ಇತ್ತೀಚಿನ ದಿನಗಳಲ್ಲಿ ಹೃದಯಘಾತಕ್ಕೆ ಸಂಬಂಧಪಟ್ಟಂತೆ ಜನರು ಸಾವನ್ನಪ್ಪುತ್ತಿರುವುದು ನಿಮಗೆಲ್ಲ ಗೊತ್ತೇ ಇದೆ. ಹೃದಯಘಾತದ ಸಂದರ್ಭ ದಲ್ಲಿ ಎದೆ ನೋವು ಎಂದು ಹೇಳುವುದು ಸಾಮಾನ್ಯ. ಆದರೆ ಎಲ್ಲಾ ಎದೆ ನೋವು ಹೃದಯಾಘಾತಕ್ಕೆ ಕಾರಣವಾಗುವುದಿಲ್ಲ ಎಂಬುದು ನೆನಪಿರಲಿ.

ಬೇರೆ ಬೇರೆ ಕಾರಣಗಳಿಗೂ ಸಹ ಎದೆ ನೋವು ಬರಬಹುದು. ಎದೆ ನೋವಿನ ನಿಜವಾದ ಮೂಲ ಏನೆಂದು ಅರ್ಥ ಮಾಡಿಕೊಂಡರೆ ಆನಂತರ ಚಿಕಿತ್ಸೆ ಕೊಡುವುದು ತುಂಬಾ ಸುಲಭವಾಗುತ್ತದೆ. ಈ ಲೇಖನದಲ್ಲಿ ಈ ವಿಚಾರದ ಬಗ್ಗೆ ಚರ್ಚಿಸಲಾಗಿದೆ.

ಸರಿಯಾಗಿ ರಕ್ತ ಸಂಚಾರ ಇಲ್ಲದೆ ಹೋದಾಗ

• ಹೃದಯಕ್ಕೆ ಸರಿಯಾಗಿ ರಕ್ತ ಸಂಚಾರ ಇಲ್ಲದೆ ಹೋದಾಗ ಅದು ಕ್ರಮೇಣವಾಗಿ ಒತ್ತಡವನ್ನು ಎದುರಿಸುತ್ತದೆ.
• ಆ ಸಂದರ್ಭದಲ್ಲಿ ಹೃದಯದ ಸುತ್ತಲಿನ ಭಾಗ ಅಂದರೆ ಎದೆಯ ಭಾಗ ನೋವು ಬರುತ್ತದೆ. ಇದು ಹೀಗೆ ಮುಂದು ವರೆದರೆ ಹೃದಯಘಾತ ಆಗುವ ಸಾಧ್ಯತೆ ಇರುತ್ತದೆ. ಇದು ಒಂದು ಕಾರಣ.

ಗ್ಯಾಸ್ಟ್ರಿಕ್ ಸಮಸ್ಯೆ

• ಗ್ಯಾಸ್ಟ್ರಿಕ್ ಸಮಸ್ಯೆ ಹೆಚ್ಚಾದಾಗ ಅದರಿಂದ ಎದೆ ಉರಿ ಶುರುವಾಗುತ್ತದೆ. ಇತ್ತೀಚೆಗೆ ಇಂತಹ ಪ್ರಕರಣಗಳು ಸಹ ಜಾಸ್ತಿ ಆಗುತ್ತಿವೆ.
• ಅದರಲ್ಲೂ ಬೇಸಿಗೆ ಕಾಲದಲ್ಲಿ ಹೆಚ್ಚು ಮಸಾಲೆ ಭರಿತ ಅಥವಾ ಭಾರವಾದ ಆಹಾರಗಳನ್ನು ಸೇವಿಸುವುದರಿಂದ ಅದು ಹೊಟ್ಟೆಯಲ್ಲಿ ಸರಿಯಾಗಿ ಜೀರ್ಣವಾಗಲು ಸಾಧ್ಯವಾಗದೆ ಹೆಚ್ಚಿನ ಗ್ಯಾಸ್ ಉತ್ಪತ್ತಿ ಮಾಡಿ ಅದು ಎದೆಯ ಭಾಗಕ್ಕೆ ತಲುಪುವಂತೆ ಮಾಡುತ್ತದೆ. ಈ ಸಂದ ರ್ಭದಲ್ಲಿ ಎದೆ ನೋವು ಬರುವುದು ಸಹಜ.​

ಶ್ವಾಸಕೋಶದ ಒತ್ತಡ

• ಧೂಮಪಾನ ಮಾಡುವವರಿಗೆ ಆರೋಗ್ಯವಂತ ವ್ಯಕ್ತಿಗಳ ತರಹ ಶ್ವಾಸಕೋಶ ಕೆಲಸ ಮಾಡುವುದಿಲ್ಲ ಎಂದು ಹೇಳುತ್ತಾರೆ.
• ಇಂತಹವರಿಗೆ ಉಸಿರಾಡುವ ಸಂದರ್ಭದಲ್ಲಿ ಎದೆಯಲ್ಲಿ ಬಿಗಿತ ಕಂಡು ಬರುತ್ತದೆ. ಕಾಲಕ್ರಮೇಣ ಇದು ಒಂದು ಒತ್ತಡವಾಗಿ ಬದಲಾಗುತ್ತದೆ. ಇದು ಜಾಸ್ತಿ ಆದಂತೆ ಎದೆ ನೋವು ಬರುತ್ತದೆ.​

