ಐಫೋನ್‌ 12 ಫೋನಿಗೆ ಅಮೆಜಾನ್ ನೀಡಿರುವ ಡಿಸ್ಕೌಂಟ್ ತಿಳಿದ್ರೆ, ಅಚ್ಚರಿ ಪಡ್ತಿರಾ!

ಬ್ರೇಕಿಂಗ್ ನ್ಯೂಸ್

ಸೌಜನ್ಯಾ ಕೊಲೆ ಪ್ರಕರಣವನ್ನು ಮುಚ್ಚಿ ಹಾಕಿದ್ದೇ ಆರ್. ಅಶೋಕ್, ಬುಡಕ್ಕೆ ಬರುತ್ತೆಂಬ ಭಯದಲ್ಲಿ ಏನೇನೊ ಹೇಳುತ್ತಿದ್ದಾರೆ, ವಿಜಯೇಂದ್ರ ಕರೆದಿದ್ದರೆ ಷಡ್ಯಂತ್ರದ ಬಗ್ಗೆ ಎಲ್ಲವನ್ನೂ ಬಿಚ್ಚಿಡುತ್ತಿದ್ದೆ ; ಗಿರೀಶ್ ಮಟ್ಟಣ್ಣನವರ್ | Dharmasthala, Sameer Md, House Raid: ಧರ್ಮಸ್ಥಳ ವಿರುದ್ಧ ಸುದ್ದಿ ಪ್ರಸಾರ ; ಯೂಟ್ಯೂಬರ್ ಸಮೀರ್ ಬನ್ನೇರುಘಟ್ಟ ಮನೆಗೆ ಬೆಳ್ತಂಗಡಿ ಪೊಲೀಸರ ದಾಳಿ, ಕಂಪ್ಯೂಟರ್, ಮೊಬೈಲ್ ವಶಕ್ಕೆ | ಗಣೇಶ ವಿಸರ್ಜನೆ ಸಡಗರ ಹಿನ್ನೆಲೆ ; ಮುಂಬೈ ಮಹಾನಗರದಲ್ಲಿ ಈದ್‌ ಹಬ್ಬದ ರಜೆ ಬದಲು, ಸೆ.8ಕ್ಕೆ ಈದ್ ಮೆರವಣಿಗೆ, ರಜೆ |

ಐಫೋನ್‌ 12 ಫೋನಿಗೆ ಅಮೆಜಾನ್ ನೀಡಿರುವ ಡಿಸ್ಕೌಂಟ್ ತಿಳಿದ್ರೆ, ಅಚ್ಚರಿ ಪಡ್ತಿರಾ!

26-06-21 10:35 am GIZBOT Mantesh ಡಿಜಿಟಲ್ ಟೆಕ್

ಐಫೋನ್ 12 ಡಿಸೈನ್‌ ಹಾಗೂ ಡ್ಯುಯಲ್‌ ಕ್ಯಾಮೆರಾ ಸೆನ್ಸಾರ್‌ ಆಯ್ಕೆಗಳಿಂದ ಗ್ರಾಹಕರನ್ನು ಸೆಳೆದಿದೆ. ಇದೀಗ ಐಫೋನ್ 12 ರಿಯಾಯಿತಿ ಲಭ್ಯತೆಯು ಗ್ರಾಹಕರನ್ನು ಆಕರ್ಷಿಸಿದೆ.

ಒಂದಿಲ್ಲೊಂದು ವಿಶೇಷ ಆಫರ್‌ಗಳಿಂದ ಗುರುತಿಸಿಕೊಂಡಿರುವ ಇ-ಕಾಮರ್ಸ್ ದೈತ್ಯ ಅಮೆಜಾನ್ ಆನ್‌ಲೈನ್‌ ಶಾಪಿಂಗ್ ಪ್ರಿಯರ ಫೇವರೇಟ್‌ ತಾಣವೆನಿಸಿದೆ. ಅಮೆಜಾನ್ ಇದೀಗ ಆಪಲ್‌ ಐಫೋನ್‌ 12 ಗೆ ಭರ್ಜರಿ ಡಿಸ್ಕೌಂಟ್‌ ತಿಳಿಸಿದೆ.

