ಟಿಕ್‌ಟಾಕ್ ಖರೀದಿಗೆ ಮೈಕ್ರೋಸಾಫ್ಟ್ ಚಿಂತನೆ

ಬ್ರೇಕಿಂಗ್ ನ್ಯೂಸ್

ಪರಿಷತ್ ಚುನಾವಣೆ ; ಒಂದು ಸ್ಥಾನ ಬಿಟ್ಟು ಐದು ಸ್ಥಾನಗಳಿಗೆ ಬಿಜೆಪಿ ಅಭ್ಯರ್ಥಿ ಘೋಷಣೆ, 4-2ರ ರಾಜ್ಯ ನಾಯಕರ ಮೈತ್ರಿಗೆ ಹೈಕಮಾಂಡ್ ಶಾಕ್ ! | Mangalore airport, cash missing: ಹಜ್ ಯಾತ್ರೆ ತೆರಳಿದ್ದ ತಂಡದ 26,432 ಸೌದಿ ರಿಯಾಲ್ ಕರೆನ್ಸಿ ಕಳವು ; ಮಂಗಳೂರು ಏರ್ಪೋರ್ಟ್ ಸಿಬಂದಿ ಬಗ್ಗೆ ಶಂಕೆ, ಬಜ್ಪೆ ಠಾಣೆಗೆ ದೂರು | Mangalore Crime, Sexual Assult: ಅನ್ಯಕೋಮಿನ ಬಾಲಕನಿಗೆ ಲೈಂಗಿಕ ದೌರ್ಜನ್ಯ ; ಮಕ್ಕಳ ಸಹಾಯವಾಣಿಗೆ ಕರೆ ಮಾಡಿ ನೋವು ಹೇಳಿಕೊಂಡ ಬಾಲಕ, ಆರೋಪಿ ಬಂಧಿಸಿದ ಪೊಲೀಸರು |

ಟಿಕ್‌ಟಾಕ್ ಖರೀದಿಗೆ ಮೈಕ್ರೋಸಾಫ್ಟ್ ಚಿಂತನೆ

03-08-20 05:50 am Headline Karnataka News Network ಡಿಜಿಟಲ್ ಟೆಕ್

ಟಿಕ್‌ಟಾಕ್‌ ಆ್ಯಪ್‌ ಅನ್ನು ಮೈಕ್ರೋಸಾಫ್ಟ್‌ಗೆ ಮಾರಾಟ ಮಾಡುವ ಬಗ್ಗೆ ಮಾತುಕತೆ ಪೂರ್ಣಗೊಳಿಸಲು ಚೀನಾದ ಬೈಟ್‌ಡ್ಯಾನ್ಸ್‌ ಕಂಪನಿಗೆ ಅಮೆರಿಕ 45 ದಿನಗಳ ಕಾಲಾವಕಾಶ ನೀಡಿದೆ.

ವಾಷಿಂಗ್ಟನ್: ಟಿಕ್‌ಟಾಕ್‌ ಆ್ಯಪ್‌ ಅನ್ನು ಮೈಕ್ರೋಸಾಫ್ಟ್‌ಗೆ ಮಾರಾಟ ಮಾಡುವ ಬಗ್ಗೆ ಮಾತುಕತೆ ಪೂರ್ಣಗೊಳಿಸಲು ಚೀನಾದ ಬೈಟ್‌ಡ್ಯಾನ್ಸ್‌ ಕಂಪನಿಗೆ ಅಮೆರಿಕ 45 ದಿನಗಳ ಕಾಲಾವಕಾಶ ನೀಡಿದೆ. ಇದಕ್ಕೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸಮ್ಮತಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಅಮೆರಿಕದ ವಿದೇಶಿ ಹೂಡಿಕೆ ಸಮಿತಿಯ ಮೇಲುಸ್ತುವಾರಿಯಲ್ಲಿ ಬೈಟ್‌ಡ್ಯಾನ್ಸ್ ಮತ್ತು ಮೈಕ್ರೋಸಾಫ್ಟ್ ನಡುವಣ ಮಾತುಕತೆ ನಡೆಯಲಿದೆ. ಈ ವಿಚಾರವಾಗಿ ಬೈಟ್‌ಡ್ಯಾನ್ಸ್, ಮೈಕ್ರೋಸಾಫ್ಟ್ ಹಾಗೂ ಶ್ವೇತಭವನ ಪ್ರತಿಕ್ರಿಯಿಸಿಲ್ಲ ಎಂದು ರಾಯಿಟರ್ಸ್ ವರದಿ ಮಾಡಿದೆ.

ಟಿಕ್‌ಟಾಕ್‌ನ ಅಮೆರಿಕ ಘಟಕವನ್ನು ಖರೀದಿಸುವ ಬಗ್ಗೆ ಬೈಟ್‌ಡ್ಯಾನ್ಸ್ ಜತೆ ಮಾತುಕತೆ ಪ್ರಗತಿಯಲ್ಲಿದೆ. ಈ ಕುರಿತು ಟ್ರಂಪ್  ಜತೆಗೂ ಮಾತುಕತೆ ನಡೆಸಲಾಗಿದೆ ಎಂದು ಮೈಕ್ರೋಸಾಫ್ಟ್ ಹೇಳಿದ್ದಾಗಿ ಭಾನುವಾರ ಕೆಲವು ಮಾಧ್ಯಮಗಳು ವರದಿ ಮಾಡಿದ್ದವು.

ಟಿಕ್‌ಟಾಕ್‌ ಸೇರಿದಂತೆ ಚೀನಾದ ಹಲವು ಮೊಬೈಲ್‌ ಅಪ್ಲಿಕೇಷನ್‌ಗಳನ್ನು ನಿಷೇಧಿಸಲು ಚಿಂತನೆ ನಡೆದಿ‌‌ಸಿರುವುದಾಗಿ ಅಮೆರಿಕ ಕಳೆದ ತಿಂಗಳು ಹೇಳಿತ್ತು. ಟಿಕ್‌ಟಾಕ್ ಬಳಕೆದಾರರ ಮಾಹಿತಿಯನ್ನು ನಿರ್ವಹಿಸುವ ಬಗ್ಗೆ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್‌ ಪಾಂಪಿಯೊ ಕಳವಳ ವ್ಯಕ್ತಪಡಿಸಿದ್ದರು.