ಭಾರತದಲ್ಲಿ ಏಪ್ರಿಲ್ 14 ರಿಂದ OnePlus TV 40 Y1S ಮಾರಾಟ: ಇಲ್ಲಿದೆ ಸಂಪೂರ್ಣ ವಿವರ!

ಬ್ರೇಕಿಂಗ್ ನ್ಯೂಸ್

ಎಸ್-400 ಏರ್ ಡಿಫೆನ್ಸ್ ಸಿಸ್ಟಮ್ ಮತ್ತು ಬ್ರಹ್ಮೋಸ್ ಕ್ಷಿಪಣಿಗೆ ಹಾನಿ ಮಾಡಿದ್ದಾಗಿ ಪಾಕಿಸ್ತಾನದ ಸುಳ್ಳು ಸುದ್ದಿ ; ಅಂತಹದ್ದೇನೂ ಆಗಿಲ್ಲ ; ಕರ್ನಲ್ ಸೋಫಿಯಾ ಖುರೇಷಿ ಸ್ಪಷ್ಟನೆ | India and Pakistan, Ceasefire: ಮೂರೇ ದಿನದಲ್ಲಿ ಗೋಣು ಬಗ್ಗಿಸಿದ ಪಾಕ್, ಕದನ ವಿರಾಮಕ್ಕೆ ಕೇಳಿಕೊಂಡ ಮಿಲಿಟರಿ ಜನರಲ್, ಭವಿಷ್ಯದಲ್ಲಿ ಉಗ್ರ ಕೃತ್ಯ ನಡೆದರೆ ಯುದ್ಧಕ್ಕೆ ಕರೆ ಕೊಟ್ಟಂತೆ, ಸದ್ಯಕ್ಕೆ ಕದನಕ್ಕೆ ತೆರೆ ! | India-Pakistan war: ಭಾರತ - ಪಾಕಿಸ್ತಾನ ತಕ್ಷಣದಿಂದಲೇ ಕದನ ವಿರಾಮಕ್ಕೆ ಒಪ್ಪಿಕೊಂಡಿವೆ ; ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಚ್ಚರಿ ಟ್ವೀಟ್ ! |

ಭಾರತದಲ್ಲಿ ಏಪ್ರಿಲ್ 14 ರಿಂದ OnePlus TV 40 Y1S ಮಾರಾಟ: ಇಲ್ಲಿದೆ ಸಂಪೂರ್ಣ ವಿವರ!

10-04-23 08:15 pm Source: Vijayakarnataka ಡಿಜಿಟಲ್ ಟೆಕ್

OnePlus TV 40 Y1S ಸ್ಮಾರ್ಟ್‌ಟಿವಿಯಲ್ಲಿ 1GB RAM ಮತ್ತು 8GB ಆನ್‌ಬೋರ್ಡ್ ಸ್ಟೋರೇಜ್ ಜೊತೆಗೆ ಸಂಯೋಜಿಸಲಾದ 64-ಬಿಟ್ MediaTek MT9216 ಪ್ರೊಸೆಸರ್ ಅಳವಡಿಸಲಾಗಿದೆ.

ಚೀನಾ ಮೂಲದ ಟೆಕ್ ದೈತ್ಯ OnePlus ಇತ್ತೀಚೆಗಷ್ಟೇ ಭಾರತದಲ್ಲಿ ಪರಿಚಯಿಸಿರುವ 40-ಇಂಚಿನ ನೂತನ OnePlus TV 40 Y1S ಸ್ಮಾರ್ಟ್‌ಟಿವಿ ದೇಶದಲ್ಲಿ ಇದೇ 14 ಏಪ್ರಿಲ್ 2023 ರಿಂದ ಮೊದಲ ಬಾರಿಗೆ ಮಾರಾಟವಾಗಲಿದೆ ಎಂದು ಘೋಷಿಸಿದೆ. ಇದೇ ಏಪ್ರಿಲ್ 14 ರಿಂದ OnePlus, Amazon ಮತ್ತು Flipkart ಸೇರಿದಂತೆ ದೇಶದ ಪ್ರಮುಖ ಆಫ್‌ಲೈನ್ ಸ್ಟೋರ್‌ಗಳಲ್ಲಿ 40-ಇಂಚಿನ OnePlus TV 40 Y1S ಸ್ಮಾರ್ಟ್‌ಟಿವಿ ಮೊದಲ ಬಾರಿಗೆ ಮಾರಾಟಕ್ಕೆ ಬರುತ್ತಿದ್ದು, ದೇಶದ ಗ್ರಾಹಕರು 21,999 ರೂ. ಬೆಲೆಯಲ್ಲಿ ಈ ಹೊಸ OnePlus TV 40 Y1S ಸ್ಮಾರ್ಟ್‌ಟಿವಿಯನ್ನು ಖರೀದಿಸಲು ಸಾಧ್ಯವಿದೆ ಎಂದು OnePlus ಕಂಪೆನಿ ತಿಳಿಸಿದೆ.

