Kmc Manipal Hospital, Mangalore, Health Card: 25 ವರ್ಷಗಳಿಂದ ಕೆಎಂಸಿ ಆಸ್ಪತ್ರೆಯಿಂದ ಮಣಿಪಾಲ್ ಆರೋಗ್ಯ ಕಾರ್ಡ್ ; ಆಸ್ಪತ್ರೆ ಬಿಲ್, ನಿಯಮಿತ ತಪಾಸಣೆ, ವೈದ್ಯರ ಭೇಟಿಗೆ ರಿಯಾಯಿತಿ ಸೌಲಭ್ಯ

ಬ್ರೇಕಿಂಗ್ ನ್ಯೂಸ್

ಬಿಬಿಎಂಪಿ ಬದಲು ಗ್ರೇಟರ್ ಬೆಂಗಳೂರು ಅಸ್ತಿತ್ವಕ್ಕೆ ; ಆಡಳಿತ ಸುಗಮಕ್ಕಾಗಿ ಐದು ನಗರ ಪಾಲಿಕೆಗಳಾಗಿ ವಿಭಜನೆ, ಎಲ್ಲ ಕಡೆಗೂ ಪ್ರತ್ಯೇಕ ಆಯುಕ್ತರ ನೇಮಕ | ಧರ್ಮಸ್ಥಳ ಪ್ರಕರಣ ಮತ್ತೆ ತಿರುವು ; ಹತ್ಯೆಗೀಡಾದವರ ಸಮಾಧಿ ತೋರಿಸಲು ಸಿದ್ಧ, ದೂರುದಾರ ಶವ ಹೂತಿದ್ದನ್ನು ನೋಡಿದ್ದೇವೆ, ಧರ್ಮಸ್ಥಳ ಗ್ರಾಮಸ್ಥರ ಹೆಸರಲ್ಲಿ ಎಸ್ಐಟಿಗೆ ಹೊಸ ದೂರು | Sowjanya Case, Dharmasthala: ಸೌಜನ್ಯಾ ಪ್ರಕರಣ ; ಸತ್ಯ ಮುಚ್ಚಿಡುವುದು ಅಪರಾಧ ಅಲ್ಲವೇ? ಬಿಜೆಪಿಯವರು ಯಾರ ಪರ ಇದ್ದಾರೆ ? ಸಿಬಿಐಗೆ ಹೇಳಿ ಮರು ತನಿಖೆ ಮಾಡಿಸಲಿ ; ಸಿಎಂ ಸಿದ್ದರಾಮಯ್ಯ ಟಾಂಗ್ |

Kmc Manipal Hospital, Mangalore, Health Card: 25 ವರ್ಷಗಳಿಂದ ಕೆಎಂಸಿ ಆಸ್ಪತ್ರೆಯಿಂದ ಮಣಿಪಾಲ್ ಆರೋಗ್ಯ ಕಾರ್ಡ್ ; ಆಸ್ಪತ್ರೆ ಬಿಲ್, ನಿಯಮಿತ ತಪಾಸಣೆ, ವೈದ್ಯರ ಭೇಟಿಗೆ ರಿಯಾಯಿತಿ ಸೌಲಭ್ಯ

15-07-25 07:19 pm Mangalore Correspondent ಕರಾವಳಿ

ಕೆಎಂಸಿ ಆಸ್ಪತ್ರೆ ವತಿಯಿಂದ 25 ವರ್ಷಗಳಿಂದ ಸಾರ್ವಜನಿಕರಿಗೆ ಮಣಿಪಾಲ ಆರೋಗ್ಯ ಕಾರ್ಡ್ ವಿತರಿಸಲಾಗುತ್ತಿದ್ದು, ಆಸ್ಪತ್ರೆ ಬಿಲ್, ನಿಯಮಿತ ತಪಾಸಣೆ, ತಜ್ಞ ವೈದ್ಯರ ಭೇಟಿ ಇತ್ಯಾದಿ ಆಸ್ಪತ್ರೆ ವೆಚ್ಚಗಳ ಮೇಲೆ ರಿಯಾಯಿತಿ ಪಡೆಯಬಹುದಾಗಿದೆ.

