ಮುಂಬೈನಲ್ಲಿ ಕೊರಿಯನ್ ಯೂಟ್ಯೂಬರ್ ಯುವತಿಗೆ ಕಿರುಕುಳ ; ಲೈವ್ ನಲ್ಲಿದ್ದಾಗಲೇ ಚುಡಾವಣೆ, ಇಬ್ಬರು ಯುವಕರ ಬಂಧನ

ಬ್ರೇಕಿಂಗ್ ನ್ಯೂಸ್

Mangalore, Help: ಅಪಘಾತದಲ್ಲಿ ಬಡ ಮಹಿಳೆಯ ತಲೆಗೆ ತೀವ್ರ ಪೆಟ್ಟು ; ಶಸ್ತ್ರಚಿಕಿತ್ಸೆಗೆ 15 ಲಕ್ಷ ವೆಚ್ಚ, ದಾನಿಗಳ ನೆರವು ಯಾಚಿಸಿದ ಸುಬ್ರಹ್ಮಣ್ಯದ ಮಹಿಳೆ ಕುಟುಂಬಸ್ಥರು | Mangalore News: ಸಾರಿಗೆ ಕಚೇರಿಗಳಿಗೆ ಸ್ವಂತ ಕಟ್ಟಡ ನಿರ್ಮಾಣ, ರಾಜ್ಯಕ್ಕೆ ಅತೀ ಹೆಚ್ಚು ಡ್ರೈವಿಂಗ್ ಟ್ರ್ಯಾಕ್ ಹೆಗ್ಗಳಿಕೆ ; ಸಚಿವ ರಾಮಲಿಂಗ ರೆಡ್ಡಿ, ಉಳ್ಳಾಲ ಕಂಬಳಪದವಿನಲ್ಲಿ ವಿದ್ಯುನ್ಮಾನ ವಾಹನ ಚಾಲನಾ ಪರೀಕ್ಷಾ ಪಥಗಳ ಕೇಂದ್ರ ಉದ್ಘಾಟನೆ | Mangalore, E Bus, MP Chowta: ಕೇಂದ್ರ ಸರ್ಕಾರದಿಂದ ಮಂಗಳೂರು ನಗರಕ್ಕೆ 100 ಹೊಸ ಇಲೆಕ್ಟ್ರಿಕ್‌ ಬಸ್‌ ಮಂಜೂರು, ಶೀಘ್ರದಲ್ಲೇ ಸಂಚಾರ ; ಸಂಸದ ಕ್ಯಾ.ಬ್ರಿಜೇಶ್‌ ಚೌಟ |

ಮುಂಬೈನಲ್ಲಿ ಕೊರಿಯನ್ ಯೂಟ್ಯೂಬರ್ ಯುವತಿಗೆ ಕಿರುಕುಳ ; ಲೈವ್ ನಲ್ಲಿದ್ದಾಗಲೇ ಚುಡಾವಣೆ, ಇಬ್ಬರು ಯುವಕರ ಬಂಧನ

01-12-22 05:44 pm HK News Desk ಕ್ರೈಂ

ಕೊರಿಯಾ ಮೂಲದ ಯೂಟ್ಯೂಬರ್ ಯುವತಿಯ ಮೇಲೆ ಮುಂಬೈನಲ್ಲಿ ಇಬ್ಬರು ಯುವಕರು ಚುಡಾಯಿಸಿದ್ದಲ್ಲದೆ, ಕೈ ಎಳೆದು ಮುತ್ತಿಕ್ಕುವ ಯತ್ನ ಮಾಡಿದ್ದಾರೆ. ಘಟನೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದ್ದು, ಅದರ ವಿಡಿಯೋ ವೈರಲ್ ಆಗಿದೆ.

ಮುಂಬೈ, ಡಿ.1: ಕೊರಿಯಾ ಮೂಲದ ಯೂಟ್ಯೂಬರ್ ಯುವತಿಯ ಮೇಲೆ ಮುಂಬೈನಲ್ಲಿ ಇಬ್ಬರು ಯುವಕರು ಚುಡಾಯಿಸಿದ್ದಲ್ಲದೆ, ಕೈ ಎಳೆದು ಮುತ್ತಿಕ್ಕುವ ಯತ್ನ ಮಾಡಿದ್ದಾರೆ. ಘಟನೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದ್ದು, ಅದರ ವಿಡಿಯೋ ವೈರಲ್ ಆಗಿದೆ. ಇದರ ಬೆನ್ನಲ್ಲೇ ಮುಂಬೈ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ.

ಮುಂಬೈನ ಖಾರ್ ಏರಿಯಾದಲ್ಲಿ ಘಟನೆ ನಡೆದಿದ್ದು, ಕೊರಿಯನ್ ಯುವತಿ ಯೂಟ್ಯೂಬಲ್ಲಿ ಲೈವ್ ಸ್ಟ್ರೀಮ್ ಮಾಡುತ್ತಿದ್ದಳು. ಆ ಸಂದರ್ಭದಲ್ಲಿ ಸಾವಿರಕ್ಕೂ ಹೆಚ್ಚು ಮಂದಿ ಆಕೆಯನ್ನು ಫಾಲೋ ಮಾಡುತ್ತಿದ್ದರು. ದೇಶ- ವಿದೇಶ ಒಬ್ಬಂಟಿಯಾಗಿ ಸುತ್ತುತ್ತಾ ಬೀದಿಗಳನ್ನು ಲೈವ್ ಆಗಿ ತೋರಿಸುವ ಹವ್ಯಾಸ ಹೊಂದಿರುವ ಯುವತಿ ಮುಂಬೈಗೆ ಆಗಮಿಸಿದ್ದಾಗ ಕೆಟ್ಟ ಅನುಭವ ಆಗಿದೆ.

