ಭಾರತದ ಮೊಬೈಲ್ ಮಾರುಕಟ್ಟೆಯು ಬಹುನಿರೀಕ್ಷೆಯಿಂದ ಎದುರುನೋಡುತ್ತಿದ್ದ Realme 10 Pro 5G ಸರಣಿ ಸ್ಮಾರ್ಟ್‌ಫೋನ್‌ಗಳು ದೇಶದಲ್ಲಿಂದು ಭರ್ಜರಿಯಾಗಿ ಬಿಡುಗಡೆಯಾಗಿವೆ. Realme 10 Pro 5G ಸರಣಿಯಲ್ಲಿ Realme 10 Pro 5G ಮತ್ತು Realme 10 Pro+ 5G ಎಂಬ ಎರಡು ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಲಾಗಿದ್ದು, ಈ ಎರಡೂ ಸ್ಮಾರ್ಟ್‌ಪೋನ್‌ಗಳು 120Hz ರಿಫ್ರೆಶ್ ರೇಟ್ ಡಿಸ್‌ಪ್ಲೇ, 16-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ 5,000mAh ಬ್ಯಾಟರಿ ವೈಶಿಷ್ಟ್ಯಗಳನ್ನು ಹೊತ್ತು ಬಂದಿವೆ. ಇವುಗಳಲ್ಲಿ Realme 10 Pro+ ಮಾದರಿಯು ಮೀಡಿಯಾ ಟೆಕ್ ಡೈಮೆನ್ಸಿಟಿ 1080 ಪ್ರೊಸೆಸರ್ ಹೊಂದಿದ್ದರೆ, Realme 10 Pro 5G ಮಾದರಿಯು ಸ್ನ್ಯಾಪ್‌ಡ್ರಾಗನ್ 695 5G ಪ್ರೊಸೆಸರ್ ಹೊಂದಿದೆ. ಈ ಎರಡೂ ಸ್ಮಾರ್ಟ್‌ಫೋನ್‌ಗಳ ವೈಶಿಷ್ಟ್ಯಗಳು ಮತ್ತು ಬೆಲೆಗಳ ಮಾಹಿತಿ ಈ ಕೆಳಕಂಡಂತಿದೆ.

Realme 10 Pro+ 5G ವೈಶಿಷ್ಟ್ಯಗಳು
ನೂತನ Realme 10 Pro+ 5G ಸ್ಮಾರ್ಟ್‌ಫೋನ್ 120Hz ರಿಫ್ರೆಶ್ ರೇಟ್ ಸಾಮರ್ಥ್ಯದ 6.7-ಇಂಚಿನ ಕರ್ವ್ಡ್ AMOLED ಡಿಸ್ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇಯು 2,160Hz PWM ಡಿಮ್ಮಿಂಗ್, HDR10+ ಬೆಂಬಲ, 93.65 ಪ್ರತಿಶತ ಸ್ಕ್ರೀನ್-ಟು-ಬಾಡಿ ಅನುಪಾತ, 950 nits ಗರಿಷ್ಠ ಹೊಳಪು ಮತ್ತು 5000000:1 ಕಾಂಟ್ರಾಸ್ಟ್ ಅನುಪಾತ ಸೇರಿದಂತೆ TUV ರೈನ್‌ಲ್ಯಾಂಡ್ ಫ್ಲಿಕರ್-ಫ್ರೀ ವೈಶಿಷ್ಟ್ಯವನ್ನು ಹೊಂದಿದೆ. ಹುಡ್ ಅಡಿಯಲ್ಲಿ, 8GB ವರೆಗಿನ LPDDR4X RAM ಮತ್ತು ಆಕ್ಟಾ-ಕೋರ್ 6nm ಮೀಡಿಯಾ ಟೆಕ್ ಡೈಮೆನ್ಸಿಟಿ 1080 5G ಪ್ರೊಸೆಸರ್ ಹಾಗೂ ಮಾಲಿ G68 GPU ಹೊಂದಿರುವ Realme 10 Pro+ 5G ಸ್ಮಾರ್ಟ್‌ಫೋನ್ Android 13 ಆಧಾರಿತ realme UI 4.0 ನಲ್ಲಿ ಕಾರ್ಯನಿರ್ವಹಿಸಲಿದೆ. ಈ ಸ್ಮಾರ್ಟ್‌ಫೋನಿನಲ್ಲಿ ಡೈನಾಮಿಕ್ RAM ವಿಸ್ತರಣೆ ವೈಶಿಷ್ಟ್ಯವನ್ನು ಸಹ ತರಲಾಗಿದೆ.

