32MP+32MP ಡ್ಯುಯಲ್ ಸೆಲ್ಫಿ ಕ್ಯಾಮೆರಾ ಹೊಂದಿರುವ Xiaomi Civi 2 ಫೋನ್ ಬಿಡುಗಡೆ!

28-09-22 11:07 pm       Source: Vijayakarnataka   ಡಿಜಿಟಲ್ ಟೆಕ್

ಕಳೆದ ಹಲವು ದಿನಗಳಿಂದಲೂ ವದಂತಿಗಳಿಂದಲೇ ಸುದ್ದಿಯಾಗಿದ್ದ Xiaomi Civi 2 ಸ್ಮಾರ್ಟ್‌ಫೋನಿನಲ್ಲಿ ವದಂತಿಗಳಂತೆಯೇ 32-ಮೆಗಾಪಿಕ್ಸೆಲ್ ಮತ್ತು 32-ಮೆಗಾಪಿಕ್ಸೆಲ್ ಸಾಮ.

ವಿಶ್ವ ಮೊಬೈಲ್ ಮಾರುಕಟ್ಟೆಯಲ್ಲಿ ಭಾರೀ ನಿರೀಕ್ಷೆ ಮೂಡಿಸಿದ್ದ Xiaomi Civi 2 ಸ್ಮಾರ್ಟ್‌ಫೋನ್ ಚೀನಾದಲ್ಲಿಂದು ಅಧಿಕೃತವಾಗಿ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಕಳೆದ ಹಲವು ದಿನಗಳಿಂದಲೂ ವದಂತಿಗಳಿಂದಲೇ ಸುದ್ದಿಯಾಗಿದ್ದ Xiaomi Civi 2 ಸ್ಮಾರ್ಟ್‌ಫೋನಿನಲ್ಲಿ ವದಂತಿಗಳಂತೆಯೇ 32-ಮೆಗಾಪಿಕ್ಸೆಲ್ ಮತ್ತು 32-ಮೆಗಾಪಿಕ್ಸೆಲ್ ಸಾಮರ್ಥ್ಯದ ಡ್ಯುಯಲ್-ಸೆಲ್ಫಿ ಕ್ಯಾಮೆರಾ ಸೆಟಪ್ ತಂದಿರುವುದು ಖಚಿತವಾಗಿದೆ. ಇಷ್ಟೇ ಅಲ್ಲದೇ, Qualcomm Snapdragon 7 Gen 1 ಪ್ರೊಸೆಸರ್, 120Hz ರಿಫ್ರೆಶ್ ರೇಟ್ ಸಾಮರ್ಥ್ಯದ 6.55-ಇಂಚಿನ ಫುಲ್ HD+ AMOLED ಡಿಸ್‌ಪ್ಲೇಯಂತಹ ಪ್ರಮುಖ ವೈಶಿಷ್ಟ್ಯಗಳನ್ನು ಸಹ ಈ ಸ್ಮಾರ್ಟ್‌ಫೋನ್ ಹೊಂದಿದೆ. ಹಾಗಾದರೆ, ನೂತನ Xiaomi Civi 2 ಸ್ಮಾರ್ಟ್‌ಫೋನ್ ಹೇಗಿದೆ ಮತ್ತು ಬೆಲೆಗಳು ಎಷ್ಟು ಎಂಬ ಸಂಪೂರ್ಣ ಮಾಹಿತಿ ತಿಳಿಯೋಣ ಬನ್ನಿ.

Xiaomi Civi 2 ಫೋನಿನ ವೈಶಿಷ್ಟ್ಯಗಳು ಮತ್ತು ವಿಶೇಷಣಗಳು
ನೂತನ Xiaomi Civi 2 ಸ್ಮಾರ್ಟ್‌ಫೋನಿನಲ್ಲಿ 6.55-ಇಂಚಿನ ಫುಲ್-HD+ (1,080x2,400 ಪಿಕ್ಸೆಲ್‌ಗಳು) AMOLED ಡಿಸ್‌ಪ್ಲೇಯನ್ನು ಅಳವಡಿಸಲಾಗಿದೆ. ಈ ಡಿಸ್‌ಪ್ಲೆಯು 120Hz ರಿಫ್ರೆಶ್ ರೇಟ್, 240Hz ವರೆಗೆ ಟಚ್ ಸ್ಯಾಂಪ್ಲಿಂಗ್ ರೇಟ್ , 1,000 nits ಬ್ರೈಟ್‌ನೆಸ್, HDR10+ ಮತ್ತು ಡಾಲ್ಬಿ ವಿಷನ್ ಬೆಂಬಲದಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ ಮತ್ತು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ನಿಂದ ಸುರಕ್ಷತೆಯನ್ನು ಪಡೆದಿದೆ.

