ಭಾರತದ ಮೊಬೈಲ್ ಮಾರುಕಟ್ಟೆಯಲ್ಲಿ 5G ಸ್ಮಾರ್ಟ್‌ಫೋನ್‌ಗಳ ಸುರಿಮಳೆಯೇ ಆಗುತ್ತಿದ್ದು, ಇದೀಗ ಜನಪ್ರಿಯ iQoo Z ಸರಣಿಗೆ ನೂತನವಾಗಿ iQoo Z6 5G ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡಲಾಗಿದೆ. ಇದೇ ಬುಧವಾರದಂದು iQoo ಕಂಪೆನಿ ಆಯೋಜಿಸಿದ್ದ ಸರಳ ಸಮಾರಂಭದಲ್ಲಿ, 120Hz ಡಿಸ್‌ಪ್ಲೇ, ಆಕ್ಟಾ-ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 695 SoC, five-layer ಲಿಕ್ವಿಡ್ ಕೂಲಿಂಗ್ ಸಿಸ್ಟಮ್ ಹಾಗೂ ಟ್ರಿಪಲ್ ಹಿಂಬದಿಯ ಕ್ಯಾಮೆರಾಗಳಂತಹ ಫೀಚರ್ಸ್ ಹೊತ್ತು ಹೊಸ iQoo Z6 5G ಸ್ಮಾರ್ಟ್‌ಫೋನ್ ಲಾಂಚ್ ಆಗಿದೆ. Redmi Note 11 Pro+ 5G, Vivo T1 5G, ಮತ್ತು Samsung Galaxy A52 ನಂತಹ ಸ್ಮಾರ್ಟ್‌ಫೋನ್‌ಗಳಿಗೆ ಸೆಡ್ಡುಹೊಡೆಯುವಂತಹ ಫೀಚರ್ಸ್ ಹೊಂದಿರುವ ಈ ಸ್ಮಾರ್ಟ್‌ಫೋನ್ ಬೆಲೆಗಳು ಕೇವಲ 15,499ರೂ. ಗಳಿಂದ ಆರಂಭವಾಗಿದ್ದರೆ, HDFC ಬ್ಯಾಂಕ್ ಕಾರ್ಡ್ ಹೊಂದಿರುವ ಗ್ರಾಹಕರಿಗೆ 2,000 ರೂ.ಗಳ ತ್ವರಿತ ರಿಯಾಯಿತಿಯನ್ನು ಸಹ ಒದಗಿಸಲಾಗಿದೆ.

ಭಾರತದಲ್ಲಿ iQoo Z6 5G ಬೆಲೆ, ಬಿಡುಗಡೆ ಕೊಡುಗೆಗಳನ್ನು ಮೊದಲು ನೋಡುವುದಾದರೆ, ಮೊದಲೇ ಹೇಳಿದಂತೆ iQoo Z6 5G ಫೋನಿನ ಆರಂಭಿಕ ಬೆಲೆ ರೂ. 4GB RAM ಶೇಖರಣಾ ರೂಪಾಂತರಕ್ಕಾಗಿ 15,499 ರೂ.ಗಳಾಗಿವೆ. ಇದೇ ಫೋನ್ 6GB ಮತ್ತು 8GB ಮಾದರಿಗಳಲ್ಲಿಯೂ ಖರೀದಿಗೆ ಲಭ್ಯವಿದ್ದು, ಇವುಗಳ ಬೆಲೆಗಳು ಕ್ರಮವಾಗಿ 16,999 ಮತ್ತು 17,999 ರೂ.ಗಳಾಗಿವೆ. iQoo Z6 5G ಸ್ಮಾರ್ಟ್‌ಫೋನ್ ಕ್ರೋಮ್ಯಾಟಿಕ್ ಬ್ಲೂ ಮತ್ತು ಡೈನಮೋ ಕಪ್ಪು ಬಣ್ಣಗಳಲ್ಲಿ ಬಿಡುಗಡೆ ಯಾಗಿದ್ದು, ಇದೇ ಮಾರ್ಚ್ 22 ರಿಂದ Amazon ಮತ್ತು iQoo ಇಂಡಿಯಾ eStore ಮೂಲಕ ಖರೀದಿಗೆ ಲಭ್ಯವಿರುತ್ತದೆ. ಇನ್ನು iQoo Z6 5G ಫೋನಿನ ಬಿಡುಗಡೆಯ ಕೊಡುಗೆಗಳಾಗಿ, HDFC ಬ್ಯಾಂಕ್ ಕಾರ್ಡ್ ಅಥವಾ EMI ವಹಿವಾಟುಗಳ ಮೂಲಕ ಖರೀದಿಸುವ ಗ್ರಾಹಕರಿಗೆ 2,000 ತ್ವರಿತ ರಿಯಾಯಿತ ಹಾಗೂ ಯಾವುದೇ ವೆಚ್ಚದ EMI ಆಯ್ಕೆಗಳು ಮತ್ತು ವಿನಿಮಯ ರಿಯಾಯಿತಿಗಳೊಂದಿಗೆ ಫೋನ್ ಖರೀದಿಗೆ ಲಭ್ಯವಿರುತ್ತದೆ.