ಹೌದು, ಜನಪ್ರಿಯ ಇ-ಕಾಮರ್ಸ್ ತಾಣ ಅಮೆಜಾನ್ ಐಫೋನ್‌ 12 ಫೋನಿಗೆ 9000ರೂ.ಗಳ ಡಿಸ್ಕೌಂಟ್‌ ಘೋಷಿಸಿದೆ. 79,900ರೂ.ಗಳ ಪ್ರೈಸ್‌ ಟ್ಯಾಗ್‌ನಲ್ಲಿ ಕಾಣಿಸಿಕೊಂಡಿದ್ದ 64GB ಸ್ಟೋರೇಜ್‌ ವೇರಿಯಂಟ್‌ನ ಐಫೋನ್ 12 ಮಾಡೆಲ್‌ ರಿಯಾಯಿತಿಯಿಂದಾಗಿ 70,900 ರೂ.ಗಳ ಬೆಲೆಯಲ್ಲಿ ಕಾಣಿಸಿಕೊಂಡಿದೆ. ಹಾಗೆಯೇ 256GB ಸ್ಟೋರೇಜ್‌ ವೇರಿಯಂಟ್‌ ಐಫೋನ್ ಮಾಡೆಲ್ 94,900ರೂ.ಗಳ ದರದಲ್ಲಿ ಕಾಣಿಸಿಕೊಂಡಿದೆ.

ರಿಯಾಯಿತಿ ದರಕ್ಕೆ ಹೆಚ್ಚುವರಿಯಾಗಿ, ಖರೀದಿದಾರರು ಅಮೆಜಾನ್ ಪೇ ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ನಲ್ಲಿ 400 ರೂ ಕ್ಯಾಶ್‌ಬ್ಯಾಕ್ ಪಡೆಯಬಹುದು. ಹೊಸ ಐಫೋನ್ 12 ಗಾಗಿ ತಮ್ಮ ಹಳೆಯ ಫೋನ್‌ಗಳನ್ನು ವಿನಿಮಯ ಮಾಡಿಕೊಳ್ಳಲು ಬಯಸುವವರು 11,500 ರೂ.ಗಳ ವಿನಿಮಯ ಕೊಡುಗೆಗಳನ್ನು ಸಹ ಪಡೆಯಬಹುದು. ಒಪ್ಪಂದವನ್ನು ಮತ್ತಷ್ಟು ಸಿಹಿಗೊಳಿಸಲು ಅಮೆಜಾನ್ ಯಾವುದೇ ವೆಚ್ಚವಿಲ್ಲದ ಇಎಂಐ ಆಯ್ಕೆಗಳನ್ನು ಸಹ ನೀಡುತ್ತಿದೆ.

ಐಫೋನ್ 12 ಫೀಚರ್ಸ್‌

ಐಫೋನ್ 12 OLED ಡಿಸ್‌ಪ್ಲೇ ಹೊಂದಿದ್ದು, A14 ಬಯೋನಿಕ್ ಸೋಕ್ ಕ್ವಾಡ್‌ ಕೋರ್ ಪ್ರೊಸೆಸರ್‌ ಅನ್ನು ಹೊಂದಿದೆ. 5G ಅನ್ನು ಬೆಂಬಲಿಸುತ್ತದೆ. ಐಫೋನ್ 12 ಫೋನ್ ಎರಡು ಕ್ಯಾಮೆರಾ ಹೊಂದಿದ್ದು, ಅವುಗಳು ಕ್ರಮವಾಗಿ 12 ಮೆಗಾಪಿಕ್ಸೆಲ್ ವೈಡ್-ಆಂಗಲ್ ಸಂವೇದಕಗಳನ್ನು ಹೊಂದಿವೆ. ನೈಟ್‌ ಮೋಡ್‌ ಆಯ್ಕೆ ಇದ್ದು ಕಡಿಮೆ ಬೆಳಕಿನಲ್ಲಿಯೂ ಅತ್ಯುತ್ತಮ ಫೋಟೊ ಸೆರೆಹಿಡಿಯಲು ನೆರವಾಗಲಿದೆ.