ಮಂಗಳೂರು, ಜುಲೈ 15 : ಕೆಎಂಸಿ ಆಸ್ಪತ್ರೆ ವತಿಯಿಂದ 25 ವರ್ಷಗಳಿಂದ ಸಾರ್ವಜನಿಕರಿಗೆ ಮಣಿಪಾಲ ಆರೋಗ್ಯ ಕಾರ್ಡ್ ವಿತರಿಸಲಾಗುತ್ತಿದ್ದು, ಆಸ್ಪತ್ರೆ ಬಿಲ್, ನಿಯಮಿತ ತಪಾಸಣೆ, ತಜ್ಞ ವೈದ್ಯರ ಭೇಟಿ ಇತ್ಯಾದಿ ಆಸ್ಪತ್ರೆ ವೆಚ್ಚಗಳ ಮೇಲೆ ರಿಯಾಯಿತಿ ಪಡೆಯಬಹುದಾಗಿದೆ. ಕಾರ್ಡ್ ಮಾಡಿಸಿಕೊಂಡರೆ ಮಂಗಳೂರಿನ ಅತ್ತಾವರ ಕೆಎಂಸಿ, ಜ್ಯೋತಿ ಕೆಎಂಸಿ ಆಸ್ಪತ್ರೆ, ದುರ್ಗಾ ಸಂಜೀವಿನಿ ಮಣಿಪಾಲ್ ಆಸ್ಪತ್ರೆ ಕಟೀಲು, ಮಣಿಪಾಲ ಕಸ್ತೂರ್ಬಾ ಆಸ್ಪತ್ರೆಯಲ್ಲಿ ರಿಯಾಯಿತಿ ಸೌಲಭ್ಯ ಸಿಗಲಿದೆ.

ವೈಯಕ್ತಿಕ ಅಗತ್ಯಕ್ಕೆ ಕಾರ್ಡ್ ಪಡೆಯುವುದಾದರೆ ಒಬ್ಬನಿಗೆ ಒಂದು ವರ್ಷಕ್ಕೆ 350 ರೂಪಾಯಿಗೆ ಕಾರ್ಡ್ ಸಿಗುತ್ತದೆ. ಅದೇ ಕುಟುಂಬ ಸದಸ್ಯರಿಗೆಲ್ಲ ಒಟ್ಟಾಗಿ ಮಾಡುವುದಿದ್ದರೆ 700 ಅಥವಾ ಸಂಖ್ಯೆ ಅನುಸರಿಸಿ 900 ರೂ.ಗೆ ಕಾರ್ಡ್ ಮಾಡಿಸಬಹುದು. ಎರಡು ವರ್ಷಕ್ಕೆ ವೈಯಕ್ತಿಕ ಅಗತ್ಯಕ್ಕೆ 600 ರೂ. ಹಾಗೂ ಕುಟುಂಬಕ್ಕೆ 950 ಅಥವಾ 1100 ರೂ.ಗೆ ಕಾರ್ಡ್ ಪಡೆಯಬಹುದು. ವೈಯಕ್ತಿಕ ಕಾರ್ಡ್ ನವೀಕರಣ ಒಂದು ವರ್ಷಕ್ಕೆ 300 ರೂ., ಎರಡು ವರ್ಷಕ್ಕೆ 450 ರೂ. ಇರಲಿದೆ. ಕುಟುಂಬದ ಕಾರ್ಡ್ ನವೀಕರಣಕ್ಕೆ ವರ್ಷಕ್ಕೆ 600 ರೂ., ಎರಡು ವರ್ಷಕ್ಕೆ 850 ರೂ. ಇರಲಿದೆ. ಕಾರ್ಡ್ ಮಾಡಿಸಿದವರಿಗೆ ಮಣಿಪಾಲ, ಮಂಗಳೂರು, ಕಟೀಲು, ಕಾರ್ಕಳ, ಗೋವಾದಲ್ಲಿರುವ ಕೆಎಂಸಿ ಆಸ್ಪತ್ರೆಗಳಲ್ಲಿ ರಿಯಾಯಿತಿ ಸೌಲಭ್ಯ ಸಿಗಲಿದೆ.

