ಭಾರತದಲ್ಲಿ Ambrane Wise Roam ಸ್ಮಾರ್ಟ್‌ವಾಚ್ ಬಿಡುಗಡೆ!..ಬೆಲೆ ಕೇವಲ 2,499 ರೂ.!

ಬ್ರೇಕಿಂಗ್ ನ್ಯೂಸ್

ಧರ್ಮಸ್ಥಳದಲ್ಲಿ ಪರ-ವಿರೋಧ ಗಲಾಟೆ ; ಯೂಟ್ಯೂಬ್, ಮಾಧ್ಯಮ ಸಿಬಂದಿಗೆ ಹಲ್ಲೆ, ಉದ್ರಿಕ್ತರನ್ನು ಲಾಠಿ ಬೀಸಿ ಚದುರಿಸಿದ ಪೊಲೀಸರು, ಸ್ಥಳದಲ್ಲಿ ಉದ್ವಿಗ್ನ ವಾತಾವರಣ, ಆಕ್ಷೇಪಾರ್ಹ ವಿಡಿಯೋ ದಾಖಲೆ ಕೊಡಿ, ಕೇಸು ದಾಖಲಿಸ್ತೇವೆಂದ ಎಸ್ಪಿ | Dharmasthala burial case, Gag Order: ಮಾಧ್ಯಮ ನಿರ್ಬಂಧ ಕೋರಿದ್ದ ಧರ್ಮಸ್ಥಳ ಪರ ಅರ್ಜಿ ವಜಾಗೊಳಿಸಿದ ಬೆಂಗಳೂರು ಸಿವಿಲ್ ಕೋರ್ಟ್, 8842 ಲಿಂಕ್ ಡಿಲೀಟ್ ಮಾಡಲು ಕೋರಿದ್ದ ಅರ್ಜಿಗೆ ಹಿನ್ನಡೆ | Kudla Rampage Attack, Ajay Anchan, Dharmasthala: ಧರ್ಮಸ್ಥಳ ಬಳಿ ಕುಡ್ಲ ರಾಂಪೇಜ್ ಯೂಟ್ಯೂಬರ್ ತಂಡದ ಮೇಲೆ ಹಲ್ಲೆ ; ನಾಲ್ವರು ಆಸ್ಪತ್ರೆಗೆ ದಾಖಲು, ಸ್ಥಳದಲ್ಲಿ ಸೇರಿದ್ದ ಉದ್ರಿಕ್ತರನ್ನು ಚದುರಿಸಿದ ಪೊಲೀಸರು |

ಭಾರತದಲ್ಲಿ Ambrane Wise Roam ಸ್ಮಾರ್ಟ್‌ವಾಚ್ ಬಿಡುಗಡೆ!..ಬೆಲೆ ಕೇವಲ 2,499 ರೂ.!

21-06-22 07:49 pm Source: Vijayakarnataka ಡಿಜಿಟಲ್ ಟೆಕ್

Ambrane Wise Roam ಸ್ಮಾರ್ಟ್‌ವಾಚ್‌ನಲ್ಲಿ 60 ಕ್ರೀಡಾ ವಿಧಾನಗಳು, 100 ಕ್ಕೂ ಹೆಚ್ಚು ವಾಚ್ ಫೇಸ್‌ಗಳು, ಹೃದಯ ಬಡಿತ ಮಾನಿಟರಿಂಗ್, SpO2, ರಕ್ತದೊತ್ತಡ, ಮತ್ತು ಋತುಚಕ್ರದ ಟ್ರ್ಯಾಕ...