Xiaomi CIVI 2 smartphone launched, will get 32 ​​megapixel selfie camera,  know the price - Comp Studio

ಹುಡ್ ಅಡಿಯಲ್ಲಿ, Xiaomi Civi 2 ಸ್ಮಾರ್ಟ್‌ಫೋನ್ Qualcomm Snapdragon 7 Gen 1 ಪ್ರೊಸೆಸರ್ ಶಕ್ತಿಯನ್ನು ಹೊಂದಿದೆ. ಈ ಪ್ರೊಸೆಸರ್ ಅನ್ನು 12GB LPDDR4x RAM ಮತ್ತು 256GB ವರೆಗಿನ UFS 2.2 ಮೆಮೊರಿಯೊಂದಿಗೆ ಜೋಡಿಸಲಾಗಿದೆ. ಇನ್ನು ಈ ಸ್ಮಾರ್ಟ್‌ಫೋನಿನ ಶಾಖದ ನಿರ್ವಹಣೆಗಾಗಿ ಸ್ಟೇನ್ಲೆಸ್ ಸ್ಟೀಲ್ VC ಲಿಕ್ವಿಡ್ ಕೂಲಿಂಗ್ ತಂತ್ರಜ್ಞಾನವನ್ನು ತರಲಾಗಿದ್ದು, ಗೇಮಿಂಗ್ ಪ್ರಿಯರಿಗೆ ಸೂಕ್ತವಾಗಿ ಬಂದಿದೆ.

Xiaomi Civi 2 ಸ್ಮಾರ್ಟ್‌ಫೋನ್ ಟ್ರಿಪಲ್ ರಿಯಲ್ ಕ್ಯಾಮೆರಾ ಸೆಟಪ್ ಹೊಂದಿದ್ದು, ಇದು 50-ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ, 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಹಾಗೂ 100-ಡಿಗ್ರಿ ಫೀಲ್ಡ್-ಆಫ್-ವ್ಯೂ ಕ್ಯಾಮೆರಾಗಳ ಸಾಮರ್ಥ್ಯದಲ್ಲಿ ಬಂದಿದೆ. ಇದರಲ್ಲಿ ಇಮೇಜ್-ವರ್ಧಿಸುವ ಹಲವಾರು ವೈಶಿಷ್ಟ್ಯಗಳನ್ನು ತರಲಾಗಿದೆ ಎಂದು ಕಂಪೆನಿ ತಿಳಿಸಿದೆಯಾದರೂ, ಈ ಬಗ್ಗೆ ಹೆಚ್ಚು ಮಾಹಿತಿಯನ್ನು ಒದಗಿಸಿಲ್ಲ.

Xiaomi CIVI 2 Launch Today: Know Specs, Design, Colors & More About This  Affordable Phone

ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ, Xiaomi Civi 2 ಸ್ಮಾರ್ಟ್‌ಫೋನಿನಲ್ಲಿ 32-ಮೆಗಾಪಿಕ್ಸೆಲ್ ಪ್ರಾಥಮಿಕ ಮತ್ತು 32-ಮೆಗಾಪಿಕ್ಸೆಲ್ ವೈಲ್ಡ್ ಕ್ಯಾಮೆರಾಗಳಿರುವ ಡ್ಯುಯಲ್-ಸೆಲ್ಫಿ ಕ್ಯಾಮೆರಾ ಸೆಟಪ್ ತರಲಾಗಿದೆ. ಇದೇ ಮೊದಲ ಬಾರಿಗೆ Xiaomi ಮುಂಭಾಗದಲ್ಲಿ ಇಷ್ಟು ಸಾಮರ್ಥ್ಯದ ಕ್ಯಾಮೆರಾವನ್ನು ಪರಿಚಯಸಿದೆ. ಪ್ರಮುಖವಾಗಿ ಸೆಲ್ಫಿ ಪ್ರಿಯರನ್ನು ಸೆಳೆಯುವ ಸಲುವಾಗಿಯೇ Xiaomi Civi 2 ಸ್ಮಾರ್ಟ್‌ಫೋನನ್ನು ಪರಿಚಯಿಸಲಾಗಿದೆ ಎಂದು ಹೇಳಲಾಗುತ್ತಿದೆ.