ಕ್ಯಾಮೆರಾ ವಿಬಾಗದಲ್ಲಿ, Realme 10 Pro+ 5G ಸ್ಮಾರ್ಟ್‌ಫೋನಿನಲ್ಲಿ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ತರಲಾಗಿದೆ. ಇದು 108-ಮೆಗಾಪಿಕ್ಸೆಲ್ ಸ್ಯಾಮ್‌ಸಂಗ್ HM6 ಪ್ರಾಥಮಿಕ, 8-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಮತ್ತು 4cm ಮ್ಯಾಕ್ರೋ ಸಂವೇದಕಗಳನ್ನು ಒಳಗೊಂಡಿದೆ.ಸೆಲ್ಫಿಗಳು ಮತ್ತು ವೀಡಿಯೊ ಚಾಟ್‌ಗಳಿಗಾಗಿ, ಮುಂಭಾಗದಲ್ಲಿ 16-ಮೆಗಾಪಿಕ್ಸೆಲ್ ಇದೆ. ಬ್ಯಾಟರಿ ವಿಭಾಗದಲ್ಲಿ, Realme 10 Pro+ 5G ಸ್ಮಾರ್ಟ್‌ಫೋನಿನಲ್ಲಿ 67W SuperVOOC ಚಾರ್ಜಿಂಗ್ ಬೆಂಬಲದ 5,000mAh ಬ್ಯಾಟರಿ ನೀಡಲಾಗಿದ್ದು, ಫೋನ್ ಕೇವಲ 47 ನಿಮಿಷಗಳಲ್ಲಿ 100 ಪ್ರತಿಶತದಷ್ಟು ಚಾರ್ಜ್ ಆಗುತ್ತದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಇನ್ನುಳಿದಂತೆ, ಡ್ಯುಯಲ್-ಬ್ಯಾಂಡ್ Wi-Fi ಬೆಂಬಲ, 256GB ಸಂಗ್ರಹಣೆ, ಡ್ಯುಯಲ್ ಸ್ಟಿರಿಯೊ ಸ್ಪೀಕರ್‌ ಮತ್ತು ಟ್ಯಾಕ್ಟೈಲ್ ಎಂಜಿನ್ 2.0 ವೈಶಿಷ್ಟ್ಯಗಳಿವೆ.

Realme 10 Pro 5G ವೈಶಿಷ್ಟ್ಯಗಳು
Realme 10 Pro 5G ಸ್ಮಾರ್ಟ್‌ಫೋನ್ Realme 10 Pro+ 5G ಸ್ಮಾರ್ಟ್‌ಫೋನಿನಂತೆಯೇ ಅದೇ ಸಾಫ್ಟ್‌ವೇರ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಆದರೆ, Realme 10 Pro 5G ಸ್ಮಾರ್ಟ್‌ಫೋನ್ 6.72-ಇಂಚಿನ ಫುಲ್‌ HD+ (1,080x 2,400 ಪಿಕ್ಸೆಲ್‌ಗಳು) LCD ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇಯು 120Hz ರಿಫ್ರೆಶ್ ರೇಟ್, 240Hz ಟಚ್ ಸ್ಯಾಂಪ್ಲಿಂಗ್ ರೇಟ್, 391ppi ಪಿಕ್ಸೆಲ್ ಸಾಂದ್ರತೆ ಮತ್ತು 93.76 ಪ್ರತಿಶತ ಸ್ಕ್ರೀನ್-ಟು-ಬಾಡಿ ಅನುಪಾತವನ್ನು ಹೊಂದಿದೆ. ಇಷ್ಟೇ ಅಲ್ಲದೇ, ಈ ಡಿಸ್‌ಪ್ಲೇ 1mm ಸೈಡ್ ಬೆಜೆಲ್‌ಗಳನ್ನು ಹೊಂದಿದ್ದು,TUV ರೈನ್‌ಲ್ಯಾಂಡ್ ಪ್ರಮಾಣೀಕರಣವನ್ನು ಹೊಂದಿದೆ. ಹುಡ್ ಅಡಿಯಲ್ಲಿ 6nm ಸ್ನಾಪ್‌ಡ್ರಾಗನ್ 695 ಪ್ರೊಸೆಸರ್, Adreno A619 GPU ಮತ್ತು 8GB RAM ಹೊಂದಿರುವ ಈ ಸ್ಮಾರ್ಟ್‌ಫೋನಿನಲ್ಲೂ ಸಹ ಡೈನಾಮಿಕ್ RAM ವಿಸ್ತರಣೆ ವೈಶಿಷ್ಟ್ಯವನ್ನು ಸಹ ತರಲಾಗಿದೆ.