ಜನಪ್ರಿಯ ಸ್ಮಾರ್ಟ್‌ವಾಚ್ ಬ್ರ್ಯಾಂಡ್ Ambrane ತನ್ನ ವಿನೂತನ Ambrane Wise Roam ಸ್ಮಾರ್ಟ್‌ವಾಚ್ ಅನ್ನು ಭಾರತದಲ್ಲಿಂದು ಬಿಡುಗಡೆಗೊಳಿಸಿದೆ. 1.28-ಇಂಚಿನ ವೃತ್ತಾಕಾರದ ಪ್ರದರ್ಶನ ವಿನ್ಯಾಸದಲ್ಲಿ Ambrane Wise Roam ಸ್ಮಾರ್ಟ್‌ವಾಚ್ ಅನ್ನು ದೇಶದಲ್ಲಿ ಪರಿಚಯಿಸಲಾಗಿದ್ದು, IP68 ನೀರು ಮತ್ತು ಧೂಳಿನ ನಿರೋಧಕ ರೇಟಿಂಗ್‌, 10 ದಿನಗಳ ಬ್ಯಾಟರಿ ಅವಧಿಯನ್ನು ನೀಡುವ 260 mAh ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿರುವುದು ಸೇರಿದಂತೆ, ಅನೇಕ ಆರೋಗ್ಯ ಮತ್ತು ಫಿಟ್‌ನೆಸ್ ವೈಶಿಷ್ಟ್ಯಗಳನ್ನು ಹೊತ್ತು Ambrane Wise Roam ಸ್ಮಾರ್ಟ್‌ವಾಚ್ ಮಾರುಕಟ್ಟೆಗೆ ಬಂದಿದೆ. ಹಾಗಾದರೆ, ನೂತನ Ambrane Wise Roam ಸ್ಮಾರ್ಟ್‌ವಾಚ್ ಹೇಗಿದೆ ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿಯೋಣ ಬನ್ನಿ.

Ambrane Wise Roam ಸ್ಮಾರ್ಟ್‌ವಾಚ್ ವೈಶಿಷ್ಟ್ಯಗಳು
ಮೊದಲೇ ಹೇಳಿದಂತೆ, ನೂತನ Ambrane Wise Roam ಸ್ಮಾರ್ಟ್‌ವಾಚ್ 240x240 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಸಾಮರ್ಥ್ಯದ 1.28-ಇಂಚಿನ ವೃತ್ತಾಕಾರದ 2.5D ಬಾಗಿದ ಗಾಜಿನ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇಯು 450 ನಿಟ್‌ಗಳ ಗರಿಷ್ಠ ಹೊಳಪನ್ನು ಹೊಂದಿದ್ದು, ಇದು ಹೊಳಪನ್ನು ಮಂದಗೊಳಿಸುವ ಥಿಯೇಟರ್ ಮೋಡ್ ಸಹಾಯದಿಂದ ಸ್ವಯಂಚಾಲಿತವಾಗಿ ಹಗಲು ಬೆಳಕನ್ನು ಹೊಂದಿಸಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ. IP68 ನೀರು ಮತ್ತು ಧೂಳಿನ ನಿರೋಧಕ ರೇಟಿಂಗ್‌ ಅನ್ನು ಹೊಂದಿರುವ ಈ ಸಾಧನವು Bluetooth v5 ಅನ್ನು ಬೆಂಬಲಿಸಲಿದೆ. ಇದು ಬ್ಲೂಟೂತ್ ಕರೆ ಮಾಡುವ ಸೌಲಭ್ಯವನ್ನು ಸಹ ತಂದಿದೆ. Android ಮತ್ತು iOS ನೊಂದಿಗೆ ಹೊಂದಿಕೊಳ್ಳುವ ಈ ಸ್ಮಾರ್ಟ್‌ವಾಚ್ ಅನ್ನು ಬಳಕೆದಾರರ ಉತ್ತಮ ಅನುಭವಕ್ಕಾಗಿ Da Fit ಅಪ್ಲಿಕೇಶನ್ ಜೊತೆ ಜೋಡಿಸಲಾಗಿದೆ.

