ನಿಮ್ಮ ಐಫೋನಿನಲ್ಲಿ 5G ಸಪೋರ್ಟ್ ಸಕ್ರಿಯಗೊಳಿಸುವುದು ಹೇಗೆ?

ಬ್ರೇಕಿಂಗ್ ನ್ಯೂಸ್

ಬಂಗ್ಲೆಗುಡ್ಡೆ ಕಾಡಿನಲ್ಲಿ 9 ಕಡೆ ಮನುಷ್ಯನ ಎಲುಬು, ಬುರುಡೆಗಳು ಪತ್ತೆ, ಧರ್ಮಸ್ಥಳ ಪ್ರಕರಣಕ್ಕೆ ಮತ್ತೆ ತಿರುವು, ಎಸ್ಐಟಿ ಶೋಧ ಕಾರ್ಯ ಮುಂದುವರಿಕೆಬಂಗ್ಲೆಗುಡ್ಡೆ ಕಾಡಿನಲ್ಲಿ 9 ಕಡೆ ಮನುಷ್ಯನ ಎಲುಬು, ಬುರುಡೆಗಳು ಪತ್ತೆ, ಧರ್ಮಸ್ಥಳ ಪ್ರಕರಣಕ್ಕೆ ಮತ್ತೆ ತಿರುವು, ಎಸ್ಐಟಿ ಶೋಧ ಕಾರ್ಯ ಮುಂದುವರಿಕೆ | Mahesh Shetty Timarodi, Arms, FIR: ಮಹೇಶ್ ಶೆಟ್ಟಿ ತಿಮರೋಡಿ ವಿರುದ್ಧ ಬೆಳ್ತಂಗಡಿಯಲ್ಲಿ ಮತ್ತೊಂದು ಎಫ್ಐಆರ್, ಅಕ್ರಮ ಶಸ್ತ್ರಾಸ್ತ್ರ ಕಾಯ್ದೆಯಡಿ ಕೇಸು ದಾಖಲು | Poonja International Hotel, Prabhakar Poonja Owner death: ಮಂಗಳೂರಿನ ಹೆಸರಾಂತ ಪೂಂಜಾ ಇಂಟರ್ನ್ಯಾಶನಲ್ ಹೊಟೇಲ್ ಮಾಲಕ ಪ್ರಭಾಕರ ಪೂಂಜಾ ನಿಧನ, ಮುಂಬೈ ಬಿಟ್ಟು ಬಂದು ಹೊಟೇಲ್ ಉದ್ಯಮ ಕಟ್ಟಿದ್ದ ಪೂಂಜಾ |

ನಿಮ್ಮ ಐಫೋನಿನಲ್ಲಿ 5G ಸಪೋರ್ಟ್ ಸಕ್ರಿಯಗೊಳಿಸುವುದು ಹೇಗೆ?

12-11-22 08:11 pm Source: Vijayakarnataka ಡಿಜಿಟಲ್ ಟೆಕ್

ನೀವು ಆಪಲ್ ಐಫೋನ್ ಬಳಸುತ್ತಿದ್ದೀರಾ ಹಾಗೂ ಎಲ್ಲರಿಗಿಂತ ಮೊದಲು 5G ಸೇವೆಗಳನ್ನು ಉಪಯೋಗಿಸಬೇಕೆ? ಹಾಗಾದರೆ, ನಿಮಗೀಗ ಇಂತಹದೊಂದು ಸದವಕಾಶ ದೊರೆತಿದೆ.! ಹೌದು, ಭಾರತೀಯ ಐಫೋನ್ ಬಳಕೆದಾರರಿಗೆ 5G ಸಪೋರ್ಟ್ ಹೊಂದಿರುವ Apple iOS 16 ಬೀಟಾ ಪ್ರೋಗ್ರಾಂ ಬಿಡುಗಡೆಯಾಗಿದ್ದು, ಮುಂದಿನ ತಿಂಗಳು ಡಿಸೆಂಬರ್‌ ನಲ್ಲಿ ಅಧಿಕೃತವಾಗಿ Apple iOS 16 ಅಪ್‌ಡೇಟ್ ದೊರೆಯುವ ಮುನ್ನವೇ ಇದೀಗ ನೀವು 5G ಸೇವೆಯನ್ನು ಬಳಸಲು ಸಾಧ್ಯವಾಗಲಿದೆ.

Apple iOS 16 ಬೀಟಾ ಪ್ರೊಗ್ರಾಂ ಅಪ್‌ಗ್ರೇಡ್‌ ಜೊತೆಗೆ 5ಜಿ ಸಾಫ್ಟ್‌ವೇರ್ ಸಪೋರ್ಟ್ ಸಹ ಸಿಗಲಿದೆ. ಬಳಕೆದಾರರು iOS 16.2 ಬೀಟಾ ನವೀಕರಣವನ್ನು ಡೌನ್‌ಲೋಡ್ ಮಾಡುವ ಮೂಲಕ ತಮ್ಮ ಸಾಧನಗಳಲ್ಲಿ 5G ಸೇವೆಗಳನ್ನು ಪ್ರಯತ್ನಿಸಬಹುದು. Airtel ಮತ್ತು Reliance Jio ಎರಡೂ ಟೆಲಿಕಾಂ ಕಂಪೆನಿಗಳ ಸಿಮ್ ಬಳಸುತ್ತಿರುವ ಐಫೋನ್ ಗ್ರಾಹಕರು Apple iOS 16 ಬೀಟಾ ಸಾಫ್ಟ್‌ವೇರ್‌ಗೆ ಅಪ್‌ಡೇಟ್ ಮಾಡುವ ಮೂಲಕ 5ಜಿ ಸೇವೆಯನ್ನು ಉಪಯೋಗಿಸಬಹುದು.

