ಭರ್ಜರಿ ಸಿಹಿಸುದ್ದಿ: ಭಾರತದಲ್ಲಿ 'Xiaomi Pad 5' ಟ್ಯಾಬ್ಲೆಟ್ ರಿಲೀಸ್ ಡೇಟ್ ಫಿಕ್ಸ್!

ಬ್ರೇಕಿಂಗ್ ನ್ಯೂಸ್

Lokayukta, Dinesh Gundu Rao: ಜಮೀರ್ ಅಹ್ಮದ್ ಅಕ್ರಮ ಆಸ್ತಿ ತನಿಖೆ ; ಪಾಲುದಾರ ದಿನೇಶ್ ಗುಂಡೂರಾವ್ ತನಿಖೆಗೆ ಲೋಕಾಯುಕ್ತ ನೋಟಿಸ್ | Nanjegowda MLA, Malur: ಮಾಲೂರು ಕಾಂಗ್ರೆಸ್ ಶಾಸಕ ನಂಜೇಗೌಡ ಶಾಸಕ ಸ್ಥಾನದಿಂದ ಅನರ್ಹ ; ಮರು ಮತ ಎಣಿಕೆಗೆ ಹೈಕೋರ್ಟ್ ಆದೇಶ, ಚುನಾವಣೆ ತಕರಾರು ಅರ್ಜಿಯಲ್ಲಿ ಕೋರ್ಟ್ ತೀರ್ಪು | Vijayapura Bank Robbery: ಮಹಾರಾಷ್ಟ್ರ ಗಡಿಭಾಗದ ವಿಜಯಪುರದಲ್ಲಿ ಮತ್ತೆ ಭಾರೀ ಪ್ರಮಾಣದ ಬ್ಯಾಂಕ್ ರಾಬರಿ ; ಬ್ಯಾಂಕ್ ಸಿಬಂದಿ ಕಟ್ಟಿಹಾಕಿ 8 ಕೋಟಿ ನಗದು, 50 ಕೇಜಿ ಚಿನ್ನಾಭರಣ ಲೂಟಿ, ಜನನಿಬಿಡ ಪ್ರದೇಶದಲ್ಲೇ ಮುಸುಕುಧಾರಿಗಳ ಕೃತ್ಯ ! |

ಭರ್ಜರಿ ಸಿಹಿಸುದ್ದಿ: ಭಾರತದಲ್ಲಿ 'Xiaomi Pad 5' ಟ್ಯಾಬ್ಲೆಟ್ ರಿಲೀಸ್ ಡೇಟ್ ಫಿಕ್ಸ್!

20-04-22 07:22 pm Source: Vijayakarnataka ಡಿಜಿಟಲ್ ಟೆಕ್

ದೇಶದಲ್ಲಿ ತನ್ನ ನೂತನ Xiaomi Pad 5 ಟ್ಯಾಬ್ಲೆಟ್ ಆಗಮನವನ್ನು Xiaomi ಕಂಪೆನಿ ಖಚಿತಪಡಿಸಿದ್ದು, ಈ ಬಗ್ಗೆ ವಿಡಿಯೋ ಟೀಸರ್ ಒಂದನ್ನು ಸಹ ಹಂಚಿಕೊಂಡಿದೆ, Xiaomi ಬಿಡುಗಡೆ...

ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಜಾಗತಿಕವಾಗಿ ಬಿಡುಗಡೆ ಮಾಡಲಾಗಿದ್ದ Xiaomiಯ ನೂತನ 'Xiaomi Pad 5' ಟ್ಯಾಬ್ಲೆಟ್ ಅನ್ನು ಇದೀಗ ಭಾರತದಲ್ಲಿ ಬಿಡುಗಡೆ ಮಾಡಲಾಗುತ್ತಿದೆ. ದೇಶದಲ್ಲಿ ತನ್ನ ನೂತನ Xiaomi Pad 5 ಟ್ಯಾಬ್ಲೆಟ್ ಆಗಮನವನ್ನು Xiaomi ಕಂಪೆನಿ ಖಚಿತಪಡಿಸಿದ್ದು, ಈ ಬಗ್ಗೆ ವಿಡಿಯೋ ಟೀಸರ್ ಒಂದನ್ನು ಸಹ ಹಂಚಿಕೊಂಡಿದೆ, Xiaomi ಬಿಡುಗಡೆ ಮಾಡಿರುವ ಟೀಸರ್ ವಿಡಿಯೋದಲ್ಲಿ Xiaomi Pad 5 ಸಾಧನದ ವಿನ್ಯಾಸವನ್ನು ಬಹಿರಂಗಪಡಿಸಲಾಗಿದ್ದು, ಇದೇ ಏಪ್ರಿಲ್ 27 ರಂದು ಭಾರತದ ಮಾರುಕಟ್ಟೆಯಲ್ಲಿ ತನ್ನ Xiaomi Pad 5 ಸಾಧನವನ್ನು ಬಿಡುಗಡೆ ಮಾಡುವುದಾಗಿ ತಿಳಿಸಿದೆ. ಹಾಗಾದರೆ, ಭಾರತದಲ್ಲಿ ನೂತನ 'Xiaomi Pad 5' ಟ್ಯಾಬ್ಲೆಟ್ ಹೊಂದಿರಬಹುದಾದ ವೈಶಿಷ್ಟ್ಯಗಳು ಯಾವುವು ಮತ್ತು ಬೆಲೆಗಳು ಎಷ್ಟು ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿಯೋಣ ಬನ್ನಿ.

Xiaomi Pad 5 ಟ್ಯಾಬ್‌ನ ಭಾರತೀಯ ರೂಪಾಂತರವು ಜಾಗತಿಕ ರೂಪಾಂತರದಂತೆಯೇ ಹೆಚ್ಚಿನ ಫೀಚರ್ಸ್‌ಗಳನ್ನು ಹೊಂದಿರುವ ಸಾಧ್ಯತೆಯಿದೆ. ಜಾಗತಿಕ ರೂಪಾಂತರದ Xiaomi Pad 5 ಟ್ಯಾಬ್ MIUI 12.5 ಜೊತೆಗೆ Android 11 ನಲ್ಲಿ ರನ್ ಆಗುತ್ತದೆ ಮತ್ತು 11-ಇಂಚಿನ WQHD+ (1,600x2,560 ಪಿಕ್ಸೆಲ್) TrueTone ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ ಮತ್ತು 16:10 ಆಕಾರ ಅನುಪಾತವನ್ನು ಹೊಂದಿದೆ. ಇದರ ಪ್ರದರ್ಶನವು ಡಾಲ್ಬಿ ವಿಷನ್ ಮತ್ತು HDR10 ಬೆಂಬಲದೊಂದಿಗೆ ಬರುತ್ತದೆ. ಇದಲ್ಲದೆ, ಟ್ಯಾಬ್ಲೆಟ್ ಫೇಸ್ ಅನ್‌ಲಾಕ್‌ಗೆ ಬೆಂಬಲವನ್ನು ನೀಡುತ್ತದೆ ಮತ್ತು ಬಹುಕಾರ್ಯಕಕ್ಕಾಗಿ ಸ್ಪ್ಲಿಟ್-ಸ್ಕ್ರೀನ್ ವೈಶಿಷ್ಟ್ಯವನ್ನು ಹೊಂದಿದೆ. ಇನ್ನು ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 860 SoC ನಿಂದ ಚಾಲಿತವಾಗಿರುವ ಈ ಸಾಧನವು 6GB LPDDR4X RAM ಜೊತೆಗೆ ಜೋಡಿಸಲ್ಪಟ್ಟಿದೆ.

