ವಿಶ್ವದ ಟೆಕ್ ದೈತ್ಯ ಕಂಪೆನಿಗಳಲ್ಲಿ ಒಂದಾದ ಚೀನಾ ಮೂಲದ ಜನಪ್ರಿಯ ಮೊಬೈಲ್ ಕಂಪೆನಿ OPPO ಕೇವಲ 16 ಸಾವಿರ ರೂ.ಗಳ ಬೆಲೆಯಲ್ಲಿ 50-ಇಂಚಿನ ಸ್ಮಾರ್ಟ್‌ಟಿವಿಯೊಂದನ್ನು ಪರಿಚಯಿಸಿದೆ. OPPO ಕಂಪೆನಿ ಕಳೆದ ತಿಂಗಳಷ್ಟೇ ಪರಿಚಯಿದ್ದ OPPO K9x ಸ್ಮಾರ್ಟ್ ಟಿವಿ ಸರಣಿಯಲ್ಲಿ ಹೊಸದಾಗಿ ಪರಿಚಯಿಸಿರುವ 50-ಇಂಚಿನ ಮಾದರಿಯ ಟಿವಿ ಇದಾಗಿದ್ದು, ಈ ಸಾಧನವು 4K ರೆಸಲ್ಯೂಶನ್, 60Hz ರಿಫ್ರೆಶ್ ರೇಟ್, ಕ್ವಾಡ್-ಕೋರ್ ಮೀಡಿಯಾ ಟೆಕ್ ಚಿಪ್‌ಸೆಟ್ (Quad Core media Chipset) ಸೇರಿದಂತೆ ಹಲವು ವೈಶಿಷ್ಟ್ಯಗಳನ್ನು ಹೊತ್ತು ಬಂದಿದೆ. ಹಾಗಾದರೆ, ನೂತನ OPPO K9x 50-Inch ಸ್ಮಾರ್ಟ್‌ಟಿವಿ ಹೇಗಿದೆ ಮತ್ತು ಸಂಪೂರ್ಣ ವೈಶಿಷ್ಟ್ಯಗಳು ಯಾವುವು ಎಂಬೆಲ್ಲಾ ಮಾಹಿಯನ್ನು ತಿಳಿಯೋಣ ಬನ್ನಿ .

OPPO K9x 50-ಇಂಚಿನ ಸ್ಮಾರ್ಟ್ ಟಿವಿಯ ವಿಶೇಷತೆಗಳು
ನೂತನ OPPO K9x 50 ಸ್ಮಾರ್ಟ್‌ಟಿವಿಯ ಹೆಸರಿನಲ್ಲಿಯೇ ತಿಳಿದುಬರುವಂತೆ, ಈ ಸ್ಮಾರ್ಟ್‌ಟಿವಿಯು 50 ಇಂಚಿನ ಎಲ್ಇಡಿ-ಬ್ಯಾಕ್ಲಿಟ್ ಪ್ಯಾನೆಲ್‌ ಅನ್ನು ಹೊಂದಿದೆ. ಈ ಡಿಸ್‌ಪ್ಲೇಯು 60Hz ರಿಫ್ರೆಶ್ ರೇಟ್ ಸಾಮರ್ಥ್ಯವನ್ನು ಹೊಂದಿದ್ದು, ಇದರ ಜೊತೆಗೆ blue-light ರೆಡ್ಯೂಸಿಂಗ್ ಟೆಕ್ನಾಲಜಿ, ಫುಲ್ 4K ರೆಸಲ್ಯೂಶನ್, 280nits ಮತ್ತು ಡೆಲ್ಟಾ E≈2 ಪೀಕ್ ಬ್ರೈಟ್‌ನೆಸ್ ನಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ. Oppo ಕಂಪನಿ ಹೇಳಿರುವಂತೆ, 10.7 ಶತಕೋಟಿ ಬಣ್ಣಗಳನ್ನು ಬಂಬಲಿಸುವ ಈ ಸ್ಮಾರ್ಟ್‌ಟಿವಿಯು ಪ್ರಮುಖ ಪ್ರೀಮಿಯಂ ಫ್ಲಾಗ್‌ಶಿಪ್ ಸ್ಮಾರ್ಟ್‌ಟಿವಿಗಳಂತಹ ಬಣ್ಣದ ನಿಖರತೆಯನ್ನು ಹೊಂದಿದೆ. ಇದು ಎಲ್ಲಾ ಸನ್ನಿವೇಶಗಳಲ್ಲಿ ಚಿತ್ರದ ಗುಣಮಟ್ಟವನ್ನು ಫ್ರೇಮ್-ಬೈ-ಫ್ರೇಮ್ ಸುಧಾರಣೆಗೆ ಅನುಮತಿಸುತ್ತದೆ ಮತ್ತು ಕಂಪನಿಯು ಸ್ವತಃ ಅಭಿವೃದ್ಧಿಪಡಿಸಿದ AI PQ ಅಲ್ಗಾರಿದಮ್ ಅನ್ನು ಹೊಂದಿದೆ.