ಬ್ಯಾಟರಿ ವಿಭಾಗದಲ್ಲಿ, Xiaomi Civi 2 ಸ್ಮಾರ್ಟ್‌ಫೋನ್ 67W ವೇಗದ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 4,500mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ, 5G ಸಂಪರ್ಕ, Wi-Fi 6, ಬ್ಲೂಟೂತ್ v5.2 ಮತ್ತು NFC ತಂತ್ರಜ್ಞಾನಗಳಿಗೆ ಬಂಬಲವನ್ನು ನೀಡಲಿದೆ ಎಂದು ಕಂಪೆನಿ ತಿಳಿಸಿದೆ. ಇನ್ನು ಈ ಸ್ಮಾರ್ಟ್‌ಫೋನ್ ಈ MIUI 13 ಸ್ಕಿನ್‌ನೊಂದಿಗೆ Android 12 ನಲ್ಲಿ ಕಾರ್ಯನಿರ್ವಹಿಸುತ್ತದೆ.

Xiaomi Civi 2 official with Snapdragon 7 Gen 1, 120 Hz screen and dual  selfie camera - The Goa Spotlight

Xiaomi Civi 2 ಫೋನಿನ ಬೆಲೆಗಳು ಮತ್ತು ಲಭ್ಯತೆ
ಇದೀಗ ಚೀನಾದಲ್ಲಿ ಮಾತ್ರ ಬಿಡುಗಡೆಗೊಂಡಿರುವ Xiaomi Civi 2 ಸ್ಮಾರ್ಟ್‌ಫೋನಿನ 8GB RAM + 128GB ಸ್ಟೋರೇಜ್ ಆವೃತ್ತಿಯು CNY 2,399 (ಸುಮಾರು ರೂ. 27,000) ಆರಂಭಿಕ ಬೆಲೆಯಲ್ಲಿ ಬಿಡುಗಡೆಗೊಂಡಿದೆ. 8GB RAM + 256GB ಮಾದರಿ ಹಾಗೂ ಟಾಪ್-ಆಫ್-ಲೈನ್ 12GB RAM + 256GB ಸ್ಟೋರೇಜ್ ಮಾದರಿಗಳಲ್ಲಿಯೂ ಬಿಡುಗಡೆಗೊಂಡಿರುವ ಈ ಸ್ಮಾರ್ಟ್‌ಫೋನಿನ ಬೆಲೆಗಳು ಕ್ರಮವಾಗಿ CNY 2,499 (ಸುಮಾರು ರೂ. 28,500) ಮತ್ತು CNY 2,799 (ಸುಮಾರು ರೂ. 32,000) ಗಳಾಗಿವೆ.

ಕಪ್ಪು, ನೀಲಿ ಮತ್ತು ಗುಲಾಬಿ ಬಣ್ಣಗಳಲ್ಲಿ ಬಿಡುಗಡೆಯಾಗಿರುವ Xiaomi Civi 2 ಸ್ಮಾರ್ಟ್‌ಫೋನ್ ಚೀನಾದಲ್ಲಿ ಇಂದಿನಿಂದಲೇ ಮಾರಾಟಕ್ಕೆ ಬಂದಿದೆ. ಆದರೆ. ಭಾರತ ಸೇರಿದಂತೆ ಜಾಗತಿಕವಾಗಿ ಈ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡುವ ಬಗ್ಗೆ ಕಂಪನಿಯಿಂದ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಆದಾಗ್ಯೂ, Xiaomi Civi 2 ಸ್ಮಾರ್ಟ್‌ಫೋನನ್ನು ಜಾಗತಿಕವಾಗಿ Xiaomi 12 Lite 5G NE ಅಥವಾ Xiaomi 13 Lite ಬ್ರ್ಯಾಂಡಿಂಗ್‌ನೊಂದಿಗೆ ಪರಿಚಯಿಸಬಹುದು ಎಂದು ಇತ್ತೀಚಿನ ವರದಿಯೊಂದು ಹೇಳಿಕೊಂಡಿದೆ.

Xiaomi Civi 2 With Dual 32 Megapixel Selfie Camera Launched  Price, Specifications.