ಗೂಗಲ್‌ ಡ್ರೈವ್‌ ಸೇರಿದ ಕೂತುಹಲಕಾರಿ ಫೀಚರ್ಸ್‌!

ಬ್ರೇಕಿಂಗ್ ನ್ಯೂಸ್

Bidar Contractor Suicide, Priyank Kharge: ಪ್ರಿಯಾಂಕ್ ಖರ್ಗ ಆಪ್ತನಿಂದ 1 ಕೋಟಿ ರೂ. ಹಣಕ್ಕಾಗಿ ಕಿರುಕುಳ ; ಬೇಸತ್ತು ರೈಲಿಗೆ ತಲೆ ಕೊಟ್ಟ 26 ವರ್ಷದ ಗುತ್ತಿಗೆದಾರ, ಬಿಜೆಪಿಗೆ ಸಿಕ್ತು ಹೊಸ ಅಸ್ತ್ರ, ನಾನೇ ಖುದ್ದಾಗಿ ತನಿಖೆ ಮಾಡಿಸ್ತೀನಿ ಎಂದ ಸಚಿವ ! | Bangalore Digital Arrest, Japanese, Crime: ಬೆಂಗಳೂರಿನಲ್ಲಿ ಜಪಾನೀಸ್ ಪ್ರಜೆಗೆ ಸೈಬರ್ ಕಳ್ಳರ ಕೈ ಚಳಕ ; ಡಿಜಿಟಲ್ ಅರೆಸ್ಟ್ ಹೆಸ್ರಲ್ಲಿ ಹಣ ಲೂಟಿ, ಖದೀಮರಿಗೆ ಸಿಕ್ತು 35 ಲಕ್ಷ ರೂ. ಲಾಟರಿ ! | Anoop Poojary, Udupi: ಹವಾಲ್ದಾರ್ ಅನೂಪ್ ಪೂಜಾರಿ ಅಮರ್ ರಹೇ.. ತೆಕ್ಕಟ್ಟೆಯಿಂದ ಬೀಜಾಡಿಗೆ ತೆರೆದ ವಾಹನದಲ್ಲಿ ಮೆರವಣಿಗೆ, ಬೀಜಾಡಿ ಸಮುದ್ರ ತೀರದಲ್ಲಿ ಅಂತ್ಯಸಂಸ್ಕಾರ |

ಗೂಗಲ್‌ ಡ್ರೈವ್‌ ಸೇರಿದ ಕೂತುಹಲಕಾರಿ ಫೀಚರ್ಸ್‌!

12-12-20 02:29 pm Source: GIZBOT Mutthuraju H M ಡಿಜಿಟಲ್ ಟೆಕ್

ಬಳಕೆದಾರರ ನೆಚ್ಚಿನ ಸರ್ಚ್‌ ಇಂಜಿನ್‌ ಆಗಿರುವ ಗೂಗಲ್‌ ತನ್ನ ಹಲವು ಸೇವೆಗಳನ್ನು ಬಳಕೆದಾರರಿಗೆ ಪರಿಚಯಿಸಿದೆ.

ಪ್ರಸ್ತುತ ದಿನಗಳಲ್ಲಿ ಯಾವುದೇ ಮಾಹಿತಿ ಬೇಕಿದ್ದರೂ ಮೊದಲು ನೆನಾಪಾಗೋದೆ ಸರ್ಚ್‌ ಇಂಜಿನ್‌ ದೈತ್ಯ ಗೂಗಲ್‌. ಬಳಕೆದಾರರ ನೆಚ್ಚಿನ ಸರ್ಚ್‌ ಇಂಜಿನ್‌ ಆಗಿರುವ ಗೂಗಲ್‌ ತನ್ನ ಹಲವು ಸೇವೆಗಳನ್ನು ಬಳಕೆದಾರರಿಗೆ ಪರಿಚಯಿಸಿದೆ. ಇದೀಗ ಬಳಕೆದಾರರು ಹೆಚ್ಚು ಪರಿಣಾಮಕಾರಿಯಾಗಿ ಸರ್ಚ್‌ ಮಾಡಲು ಸಹಾಯ ಮಾಡುವ ಸಲುವಾಗಿ ಗೂಗಲ್ ಡ್ರೈವ್ ಅಪ್ಲಿಕೇಶನ್‌ನಲ್ಲಿ ಹೊಸ ಫೀಚರ್ಸ್‌ಗಳನ್ನು ಪರಿಚಯಿಸಿದೆ. ಈ ಹೊಸ ಫೀಚರ್ಸ್‌ಗಳು ಆಂಡ್ರಾಯ್ಡ್ ಮತ್ತು ಐಒಎಸ್‌ ಎರಡು ಡಿವೈಸ್‌ಗಳಲ್ಲಿಯೂ ಲಭ್ಯವಾಗಲಿದೆ.