ಹಾಗೆಯೇ ಐಫೋನ್ 12 ಮಿನಿ ಸೇರಿದಂತೆ ಐಫೋನ್ 12 ಸರಣಿಯ ಇತರ ಮಾದರಿಗಳಲ್ಲೂ ಇದೇ ರೀತಿಯ ರಿಯಾಯಿತಿಗಳು ಲಭ್ಯವಿದೆ. ಐಫೋನ್ 12 ಮಿನಿ ರೂಪಾಂತರವು ಒಟ್ಟು 6,000ರೂ.ಗಳ ಡಿಸ್ಕೌಂಟ್‌ ಪಡೆದಿದೆ. ರಿಯಾಯಿತಿಗಿಂತ ಮೊದಲು ಈ ಫೋನ್ 69,900ರೂ.ಗಳ ಬೆಲೆಯನ್ನು ಹೊಂದಿತ್ತು.

ಐಫೋನ್ 12 ಮಿನಿ ಫೀಚರ್ಸ್‌

ಐಫೋನ್ 12 ಮಿನಿ 5.4-ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯು ಸೂಪರ್ ರೆಟಿನಾ XRD ಡಿಸ್‌ಪ್ಲೇ ಮಾದರಿಯಲ್ಲಿದೆ. ಇದು ಸಹ A14 ಬಯೋನಿಕ್ ಎಸ್‌ಒಸಿ ಹಾಗೂ, 5G ಸಪೋರ್ಟ್ ಪಡೆದಿದೆ. ಐಫೋನ್ 12 ಮಿನಿ ಬಹುತೇಕ ಐಫೋನ್ 12 ಫೀಚರ್ಸ್‌ಗಳನ್ನು ಹೊಂದಿದ್ದು, ಗಾತ್ರದಲ್ಲಿ ಮಾತ್ರ ವ್ಯತ್ಯಾಸವಿದೆ. ಈ ರಿಯಾಯಿತಿ ಬೆಲೆಗಳು ಅಮೆಜಾನ್‌ನಲ್ಲಿ ಸೀಮಿತ ಸಮಯದ ಒಪ್ಪಂದವಾಗಿದ್ದರೂ, ಐಫೋನ್ 12 ಸರಣಿಯಲ್ಲಿನ ಇಂತಹ ಬೆಲೆ ಕಡಿತವು ಮುಂಬರುವ ತಿಂಗಳುಗಳಲ್ಲಿ ಶಾಶ್ವತವಾಗಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಏಕೆಂದರೆ ಕ್ಯುಪರ್ಟಿನೋ ಟೆಕ್ ಮೇಜರ್ ತನ್ನ ಮುಂದಿನ ಸಾಲಿನ ಐಫೋನ್ ಅನ್ನು ಪರಿಚಯಿಸಲು ಸಿದ್ಧವಾಗಿದೆ.

ಐಫೋನ್ 12 ಎಸ್ ಎಂದು ಕರೆಯುವ ಸಾಧ್ಯತೆ ಇದೆ, ಹೊಸ ಐಫೋನ್ ಸರಣಿಯು ಐಫೋನ್ 12 ಎಸ್, ಐಫೋನ್ 12 ಎಸ್ ಪ್ರೊ, ಐಫೋನ್ 12 ಎಸ್ ಮ್ಯಾಕ್ಸ್ ಮತ್ತು ಐಫೋನ್ 12 ಎಸ್ ಮಿನಿ ಎಂಬ ನಾಲ್ಕು ಹೊಸ ಮಾದರಿಗಳನ್ನು ಪರಿಚಯಿಸುತ್ತದೆ.

(Kannada Copy of Gizbot Kannada)