ಮಂಗಳವಾರ ರಾತ್ರಿ ಆಕೆ ಲೈವ್ ನಲ್ಲಿ ಇದ್ದಾಗಲೇ ಸ್ಕೂಟರಿನಲ್ಲಿ ಬಂದಿದ್ದ ಇಬ್ಬರು ಆಕೆಯನ್ನು ಜೊತೆಗೆ ಬರುವಂತೆ ಹೇಳಿದ್ದಾರೆ. ರಾತ್ರಿ 11.30 ಆಗಿದ್ದರಿಂದ ಯುವಕರು ಒಬ್ಬಂಟಿ ಯುವತಿಯ ಜೊತೆ ಅತಿರೇಕವಾಗಿ ವರ್ತಿಸಿದ್ದಾರೆ. ಒಬ್ಬಾತ ಯುವಕ ಈಕೆ ಲೈವಲ್ಲಿದ್ದಾಳೆಂದು ತಿಳಿದಿದ್ದರೂ, ಕೈ ಹಿಡಿದಿಳೆದು ಮುತ್ತಿಕ್ಕುವ ಯತ್ನ ಮಾಡಿದ್ದಾನೆ. ಆಕೆಯ ಮೊಬೈಲ್ ನಂಬರನ್ನು ಕೇಳಿದ್ದಾನೆ. ನಿನ್ನ ಹೊಟೇಲ್ ರೂಮ್ ಎಲ್ಲಿದೆ ಹೇಳು ಎಂದು ರಸ್ತೆಯಲ್ಲಿ ಅಡ್ಡ ಹಾಕಿದ್ದಾರೆ. ಇವೆಲ್ಲವೂ ಆಕೆಯ ಲೈವ್ ಸ್ಟ್ರೀಮ್ ನಲ್ಲಿ ರೆಕಾರ್ಡ್ ಆಗಿತ್ತು. ಅದನ್ನು ನೋಡಿದ ಜಾಲತಾಣ ಬಳಕೆದಾರರು ವಿಡಿಯೋವನ್ನು ಕತ್ತರಿಸಿ ಟ್ವಿಟರ್ ನಲ್ಲಿ ಹಾಕಿ, ಪೊಲೀಸರ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಆಕೆ ಇಂಗ್ಲಿಷ್ ನಲ್ಲಿ ಮಾತನಾಡುತ್ತಿದ್ದರೂ, ಯುವಕರು ಅರೆಬರೆ ಇಂಗ್ಲಿಷ್ ನಲ್ಲಿ ಮಾತನಾಡುತ್ತಿದ್ದರು. ಈ ರೀತಿಯ ವರ್ತನೆ ಜಗತ್ತಿನಲ್ಲಿ ಭಾರತದ ಬಗ್ಗೆ ಕೆಟ್ಟ ಭಾವನೆ ಮೂಡುವಂತಾಗಿದೆ ಎಂದು ನೆಟ್ಟಿಗರು ಟ್ವಿಟರ್ ನಲ್ಲಿ ಬರೆದಿದ್ದಾರೆ. ತನ್ನನ್ನು ಹಿಂಬಾಲಿಸುತ್ತಾ ಇಬ್ಬರು ಯುವಕರು ಬಂದಿದ್ದರು. ಆದರೆ ನನ್ನ ಲೈವ್ ನೋಡುತ್ತಿದ್ದ ಯಾರೋ ಒಬ್ಬರು ಸ್ಥಳಕ್ಕೆ ಬಂದು ನನ್ನನ್ನು ಬಚಾವ್ ಮಾಡಿದರು ಎಂದು ಯುವತಿ ಇಂಡಿಯಾ ಟುಡೇಗೆ ಮಾಹಿತಿ ನೀಡಿದ್ದಾಳೆ.

देश में अपराधियों के हौसले बहुत बढ़ गए हैं!
कितने दुःख की बात है कि एक विदेशी लड़की मुंबई की सड़क पे विडीओ बना रही थी और उसके साथ लड़कों ने यौन शोषण किया! इन लड़कों के अपराध के कारण पूरा देश आज शर्मिंदा है। CM एकनाथ शिंडे जी से अपील है इस केस में कड़ी कार्यवाही करें। pic.twitter.com/mIB3k9peDi
— Swati Maliwal (@SwatiJaiHind) December 1, 2022

The Korean woman YouTuber, who was harassed on the streets of Mumbai during her live stream on Tuesday, recounted the horror and narrated how she escaped the accused. In an exclusive interview to India Today, the woman said, "I was followed by the accused to the hotel and when they asked for my mobile number, I gave them a fake one to escape the situation."