mAadhaar ಕಾರ್ಡ್‌ನಲ್ಲಿ ಹೊಸ ಅಪ್ಡೇಟ್‌! ವಿಶೇಷತೆ ಏನು?

ಬ್ರೇಕಿಂಗ್ ನ್ಯೂಸ್

Vittal Gowda, Mangalore, Dharmasthala: ವಿಠಲ ಗೌಡ ಬಗ್ಗೆ ಆರೋಪಿಸಿದ್ದ ಸ್ನೇಹಮಯಿ ವಿರುದ್ಧವೇ ಪೊಲೀಸ್ ದೂರು ; ಸೌಜನ್ಯಾ ಹೋರಾಟ ದಾರಿ ತಪ್ಪಿಸುವ ದುರುದ್ದೇಶ, ಯಾರ ಪಿತೂರಿಯಿಂದ ದೂರು ನೀಡಿದ್ದೆಂದು ತನಿಖೆಗೆ ಒತ್ತಾಯ | ನಾನು ಶಿವಭಕ್ತ ; ನಿಂದನೆಯ ವಿಷವನ್ನು ಕುಡಿದು ಜೀರ್ಣಿಸಿಕೊಳ್ಳಬಲ್ಲೆ, ಆರ್ ಜೆಡಿ -ಕಾಂಗ್ರೆಸ್ ಟೀಕೆಗೆ ಅಸ್ಸಾಂನಲ್ಲಿ ಪ್ರಧಾನಿ ಮೋದಿ ತಿರುಗೇಟು | Mangalore Protest: ರಸ್ತೆ ನಮ್ಮ ಹಕ್ಕು, ಭಿಕ್ಷೆಯಲ್ಲ ; ತೆರಿಗೆ, ಟೋಲ್ ಕಟ್ಟುತ್ತೇವೆ, ಒಳ್ಳೆ ರಸ್ತೆ ಕೊಡಿ, ಟ್ರೋಲ್ ಮಾಡುವ ಬದಲು ಜನಪ್ರತಿನಿಧಿಗಳನ್ನು ಪ್ರಶ್ನಿಸಿ, ರಸ್ತೆ ಗುಂಡಿ ವಿರುದ್ಧ ಬೀದಿಗಿಳಿದ ವಿದ್ಯಾರ್ಥಿಗಳು, ಯುವಜನರು |

mAadhaar ಕಾರ್ಡ್‌ನಲ್ಲಿ ಹೊಸ ಅಪ್ಡೇಟ್‌! ವಿಶೇಷತೆ ಏನು?

06-07-21 11:19 am GIZBOT Mutthuraju H M ಡಿಜಿಟಲ್ ಟೆಕ್

ಡಿಜಿಟಲ್‌ ಆಧಾರ್‌ ಕಾರ್ಡ್‌ ಅನ್ನು MAadhaar ಅಪ್ಲಿಕೇಶನ್‌ನಲ್ಲಿ ಡೌನ್‌ಲೋಡ್‌ ಮಾಡಿಕೊಳ್ಳಲು ಅವಕಾಶ ಇದೆ.

