong warning to criminals and those assisting them. In a video message, he cautioned individuals providing shelter, mobile phones, vehicles, or food to accused persons, stating that strict action will be taken under the new Bharatiya Nyaya Sanhita (BNS) law. He emphasized that no one aiding criminal activities will be spared and urged the public to cooperate with law enforcement in maintaining peace and order in the region.