ಭಾರತದಲ್ಲಿ ಜುಲೈ 18 ರಂದು ಬಹುನಿರೀಕ್ಷಿತ Oppo Reno 8 Pro ಮತ್ತು Oppo Reno 8 ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆಯಾಗುತ್ತಿರುವುದು ಅಧಿಕೃತವಾಗಿ ಖಚಿತವಾಗಿದ್ದು, ಇದೀಗ Oppo Reno 8 Pro ಮತ್ತು Oppo Reno 8 ಸ್ಮಾರ್ಟ್‌ಫೋನ್‌ಗಳ ಚಿತ್ರಗಳು, ವೈಶಿಷ್ಟ್ಯಗಳು ಮತ್ತು ಬೆಲೆಗಳು ಬಗ್ಗೆ ಹಲವು ವದಂತಿಯ ಮಾಹಿತಿಗಳು ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿವೆ. ಹೊಸ ಅಪ್‌ಡೇಟ್‌ ಒಂದರಲ್ಲಿ, Oppo Reno 8 ಸರಣಿಯು ಹೋಲ್-ಪಂಚ್ ಡಿಸ್‌ಪ್ಲೇಯನ್ನು ಹೊಂದಿರಲಿದ್ದು, ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಅನ್ನು ಪ್ಯಾಕ್ ಮಾಡಬಹುದು ಎಂದು ಹೇಳಲಾಗಿದ್ದು, ಖ್ಯಾತ ಚೈನೀಸ್ ಟಿಪ್‌ಸ್ಟರ್ ಪರಾಸ್ ಗುಗ್ಲಾನಿ (@passionategeekz) ಟ್ವಿಟರ್‌ನಲ್ಲಿ Oppo Reno 8 Pro ವಿನ್ಯಾಸವನ್ನು ಪ್ರದರ್ಶಿಸುವ ಲೈವ್ ಚಿತ್ರಗಳನ್ನು ಪೋಸ್ಟ್ ಮಾಡಿದ್ದಾರೆ.

ಟಿಪ್‌ಸ್ಟರ್ ಪರಾಸ್ ಗುಗ್ಲಾನಿ ಅವರು ಪೋಸ್ಟ್ ಮಾಡಿರುವ Oppo Reno 8 Pro ವಿನ್ಯಾಸವನ್ನು ನೋಡುವುದಾದರೆ, ಈ ಹ್ಯಾಂಡ್‌ಸೆಟ್ ಅನ್ನು ಕಪ್ಪು ಛಾಯೆಯಲ್ಲಿ ಹೋಲ್-ಪಂಚ್ ಡಿಸ್‌ಪ್ಲೇ ವಿನ್ಯಾಸವನ್ನು ತೋರಿಸುತ್ತಿದೆ ಹಾಗೂ ಹಿಂದಿನ ಪ್ಯಾನೆಲ್‌ನ ಮೇಲಿನ ಎಡ ಮೂಲೆಯಲ್ಲಿ ಎಲ್‌ಇಡಿ ಫ್ಲ್ಯಾಷ್‌ನೊಂದಿಗೆ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಘಟಕವನ್ನು ಜೋಡಿಸಲಾಗಿದೆ. ಇದರ ಈ ನೋಟವು ಹಿಂದಿನ Oppo Reno ಸರಣಿಯ ಮಾದರಿಗಳಂತೆಯೇ ಇದೆಯಾದರು, Oppo Reno 8 Pro ಚಿತ್ರಗಳು ತೆಳುವಾದ ಬೆಜೆಲ್‌ಗಳನ್ನು ಹೊಂದಿರುವಂತೆ ತೋರಿಸುತ್ತಿದೆ.ಇನ್ನು ಪರಾಸ್ ಗುಗ್ಲಾನಿ ಅವರ ಪ್ರಕಾರ, Oppo Reno 8 Pro ಆರಂಭಿಕ ಬೆಲೆಯು ಸುಮಾರು 46,000 ರೂ.ಗಳು ಎಂದು ಹೇಳಿರುವುದು ಸ್ಮಾರ್ಟ್‌ಫೋನಿನ ಬಗ್ಗೆ ಮತ್ತಷ್ಟು ಕುತೂಹಲವನ್ನು ಮೂಡಿಸಿದೆ.