iQoo Z6 5G ಸ್ಮಾರ್ಟ್‌ಪೋನಿನ ವೈಶಿಷ್ಟಯಗಳನ್ನು ನೋಡುವುದಾದರೆ, ಡ್ಯುಯಲ್-ಸಿಮ್ (ನ್ಯಾನೋ) ಸಾಮರ್ಥ್ಯದ ನೂತನ iQoo Z6 5G ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ 12 ನಲ್ಲಿ Funtouch OS 12 ಜೊತೆಗೆ ರನ್ ಆಗಲಿದೆ. 6.58-ಇಂಚಿನ ಪೂರ್ಣ-HD+ (1,080x2,408 ಪಿಕ್ಸೆಲ್‌ಗಳು) ಡಿಸ್‌ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ ಮತ್ತು 240Hz ಟಚ್ ಸ್ಯಾಂಪ್ಲಿಂಗ್ ದರವನ್ನು ಹೊಂದಿದೆ. ಈ ಫೋನ್ 8GB ವರೆಗಿನ LPDDR4X RAM ಜೊತೆಗೆ ಆಕ್ಟಾ-ಕೋರ್ ಸ್ನಾಪ್‌ಡ್ರಾಗನ್ 695 SoC ಅನ್ನು ಹೊಂದಿದ್ದು, 128GB UFS 2.2 ಸಂಗ್ರಹಣೆಯೊಂದಿಗೆ ಬಂದಿದೆ. ಮೈಕ್ರೊ SD ಕಾರ್ಡ್ ಮೂಲಕ (1TB ವರೆಗೆ) ಅಂತರ್ಗತ ಸಂಗ್ರಹಣೆಯನ್ನು ವಿಸ್ತರಿಸಬಹುದಾಗಿರುವ.iQoo Z6 5G ಸ್ಮಾರ್ಟ್‌ಫೋನಿನ ಸಂಪರ್ಕ ಆಯ್ಕೆಗಳಲ್ಲಿ 5G, 4G LTE, Wi-Fi 802.11ac, ಬ್ಲೂಟೂತ್ v5.1, GPS/ A-GPS, USB ಟೈಪ್-C, ಮತ್ತು 3.5mm ಹೆಡ್‌ಫೋನ್ ಜ್ಯಾಕ್ ವೈಶಿಷ್ಟ್ಯಗಳ ಸೇರಿವೆ.

iQoo Z6 5G ಫೋನಿನಲ್ಲಿ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಇದೆ, 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕವು Samsung ISOCELL JN1 f/1.8 ಲೆನ್ಸ್ ಜೊತೆಗ 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಶೂಟರ್ ಮತ್ತು 2-ಮೆಗಾಪಿಕ್ಸೆಲ್ ಬೊಕೆ ಕ್ಯಾಮೆರಾವನ್ನು ಸಹ ಒಳಗೊಂಡಿದೆ. ಬೊಕೆ ಕ್ಯಾಮೆರಾವು 6GB ಮತ್ತು 8GB ಮಾದರಿಗಳಿಗೆ ಸೀಮಿತವಾಗಿದೆ ಮತ್ತು ಬೇಸ್ 4GB ರೂಪಾಂತರದಲ್ಲಿ ಲಭ್ಯವಿಲ್ಲ ಎಂಬುದನ್ನು ಗಮನಿಸಿ. ಇನ್ನು ಸೆಲ್ಫಿಗಳು ಮತ್ತು ವೀಡಿಯೊ ಚಾಟ್‌ಗಳಿಗಾಗಿ 16-ಮೆಗಾಪಿಕ್ಸೆಲ್ Samsung 3P9 ಸೆಲ್ಫಿ ಕ್ಯಾಮೆರಾ ಸಂವೇದಕದೊಂದಿಗೆ ಮುಂಭಾಗದಲ್ಲಿ f/2.0 ಲೆನ್ಸ್‌ನೊಂದಿಗೆ ಬರುತ್ತದೆ. ಫೋನಿನಲ್ಲಿನ ಸಂವೇದಕಗಳಲ್ಲಿ ಅಕ್ಸೆಲೆರೊಮೀಟರ್, ಆಂಬಿಯೆಂಟ್ ಲೈಟ್, ಮ್ಯಾಗ್ನೆಟೋಮೀಟರ್ ಮತ್ತು ಸಾಮೀಪ್ಯ ಸಂವೇದಕವನ್ನು ಒಳಗೊಂಡಿವೆ. ಫೋನ್ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್‌ನೊಂದಿಗೆ ಬರುತ್ತದೆ. ಒಟ್ಟಾರೆಯಾಗಿ ಈ ನೂತನ iQoo Z6 5G ಮರುಬ್ಯಾಡ್ಜ್ ಮಾಡಲಾದ Vivo T1 5G ಫೋನಿನಂತೆ ಕಂಡುಬರುತ್ತದೆ.

• Join our WhatsApp group
• Follow us on Facebook 
• Follow us on Twitter 

Iqoo Z6 5g With 120hz Display, Triple Rear Cameras Launched In India.