ಪ್ರಸ್ತುತ ದಿನಗಳಲ್ಲಿ ಎಲ್ಲ ಕೆಲಸಗಳಿಗೂ ಆಧಾರ್‌ ಕಾರ್ಡ್‌ ಅಗತ್ಯವಿದೆ. ಅಲ್ಲದೆ ಹಲವು ಸರ್ಕಾರಿ ಸೇವೆಗಳನ್ನು ಪಡೆಯುವವರಿಗೆ ಆಧಾರ್‌ ಕಾರ್ಡ್‌ ಅತಿ ಅವಶ್ಯಕವಾಗಿದೆ. ಇನ್ನು ಆಧಾರ್‌ ಕಾರ್ಡ್‌ ಕಳೆದು ಹೋದಾಗ ಇಲ್ಲವೇ ಅಗತ್ಯ ಸಂದರ್ಭಗಳಲ್ಲಿ ಆಧಾರ್ ಕಾರ್ಡ್‌ ದೊರಕದೆ ಇದ್ದಾಗ ಏನು ಮಾಡೋ ಅನ್ನೊ ಗೊಂದಲ ಸಹಜ. ಇದೇ ಕಾರಣಕ್ಕೆ ಇಂತಹ ಸಂದರ್ಭಗಳಲ್ಲಿ ಡಿಜಿಟಲ್ ಆಧಾರ್ ಕಾರ್ಡ್‌ ನೆರವಾಗಲಿದೆ. ಈ ಡಿಜಿಟಲ್‌ ಆಧಾರ್‌ ಕಾರ್ಡ್‌ ಅನ್ನು MAadhaar ಅಪ್ಲಿಕೇಶನ್‌ನಲ್ಲಿ ಡೌನ್‌ಲೋಡ್‌ ಮಾಡಿಕೊಳ್ಳಲು ಅವಕಾಶ ಇದೆ.

ಹೌದು, MAadhaar ಅಪ್ಲಿಕೇಶನ್‌ ಆಧಾರ್‌ ಸೇರಿದಂತೆ 35ಕ್ಕೂ ಅಧಿಕ ಸೇವೆಗಳನ್ನು ಒಳಗೊಂಡಿದೆ. ಸದ್ಯ ಇದೀಗ ಯುನಿಕ್ ಐಡೆಂಟಿಫಿಕೇಶನ್ ಅಥಾರಿಟಿ ಆಫ್ ಇಂಡಿಯಾ (ಯುಐಡಿಎಐ) ಲಭ್ಯವಿರುವ 35 ಸೇವೆಗಳನ್ನು ಮೊಬೈಲ್ ಫೋನ್‌ಳೊಂದಿಗೆ ಜನರಿಗೆ ಒದಗಿಸುವ ಎಂಎಧಾರ್ ಅಪ್ಲಿಕೇಶನ್ ಅನ್ನು ನವೀಕರಿಸಿದೆ. ಅದರಲ್ಲಿ ಕಾರ್ಡ್ ಡೌನ್‌ಲೋಡ್, ಆಧಾರ್ ಕಾರ್ಡ್ ಸ್ಥಿತಿ ಪರಿಶೀಲನೆ, ಆಧಾರ್ ಕಾರ್ಡ್ ಮರುಮುದ್ರಣ ಸೇರಿದಂತೆ ಹಲವು ಅಪ್ಡೇಟ್‌ಗಳನ್ನು ಮಾಡಿದೆ. ಇನ್ನುಳಿದಂತೆ MAadhaar ನಲ್ಲಿ ಲಭ್ಯವಿರುವ ಹೊಸ ಫೀಚರ್ಸ್‌ಗಳೇನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

MAadhaar ನಲ್ಲಿ ಮಲ್ಟಿ ಲ್ಯಾಗ್ವೇಜ್‌ MAadhaar ಅಪ್ಲಿಕೇಶನ್‌ ಇದೀಗ ಬಹುಭಾಷೆಯನ್ನು ಬೆಂಬಲಿಸಲಿದೆ. ಇದರಲ್ಲಿ ಇಂಗ್ಲಿಷ್, ಹಿಂದಿ, ಅಸ್ಸಾಮೀಸ್, ಬಂಗಾಳಿ, ಗುಜರಾತಿ, ಕನ್ನಡ, ಮಲಯಾಳಂ, ಮರಾಠಿ, ಒಡಿಯಾ, ಪಂಜಾಬಿ, ತಮಿಳು, ತೆಲುಗು, ಮತ್ತು ಉರ್ದು ಸೇರಿದಂತೆ 13 ಭಾರತೀಯ ಭಾಷೆಗಳನ್ನು ಬೆಂಬಲಿಸಲಾಗುತ್ತದೆ.