ಕ್ಯಾಮೆರಾ ವಿಬಾಗದಲ್ಲಿ, Realme 10 Pro 5G ಸ್ಮಾರ್ಟ್‌ಫೋನ್ 108-ಮೆಗಾಪಿಕ್ಸೆಲ್ ಸ್ಯಾಮ್‌ಸಂಗ್ HM6 ಪ್ರಾಥಮಿಕ ಸಂವೇದಕ ಮತ್ತು 2-ಮೆಗಾಪಿಕ್ಸೆಲ್ ಪೋರ್ಟ್ರೇಟ್ ಸಂವೇದಕದೊಂದಿಗೆ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ. ಮುಂಭಾಗದಲ್ಲಿ, 16-ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ನೀಡಲಾಗಿದೆ. ಬ್ಯಾಟರಿ ವಿಭಾಗದಲ್ಲಿ, Realme 10 Pro 5G ಸ್ಮಾರ್ಟ್‌ಫೋನ್ 33W SuperVOOC ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿ ನಿಡಲಾಗಿದ್ದು, ಫೋನ್ 20 ನಿಮಿಷಗಳಲ್ಲಿ 50 ಪ್ರತಿಶತದಷ್ಟು ಚಾರ್ಜ್ ಆಗುತ್ತದೆ ಎಂದು ಕಂಪೆನಿ ತಿಳಿಸಿದೆ. ಇನ್ನುಳಿದಂತೆ, ಈ Realme 10 Pro 5G ಸ್ಮಾರ್ಟ್‌ಫೋನಿನಲ್ಲಿಯೂ ಡ್ಯುಯಲ್-ಬ್ಯಾಂಡ್ Wi-Fi ಬೆಂಬಲ, 128GB ಸಂಗ್ರಹಣೆ, ಡ್ಯುಯಲ್ ಸ್ಟಿರಿಯೊ ಸ್ಪೀಕರ್‌ ಮತ್ತು ಟ್ಯಾಕ್ಟೈಲ್ ಎಂಜಿನ್ 2.0 ವೈಶಿಷ್ಟ್ಯಗಳನ್ನು ನೀಡಲಾಗಿದೆ.

Realme 10 Pro+ 5G ಮತ್ತು Realme 10 Pro 5G ಫೋನ್‌ಗಳ ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ Realme 10 Pro 5G ಸ್ಮಾರ್ಟ್‌ಫೋನ್ ಬೇಸ್ 6GB RAM + 128GB ಸ್ಟೋರೇಜ್ ಮಾದರಿಗೆ 18,999 ರೂ.ಗಳ ಆರಂಭಿಕ ಬೆಲೆಯೊಂದಿಗೆ ಬಿಡುಗಡೆಯಾಗಿದೆ. ಇದರ ಹೈ ಎಂಡ್ ಮಾಡರಿ 8GB RAM + 128GB ಸ್ಟೋರೇಜ್ ಸ್ಮಾರ್ಟ್‌ಫೋನ್ ಬೆಲೆಯನ್ನು 19,999 ರೂ.ಗೆ ನಿಗದಿಪಡಿಸಲಾಗಿದೆ. ಇತ್ತ Realme 10 Pro+ 5G ಬೇಸ್ 6GB RAM + 128GB ಸ್ಟೋರೇಜ್ ಮಾದರಿಯು 24,999 ರೂ. ಬೆಲೆಯಲ್ಲಿ, 8GB RAM + 128GB ಸ್ಟೋರೇಜ್ ಮಾದರಿಯು 25,999 ರೂ. ಬೆಲೆಯಲ್ಲಿ, ಹಾಗೂ 8GB RAM + 256GB ಸ್ಟೋರೇಜ್ ಮಾದರಿಯು 27,999 ರೂ. ಬೆಲೆಯೊಂದಿಗೆ ಬಿಡುಗಡೆಯಾಗಿವೆ. Realme 10 Pro+ 5G ಫೋನ್ ಡಿಸೆಂಬರ್ 14 ರಿಂದ ಮತ್ತು Realme 10 Pro 5G ಫೋನ್ ಡಿಸೆಂಬರ್ 16 ರಿಂದ ರಿಯಲ್‌ಮಿ ಹಾಗೂ Flipkart ತಾಣಗಳಲ್ಲಿ ಮಾರಾಟಕ್ಕೆ ಬರುತ್ತಿವೆ.

• Join our WhatsApp group
• Follow us on Facebook 
• Follow us on Twitter

Realme 10 Pro+ 5g, Realme 10 Pro 5g Phones Launched In India Price, Specifications.