ಭಾರತದಲ್ಲಿ Infinix Zero Ultra 5G ಸೇಲ್: 180W ಚಾರ್ಜಿಂಗ್, 200MP ಕ್ಯಾಮೆರಾ!

ಬ್ರೇಕಿಂಗ್ ನ್ಯೂಸ್

Mangalore, Heart Attack, Puttur: ಕೊಣಾಜೆಕಲ್ಲು ಗುಡ್ಡಕ್ಕೆ ಟ್ರೆಕ್ಕಿಂಗ್ ತೆರಳಿದ್ದ ಸಿಎ ವಿದ್ಯಾರ್ಥಿ ಕುಸಿದು ಬಿದ್ದು ಸಾವು ; ಹೃದಯಾಘಾತ ಬಗ್ಗೆ ಶಂಕೆ | Mangalore Crime, Cattle Theft: ಅಡ್ಯಾರ್ ನಲ್ಲಿ ಹಟ್ಟಿಯಿಂದ ದನ ಕದ್ದು ಮಾಂಸಕ್ಕೆ ಮಾರಾಟ ; ಮೂವರ ಬಂಧನ, ಹತ್ಯೆಗೆ ಸಿದ್ಧತೆ ನಡೆಸಿದ್ದ ವಳಚ್ಚಿಲ್ ಶೆಡ್ ಸರ್ಕಾರಕ್ಕೆ ಮುಟ್ಟುಗೋಲು | Ksrtc Bus, Driver, Heart Attack: ಬಸ್ ಓಡಿಸುವಾಗಲೇ ಹೃದಯಾಘಾತ ; 45 ಮಂದಿ ಪ್ರಯಾಣಿಕರ ಪ್ರಾಣ ಉಳಿಸಿ ಜೀವ ಬಿಟ್ಟ KSRTC ಚಾಲಕ |

ಭಾರತದಲ್ಲಿ Infinix Zero Ultra 5G ಸೇಲ್: 180W ಚಾರ್ಜಿಂಗ್, 200MP ಕ್ಯಾಮೆರಾ!

26-12-22 06:50 pm Source: Vijayakarnataka ಡಿಜಿಟಲ್ ಟೆಕ್

ನೂತನ Infinix Zero Ultra 5G ಸ್ಮಾರ್ಟ್‌ಫೋನಿನಲ್ಲಿ ದೊಡ್ಡದಾದ ಹಾಗೂ ಪ್ರೀಮಿಯಂ ಆಗಿರುವ 6.8-ಇಂಚಿನ ಪೂರ್ಣ-HD+ ಕರ್ವ್ಡ್ 3D AMOLED ಡಿಸ್‌ಪ್ಲೇ ಅಳವಡಿಸಲಾಗಿದೆ.

200-ಮೆಗಾಪಿಕ್ಸೆಲ್ ಕ್ಯಾಮೆರಾ ಸೆಟಪ್, 180W ಥಂಡರ್ ಚಾರ್ಜ್ ಬೆಂಬಲದಂತಹ ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಹೊತ್ತು ಭಾರತದ ಮಾರುಕಟ್ಟೆಗೆ ಕಾಲಿಟ್ಟಿರುವ ಬಹುನಿರೀಕ್ಷಿತ "Infinix Zero Ultra 5G" ಸ್ಮಾರ್ಟ್‌ಫೋನಿನ ಮಾರಾಟ (ಡಿಸೆಂಬರ್ 25 ರಿಂದ) ಆರಂಭವಾಗಿದೆ. Infinix Zero Ultra 5G ಸ್ಮಾರ್ಟ್‌ಫೋನನ್ನು ಫ್ಲಿಪ್‌ಕಾರ್ಟ್ನಲ್ಲಿ 29,999 ರೂ.ಗಳ ಅತ್ಯುತ್ತಮ ಬೆಲೆಯಲ್ಲಿ ಮಾರಾಟಕ್ಕೆ ಇಡಲಾಗಿದ್ದು, ಬಿಡುಗಡೆ ಕೊಡುಗೆಯಾಗಿ ಫ್ಲಿಪ್‌ಕಾರ್ಟ್ ಆಕ್ಸಿಸ್ ಬ್ಯಾಂಕ್ ಕಾರ್ಡ್‌ ಗ್ರಾಹಕರು ಶೇ.5 ರಷ್ಟು ಕ್ಯಾಶ್‌ಬ್ಯಾಕ್ ಪಡೆಯಲಿದ್ದಾರೆ. ಹಾಗೂ ಕಾಸ್ಲೈಟ್ ಸಿಲ್ವರ್ ಮತ್ತು ಜೆನೆಸಿಸ್ ನಾಯರ್ ಎರಡು ಬಣ್ಣದ ಆಯ್ಕೆಗಳಲ್ಲಿ"Infinix Zero Ultra 5G ಸ್ಮಾರ್ಟ್‌ಫೋನನ್ನು ಖರೀದಿಸಬಹುದು ಎಂದು Infinix ಕಂಪೆನಿ ತಿಳಿಸಿದೆ.