mAadhaar ಸೇವೆಗಳು MAadhaar ಅಪ್ಲಿಕೇಶನ್‌ನಲ್ಲಿ ಅಪ್ಡೇಟ್‌ ಮಾಡಿದ ನಂತರ ಹೊಸದಾಗಿ ಮೂರು ವರ್ಗದ ಸೇವೆಗಳನ್ನು ಒದಗಿಸುತ್ತದೆ. ಅವುಗಳೆಂದರೆ ಎ) ಮುಖ್ಯ ಸೇವಾ ಡ್ಯಾಶ್‌ಬೋರ್ಡ್, ಬಿ) ಸ್ಥಿತಿ ಸೇವೆಗಳನ್ನು ವಿನಂತಿಸಿ ಮತ್ತು ಸಿ) ನನ್ನ ಆಧಾರ್. ಎಂದು ಹೇಳಲಾಗಿದೆ.

ಮುಖ್ಯ ಸೇವಾ ಡ್ಯಾಶ್‌ಬೋರ್ಡ್ ಇದು ಬಳಕೆದಾರರಿಗೆ ವಿಳಾಸಗಳನ್ನು ನವೀಕರಿಸಲು, ಮೊಬೈಲ್ ಸಂಖ್ಯೆಗಳನ್ನು ಪರಿಷ್ಕರಿಸಲು, ಆಫ್‌ಲೈನ್ ಇ-ಕೆವೈಸಿ ಡೌನ್‌ಲೋಡ್ ಮಾಡಲು, ಮರುಮುದ್ರಣ ಮಾಡಲು ಆದೇಶಿಸಲು, ಯುಐಡಿ ಮತ್ತು ಇಐಡಿ ಇತ್ಯಾದಿಗಳನ್ನು ಪಡೆಯಲು ಅನುಮತಿಸುತ್ತದೆ. ದಾಖಲಾತಿ ಕೇಂದ್ರ ವಿಭಾಗವು ಬಳಕೆದಾರರನ್ನು ಹತ್ತಿರದ ದಾಖಲಾತಿ ಕೇಂದ್ರಕ್ಕೆ ಸೂಚಿಸುತ್ತದೆ

ವರ್ಚುವಲ್ ಐಡಿ ಸೇವೆಗಳು: ವರ್ಚುವಲ್ ಐಡಿಯ ಮುಂದಿನ ಪೀಳಿಗೆಯನ್ನು ಅನುಮತಿಸುತ್ತದೆ ಮತ್ತು 3 ಪ್ರೊಫೈಲ್‌ಗಳನ್ನು ರಚಿಸಿ ಮತ್ತು ಅವುಗಳನ್ನು ನಿರ್ವಹಿಸಬಹುದಾಗಿದೆ. ಪೇಪರ್‌ಲೆಸ್ ಇ-ಪರಿಶೀಲನೆ: ಕಾಗದರಹಿತ ಪರಿಶೀಲನೆಗಾಗಿ ಬಳಕೆದಾರರು ತಮ್ಮ ಕ್ಯೂಆರ್ ಕೋಡ್ ಮತ್ತು ಪಾಸ್‌ವರ್ಡ್-ರಕ್ಷಿತ ಇ-ಕೆವೈಸಿ ಹಂಚಿಕೊಳ್ಳಲು ಅನುಮತಿಸುತ್ತದೆ. ಬಲಪಡಿಸಿದ ಭದ್ರತಾ ಕ್ರಮಗಳು: ಒನ್ ಟೈಮ್ ಪಾಸ್‌ವರ್ಡ್ ಪರಿಶೀಲನಾ ವ್ಯವಸ್ಥೆಯನ್ನು ಸಕ್ರಿಯಗೊಳಿಸಲಾಗಿದೆ. ಸದ್ಯ ಈ ಹೊಸ ಅಪ್ಡೇಟ್‌ನೊಂದಿಗೆ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಮತ್ತೆ mAadhaar ಅನ್ನು ಡೌನ್‌ಲೋಡ್ ಮಾಡುವುದು ಉತ್ತಮ ಎನಿಸಲಿದೆ.