ಭದ್ರತಾ ಪಡೆಗಳ ಮೇಲೆ ದಾಳಿ ನಡೆಸಲು ಸಂಚು ; ಜೈಶೆ–ಮೊಹಮ್ಮದ್‌ ಸಂಘಟನೆಯ 11 ಉಗ್ರರ ಬಂಧನ

ಬ್ರೇಕಿಂಗ್ ನ್ಯೂಸ್

Dharmasthala Case, SIT Helpline Number, Mangalore: ನದಿ ಪಕ್ಕದ ಐದು ಕಡೆ ಅಗೆದರೂ ಸಿಗದ ಸಾಕ್ಷ್ಯ, ಮಳೆಗಾಲದಲ್ಲಿ ಅವಶೇಷ ಕೊಚ್ಚಿ ಹೋಗಿತ್ತಾ ಎಂಬ ಶಂಕೆ ; ದೂರು ಆಲಿಸಲು ಮಂಗಳೂರಿನಲ್ಲಿ ಎಸ್ಐಟಿ ಕಚೇರಿ, ಸಹಾಯವಾಣಿ ಆರಂಭ | Bangalore Cyber Fraud: ಉದ್ಯೋಗಿಯನ್ನ ನಂಬಿ ಲ್ಯಾಪ್ಟಾಪ್ ಕೊಟ್ಟ ಕಂಪನಿ ; 378 ಕೋಟಿ ರೂ. ಲೂಟಿ, ಕಂಪನಿಯ ಸರ್ವರ್ ಹ್ಯಾಕ್ ಮಾಡಿ ಟೋಪಿ ! | Mangalore Crime, Arrest: ಉದ್ಯಮಿಗಳಿಗೆ ನಕಲಿ ಆಸ್ತಿ ತೆರಿಗೆ ನೀಡಿ ಮಂಗಳೂರು ಪಾಲಿಕೆಗೆ ದೋಖಾ ; ಉಂಡ ಮನೆಗೆ ದ್ರೋಹ ಬಗೆದ ಆರೋಪಿ ಪೊಲೀಸರ ಬಲೆಗೆ, ತಂದೆಯ ಉದ್ಯೋಗ ಪಡೆದು ಮಾಲೀಕನಿಗೇ ಚೊಂಬು! |

ಭದ್ರತಾ ಪಡೆಗಳ ಮೇಲೆ ದಾಳಿ ನಡೆಸಲು ಸಂಚು ; ಜೈಶೆ–ಮೊಹಮ್ಮದ್‌ ಸಂಘಟನೆಯ 11 ಉಗ್ರರ ಬಂಧನ

09-02-22 08:55 pm HK Desk news ಕ್ರೈಂ

ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್‌ ಜಿಲ್ಲೆಯಲ್ಲಿ ಮಂಗಳವಾರ ಎರಡು ಭಯೋತ್ಪಾದಕ ಚಟುವಟಿಕೆಯ ಘಟಕಗಳನ್ನು ಪೊಲೀಸರು ಭೇದಿಸಿದ್ದು, ಜೈಶೆ–ಮೊಹಮ್ಮದ್‌ ಸಂಘಟನೆಯ 11 ಉಗ್ರರನ್ನು ಬಂಧಿಸಿದ್ದಾರೆ.

ಶ್ರೀನಗರ, ಫೆ 09 : ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್‌ ಜಿಲ್ಲೆಯಲ್ಲಿ ಮಂಗಳವಾರ ಎರಡು ಭಯೋತ್ಪಾದಕ ಚಟುವಟಿಕೆಯ ಘಟಕಗಳನ್ನು ಪೊಲೀಸರು ಭೇದಿಸಿದ್ದು, ಜೈಶೆ–ಮೊಹಮ್ಮದ್‌ ಸಂಘಟನೆಯ 11 ಉಗ್ರರನ್ನು ಬಂಧಿಸಿದ್ದಾರೆ.

