Dizo ಬ್ರ್ಯಾಂಡ್ ಅಡಿಯಲ್ಲಿ ಹೊಸ ಸ್ಮಾರ್ಟ್‌ವಾಚ್ ಬಿಡುಗಡೆ ಬಗ್ಗೆ ಟೀಸರ್ ಔಟ್!

ಬ್ರೇಕಿಂಗ್ ನ್ಯೂಸ್

Lokayukta, Dinesh Gundu Rao: ಜಮೀರ್ ಅಹ್ಮದ್ ಅಕ್ರಮ ಆಸ್ತಿ ತನಿಖೆ ; ಪಾಲುದಾರ ದಿನೇಶ್ ಗುಂಡೂರಾವ್ ತನಿಖೆಗೆ ಲೋಕಾಯುಕ್ತ ನೋಟಿಸ್ | Nanjegowda MLA, Malur: ಮಾಲೂರು ಕಾಂಗ್ರೆಸ್ ಶಾಸಕ ನಂಜೇಗೌಡ ಶಾಸಕ ಸ್ಥಾನದಿಂದ ಅನರ್ಹ ; ಮರು ಮತ ಎಣಿಕೆಗೆ ಹೈಕೋರ್ಟ್ ಆದೇಶ, ಚುನಾವಣೆ ತಕರಾರು ಅರ್ಜಿಯಲ್ಲಿ ಕೋರ್ಟ್ ತೀರ್ಪು | Vijayapura Bank Robbery: ಮಹಾರಾಷ್ಟ್ರ ಗಡಿಭಾಗದ ವಿಜಯಪುರದಲ್ಲಿ ಮತ್ತೆ ಭಾರೀ ಪ್ರಮಾಣದ ಬ್ಯಾಂಕ್ ರಾಬರಿ ; ಬ್ಯಾಂಕ್ ಸಿಬಂದಿ ಕಟ್ಟಿಹಾಕಿ 8 ಕೋಟಿ ನಗದು, 50 ಕೇಜಿ ಚಿನ್ನಾಭರಣ ಲೂಟಿ, ಜನನಿಬಿಡ ಪ್ರದೇಶದಲ್ಲೇ ಮುಸುಕುಧಾರಿಗಳ ಕೃತ್ಯ ! |

Dizo ಬ್ರ್ಯಾಂಡ್ ಅಡಿಯಲ್ಲಿ ಹೊಸ ಸ್ಮಾರ್ಟ್‌ವಾಚ್ ಬಿಡುಗಡೆ ಬಗ್ಗೆ ಟೀಸರ್ ಔಟ್!

01-06-22 07:38 pm Source: Vijayakarnataka ಡಿಜಿಟಲ್ ಟೆಕ್

Dizo ಬ್ರ್ಯಾಂಡ್ ಅಡಿಯಲ್ಲಿ ಈಗಾಗಲೇ Dizo Watch, Watch 2, Watch Pro, Watch 2 Sports i, Watch S ಮತ್ತು Watch R ಸಾಧನಗಳು ಲಭ್ಯವಿವೆ. ಇವುಗಳ ಜೊತೆಗೆ 150 ಕ್ಕೂ...

ಜನಪ್ರಿಯ ಸ್ಮಾರ್ಟ್‌ವಾಚ್ ಬ್ರ್ಯಾಂಡ್ Dizo ಭಾರತದಲ್ಲಿ ತನ್ನ ನೂತನ Dizo Watch D ಸ್ಮಾರ್ಟ್‌ವಾಚ್ ಪರಿಚಯಿಸುವ ಬಗ್ಗೆ ಟೀಸರ್ ಒಂದನ್ನು ಬಿಡುಗಡೆ ಮಾಡಿದೆ. ಲೋಹದ ಚೌಕಟ್ಟಿನ ಪ್ರೀಮಿಯಂ ವಿನ್ಯಾಸದಲ್ಲಿ ಡೈನಾಮಿಕ್ ಡಿಸ್‌ಪ್ಲೇ, 150 ಕ್ಕೂ ಹೆಚ್ಚು ವರ್ಣರಂಜಿತ ವಾಚ್ ಫೇಸ್‌ಗಳ ಜೊತೆಗೆ, 50m ನೀರಿನ ಪ್ರತಿರೋಧವನ್ನು ಹೊಂದಿರುವ IP ರೇಟಿಂಗ್‌ ನಂತಹ ವೈಶಿಷ್ಟ್ಯಗಳಲ್ಲಿ ಇದೇ ಜೂನ್ 7 ರಂದು ಮಧ್ಯಾಹ್ನ 12 ಗಂಟೆಗೆ ದೇಶದಲ್ಲಿ Dizo ಬ್ರ್ಯಾಂಡ್‌ನ ನೂತನ ಸ್ಮಾರ್ಟ್‌ವಾಚ್ ಒಂದನ್ನು ಬಿಡುಗಡೆ ಮಾಡಲಾಗುತ್ತಿದೆ ಎಂದು ಟೀಸರ್‌ನಲ್ಲಿ ಹೇಳಲಾಗಿದೆ. ಆದರೆ, ಟಿಪ್‌ಸ್ಟಾರ್‌ಗಳು ಈ ನೂತನ Dizo Watch D ಸ್ಮಾರ್ಟ್‌ವಾಚ್ ಹೊಂದಿರಬಹುದಾದ ಇತರೆ ವೈಶಿಷ್ಟ್ಯಗಳು ಯಾವುವು ಎಂಬುದನ್ನು ಸಹ ತಿಳಿಸಿದ್ದಾರೆ

