ಭಾರತದಲ್ಲಿ Amazfit GTS 4 Mini ಸ್ಮಾರ್ಟ್‌ವಾಚ್ ಬಿಡುಗಡೆ: ಬೆಲೆ ಎಷ್ಟು ನೋಡಿ!

ಬ್ರೇಕಿಂಗ್ ನ್ಯೂಸ್

Karnataka Legislative Council Election date: ಆರು ವಿಧಾನ ಪರಿಷತ್ ಸ್ಥಾನಗಳಿಗೆ ಚುನಾವಣೆ ಘೋಷಣೆ ; ಲೋಕಸಭೆ ಬೆನ್ನಲ್ಲೇ ರಾಜ್ಯದಲ್ಲಿ ಮತ್ತೊಂದು ಸಮರಕ್ಕೆ ವೇದಿಕೆ, ಜೂನ್ 3ಕ್ಕೆ ಚುನಾವಣೆ, ಮೇ 16ಕ್ಕೆ ನಾಮಪತ್ರ, ಕಾಂಗ್ರೆಸ್- ಬಿಜೆಪಿಗೆ ಪ್ರತಿಷ್ಠೆಯ ಕಣ | Narendra Modi, Rahul Gandhi: ರಾಹುಲ್ ಬಗ್ಗೆ ಪಾಕ್ ನಾಯಕನ ಪ್ರಶಂಸೆ ; ಕಾಂಗ್ರೆಸ್ ಇಲ್ಲಿ ಸಾಯುತ್ತಿದ್ದರೆ, ಪಾಕಿಸ್ಥಾನ ಅಲ್ಲಿ ಅಳ್ತಾ ಇದೆ, ಪಾಕ್ ನಾಯಕರು ರಾಹುಲ್ ಪ್ರಧಾನಿಯಾಗಲು ಪ್ರಾರ್ಥಿಸುತ್ತಿದ್ದಾರೆ ಎಂದ ಮೋದಿ | Hindu Marriage, Supreme court: ಹಿಂದು ವಿವಾಹ ಎನ್ನುವುದು ಪವಿತ್ರ ವಿಧಿ, ಕುಡಿದು ಡ್ಯಾನ್ಸ್ ಮಾಡುವುದು, ಆಡಂಭರ ಮಾಡಿದರೆ ಹಿಂದು ವಿವಾಹ ಪೂರ್ಣವಾಗಲ್ಲ ; ಸುಪ್ರೀಂ ಕೋರ್ಟ್ |

ಭಾರತದಲ್ಲಿ Amazfit GTS 4 Mini ಸ್ಮಾರ್ಟ್‌ವಾಚ್ ಬಿಡುಗಡೆ: ಬೆಲೆ ಎಷ್ಟು ನೋಡಿ!

14-07-22 08:19 pm Source: Vijayakarnataka ಡಿಜಿಟಲ್ ಟೆಕ್

Amazfit GTS 4 Mini ಸಾಧನವು 120 ಕ್ಕೂ ಹೆಚ್ಚು ಕ್ರೀಡಾ ವಿಧಾನಗಳನ್ನು ಹೊಂದಿದೆ ಮತ್ತು ಇದು ಏಳು ಕ್ರೀಡಾ ಚಲನೆಗಳನ್ನು ಸಹ ಸ್ವಯಂಚಾಲಿತವಾಗಿ ಗುರುತಿಸುತ್ತದೆ ಎಂದು ಕಂಪೆನಿಯು...