ಗೊಂದಲ ಮತ್ತು ಆತಂಕ

• ಯಾವುದಾದರೂ ಸಂದರ್ಭದಲ್ಲಿ ನಮ್ಮ ಮನಸ್ಸು ಇದ್ದಕ್ಕಿದ್ದಂತೆ ವಿಚಲಿತಗೊಂಡು ತುಂಬಾ ಭಯ ಹಾಗೂ ಆತಂಕವನ್ನು ಎದುರಿ ಸುತ್ತಿರುವ ಸಂದರ್ಭದಲ್ಲಿ ನಮ್ಮ ಹೃದಯ ಜೋರಾಗಿ ಬಡಿದುಕೊಳ್ಳಲು ಪ್ರಾರಂಭ ಮಾಡುತ್ತದೆ.
• ಈ ಸಂದರ್ಭದಲ್ಲಿ ಉಸಿರಾಟದ ತೊಂದರೆ ಎದುರಾ ಗುತ್ತದೆ ಮತ್ತು ಮೈ ಕೈ ನಡುಗಲು ಶುರು ವಾಗುತ್ತದೆ. ಈ ಸಂದರ್ಭದಲ್ಲಿ ಸಹ ಎದೆ ನೋವು ಬರುವ ಸಾಧ್ಯತೆ ಇರುತ್ತದೆ.​

ಮಾನಸಿಕ ಒತ್ತಡ ಮತ್ತು ಮಾನಸಿಕ ಖಿನ್ನತೆ

• ಯಾವುದಾದರೂ ವಿಷಯವನ್ನು ಹೆಚ್ಚಾಗಿ ಮನಸ್ಸಿಗೆ ತೆಗೆದು ಕೊಂಡು ಅದರ ಬಗ್ಗೆ ಆಲೋಚನೆ ಮಾಡುತ್ತಾ ಮನಸ್ಸಿಗೆ ಒತ್ತಡ ಮತ್ತು ಖಿನ್ನತೆ ತಂದುಕೊಂಡರೆ ಆ ಸಂದರ್ಭದಲ್ಲಿ ನಮ್ಮ ದೇಹದಲ್ಲಿ ರಕ್ತ ಸಂಚಾರ ಏರುಪೇರು ಆಗುತ್ತದೆ.
• ಇದು ಹೃದಯದ ಭಾಗಕ್ಕೆ ರಕ್ತದ ಪೂರೈಕೆ ಮಾಡು ವುದನ್ನು ಹೆಚ್ಚಿಸುತ್ತದೆ ಅಥವಾ ಕಡಿಮೆ ಮಾಡುತ್ತದೆ. ಈ ಸಂದರ್ಭದಲ್ಲಿ ಸಹ ಎದೆ ನೋವು ಬರಬಹುದು.​

ನ್ಯು​ಮೋನಿಯ

• ಕೆಲವರಿಗೆ ಎದೆ ನೋವು ಬರುವ ಸಂದರ್ಭದಲ್ಲಿ ಜ್ವರ, ಚಳಿ, ಸುಸ್ತು ಮತ್ತು ಆಯಾಸ ಸಹ ಎದುರಾಗುತ್ತದೆ. ಇದು ನ್ಯುಮೋನಿಯ ರೋಗ ಲಕ್ಷಣಗಳು ಎಂದು ವೈದ್ಯರು ಹೇಳುತ್ತಾರೆ.
• ಆದರೆ ಇದು ಮಾರಕ ಎಂಬುದನ್ನು ಮರೆಯಬೇಡಿ. ಒಂದು ವೇಳೆ ನಿಮಗೆ ಏನಾದರೂ ಈ ರೀತಿ ಆದರೆ ತಕ್ಷಣ ವೇ ವೈದ್ಯರ ನೆರವು ಪಡೆದುಕೊಳ್ಳಿ.

ಕೋವಿಡ್ 19 ಸೋಂಕು!

• ಇತ್ತೀಚಿಗಷ್ಟೇ ಕಾಣಿಸಿಕೊಂಡ ಮಾರಕ ಕೊರೊನಾ ಕಾಯಿಲೆ ಯಿಂದ ಕೂಡ ಸುಧಾರಿಸಿ ಕೊಂಡಿರುವವರಿಗೆ ಆಗಾಗ ಎದೆ ನೋವು ತರುತ್ತಿದೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.
• ದೀರ್ಘಕಾಲ ಈ ಕಾಯಿಲೆಯಲ್ಲಿ ಬಳಲಿದ್ದವರು ಇಂದು ಆಗಾಗ ಸುಸ್ತು, ಆಯಾಸ, ಮೈ ಕೈ ನೋವು ಮತ್ತು ಎದೆ ನೋವು ಅನುಭವಿಸುತ್ತಿದ್ದಾರೆ.​

• Join our WhatsApp group
• Follow us on Facebook 
• Follow us on Twitter

these are also the reasons for the chest pain along with heart problem.