ಹುಡ್ ಅಡಿಯಲ್ಲಿ, OPPO K9x 50 ಸ್ಮಾರ್ಟ್‌ಟಿವಿಯು ಕ್ವಾಡ್-ಕೋರ್ MediaTek ಚಿಪ್‌ಸೆಟ್ ಅನ್ನು ಹೊಂದಿದ್ದು, ಈ ಪ್ರೊಸೆಸರ್ ಅನ್ನು 2GB RAM ಮತ್ತು 16GB ಆಂತರಿಕ ಸಂಗ್ರಹಣೆಯೊಂದಿಗೆ ಜೋಡಿಸಲಾಗಿದೆ ಮತ್ತು ColorOS ನಲ್ಲಿ ಕಾರ್ಯನಿರ್ವಹಿಸುವ ಈ ಸ್ಮಾರ್ಟ್‌ಟಿವಿಯು ಯಾವುದೇ ಬ್ಲೋಟ್‌ವೇರ್ ಇಲ್ಲದೆ ಕೆಲಸ ಮಾಡುತ್ತದೆ ಎಂದು OPPO ತಿಳಿಸಿದೆ. OPPO K9x 50 ಸ್ಮಾರ್ಟ್‌ಟಿವಿಯ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ, 3 HDMI ಪೋರ್ಟ್‌ಗಳು, Ethernet ಪೋರ್ಟ್, ವೈರ್‌ಲೆಸ್ ಸಂಪರ್ಕಕ್ಕಾಗಿ ಡ್ಯುಯಲ್-ಬ್ಯಾಂಡ್ ವೈ-ಫೈ, Xiaobu ವಾಯ್ಸ್ ಅಸಿಸ್ಟೆಂಟ್ ನಂತಹ ವೈಶಿಷ್ಟ್ಯಗಳಿವೆ. ಇಷ್ಟೇ ಅಲ್ಲದೇ, ಈ ಸ್ಮಾರ್ಟ್‌ಟಿವಿ ಇದು 20W ಸಾಮರ್ಥ್ಯದ ಎರಡು ಇಂಟಿಗ್ರೇಟೆಡ್ ಸ್ಪೀಕರ್‌ಗಳನ್ನು ಹೊಂದಿದ್ದು, ಇದು ಡಿಸ್‌ಪ್ಲೇ ವ್ಯಾಲ್ಯೂಮ್ ಧ್ವನಿಯಾಗಿರುವ ಡಾಲ್ಬಿ ಸೌಂಟ್ ಅನ್ನು ಸಹ ಬೆಂಬಲಿಸುತ್ತದೆ.

OPPO K9x 50-ಇಂಚಿನ ಸ್ಮಾರ್ಟ್ ಟಿವಿ ಬೆಲೆ, ಲಭ್ಯತೆ
ನೂತನ OPPO K9x 50-ಇಂಚಿನ ಸ್ಮಾರ್ಟ್‌ಟಿವಿ ಇದೀಗ ಚೀನಾದಲ್ಲಿ ಮಾತ್ರ ಬಿಡುಗಡೆಯಾಗಿದ್ದು, ಈ ಸ್ಮಾರ್ಟ್‌ಟಿವಿಯ ಬೆಲೆಯನ್ನು 1399 ಯುವಾನ್ ($207)(16,491 ರೂ.) ಗಳಿಗೆ ನಿಗಧಿಪಡಿಸಲಾಗಿದೆ. ಇಷ್ಟೇ ಅಲ್ಲದೇ, ಈ ಸ್ಮಾರ್ಟ್‌ಟಿವಿ ಮೇಲೆ ಉಡಾವಣಾ ಕೊಡುಗೆಯನ್ನು ಸಹ ಘೋಷಿಸಿ, 1299 ಯುವಾನ್ (ಸುಮಾರು $192) ಗಳಿಗೆ ಮಾರಾಟ ಮಾಡಲಾಗುತ್ತಿದ್ದು, ಚೀನಾದ OPPO ಸ್ಟೋರ್ ವೆಬ್‌ಸೈಟ್ ಮೂಲಕ ಚೀನಾದಲ್ಲಿ ಖರೀದಿಗೆ ಲಭ್ಯವಿದೆ. ಇನ್ನು ಭಾರತದಲ್ಲಿ ನೂತನ OPPO K9x 50-ಇಂಚಿನ ಸ್ಮಾರ್ಟ್‌ಟಿವಿಯು ಶೀಘ್ರದಲ್ಲೇ ಬಿಡುಗಡೆಯಾಗಬಹುದಾದ ನಿರೀಕ್ಷೆ ಇದ್ದರೂ ಸಹ OPPO ಕಂಪೆನಿ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಯನ್ನು ಒದಗಿಸಿಲ್ಲ.

• Join our WhatsApp group
• Follow us on Facebook 
• Follow us on Twitter

Oppo K9x Smart Tv With 50 Inch 4k Display Launched.