ಕಾರ್ಡ್ ಮಾಡಿಸಿದವರಿಗೆ ಅತ್ತಾವರ ಕೆಎಂಸಿ ಆಸ್ಪತ್ರೆಯಲ್ಲಿ ಹೊರರೋಗಿ ಸಮಾಲೋಚನೆಗೆ 50 ಶೇ. ಕಡಿತ ಇರಲಿದೆ. ಹೊರರೋಗಿ ಪ್ರಯೋಗಾಲಯ ಪರೀಕ್ಷೆಗಳಿಗೆ 20 ಶೇ., ರೇಡಿಯೋಲಜಿ ಪರೀಕ್ಷೆಗೆ 20 ಶೇ., ಹೊರ ರೋಗಿ ಇನ್ನಿತರ ತಪಾಸಣೆಗೆ ಹತ್ತು ಶೇಕಡಾ ರಿಯಾಯಿತಿ ಸಿಗಲಿದೆ. ಜ್ಯೋತಿ ಕೆಎಂಸಿ ಮತ್ತು ಕಟೀಲು ದುರ್ಗಾ ಸಂಜೀವಿನಿ ಆಸ್ಪತ್ರೆಯಲ್ಲೂ ಕಾರ್ಡ್ ಮೇಲೆ ರಿಯಾಯಿತಿ ಸೌಲಭ್ಯ ಇದೆ. ಹೊರ ರೋಗಿ ಡಯಾಲಿಸಿಸ್ ಮಾಡುವುದಕ್ಕೆ 50 ಶೇಕಡಾ ಕಡಿತ ಇರಲಿದೆ. ಅತ್ತಾವರ ಕೆಎಂಸಿಯಲ್ಲಿ ಒಳರೋಗಿ (ಜನರಲ್ ವಾರ್ಡ್) ಬಿಲ್ ಮೇಲೆ 25 ಶೇಕಡಾ ರಿಯಾಯಿತಿ ಸಿಗಲಿದೆ. ಜ್ಯೋತಿ ಕೆಎಂಸಿಯಲ್ಲಿ ಎಲ್ಲಾ ವಾರ್ಡಿನಲ್ಲಿ 5 ಶೇಕಡಾ ರಿಯಾಯ್ತಿ ಸೌಲಭ್ಯ ಸಿಗಲಿದೆ. ಕಟೀಲು ಆಸ್ಪತ್ರೆಯಲ್ಲಿ ಜನರಲ್ ವಾರ್ಡ್ ನವರಿಗೆ 25 ಶೇಕಡಾ ಕಡಿತ ಸಿಗಲಿದೆ.

ಮಂಗಳೂರು ಮತ್ತು ಮಣಿಪಾಲದ ದಂತ ವೈದ್ಯಕೀಯ ಆಸ್ಪತ್ರೆಗಳಲ್ಲಿಯೂ ಮಣಿಪಾಲ ಆರೋಗ್ಯ ಕಾರ್ಡ್ ಇದ್ದರೆ ರಿಯಾಯಿತಿ ಸೌಲಭ್ಯ ಸಿಗಲಿದೆ. ಇದಲ್ಲದೆ, ಮಣಿಪಾಲ್ ಆಸ್ಪತ್ರೆಯಲ್ಲಿ ಸಿಗುವ ಇನ್ನಿತರ ಚಿಕಿತ್ಸೆ, ಸೌಲಭ್ಯಗಳಿಗೂ ಈ ಕಾರ್ಡ್ ಲಾಭ ದೊರೆಯಲಿದೆ. ಸಾರ್ವಜನಿಕರು ಕಾರ್ಡ್ ಪಡೆಯಲು ಸಮೀಪದ ಕೆಎಂಸಿ ಆಸ್ಪತ್ರೆ ಅಥವಾ ಏಜಂಟರನ್ನು ಸಂಪರ್ಕಿಸಬಹುದು. ಹೆಲ್ತ್ ಇನ್ಶೂರೆನ್ಸ್ ಮಾದರಿಯಲ್ಲೇ ಮಣಿಪಾಲ್ ಸಂಸ್ಥೆಯವರು ಕಳೆದ 25 ವರ್ಷಗಳಿಂದ ಆರೋಗ್ಯ ಕಾರ್ಡ್ ವಿತರಿಸುತ್ತಿದ್ದಾರೆ ಎಂದು ಕೆಎಂಸಿ ಪ್ರಕಟಣೆ ತಿಳಿಸಿದೆ.

For the past 25 years, the KMC Hospitals under the Manipal Group have been offering the Manipal Health Card, a healthcare benefits program that provides discounts on hospital bills, regular health check-ups, specialist consultations, and other services across their network of hospitals.