ಜನಪ್ರಿಯ ಸ್ಮಾರ್ಟ್‌ವಾಚ್ ಬ್ರ್ಯಾಂಡ್ Amazfit ಭಾರತದಲ್ಲಿ ತನ್ನ ಮತ್ತೊಂದು ವಿನೂತನ ಸ್ಮಾರ್ಟ್‌ವಾಚ್ ಅನ್ನು ಘೊಷಿಸಿದ್ದು, Amazfit GTS 4 Mini ಎಂಬ ಹೆಸರಿನಲ್ಲಿ ಪ್ರಿಮಿಯಂ ವೈಶಿಷ್ಟ್ಯಗಳನ್ನು ಹೊಂದಿರುವ ಹೊಸ ಸ್ಮಾರ್ಟ್‌ವಾಚ್ ಅನ್ನು ಪರಿಚಯಿಸಿದೆ. 120 ಕ್ರೀಡಾ ವಿಧಾನಗಳು, ನಿರಂತರ ಹೃದಯ ಬಡಿತ ಮೇಲ್ವಿಚಾರಣೆ ಮತ್ತು 5 ATM ರೇಟಿಂಗ್ ಸೇರಿದಂತೆ 15 ದಿನಗಳ ಬ್ಯಾಟರಿ ಅವಧಿಯಯನ್ನು ಹೊಂದಿರುವ ವೈಶಿಷ್ಟ್ಯಗಳಲ್ಲಿ ಈ ಸಾಧನವನ್ನು ಬಿಡುಗಡೆಗೊಳಿಸಲಾಗಿದ್ದು, ಫ್ಲೆಮಿಂಗೊ ಪಿಂಕ್, ಮಿಂಟ್ ಬ್ಲೂ, ಮೂನ್‌ಲೈಟ್ ವೈಟ್ ಮತ್ತು ಕಪ್ಪು ಬಣ್ಣಗಳಲ್ಲಿ ಇದೇ ಜುಲೈ 16 ರಿಂದ ಮಾರಾಟಕ್ಕೆ ಬರುತ್ತಿದೆ. ಹಾಗಾದರೆ, ನೂತನ Amazfit GTS 4 Mini ಸ್ಮಾರ್ಟ್‌ವಾಚ್ ಸಾಧನವು ಹೇಗಿದೆ ಮತ್ತು ಬೆಲೆ ಎಷ್ಟು ಎಂಬ ಮಾಹಿತಿಗಳನ್ನು ತಿಳಿಯೋಣ ಬನ್ನಿ.

Amazfit GTS 4 Mini ಸಾಧನದ ವೈಶಿಷ್ಟ್ಯಗಳು
ನೂತನ Amazfit GTS 4 Mini ಸಾಧನವು ಬಲಭಾಗದಲ್ಲಿ ಒಂದು ಬಟನ್ ಹಾಗೂ ಚೌಕಾಕಾರದ ಸಿಲಿಕೋನ್ ಪಟ್ಟಿಗಳನ್ನು ಹೊಂದಿರುವ ವಿನ್ಯಾಸದಲ್ಲಿ ಬಂದಿದೆ. 70.2 ಪ್ರತಿಶತ ಸ್ಕ್ರೀನ್-ಟು-ಬಾಡಿ ಅನುಪಾತದೊಂದಿಗೆ 1.65-ಇಂಚಿನ HD AMOLED ಡಿಸ್‌ಪ್ಲೇಯನ್ನು ಹೊಂದಿರುವ ಈ ಸಾಧನವು ಯಾವಾಗಲೂ ಆನ್ ಡಿಸ್‌ಪ್ಲೇ (AoD) ವೈಶಿಷ್ಟ್ಯದಲ್ಲಿರುವುದರಿಂದ ಹೆಚ್ಚು ಬ್ಯಾಟರಿಯನ್ನು ಬೇಡುತ್ತದೆ. ಆದರೆ, ಹೊಸ Amazfit ವಾಚ್ 270mAh ಬ್ಯಾಟರಿಯನ್ನು ಒಳಗೊಂಡಿದೆದ್ದು, ಇದು 15 ದಿನಗಳ ಬ್ಯಾಟರಿ ಅವಧಿಯನ್ನು ಮತ್ತು ಬ್ಯಾಟರಿ ಸೇವರ್ ಮೋಡ್‌ನಲ್ಲಿ 45 ದಿನಗಳವರೆಗೆ ಬ್ಯಾಟರಿ ಅವಧಿಯನ್ನು ನೀಡಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಇನ್ನು 5 ATM ರೇಟಿಂಗ್ ಹೊಂದಿರುವ ಈ ಸಾಧನವು ನೀರು-ನಿರೋಧಕವಾಗಿದೆ ಎಂಬುದನ್ನು ನಾವು ತಿಳಿಯಬಹುದು.