Ambrane Wise Roam Smartwatch launched in India : Features, price

Ambrane Wise Roam ಸ್ಮಾರ್ಟ್‌ವಾಚ್‌ನಲ್ಲಿ 60 ಕ್ರೀಡಾ ವಿಧಾನಗಳು, 100 ಕ್ಕೂ ಹೆಚ್ಚು ವಾಚ್ ಫೇಸ್‌ಗಳು, ಹೃದಯ ಬಡಿತ ಮಾನಿಟರಿಂಗ್, SpO2, ರಕ್ತದೊತ್ತಡ, ಮತ್ತು ಋತುಚಕ್ರದ ಟ್ರ್ಯಾಕರ್ ಸೇರಿದಂತೆ ಅನೇಕ ಆರೋಗ್ಯ ಟ್ರ್ಯಾಕಿಂಗ್ ಮತ್ತು ಮೇಲ್ವಿಚಾರಣಾ ವೈಶಿಷ್ಟ್ಯಗನ್ನು ತರಲಾಗಿದೆ. ಇನ್‌ಬಿಲ್ಟ್ ಮೈಕ್ ಮತ್ತು ಸ್ಪೀಕರ್‌ನೊಂದಿಗೆ ಬ್ಲೂಟೂತ್ ಕರೆ ಮಾಡುವ ಈ ಸ್ಮಾರ್ಟ್‌ವಾಚ್, ಸೆಡೆಂಟರಿ ಅಲರ್ಟ್, ಹವಾಮಾನ, ಅಲಾರಾಂ, ಟೈಮರ್, ಫ್ಲ್ಯಾಷ್‌ಲೈಟ್ ಮತ್ತು ಫೋನ್ ಫೈಂಡ್ ಸೇರಿದಂತೆ ಸ್ಮಾರ್ಟ್ ವೈಶಿಷ್ಟ್ಯಗಳನ್ನು ಪ್ರದರ್ಶಿಸುತ್ತದೆ. ಹಾಗೆಯೇ, ಈ ಸಾಧನವು ರಿಮೋಟ್, ಕ್ಯಾಮೆರಾ, ಮ್ಯೂಸಿಕ್ ಪ್ಲೇಯರ್‌ಗಾಗಿ ಸ್ಮಾರ್ಟ್ ನಿಯಂತ್ರಣಗಳೊಂದಿಗೆ ಸಂದೇಶ ಅಧಿಸೂಚನೆಗಳು ಮತ್ತು ಧ್ವನಿ ಸಹಾಯದ ಬೆಂಬಲದೊಂದಿಗೆ ಬರುತ್ತದೆ.

Ambrane Wise Roam Online at Lowest Price in India

Ambrane Wise Roam ಸ್ಮಾರ್ಟ್‌ವಾಚ್ ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ Ambrane Wise Roam ಸ್ಮಾರ್ಟ್‌ವಾಚ್ ಅನ್ನು 5,999 ರೂ.ಗಳ ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿಯಾದರೂ ಸಹ 2,499 ರೂ.ಗಳ ಪರಿಚಯಾತ್ಮಕ ಬೆಲೆಯಲ್ಲಿ ಸ್ಮಾರ್ಟ್‌ವಾಚ್ ಅನ್ನು ಮಾರಾಟ ಮಾಡುತ್ತಿರುವುದಾಗಿ ಕಂಪೆನಿ ತಿಳಿಸಿದೆ. Ambrane ಇಂಡಿಯಾದ ಕಂಪೆನಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ ಫರ್ನ್ ಗ್ರೀನ್, ಜೇಡ್ ಬ್ಲ್ಯಾಕ್ ಮತ್ತು ಸ್ಟೋನ್ ಗ್ರೇ ಮೂರು ಬಣ್ಣಗಳಲ್ಲಿ ಹಾಗೂ ಫ್ಲಿಪ್‌ಕಾರ್ಟ್‌ನಲ್ಲಿ ಜೇಡ್ ಬ್ಲ್ಯಾಕ್ ಮತ್ತು ಸ್ಟೋನ್ ಗ್ರೇ ಎರಡು ಬಣ್ಣಗಳಲ್ಲಿ Ambrane Wise Roam ಸ್ಮಾರ್ಟ್‌ವಾಚ್ ಅನ್ನು ಮಾರಾಟ ಮಾಡಲಾಗುತ್ತಿದ್ದು, ಆಯ್ದ ಕ್ರೆಡಿಟ್ ಕಾರ್ಡ್‌ಗಳ ಮೇಲೆ ಶೇಕಡಾ 10 ರಷ್ಟು ರಿಯಾಯಿತಿ ಸೇರಿದಂತೆ ಹಲವು ಪ್ರಯೋಜನೆಗಳನ್ನು ಪಡೆಯಬಹುದು ಎಂದು Ambrane ಕಂಪೆನಿ ತಿಳಿಸಿದೆ.