ಪೊಲೀಸರು ಹಾಗೂ ಭದ್ರತಾ ಪಡೆಗಳ ಮೇಲೆ ದಾಳಿ ನಡೆಸಲು ಜೆಇಎಂ ಯೋಜಿಸುತ್ತಿದೆ ಎಂಬ ಮಾಹಿತಿ ಮೇರೆಗೆ ಅನಂತ್‌ನಾಗ್‌ನ ಶ್ರೀಗುಫ್ವಾರಾ ಹಾಗೂ ಬಿಜ್‌ಬೆಹರಾ ಪ್ರದೇಶಗಳಲ್ಲಿ ತಪಾಸಣೆಯನ್ನು ಚುರುಕುಗೊಳಿಸಲಾಗಿತ್ತು. ಸಖ್ರಾಸ್‌ನ ಚೆಕ್‌ಪೋಸ್ಟ್‌ನಲ್ಲಿ ಬೈಕ್‌ನಲ್ಲಿ ಬಂದ ಮೂವರನ್ನು ತಪಾಸಣೆಗೆ ಮುಂದಾದಾಗ ಪರಾರಿಯಾಗಲು ಯತ್ನಿಸಿದರು. ತಕ್ಷಣವೇ ಎಚ್ಚೆತ್ತ ಪೊಲೀಸರು ಆ ಮೂವರನ್ನು ಬಂಧಿಸಿದ್ದಾರೆ’ ಎಂದು ಪೊಲೀಸ್‌ ವಕ್ತಾರರು ತಿಳಿಸಿದರು.

ಮೂವರನ್ನು ವಶಕ್ಕೆ ಪಡೆದು ಮತ್ತಷ್ಟು ವಿಚಾರಣೆ ನಡೆಸಿದಾಗ ಎಲ್ಲರೂ ಜೆಇಎಂ ಸಂಘಟನೆಯ ಸಹಚರರು ಹಾಗೂ ಪಾಕಿಸ್ತಾನದ ಉಗ್ರರೊಂದಿಗೆ ನೇರ ಸಂಪರ್ಕ ಹೊಂದಿದ್ದರು ಎಂಬುದು ತಿಳಿದು ಬಂದಿದೆ. ಅವರು ಶ್ರೀಗುಫ್ವಾರದಲ್ಲಿ ಪೊಲೀಸ್‌ ಹಾಗೂ ಭದ್ರತಾ ಪಡೆಗಳ ಮೇಲೆ ದಾಳಿ ನಡೆಸಲು ಹೋಗುತ್ತಿದ್ದರು. ಈ ಮೂವರ ಮಾಹಿತಿ ಮೇರೆಗೆ ಮತ್ತಿಬ್ಬರನ್ನು ಬಂಧಿಸಲಾಯಿತು.

ಬಿಜ್‌ಬೆಹರಾ ಪ್ರದೇಶದಲ್ಲಿ ನಡೆಸಿದ ಮತ್ತೊಂದು ದಾಳಿಯಲ್ಲಿ ಬಾಲಾಪರೋಪಿ ಸೇರಿ ಆರು ಉಗ್ರರನ್ನು ಬಂಧಿಸಲಾಗಿದ್ದು, ಬಂಧಿತರಿಂದ ಎರಡು ಪಿಸ್ತೂಲ್‌, ಮದ್ದುಗುಂಡುಗಳು, ಶಸ್ತ್ರಾಸ್ತ್ರ ಸೇರಿದಂತೆ ಸ್ಫೋಟಕವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.

SRINAGAR, Anantnag Police have busted two terror modules of the proscribed Jaish-e-Mohammad (JeM) outfit and arrested 11 suspects including three hybrid terrorists. Hybrid terrorists are those not listed with security forces and are only brought in by terror groups just once or twice to carry out attacks.
Based on intelligence inputs that JeM was planning to carry out attacks on security forces in Anantnag’s Srigufwara and Bijbehara areas, multiple checkpoints were set up at various locations in the district, police said in a statement.