ಕಳೆದ ವಾರವಷ್ಟೇ ಭಾರತದ ಮಾರುಕಟ್ಟೆಗೆ ಬಹುನಿರೀಕ್ಷಿತ "Infinix Zero Ultra 5G" ಸ್ಮಾರ್ಟ್‌ಫೋನನ್ನು ಪರಿಚಯಿಸಲಾಗಿತ್ತು. ಹಲವು ದಿನಗಳಿಂದ ವದಂತಿಗಳಿಂದಲೇ ಸುದ್ದಿಯಾಗಿದ್ದ ಹೊಸ Infinix Zero Ultra 5G ಸ್ಮಾರ್ಟ್‌ಪೋನ್ ದೇಶದಲ್ಲಿಯೂ ಸಹ ಜಾಗತಿಕ ಮಾದರಿಯಂತೆಯೇ 200-ಮೆಗಾಪಿಕ್ಸೆಲ್ ಕ್ಯಾಮೆರಾ ಸೆಟಪ್, 180W ಥಂಡರ್ ಚಾರ್ಜ್ ಬೆಂಬಲ, 8GB RAM ಮತ್ತು 256GB ಸ್ಟೋರೇಜ್ ಹಾಗೂ MediaTek Dimensity 920 ಪ್ರೊಸೆಸರ್‌ನಂತಹ ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಹೊತ್ತು ಮಾರುಕಟ್ಟೆಗೆ ಬಂದಿದೆ. ಹಾಗಾದರೆ, ಹೊಸ Infinix Zero Ultra 5G ಸ್ಮಾರ್ಟ್‌ಫೋನ್ ಹೇಗಿದೆ ಮತ್ತು ಏನೆಲ್ಲಾ ಪ್ರಮುಖ ವೈಶಿಷ್ಟ್ಯಗಳನ್ನು ಹೊಂದಿದೆ ಎಂಬ ಸಂಪೂರ್ಣ ಮಾಹಿತಿಯನ್ನು ಮುಂದೆ ಓದಿ ತಿಳಿಯೋಣ ಬನ್ನಿ.

Infinix Zero Ultra 5G sale starts, Flipkart is getting tremendous offers - Digit News