ಹೌದು, Dizo ಬ್ರ್ಯಾಂಡ್ ಅಡಿಯಲ್ಲಿ ಈಗಾಗಲೇ Dizo Watch, Watch 2, Watch Pro, Watch 2 Sports i, Watch S ಮತ್ತು Watch R ಸಾಧನಗಳು ಲಭ್ಯವಿವೆ. ಇವುಗಳ ಜೊತೆಗೆ 150 ಕ್ಕೂ ಹೆಚ್ಚು ವಾಚ್ ಫೇಸ್‌ಗಳನ್ನು ಹೊಂದಿರುವಂತಹ Dizo Watch D ಸ್ಮಾರ್ಟ್‌ವಾಚ್ ಹೊಸದಾಗಿ ಸೇರಿಕೊಳ್ಳುತ್ತಿದೆ. ಟಿಪ್‌ಸ್ಟಾರ್‌ಗಳು ತಿಳಿಸಿರುವಂತೆ, ನೂತನ Dizo Watch D ಸ್ಮಾರ್ಟ್‌ವಾಚ್ ಈ ಹಿಂದಿನ Dizo ಸ್ಮಾರ್ಟ್‌ವಾಚ್‌ಗಳ ಪ್ರದರ್ಶನಕ್ಕಿಂತ 15% ನಷ್ಟು ದೊಡ್ಡದಾಗಿದೆ ಎಂದು ಹೇಳಿದ್ದಾರೆ ಹಾಗೂ ಈ ವಾಚ್ ಹೊಂದಿರಲಿರುವ ಇತರೆ ವೈಶಿಷ್ಟ್ಯಗಳು ಯಾವುವು ಎಂಬ ಬಗ್ಗೆ ಮಾಹಿತಿಯನ್ನು ಸಹ ಒದಗಿಸಿದ್ದಾರೆ. ಹಾಗಾದರೆ, ಮಾರುಕಟ್ಟೆಗೆ ಎಂಟ್ರಿ ನೀಡುತ್ತಿರುವ ಹೊಸ Dizo Watch D ಸ್ಮಾರ್ಟ್‌ವಾಚ್ ಹೇಗಿರಲಿದೆ ಎಂಬುದನ್ನು ನೋಡೋಣ ಬನ್ನಿ.

Dizo Watch D Smartwatch Set to Launch in India on June 7, Specifications Teased – Just Android