Xiaomi Pad 5 ಟ್ಯಾಬ್‌ನ ಕ್ಯಾಮೆರಾ ಸಾಮರ್ಥ್ಯವನ್ನು ನೋಡುವುದಾದರೆ, ಈ ಸಾಧನವು ಎಲ್ಇಡಿ ಫ್ಲ್ಯಾಷ್ ಜೊತೆಗೆ ಹಿಂಭಾಗದಲ್ಲಿ ಒಂದೇ 13-ಮೆಗಾಪಿಕ್ಸೆಲ್ ಕ್ಯಾಮೆರಾ ಸಂವೇದಕವನ್ನು ಹೊಂದಿದೆ. ಸೆಲ್ಫಿಗಳಿಗಾಗಿ, Xiaomi ಮುಂಭಾಗದಲ್ಲಿ 1080p ರೆಕಾರ್ಡಿಂಗ್‌ ಸಾಮರ್ಥ್ಯದ 8-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ. Xiaomi Pad 5 ನಲ್ಲಿನ ಸಂಪರ್ಕ ಆಯ್ಕೆಗಳಲ್ಲಿ, Wi-Fi, ಬ್ಲೂಟೂತ್ v5 ಮತ್ತು USB ಟೈಪ್-C ಪೋರ್ಟ್ ಫೀಚರ್ಸ್ ಒಳಗೊಂಡಿವೆ. Xiaomi Pad 5 ಟ್ಯಾಬ್ಲೆಟ್ 8,720mAh ಸಾಮರ್ಥ್ಯದ ಬ್ಯಾಟರಿಯಿಂದ ಬೆಂಬಲಿತವಾಗಿದ್ದು, ಇದು 33W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಡಾಲ್ಬಿ ಅಟ್ಮಾಸ್‌ಗೆ ಬೆಂಬಲದೊಂದಿಗೆ ನಾಲ್ಕು ಸ್ಪೀಕರ್‌ಗಳನ್ನು ಹೊಂದಿರುವ ಈ ಸಾಧನವು UFS 3.1 ಆನ್‌ಬೋರ್ಡ್ 256GB ವರೆಗೆ ಸಂಗ್ರಹಣೆಯನ್ನು ನೀಡುತ್ತದೆ.

Xiaomi Pad 5 India Launch Date Set for April 27, Expected Specifications | Technology News

Xiaomi Pad 5 ಟ್ಯಾಬ್ಲೆಟ್ ಅನ್ನು ಭಾರತವನ್ನು ಹೊರತುಪಡಿಸಿ ಜಾಗತಿಕ ಮಾರುಕಟ್ಟೆಗಳಲ್ಲಿ 6GB RAM + 128GB ಸ್ಟೋರೇಜ್ ಆಯ್ಕೆಗಾಗಿ EUR 349 (ಸರಿಸುಮಾರು Rs.30,300) ಬೆಲೆಯೊಂದಿಗೆ ಬಿಡುಗಡೆ ಮಾಡಲಾಗಿತ್ತು. 6GB RAM + 256GB ಸ್ಟೋರೇಜ್ ಆಯ್ಕೆಗಾಗಿ ಇದರ ಬೆಲೆ EUR 399 (ಸುಮಾರು ರೂ. 34,600) ಗಳಿಗೆ ಬಿಡುಗಡೆ ಮಾಡಲಾಗಿತ್ತು. ಈ ಸಾಧನವು ಜಾಗತಿಕವಾಗಿ ಕಾಸ್ಮಿಕ್ ಗ್ರೇ ಮತ್ತು ಪರ್ಲ್ ವೈಟ್ ಬಣ್ಣದ ಆಯ್ಕೆಗಳಲ್ಲಿ ಬಿಡುಗಡೆಗೊಂಡಿತ್ತು. ಇದೀಗ ಭಾರತೀಯ ಮಾರುಕಟ್ಟೆಗೆ ಎಂಟ್ರಿ ನೀಡಲಿರುವ ಇದೇ ಸಾಧನದ ಬೆಲೆಗಳನ್ನು ಹೇಗೆ ನಿಗದಿಪಡಿಸಲಾಗುತ್ತದೆ ಎಂಬುದು ಸ್ಪಷ್ಟವಾಗಿಲ್ಲ. ಏಪ್ರಿಲ್ 27 ರಂದು ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ದೊರೆಯಲಿದ್ದು, ವಿಜಯಕರ್ನಾಟಕ ಟೆಕ್ ತಾಣದಲ್ಲಿ ಈ ಬಗ್ಗೆ ಸಂಪೂರ್ಣ ಅಪ್‌ಡೇಟ್ ಅನ್ನು ಪಡೆಯಲು ಮರೆಯದಿರಿ.