ಭಾರತದಲ್ಲಿ Oppo Reno 8 ಸ್ಮಾರ್ಟ್‌ಫೋನ್‌ಗಳ ಬಿಡುಗಡೆಗೂ ಮುನ್ನ ಕೆಲವು ವೈಶಿಷ್ಟ್ಯಗಳನ್ನು ಈಗಾಗಲೇ ಅಧಿಕೃತವಾಗಿ ಪ್ರಕಟಿಸಲಾಗಿದೆ. Oppo ತನ್ನ ವೆಬ್‌ಸೈಟ್‌ನಲ್ಲಿ ಮೀಸಲಾದ ಮೈಕ್ರೋಸೈಟ್ ಮೂಲಕ Oppo Reno 8 Pro ಸ್ಮಾರ್ಟ್‌ಫೋನಿನ ಪ್ರಮುಖ ವಿಶೇಷಣಗಳ ಕುರಿತು ಈಗಾಗಲೇ ತಿಳಿಸಲಾಗಿರುವ ಅಧಿಕೃತ ಮಾಹಿತಿಯಂತೆ, Oppo Reno 8 Pro ಸ್ಮಾರ್ಟ್‌ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8100 ಮ್ಯಾಕ್ಸ್ SoC ಪ್ರೊಸೆಸರ್ ಅನ್ನು ಹೊಂದಿರಲಿದೆ. ಗೇಮಿಂಗ್‌ಗಾಗಿ ಸೂಪರ್-ವಾಹಕ VC ಲಿಕ್ವಿಡ್ ಕೂಲಿಂಗ್ ವ್ಯವಸ್ಥೆಯನ್ನು ಸಹ ಹೊಂದಿರಲಿರುವ ಈ ಸಾಧನವು ಮಾರಿಸಿಲಿಕಾನ್ X ಇಮೇಜಿಂಗ್ ನ್ಯೂರಲ್ ಪ್ರೊಸೆಸಿಂಗ್ ಯೂನಿಟ್ (NPU) ನೊಂದಿಗೆ ಸುಸಜ್ಜಿತವಾಗಿ ಬರುತ್ತದೆ ಮತ್ತು 120Hz ರಿಫ್ರೆಶ್ ದರದೊಂದಿಗೆ 6.7-ಇಂಚಿನ AMOLED ಡಿಸ್‌ಪ್ಲೇಯನ್ನು ಹೊಂದಿರಲಿದೆ.

Oppo Reno 8 Pro ಸ್ಮಾರ್ಟ್‌ಫೋನ್ 80W SuperVOOC ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರಲು ಸಿದ್ಧವಾಗಿದೆ. ಇದು ಕೇವಲ 11 ನಿಮಿಷಗಳಲ್ಲಿ 0 ರಿಂದ 50 ಪ್ರತಿಶತದಷ್ಟು ಬ್ಯಾಟರಿಯನ್ನು ಚಾರ್ಜ್ ಮಾಡಲಿದೆ ಎಂದು Oppo ಹೇಳಿಕೊಂಡಿದೆ. Oppo Reno 8 Pro ಸ್ಮಾರ್ಟ್‌ಫೋನಿನ ಕ್ಯಾಮೆರಾ ಸೆಟಪ್ 4k ಅಲ್ಟ್ರಾ ನೈಟ್ ವೀಡಿಯೊ ರೆಕಾರ್ಡಿಂಗ್ ಅನ್ನು ಬೆಂಬಲಿಸುತ್ತದೆ ಎಂದು ದೃಢೀಕರಿಸಲಾಗಿಯಾದರೂ, ಕ್ಯಾಮೆರಾ ಸೆಟಪ್ ಬಗ್ಗೆ ಯಾವುದೇ ಮಾಹಿತಿಯನ್ನು ಒದಗಿಸಿಲ್ಲ. ಇನ್ನುಳಿದಂತೆ ಈ ಸ್ಮಾರ್ಟ್‌ಫೋನ್ 7.4 ಎಂಎಂ ದಪ್ಪದೊಂದಿಗೆ ಸ್ಲಿಮ್ ವಿನ್ಯಾಸವನ್ನು ಹೊಂದಿರುವುದು ಸಹ ಖಚಿತವಾಗಿದ್ದು, ಭಾರತದಲ್ಲಿ Oppo Reno 8 ಸರಣಿಯ ಇದೇ ಜುಲೈ 18 ರಂದು ಸಂಜೆ 6 ಗಂಟೆಗೆ Oppo Pad Air ಮತ್ತು Oppo Enco X2 TWS ಇಯರ್‌ಫೋನ್‌ಗಳ ಜೊತೆಗೆ ಬಿಡುಗಡೆಯಾಗುತ್ತಿದೆ.

ಒಪ್ಪೊ ರೆನೊ 8 ಪ್ರೋ ಸ್ಪೆಸಿಫಿಕೇಶನ್ಸ್‌

• Join our WhatsApp group
• Follow us on Facebook 
• Follow us on Twitter

Oppo Reno 8 Pro Hands On Images Surface Online, India Pricing Tipped Again.