ಹೌದು, ಗೂಗಲ್ ತನ್ನ ಗೂಗಲ್‌ ಡ್ರೈವ್‌ ಅಪ್ಲಿಕೇಶನ್‌ನಲ್ಲಿ ಹೊಸ ಫೀಚರ್ಸ್‌ಗಳನ್ನು ಪರಿಚಯಿಸಿದೆ. ಈ ಫೀಚರ್ಸ್‌ಗಳು ಡೆಸ್ಕ್‌ಟಾಪ್ ಮತ್ತು ಮೊಬೈಲ್ ಸರ್ಚಿಂಗ್‌ ಅನ್ನು ನೋಡಲು ಮತ್ತು ರಿ ರನ್‌ ಮಾಡಲು ಅವಕಾಶವನ್ನು ನೀಡಲಿದೆ. ಅಪ್ಲಿಕೇಶನ್‌ನಲ್ಲಿ ಅದೇ ಹುಡುಕಾಟ ಪ್ರಶ್ನೆಗಳನ್ನು ಪುನರಾವರ್ತಿಸುವ ಅಗತ್ಯವನ್ನು ಇದು ನಿವಾರಿಸುತ್ತದೆ. ಇದಲ್ಲದೆ, ಬಳಕೆದಾರರು ಸರ್ಚಿಂಗ್‌ ಬಾಕ್ಸ್‌ನಲ್ಲಿ ಟೈಪ್ ಮಾಡುವಾಗ ‘ಬುದ್ಧಿವಂತ ಸಲಹೆಗಳನ್ನು' ವೀಕ್ಷಿಸಲು ಮತ್ತು ಆಯ್ಕೆ ಮಾಡಲು ಇದರಿಂದ ಸಾಧ್ಯವಾಗುತ್ತದೆ.

ಸದ್ಯ ಗೂಗಲ್ ಡ್ರೈವ್ ಪರಿಚಯಿಸಿರುವ ಹೊಸ ಫೀಚರ್ಸ್‌ ಮೂಲಕ ಫೈಲ್‌ಗಳನ್ನು ಫೋನ್‌ನಲ್ಲಿ ತ್ವರಿತವಾಗಿ ಕಂಡುಹಿಡಿಯಬಹುದಾಗಿದೆ. ಇದರಿಂದ ಬಳಕೆದಾರರು ತಾವು ಎಲ್ಲಿದ್ದರೂ ಹಂಚಿಕೊಳ್ಳಬಹುದು, ಪರಿಶೀಲಿಸಬಹುದು, ಸಹಕರಿಸಬಹುದು ಮತ್ತು ರಚಿಸಬಹುದು ಎಂದು ಗೂಗಲ್‌ ಹೇಳಿದೆ. ಇನ್ನು ಗೂಗಲ್ ಡ್ರೈವ್ ಅಪ್ಲಿಕೇಶನ್‌ನಲ್ಲಿ ಹುಡುಕಾಟವನ್ನು ನಿರ್ವಹಿಸುವಾಗ ಬಳಕೆದಾರರು ವೀಕ್ಷಿಸಲು ಮತ್ತು ಆಯ್ಕೆ ಮಾಡಲು ಸಾಧ್ಯವಾಗುವಂತಹ ‘ಬುದ್ಧಿವಂತ ಸಲಹೆಗಳು' ಸಾಕಷ್ಟು ಉಪಯೋಗಕ್ಕೆ ಬರಲಿದೆ. ಇದರಿಂದ ಹಿಂದಿನ ಸರ್ಚ್‌ ಮತ್ತು ಕೀವರ್ಡ್‌ಗಳಿಗೆ ಸಲಹೆಗಳನ್ನು ಮತ್ತು ಇತ್ತೀಚೆಗೆ ಪ್ರವೇಶಿಸಿದ ಫೈಲ್‌ಗಳನ್ನು ಇದು ತೋರಿಸಲಿದೆ.