Amazfit GTS 4 Mini launched in India with up to 15 days of battery life - Technology News

Amazfit GTS 4 Mini ಸಾಧನವು 120 ಕ್ಕೂ ಹೆಚ್ಚು ಕ್ರೀಡಾ ವಿಧಾನಗಳನ್ನು ಹೊಂದಿದೆ ಮತ್ತು ಇದು ಏಳು ಕ್ರೀಡಾ ಚಲನೆಗಳನ್ನು ಸಹ ಸ್ವಯಂಚಾಲಿತವಾಗಿ ಗುರುತಿಸುತ್ತದೆ ಎಂದು ಕಂಪೆನಿಯು ಹೇಳಿಕೊಂಡಿದೆ. ಇದು ರಕ್ತ-ಆಮ್ಲಜನಕದ ಶುದ್ಧತ್ವ, ಹೃದಯ ಬಡಿತ ಮತ್ತು ಒತ್ತಡದ ಮಟ್ಟವನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡಬಹುದು. ಪ್ರತಿ ಇತರ ಅಮಾಜ್‌ಫಿಟ್ ವಾಚ್‌ನಂತೆ, ಇದು ಒಬ್ಬರ ಆರೋಗ್ಯ ಸ್ಥಿತಿಯ ಅವಲೋಕನವನ್ನು ನೀಡಲು ಸಹಾಯ ಮಾಡುವ PAI ಆರೋಗ್ಯ ಮೌಲ್ಯಮಾಪನ ವ್ಯವಸ್ಥೆಯನ್ನು ಹೊಂದಿದೆ. ಇಷ್ಟೇ ಅಲ್ಲದೇ, ಮುಟ್ಟಿನ ಚಕ್ರಗಳ ಡೇಟಾವನ್ನು ನೀಡುವ ಸಾಮರ್ಥ್ಯವನ್ನು ಹೊಂದಿದೆ. ಬಳಕೆದಾರರು ತಮ್ಮ ನಿದ್ರೆಯ ಮಾದರಿಗಳನ್ನು ಸಹ ಟ್ರ್ಯಾಕ್ ಮಾಡಲು ಸಾಧ್ಯವಾಗುತ್ತದೆ ಹಾಗೂ ಅಮೆಜಾನ್ ಅಲೆಕ್ಸಾಗೆ ಬ್ರ್ಯಾಂಡ್ ಬೆಂಬಲವನ್ನು ಸಹ ಪಡೆಯಲಿದ್ದಾರೆ.

Amazfit GTS 4 Mini India launch soon, features revealed – The Mobile Indian

Amazfit GTS 4 Mini: ಭಾರತದಲ್ಲಿನ ಬೆಲೆ ಮತ್ತು ಮಾರಾಟದ ದಿನಾಂಕ
ಭಾರತದಲ್ಲಿ Amazfit GTS 4 Mini 7,999 ರೂ.ಗಳ ಎಂಆರ್‌ಪಿ ಬೆಲೆಯಲ್ಲಿ ಬಿಡುಗಡೆಗೊಂಡಿದೆ. ಆದರೆ, ಪರಿಚಯಾತ್ಮಕ ಕೊಡುಗೆಯಾಗಿ ಗ್ರಾಹಕರು ಇದನ್ನು ಸೀಮಿತ ಅವಧಿಗೆ 6,999 ರೂ.ಗಳ ರಿಯಾಯಿತಿ ಬೆಲೆಯಲ್ಲಿ ಖರರೀದಿಸಬಹುದು ಎಂದು ಕಂಪೆನಿ ತಿಳಿಸಿದೆ. ಇನ್ನು ಇದೇ ಜುಲೈ 16 ರಿಂದ ಇ-ಕಾಮರ್ಸ್ ಜಾಲತಾಣ ಅಮೆಜಾನ್ ಮೂಲಕ ಮಾರಾಟವಾಗಲಿರುವ ಈ ಸಾಧನಚನ್ನು, ಮಿಡ್ನೈಟ್ ಬ್ಲಾಕ್, ಫ್ಲೆಮಿಂಗೊ ಪಿಂಕ್, ಮಿಂಟ್ ಬ್ಲೂ ಮತ್ತು ಮೂನ್ಲೈಟ್ ವೈಟ್ ಸೇರಿದಂತೆ ನಾಲ್ಕು ಬಣ್ಣಗಳಲ್ಲಿ ಖರೀದಿಸಬಹುದು.

Amazfit Gts 4 Mini Launched In India Price, Sale Date.