Twitter-ಆಧಾರಿತ ಟಿಪ್‌ಸ್ಟರ್ TechnoAnkit1 ನಿಂದ ಹಂಚಿಕೊಂಡಿರುವ ಮಾಹಿತಿಗಳಂತೆ, Dizo ಬ್ರ್ಯಾಂಡ್‌ನ ಹೊಸ Dizo Watch D ದೊಡ್ಡ 1.8-ಇಂಚಿನ ಡಿಸ್‌ಪ್ಲೇಯೊಂದಿಗೆ ಬರಬಹುದೆಂದು ಬಹಿರಂಗಪಡಿಸಿದೆ. ಇದು ಬ್ರ್ಯಾಂಡ್‌ನ ಹಿಂದಿನ ಮಾದರಿಗಳಲ್ಲಿನ ಪ್ರದರ್ಶನಕ್ಕಿಂತ 15% ನಷ್ಟು ದೊಡ್ಡದಾಗಿದೆ ಎಂದು ಟಿಪ್‌ಸ್ಟರ್ ಬಹಿರಂಗಪಡಿಸಿದ್ದಾರೆ. ಇಷ್ಟೇ ಅಲ್ಲದೇ, ಈ ಸ್ಮಾರ್ಟ್‌ವಾಚ್‌ನ ಪ್ರದರ್ಶನವು 550 ನಿಟ್‌ಗಳ ಹೊಳಪು ಮತ್ತು ಬಾಗಿದ ಟೆಂಪರ್ಡ್ ಗ್ಲಾಸ್ ಕವರ್‌ನೊಂದಿಗೆ ಬರುವ ಸಾಧ್ಯತೆಯ ಬಗ್ಗೆ ತಿಳಿಸಿದ್ದಾರೆ. ಅಧಿಕೃತ ಟೀಸರ್ ನಲ್ಲಿ ಈಗಾಗಲೇ ವಾಚ್ ಲೋಹದ ಚೌಕಟ್ಟನ್ನು ಬಳ ಡೈನಾಮಿಕ್ ಡಿಸ್‌ಪ್ಲೇ ವೈಶಿಷ್ಟ್ಯವನ್ನು ತರುವ ಬಗ್ಗೆ ಸೂಚಿಸುವುದರಿಂದ ಟಿಪ್‌ಸ್ಟಾರ್ ಅವರಿಂದ ಹೊರಬಿದ್ದಿರುವ ಮಾಹಿತಿಗಳು ನಿಖರವಾಗಿರುವ ಸಂಭವ ಹೆಚ್ಚಿದೆ.

Dizo Watch D Smartwatch Set to Launch in India on June 7, Specifications Teased – Just Android

ಇನ್ನು ಈ ನೂತನ ಸ್ಮಾರ್ಟ್ ವಾಚ್ 150 ಕ್ಕೂ ಹೆಚ್ಚು ವರ್ಣರಂಜಿತ ವಾಚ್ ಫೇಸ್‌ಗಳನ್ನು ಹೊಂದಿರುತ್ತದೆ ಎಂದು ಡಿಜೊ ತನ್ನ ಅಧಿಕೃತ ಟೀಸರ್ ನಲ್ಲೇ ದೃಢಪಡಿಸಿದೆ. ಈ ಬಗ್ಗೆ ಮತ್ತಷ್ಟು ಮಾಹಿತಿಯನ್ನು ಒದಗಿಸಿರುವ ಟಿಪ್‌ಸ್ಟಾರ್‌ಗಳು ಇದು ಕಸ್ಟಮೈಸ್ ಮಾಡಬಹುದಾದ ವಿಜೆಟ್ ಡ್ಯಾಶ್‌ಬೋರ್ಡ್‌ನೊಂದಿಗೆ ಬರಲಿದೆ ಎಂದು ಹೇಳಿದ್ದಾರೆ. ಇಷ್ಟೇ ಅಲ್ಲದೇ, ಈ ಸ್ಮಾರ್ಟ್‌ವಾಚ್ಹೃದಯ ಬಡಿತ ಮಾನಿಟರ್, ಚಟುವಟಿಕೆ ಟ್ರ್ಯಾಕರ್ ಮತ್ತು ರಕ್ತದ ಆಮ್ಲಜನಕ ಮಾನಿಟರ್‌ನೊಂದಿಗೆ ಸಾಮಾನ್ಯ ಫಿಟ್‌ನೆಸ್ ಟ್ರ್ಯಾಕಿಂಗ್ ಸಾಮರ್ಥ್ಯಗಳನ್ನು ಹೊಂದಿರುತ್ತದೆ ಎಂದು ಟಿಪ್‌ಸ್ಟಾರ್‌ಗಳು ತಿಳಿಸಿದ್ದಾರೆ. ಇನ್ನು ಈ ಸ್ಮಾರ್ಟ್‌ವಾಚ್ ಬೆಲೆ ಎಷ್ಟಿರಬಹುದು ಎಂಬ ಬಗ್ಗೆ ಯಾವುದೇ ವದಂತಿಯ ಮಾಹಿತಿಗಳು ದೊರೆತಿಲ್ಲವಾದುದರಿಂದ, ಇದಕ್ಕಾಗಿ ನಾವು ಜೂನ್ 7 ರಂದು ಮಧ್ಯಾಹ್ನ 12 ಗಂಟೆಯವರೆಗೂ ಕಾಯಲೇಬೇಕು.