Infinix Zero Ultra 5G ಸ್ಮಾರ್ಟ್‌ಫೋನಿನ ವೈಶಿಷ್ಟ್ಯಗಳು
ನೂತನ Infinix Zero Ultra 5G ಸ್ಮಾರ್ಟ್‌ಫೋನಿನಲ್ಲಿ ದೊಡ್ಡದಾದ ಹಾಗೂ ಪ್ರೀಮಿಯಂ ಆಗಿರುವ 6.8-ಇಂಚಿನ ಪೂರ್ಣ-HD+ ಕರ್ವ್ಡ್ 3D AMOLED ಡಿಸ್‌ಪ್ಲೇ ಅಳವಡಿಸಲಾಗಿದೆ. ಈ ಡಿಸ್‌ಪ್ಲೇಯು 120Hz ರಿಫ್ರೆಶ್ ರೇಟ್, 1000 nits ಬ್ರೈಟ್‌ನೆಸ್, 360Hz ಟಚ್ ಸ್ಲ್ಯಾಪಿಂಗ್ ರೇಟಿಂಗ್ ನಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ. ಹುಡ್ ಅಡಿಯಲ್ಲಿ, Infinix Zero Ultra 5G ಸ್ಮಾರ್ಟ್‌ಫೋನ್ 8GB RAM ಮತ್ತು 256GB ಆನ್‌ಬೋರ್ಡ್ ಮೆಮೊರಿಯೊಂದಿಗೆ ಜೋಡಿಸಲಾಗಿರುವ MediaTek Dimensity 920 ಪ್ರೊಸೆಸರ್ ಹೊಂದಿದೆ ಮತ್ತು Android 12 ಆಧಾರಿತ XOS 12 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇಷ್ಟೇ ಅಲ್ಲದೇ, ಸ್ಮಾರ್ಟ್‌ಫೋನಿನಲ್ಲಿ ಬಳಕೆಯಾಗದ ಆಂತರಿಕ ಮೆಮೊರಿ ಬಳಸಿಕೊಂಡು ಮೆಮೊರಿಯನ್ನು 13GB ವರೆಗೆ RAM ಆಗಿ ವಿಸ್ತರಿಸಿಕೊಳ್ಳಬಹುದಾದ ಆಯ್ಕೆ ಈ ಸ್ಮಾರ್ಟ್‌ಫೋನಿನಲ್ಲಿದೆ.

Infinix Zero 20, Zero Ultra 5G launched in India: price, specs

ಕ್ಯಾಮೆರಾ ವಿಭಾಗದಲ್ಲಿ, Infinix Zero Ultra ಸ್ಮಾರ್ಟ್‌ಫೋನ್ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ತಂತ್ರಜ್ಞಾನ ಹೊಂದಿರುವ 200-ಮೆಗಾಪಿಕ್ಸೆಲ್ ಸಾಮರ್ಥ್ಯದ ಕ್ಯಾಮೆರಾ ಸೆಟಪ್ ಇದೆ. ಇದು 200-ಮೆಗಾಪಿಕ್ಸೆಲ್ ಮುಖ್ಯ ಲೆನ್ಸ್, 13-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 2-ಮೆಗಾಪಿಕ್ಸೆಲ್ ಡೆಪ್ತ್ ಲೆನ್ಸ್‌ಗಳನ್ನು ಹೊಂದಿದೆ. ಮುಂಭಾಗದಲ್ಲಿ, ಸೆಲ್ಫಿಗಳು ಮತ್ತು ವೀಡಿಯೊ ಚಾಟ್‌ಗಳಿಗಾಗಿ 32-ಮೆಗಾಪಿಕ್ಸೆಲ್ ಕ್ಯಾಮೆರಾ ಅಳವಡಿಸಲಾಗಿದೆ. ಸ್ಮಾರ್ಟ್‌ಫೋನ್‌ನಲ್ಲಿನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, USB ಟೈಪ್-C ಪೋರ್ಟ್, ಬ್ಲೂಟೂತ್ v5 ಮತ್ತು Wi-Fi 6 ವೈಶಿಷ್ಟ್ಯಗಳಿವೆ. ವಿಶೇಷವಾಗಿ, 180W ಥಂಡರ್ ಚಾರ್ಜ್ ಬೆಂಬಲದ 4,500mAh ಬ್ಯಾಟರಿ ಹೊಂದಿರುವ ಈ ಸ್ಮಾರ್ಟ್‌ಫೋನಿನಲ್ಲಿ ಇನ್-ಡಿಸ್ಪ್ಲೇ ಫಿಂಗರ್ಪ್ರಿಂಟ್ ಸೆನ್ಸಾರ್, ಇ-ಕಾಪಾಸ್, ಜಿ-ಸೆನ್ಸರ್ ಮತ್ತು ಲೈಟ್ ಸೆನ್ಸರ್ ವೈಶಿಷ್ಟ್ಯಗಳಿವೆ.