OnePlus TV 40 Y1S ಸ್ಮಾರ್ಟ್‌ಟಿವಿ ವೈಶಿಷ್ಟ್ಯಗಳು.
ದೇಶದಲ್ಲಿ ಇತ್ತೀಚಿಗಷ್ಟೇ ಈ ನೂತನ OnePlus TV 40 Y1S ಸ್ಮಾರ್ಟ್‌ಟಿವಿಯನ್ನು OnePlus ಕಂಪೆನಿ ಪರಿಚಯಿಸಿತ್ತು. ಈ ಹೊಸ ಸ್ಮಾರ್ಟ್‌ಟಿವಿ OxygenPlay 2.0, Dolby ಆಡಿಯೋ ಮತ್ತು HLG ಫಾರ್ಮ್ಯಾಟ್ ಬೆಂಬಲದಂತಹ ಪ್ರಮುಖ ವೈಶಿಷ್ಟ್ಯಗಳನ್ನು ಹೊತ್ತು ಬಿಡುಗಡೆಯಾಗಿದೆ. 40 ಇಂಚಿನ FHD ರೆಸಲ್ಯೂಶನ್‌ ಡಿಸ್‌ಪ್ಲೇ ಹೊಂದಿರುವ ಈ OnePlus TV 40 Y1S ಸ್ಮಾರ್ಟ್‌ಟಿವಿ HDR10+, HDR10 ಮತ್ತು HLG ಫಾರ್ಮ್ಯಾಟ್‌ಗಳನ್ನು ಬೆಂಬಲಿಸುತ್ತದೆ. ಈ ಸ್ಮಾರ್ಟ್‌ಟಿವಿ ಪರದೆಯು ಒನ್‌ಪ್ಲಸ್ ಗಾಮಾ ಎಂಜಿನ್ ಸಹ ಬೆಂಬಲಿಸಲಿದ್ದು, ಇದು "ಬಣ್ಣಗಳು, ಡೈನಾಮಿಕ್ ಶ್ರೇಣಿ ಮತ್ತು ಸ್ಪಷ್ಟತೆಗೆ ಉತ್ತಮವಾಗಿದೆ" ಎಂದು ಕಂಪನಿ ಹೇಳಿಕೊಂಡಿದೆ.

OnePlus TV 40 Y1S To Go On Sale In India From April 14: All You Need To Know

ಈ OnePlus TV 40 Y1S ಸ್ಮಾರ್ಟ್‌ಟಿವಿಯಲ್ಲಿ 1GB RAM ಮತ್ತು 8GB ಆನ್‌ಬೋರ್ಡ್ ಸ್ಟೋರೇಜ್ ಜೊತೆಗೆ ಸಂಯೋಜಿಸಲಾದ 64-ಬಿಟ್ MediaTek MT9216 ಪ್ರೊಸೆಸರ್ ಅಳವಡಿಸಲಾಗಿದೆ. ಇದು OxygenPlay 2.0 ಜೊತೆಗೆ Android TV 11 OS ನಲ್ಲಿ ಕಾರ್ಯನಿರ್ವಹಿಸುತ್ತದೆ. OnePlus TV 40 Y1S ಸ್ಮಾರ್ಟ್‌ಟಿವಿ ಗ್ರಾಹಕರು OnePlus ಕನೆಕ್ಟ್ 2.0 ಬಳಸಿಕೊಂಡು ತಮ್ಮ ಸ್ಮಾರ್ಟ್‌ಫೋನ್ ಅನ್ನು OnePlus ಟಿವಿಗೆ ಸಂಪರ್ಕಿಸಬಹುದು. ಜೊತೆಗೆ OxygenPlay 2.0 ನ ಭಾಗವಾಗಿ 230 ಲೈವ್ ಚಾನಲ್‌ಗಳಿಗೆ ನೇರ ಪ್ರವೇಶ ಸಿಗಲಿದೆ. ಇಷ್ಟೇ ಅಲ್ಲದೇ, ಹಲವಾರು ಸ್ಮಾರ್ಟ್ ಮ್ಯಾನೇಜರ್ ವೈಶಿಷ್ಟ್ಯಗಳನ್ನು ಈ ಸ್ಮಾರ್ಟ್‌ಟಿವಿ ಹೊಂದಿದೆ.

Don't Buy Any Smart TV Till April 14: Here Comes the Super OnePlus TV! |

OnePlus TV 40 Y1S ಸ್ಮಾರ್ಟ್‌ಟಿವಿಯಲ್ಲಿ ಡ್ಯುಯಲ್-ಬ್ಯಾಂಡ್ ವೈಫೈ, ಬ್ಲೂಟೂತ್ 5.0, ಎರಡು HDMI ಪೋರ್ಟ್‌ಗಳು, ಎರಡು USB ಪೋರ್ಟ್‌ಗಳು ಮತ್ತು ಎತರ್ನೆಟ್ ಪೋರ್ಟ್ ವೈಶಿಷ್ಟ್ಯಗಳಿವೆ. ಇದರಲ್ಲಿ ನೆಟ್‌ಫ್ಲಿಕ್ಸ್, ಪ್ರೈಮ್ ವಿಡಿಯೋ ಮತ್ತು ಗೂಗಲ್ ಅಸಿಸ್ಟೆಂಟ್ ಹಾಟ್‌ಕೀಗಳೊಂದಿಗೆ ಬ್ಲೂಟೂತ್ ರಿಮೋಟ್ ನೀಡಲಾಗಿದ್ದು, ಇದು ಅಂತರ್ನಿರ್ಮಿತ Chromecast, Google ಅಸಿಸ್ಟೆಂಟ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಇನ್ನು ಗೇಮಿಂಗ್‌ಗಾಗಿ ಸ್ವಯಂ-ಕಡಿಮೆ ಲೇಟೆನ್ಸಿ ಮೋಡ್ (ALLM) ಹಾಗೂ ಡಾಲ್ಬಿ ಆಡಿಯೊದೊಂದಿಗೆ 20W ಔಟ್‌ಪುಟ್‌ನೊಂದಿಗೆ ಎರಡು ಪೂರ್ಣ-ಶ್ರೇಣಿಯ ಸ್ಪೀಕರ್‌ಗಳನ್ನು ಈ OnePlus TV 40 Y1S ಸ್ಮಾರ್ಟ್‌ಟಿವಿಯು ಹೊಂದಿದೆ.