ರಾತ್ರಿ ಚಪಾತಿ ತಿನ್ನುವ ಅಭ್ಯಾಸ ಇದ್ಯಾ? ಹಾಗಾದ್ರೆ ಇದನ್ನು ಓದಿ

ಬ್ರೇಕಿಂಗ್ ನ್ಯೂಸ್

Mangalore Daiva, Kolya, Temple: ದೈವದ ವಲಸರಿ ನಡೆಯಲ್ಲಿ ತ್ಯಾಜ್ಯ ರಾಶಿ, ಕಿಡಿ ನುಡಿಯಾಡಿದ ಕೊಲ್ಯದ ವೈದ್ಯನಾಥ ದೈವ, ಆಡಳಿತ ಮಂಡಳಿ ಸದಸ್ಯರು ಕಕ್ಕಾಬಿಕ್ಕಿ! | Mangalore, MCC Bank, Anil Lobo arrest, Police: ಎಂಸಿಸಿ ಬ್ಯಾಂಕಿನ ಅನಿಲ್ ಲೋಬೊ ವಿರುದ್ಧ ಕಠಿಣ ಕ್ರಮಕ್ಕೆ ಕ್ರೈಸ್ತ ಪ್ರತಿನಿಧಿಗಳಿಂದ ಕಮಿಷನರ್ ಗೆ ಮನವಿ, ಪ್ರಕರಣದ ತನಿಖೆಗೆ ಇನ್ಸ್ ಪೆಕ್ಟರ್ ಟಿಡಿ ನಾಗರಾಜ್ ನೇಮಕ, ಜಾಮೀನು ಅರ್ಜಿ ಡಿ.30ಕ್ಕೆ ವಿಚಾರಣೆ | Harish Poonja, Mangalore, kabaddi association: ಕಬಡ್ಡಿ ಅಸೋಸಿಯೇಶನ್ನಿಗೆ ನೂರು ಚದರಡಿ ಕಚೇರಿಯನ್ನೂ ಮಾಡಿಕೊಳ್ಳಲು ಆಗಿಲ್ಲ, ಮನೆಯನ್ನೇ ಅಧಿಕೃತ ಕಚೇರಿ ಮಾಡಿ 15 ವರ್ಷಗಳಿಂದ ಸರ್ವಾಧಿಕಾರ ನಡೆಸುತ್ತಿದ್ದಾರೆ ; ರಾಕೇಶ್ ಮಲ್ಲಿ ವಿರುದ್ಧ ಹರೀಶ್ ಪೂಂಜ ಗರಂ |

ರಾತ್ರಿ ಚಪಾತಿ ತಿನ್ನುವ ಅಭ್ಯಾಸ ಇದ್ಯಾ? ಹಾಗಾದ್ರೆ ಇದನ್ನು ಓದಿ

19-04-23 07:40 pm Source: Vijayakarnataka ಡಾಕ್ಟರ್ಸ್ ನೋಟ್

ನೀವೂ ರಾತ್ರಿ ಚಪಾತಿ ತಿನ್ನುತ್ತೀರೆಂದಾರೆ ರಾತ್ರಿ ಚಪಾತಿ ತಿನ್ನುವುದರಿಂದಾಗುವ ಅನುಕೂಲಗಳು ಹಾಗೂ ಅನಾನುಕೂಲಗಳ ಬಗ್ಗೆ ತಿಳಿಯೋಣ.

ಚಪಾತಿ ನಿಮಗೆ ಗೊತ್ತೀರಬಹುದು ಹೆಚ್ಚಿನ ಜನರು ಸೇವಿಸಲು ಇಷ್ಟ ಪಡುತ್ತಾರೆ. ಯಾಕೆಂದರೆ ಇದು ಆರೋಗ್ಯಕ್ಕೂ ಒಳ್ಳೆಯದು, ಜೊತೆಗೆ ಹೊಟ್ಟೆಯನ್ನು ತುಂಬಿಸುತ್ತದೆ. ಇದನ್ನು ಮಧುಮೇಹಿಗಳು ಹಾಗೂ ತೂಕ ಇಳಿಸಲು ಬಯಸುವವರು ಹೆಚ್ಚಾಗಿ ಸೇವಿಸಲು ಶಿಫಾರಾಸು ಮಾಡಲಾಗುತ್ತದೆ.