ಇದಕ್ಕಾಗಿ, ನಿಮ್ಮ ಐಫೋನಿನಲ್ಲಿ ಸೆಟ್ಟಿಂಗ್ಸ್ ತರೆಯಿರಿ. ನಂತರ Settings> General> Software Update ಆಯ್ಕೆಗೆ ತೆರಳಿ ಹೊಸ Apple iOS 16 ಬೀಟಾ ಅಪ್‌ಡೇಟ್‌ ಪರಿಶೀಲಿಸಲು 'ಸಾಫ್ಟ್‌ವೇರ್ ಅಪ್‌ಡೇಟ್' ಕ್ಲಿಕ್ ಮಾಡಿ. Apple iOS 16 ಬೀಟಾ ಸಾಫ್ಟ್‌ವೇರ್ ಡೌನ್‌ಲೋಡ್ ಮಾಡಿದ ನಂತರ ಸಾಫ್ಟ್‌ವೇರ್ ಅಪ್‌ಡೇಟ್ ನೀಡಿ. ಇದೀಗ ನಿಮ್ಮ ಐಫೋನಿನಲ್ಲಿ Settings> Mobile Data> Mobile Data Option> ತೆರೆದು 5G ಆಯ್ಕೆಯನ್ನು ಕ್ಲಿಕ್ ಮಾಡಿದರೆ 5G ಸೇವೆಗಳನ್ನು ಬಳಸಬಹುದು.

ಹೊಸದಾಗಿ ಬಿಡುಗಡೆಯಾಗಿರುವ ಈ Apple iOS 16.2 ಬೀಟಾ ಅಪ್‌ಡೇಟ್ ಎಲ್ಲಾ ಬಳಕೆದಾರರಿಗೆ ಲಭ್ಯವಾಗಿದೆ. Apple ID ಹೊಂದಿರುವ ಯಾರಾದರೂ ಆಪಲ್ ಬೀಟಾ ಸಾಫ್ಟ್‌ವೇರ್ 'ಬೀಟಾ ಪ್ರೋಗ್ರಾಂ' ವೈಶಿಷ್ಟ್ಯವನ್ನು ಬಳಸಬಹುದು. ಈ ಬೀಟಾ ಪೋಗ್ರಾಂ ಕಾರ್ಯಕ್ರಮವು ಸ್ವಯಂಪ್ರೇರಿತವಾಗಿದ್ದು, ಐಒಎಸ್ (iOS) 16 ಬೀಟಾ ಸಾಫ್ಟ್ವೇರ್ ಮತ್ತು 5ಜಿ ಸೇವೆಯ ಗುಣಮಟ್ಟ ಹಾಗೂ ಕಾರ್ಯಕ್ಷಮತೆ ಬಗ್ಗೆ ಪ್ರತಿಕ್ರಿಯೆ ನೀಡುವಂತೆ ಬೀಟಾ ಬಳಕೆದಾರರಿಗೆ ಆಪಲ್ ಮನವಿ ಮಾಡಿದೆ.

ದೇಶದ ಪ್ರತಿ ಐಫೋನ್ ಬಳಕೆದಾರರು iOS 16.2 ಬೀಟಾ ಸಾಫ್ಟ್‌ವೇರ್ ನವೀಕರಣವನ್ನು ಡೌನ್‌ಲೋಡ್ ಮಾಡಲು ಸಾಧ್ಯ. ಆದರೆ, ಎಲ್ಲ ಐಫೋನ್ ಬಳಕೆದಾರರು 5G ಸಪೋರ್ಟ್ ಪಡೆಯಲು ಸಾಧ್ಯವಿಲ್ಲ. ಐಒಎಸ್ (iOS) 16 ಬೀಟಾ ಸಾಫ್ಟ್ವೇರ್‌ ಅಪ್‌ಡೇಟ್ ಮಾಡಿಕೊಳ್ಳುವ iPhone 14, iPhone 13, iPhone 12 ಮತ್ತು iPhone SE (3 ನೇ ತಲೆಮಾರಿನ) ಮಾದರಿ ಸ್ಮಾರ್ಟ್‌ಫೋನ್‌ಗಳಲ್ಲಿ ಮಾತ್ರ ಗ್ರಾಹಕರು 5G ಸೇವೆಯನ್ನು ಪಡೆಯಲು ಸಾಧ್ಯವಾಗಲಿದೆ ಎಂದು ಆಪಲ್ ದೃಢಪಡಿಸಿದೆ.