ಇನ್ನು ಆಂಡ್ರಾಯ್ಡ್ ಅಥವಾ ಐಒಎಸ್ ಸಾಧನದಲ್ಲಿ ಡ್ರೈವ್‌ನ ಇತ್ತೀಚಿನ ಆವೃತ್ತಿಯನ್ನು ಹೊಂದಿರುವ ಬಳಕೆದಾರರಿಗೆ ಈ ಹೊಸ ಫೀಚರ್ಸ್‌ಗಳು ಲಭ್ಯವಿರುತ್ತವೆ. ಫೀಚರ್ಸ್‌ಗಳು ಕಾರ್ಯನಿರ್ವಹಿಸಲು ‘ವೆಬ್ ಮತ್ತು ಅಪ್ಲಿಕೇಶನ್ ಆಕ್ಟಿವಿಟಿ' ಯನ್ನು ಸಹ ಸಕ್ರಿಯಗೊಳಿಸಬೇಕು ಎಂದು ಗೂಗಲ್ ಹೇಳಿದೆ. ಇದನ್ನು ಸಕ್ರಿಯಗೊಳಿಸುವುದರಿಂದ Google ಸೈಟ್‌ಗಳು ಮತ್ತು ಅಪ್ಲಿಕೇಶನ್‌ಗಳಲ್ಲಿ ನಿಮ್ಮ ಚಟುವಟಿಕೆಗಳನ್ನು ಉಳಿಸುತ್ತದೆ. ಇದರಿಂದ Google ಸೇವೆಗಳಲ್ಲಿ ವೇಗವಾಗಿ ಸರ್ಚ್‌ ಮಾಡಲು ಸಾಧ್ಯವಾಗಲಿದೆ.

ಇದಲ್ಲದೆ ಬಳಕೆದಾರರು ತಮ್ಮ ಫೈಲ್‌ಗಳನ್ನು Google ಡ್ರೈವ್‌ನಲ್ಲಿ ಶೀರ್ಷಿಕೆ, ಫೈಲ್ ವಿಷಯಗಳು ಮತ್ತು ಚಿತ್ರಗಳು, ಪಿಡಿಎಫ್‌ಗಳು ಅಥವಾ ಡ್ರೈವ್‌ನಲ್ಲಿ ಸಂಗ್ರಹವಾಗಿರುವ ಇತರ ಫೈಲ್‌ಗಳಲ್ಲಿ ಹುಡುಕುವ ಮೂಲಕ ಹುಡುಕಬಹುದು. ಈ ಹೊಸ ಗೂಗಲ್ ಡ್ರೈವ್ ಅಪ್ಲಿಕೇಶನ್ ಫೀಚರ್ಸ್‌ಗಳು ಗೂಗಲ್ ವರ್ಕ್‌ಪೇಸ್ ಎಸೆನ್ಷಿಯಲ್ಸ್, ಬಿಸಿನೆಸ್ ಸ್ಟಾರ್ಟರ್, ಬಿಸಿನೆಸ್ ಸ್ಟ್ಯಾಂಡರ್ಡ್, ಬಿಸಿನೆಸ್ ಪ್ಲಸ್, ಎಂಟರ್‌ಪ್ರೈಸ್ ಎಸೆನ್ಷಿಯಲ್ಸ್, ಎಂಟರ್‌ಪ್ರೈಸ್ ಸ್ಟ್ಯಾಂಡರ್ಡ್ ಮತ್ತು ಎಂಟರ್‌ಪ್ರೈಸ್ ಪ್ಲಸ್, ಜೊತೆಗೆ ಜಿ ಸೂಟ್ ಬೇಸಿಕ್, ಬಿಸಿನೆಸ್, ಎಜುಕೇಶನ್, ಗಳಲ್ಲಿ ಲಭ್ಯವಾಗಲಿದೆ.