ಕೆಲವರಿಗೆ ಪ್ರತಿದಿನ ಊಟದ ಜೊತೆ ಒಂದೆರಡು ಚಪಾತಿ ಬೇಕು. ಕೆಲವರಂತೂ ರಾತ್ರಿ ಹೊತ್ತು ಊಟದ ಬದಲಿಗೆ ಬರೀ ಚಪಾತಿ ತಿಂದು ಮಲಗುತ್ತಾರೆ. ಅನ್ನದ ಬದಲಿಗೆ ಚಪಾತಿಯನ್ನು ಆರೋಗ್ಯಕರವೆಂದು ಪರಿಗಣಿಸುತ್ತಾರೆ. ಆದರೆ ರಾತ್ರಿ ಚಪಾತಿ ತಿನ್ನುವುದು ಸಹ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ ಎಂದು ನಿಮಗೆ ತಿಳಿದಿದೆಯೇ? ಇಂದು ನಾವು ಚಪಾತಿ ಸೇವಿಸುವುದರ ಪ್ರಯೋಜನಗಳು ಹಾಗೂ ಅಡ್ಡ ಪರಿಣಾಮಗಳ ಬಗ್ಗೆ ತಿಳಿಯೋಣ.

ಪ್ರೋಟೀನ್, ಕಬ್ಬಿಣ ಮತ್ತು ರಂಜಕದ ಸಮೃದ್ಧ ಮೂಲ

Weight loss foods: 4 healthy flour options to make rotis with | HealthShots

ಚಪಾತಿಯು ಕಬ್ಬಿಣದ ಸಮೃದ್ಧ ಮೂಲವಾಗಿದೆ ಮತ್ತು ಹೀಗಾಗಿ ರಕ್ತಹೀನತೆಯ ಚಿಕಿತ್ಸೆ ಮತ್ತು ತಡೆಗಟ್ಟುವಿಕೆಗೆ ಸಹಾಯ ಮಾಡುತ್ತದೆ. ಚಪಾತಿಯು ಪ್ರೋಟೀನ್‌ನಲ್ಲಿ ಸಮೃದ್ಧವಾಗಿದೆ ಮತ್ತು ಉತ್ತಮ ಪ್ರಮಾಣದ ಆರೋಗ್ಯಕರ ಕಾರ್ಬೋಹೈಡ್ರೇಟ್‌ಗಳನ್ನು ಹೊಂದಿರುತ್ತದೆ.

ಚಪಾತಿಯಲ್ಲಿ ರಂಜಕವೂ ಸಮೃದ್ಧವಾಗಿದೆ. ರಂಜಕವು ಅಗತ್ಯವಾದ ಖನಿಜವಾಗಿದ್ದು ಅದು ನಿಮ್ಮ ಮೂಳೆಗಳಲ್ಲಿ ಕ್ಯಾಲ್ಸಿಯಂ ಹೀರಿಕೊಳ್ಳುವಿಕೆಯನ್ನು ಸುಧಾರಿಸುತ್ತದೆ. ಚಪಾತಿಯಲ್ಲಿರುವ ಸತುವು ನಿಮ್ಮ ದೇಹದಲ್ಲಿರುವ ಖನಿಜಾಂಶಗಳನ್ನು ಹೀರಿಕೊಳ್ಳುವುದನ್ನು ಮತ್ತಷ್ಟು ಸುಗಮಗೊಳಿಸುತ್ತದೆ.

ಶಕ್ತಿಯ ಮಟ್ಟವನ್ನು ಹೆಚ್ಚಿಸುತ್ತದೆ

Roti For Babies - When to Introduce, Benefits and Precautions - Being The Parent

ಚಪಾತಿಗಳು ಸಂಕೀರ್ಣವಾದ ಕಾರ್ಬೋಹೈಡ್ರೇಟ್‌ಗಳನ್ನು ಒಳಗೊಂಡಿರುತ್ತವೆ. ಅದು ನಿಮ್ಮ ಶಕ್ತಿಯ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ತುಲನಾತ್ಮಕವಾಗಿ ದೀರ್ಘಾವಧಿಯವರೆಗೆ ನಿಮ್ಮನ್ನು ಹೊಟ್ಟೆ ತುಂಬಿರುವಂತೆ ಮಾಡುತ್ತದೆ. ಈ ಮೂಲಕ ಊಟದ ನಡುವೆ ಅನಾರೋಗ್ಯಕರ ತಿಂಡಿಗಳನ್ನು ಸೇವನೆಯನ್ನು ಕಡಿಮೆ ಮಾಡಬಹುದು.

ರಕ್ತದೊತ್ತಡವನ್ನು ಸುಧಾರಿಸುತ್ತದೆ

ಅಧಿಕ ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್ ರೋಗಿಗಳಿಗೆ ಚಪಾತಿಗಳನ್ನು ಶಿಫಾರಸು ಮಾಡಲಾಗುತ್ತದೆ. ಇದು ಚಪಾತಿಯಲ್ಲಿ ಖನಿಜಗಳು ಮತ್ತು ವಿಟಮಿನ್‌ಗಳ ಉಪಸ್ಥಿತಿಯಿಂದಾಗಿ ನಿಮ್ಮ ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ.

ನಿಮ್ಮ ಅಪಧಮನಿಗಳು ಮತ್ತು ರಕ್ತನಾಳಗಳಿಂದ ವಿಷವನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಹೀಗಾಗಿ, ಇದು ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟಗಳ ಹೆಚ್ಚಳಕ್ಕೆ ಕಾರಣವಾಗಿರುವ ನಿಮ್ಮ ಅಪಧಮನಿಗಳಲ್ಲಿ ಸಂಗ್ರಹವಾಗಿರುವ ಪ್ಲೇಕ್ ಅನ್ನು ತೆಗೆದುಹಾಕುತ್ತದೆ.

ತೂಕ ಹೆಚ್ಚಾಗಬಹುದು

Is It Bad to Lose Weight Too Quickly?

ಒಂದು ರೋಟಿಯಲ್ಲಿ 71 ಕ್ಯಾಲೋರಿಗಳಿವೆ. ನೀವು ರಾತ್ರಿಯಲ್ಲಿ ಎರಡು ಅಥವಾ ಹೆಚ್ಚಿನ ರೊಟ್ಟಿಗಳನ್ನು ಸೇವಿಸಿದರೆ, ನೀವು ದಿನಕ್ಕೆ ಎಷ್ಟು ಕ್ಯಾಲೊರಿಗಳನ್ನು ಸೇವಿಸುತ್ತೀರಿ ಎಂಬ ಕಲ್ಪನೆಯನ್ನು ನೀವು ಪಡೆಯಬಹುದು.

ಅಷ್ಟೇ ಅಲ್ಲ ಕೆಲವರು ಚಪಾತಿ ಜೊತೆಗೆ ಸ್ವಲ್ಪ ಅನ್ನ ಹಾಗೂ ತರಕಾರಿಗಳನ್ನೂ ಸೇವಿಸುತ್ತಾರೆ. ಇದರಿಂದ ದೇಹದಲ್ಲಿ ಕಾರ್ಬೋಹೈಡ್ರೇಟ್ ಪ್ರಮಾಣವು ಹೆಚ್ಚಾಗುತ್ತದೆ ಮತ್ತು ತೂಕವೂ ವೇಗವಾಗಿ ಹೆಚ್ಚಾಗುತ್ತದೆ. ರಾತ್ರಿಯ ಊಟದ ನಂತರ ನೀವು ವಾಕಿಂಗ್ ಮಾಡದಿದ್ದರೆ ಚಪಾತಿ ಕೂಡಾ ನಿಮಗೆ ಹಾನಿಕಾರಕವಾಗಬಲ್ಲದು.

ಚಪಾತಿ ರಕ್ತದಲ್ಲಿನ ಸಕ್ಕರೆಯನ್ನು ಹೆಚ್ಚಿಸಬಹುದು

Has COVID-19 affected diabetes care?

ರಾತ್ರಿ ಚಪಾತಿ ತಿನ್ನುವುದರಿಂದ ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸಬಹುದು. ಮಧುಮೇಹ ಮತ್ತು ಪಿಸಿಒಡಿಯಿಂದ ಬಳಲುತ್ತಿರುವ ರೋಗಿಗಳಿಗೆ ರಾತ್ರಿ ಚಪಾತಿ ಸೇವನೆಯು ದೊಡ್ಡ ಸಮಸ್ಯೆಯಾಗಬಹುದು.

ಇದು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸಲು ಕೆಲಸ ಮಾಡುತ್ತದೆ, ಇದು ಇನ್ಸುಲಿನ್ ಉತ್ಪಾದನೆಯ ಮೇಲೆ ಪರಿಣಾಮ ಬೀರುತ್ತದೆ. ರಕ್ತದಲ್ಲಿನ ಸಕ್ಕರೆಯ ಹೆಚ್ಚಳವು ದೇಹದ ಇತರ ಭಾಗಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.

ನಿಷ್ಕ್ರಿಯ ಚಯಾಪಚಯ

ಚಪಾತಿ ಕೇವಲ ಒಂದು ಸರಳ ಕಾರ್ಬ್ ಆಗಿದ್ದು, ರಾತ್ರಿ ಇದನ್ನು ಸೇವಿಸುವುದರಿಂದ ಚಯಾಪಚಯವನ್ನು ಹಾಳುಮಾಡುತ್ತದೆ. ನಿಮ್ಮ ಕರುಳಿನ ಚಲನೆಯ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಈ ಕಾರಣಕ್ಕಾಗಿಯೇ ಚಪಾತಿಯ ಬದಲು ನಾರಿನಂಶವಿರುವ ಆಹಾರವನ್ನು ಸೇವಿಸುವುದು ಒಳ್ಳೆಯದಯ. ನಾರಿನಾಂಶವಿರುವ ಆಹಾರಗಳು ನಿಮ್ಮ ಆರೋಗ್ಯಕ್ಕೆ ಪ್ರಯೋಜನಕಾರಿ ಮತ್ತು ಸುಲಭವಾಗಿ ಜೀರ್ಣವಾಗುತ್ತದೆ.

advantages and disadvantages of eating chapati.